Sa Kabilang Buhay At Kababalaghan (Tagalog NDEs & Supernatural Stories)

Ang Gantimpala Ko Sa Langit

𝐄𝐩𝐢𝐬𝐨𝐝𝐞 75 - 𝐒𝐚 𝐊𝐚𝐛𝐢𝐥𝐚𝐧𝐠 𝐁𝐮𝐡𝐚𝐲 𝐀𝐭 𝐊𝐚𝐛𝐚𝐛𝐚𝐥𝐚𝐠𝐡𝐚𝐧

Ang istoryang mapapakinggan ninyo ay tungkol sa totoong karanasan ni Maria.  Isa si Maria sa mga naunang nagkasakit ng Covid noong 2019 sa New York at ito ang kaniyang ikinamatay.  Sa kaniyang pagkamatay, napunta siya sa langit at ipinakita sa kaniya ng Panginoon ang kaniyang gantimpala at kung bakit siya ginatimpalaan.  Gayunman, pinili ni Maria na bumalik sa lupa.  Alamin kung bakit mas pinili ni Maria na bumalik sa lupa kahit nandoon na siya sa langit pagkatapos makita ang ang kaniyang gantimpala.  Pakinggan ang detalye ng kaniyang karanasan.

Pro-choice Ako Hanggang Sa Makita Ko Ito

𝐄𝐩𝐢𝐬𝐨𝐝𝐞 74 - 𝐒 𝐊𝐚𝐛𝐢𝐥𝐚𝐧𝐠 𝐁𝐮𝐡𝐚𝐲 𝐀𝐭 𝐊𝐚𝐛𝐚𝐛𝐚𝐥𝐚𝐠𝐡𝐚𝐧

Ang istoryang mapapakinggan ninyo ay tungkol sa totoong karanasan ni Patricia.  Dating Pro-choice si Patricia at bago siya naging assistant sa abortion clinic, tatlong abortion ang pinagdaanan niya.  Dahil sa nakita niyang mga karima-rimarim na mga insidente at mga bagay sa loob ng abortion clinic, hindi na natahimik ang kunsens’ya ni Patricia.   Pakinggan ang detalye ng kaniyang karanasan.

Ang Misyon Ko Sa Buhay, Matapos Kong Mamatay

𝐄𝐩𝐢𝐬𝐨𝐝𝐞 73 - 𝐒𝐚 𝐊𝐚𝐛𝐢𝐥𝐚𝐧𝐠 𝐁𝐮𝐡𝐚𝐲 𝐀𝐭 𝐊𝐚𝐛𝐚𝐛𝐚𝐥𝐚𝐠𝐡𝐚𝐧

Ang episode na ito ay tungkol sa totoong karanasan ni Valerie matapos siyang maaksidente, mamatay at ibalik sa katawan niya sa lupa ng Panginoong Hesus.  Lumaking Kristyano si Valerie at sa buong buhay niya, pakiramdam niya ay hindi siya sapat sa paningin ng Panginoon.  Pero iba ang kaniyang naramdaman sa kanilang pagkikita.  Pakingan ang istorya ng pagkikita ni Valerie at ng Panginoong Hesus at alamin kung ano ang misyon niya sa buhay.

Mga Mahilig Sa Tsismis, Nakita Ko Sa Impyerno

𝐄𝐩𝐢𝐬𝐨𝐝𝐞 72 - 𝐒𝐚 𝐊𝐚𝐛𝐢𝐥𝐚𝐧𝐠 𝐁𝐮𝐡𝐚𝐲 𝐀𝐭 𝐊𝐚𝐛𝐚𝐛𝐚𝐥𝐚𝐠𝐡𝐚𝐧

Ang istoryang mapapakinggan ninyo ay tungkol sa totoong karanasan ni Dominic ng barilin siya ng kasama niya sa gang at mapunta sa impyerno.  Doon ay marami siyang nakitang iba’t-ibang parusa sa iba’t-ibang kasalanan ng mga tao.  Pero partikular niyang idiniin ang kasalanan na tsismis at kung ano ang nakita niyang parusa sa kanila. Pakinggan ang detalye ng kaniyang karanasan at kung papaano siya nakabalik sa lupa.

Ang Dahilan Ng Aking Tagumpay

𝐄𝐩𝐢𝐬𝐨𝐝𝐞 71 - 𝐒𝐚 𝐊𝐚𝐛𝐢𝐥𝐚𝐧𝐠 𝐁𝐮𝐡𝐚𝐲 𝐀𝐭 𝐊𝐚𝐛𝐚𝐛𝐚𝐥𝐚𝐠𝐡𝐚𝐧

Ang istoryang mapapakinggan ninyo ay tungkol sa tagumpay ng ministry ni Dr. Yonggi Cho sa South Korea.  Nagsimula si Dr. Cho sa limang miyembro noong 1958 na umabot sa mahigit na 750,000 hanggang sa kaniyang pagkamatay noong 2021. Pakinggan kung ano ang dahilan sa likod na pananagumpay ng ministry ni Dr. Yonggi Cho mula sa kaniyang testimoniya.

Hamas Ako At Bumaliktad Ako

Episode 70 – Sa Kabilang Buhay At Kababalaghan

 Ang istoryang mapapakinggan ninyo ay tungkol sa totoong karanasan ni Mosab.  Lumaki siya sa Palestine at High Ranking Hamas Spiritual Leader ang kaniyang Ama.  Mula pagkabata ay tinuruan siya ng Hamas na kasalanan ng mga Hudyo kung bakit sila naghihirap, kasalanan ng mga Kristyano at kasalanan lahat ng mga taksil sa Islam.  Sa edad na 18, nagbalak si Mosab na atakihin ang mga Israeli, bumili siya ng baril pero nahuli siya ng mga sundalo ng Israel bago pa man niya maisagawa ang kaniyang balak.  Ito ang simula ng pagkalito at pagbabago ni Mosab hanggang sa itakwil siya ng kaniyang sariling pamilya.  Alamin kung bakit bumaligtad si Mosab sa Hamas at sa Islam sa istorya ng kaniyang buhay.

Ang Pamilya Ko Sa Langit

Episode 69 – Sa Kabilang Buhay At Kababalaghan

  Ang istoryang mapapakinggan ninyo ay tungkol sa totoong karanasan ni Karen.  Physical Therapist si Karen sa Alaska at kailangan niyang operahan sa likod.  Noong araw ng operasyon, naputol ng doktor ang artery niya na kaniyang ikinamatay dahil sa labis na pagdurugo.  Dito nagsimula ang kakaibang karanasan ni Karen na nagsimula sa pagmamasid sa kaniyang bangkay na nasa operating table hanggang sa makarating siya sa langit.  Dito ay nakita niya ang kaniyang pamilya. Pakinggan ang detalye ng karanasan ni Karen.

Nakita Ko Ang Mga Kaibigan Ko Sa Impyerno

𝐄𝐩𝐢𝐬𝐨𝐝𝐞 𝟔8- 𝐒𝐚 𝐊𝐚𝐛𝐢𝐥𝐚𝐧𝐠 𝐁𝐮𝐡𝐚𝐲 𝐀𝐭 𝐊𝐚𝐛𝐚𝐛𝐚𝐥𝐚𝐠𝐡𝐚𝐧

Lumaki si Ron sa isang napaka-hirap na pamilya at bayolente ang Ama niya na pumatay sa alaga niyang tupa.  Lumayas siya sa edad na labing-dalawa at naging kriminal, adik at lasingero.  Namatay siya noong dalawampu’t limang taong gulang siya at napunta sa impyerno.  Dito ay nakita niya ang mga dati niyang kaibigan.  Alamin ang detalye ng istorya ni Ron sa pakikinig sa episode na ito.

Hinanap Ko Si Hesus Sa Langit At Nagulat Ako Sa Nakita Ko

67 - Sa kabilang Buhay At Kababalaghan

Naniniwala ba kayo na hanggang sa ngayon ay maaari pa ring dalhin ng Panginoon ang ating espiritu sa langit habang nabubuhay tayo sa lupa, gaya ng nasasaad sa Bibliya?  Ito ang naging karanasan ni Prophet Tomi Arayomi noong 16 years old pa lang siya.  Pakinggan ang kabuuan ng kaniyang karanasan sa langit at kung bakit siya nagulat sa kaniyang nakita. 

Terorista Ako Hanggang Sa Ito Ang Mangyari

Episode 66 - Sa Kabilang Buhay At Kababalaghan

Ang istoryang mapapakinggan ninyo ay tungkol sa patotoo ni Afshin, dati siyang miyembro ng Hezbollah Army na kilala sa buong mundo bilang terrorist group na pinapalakas ng Iran.  Pinalaki si Afshin bilang spiritual leader upang magturo ng Islam, sa labas ng Iran, hanggang sa makulong siya sa Malaysia dahil sa pagkakaroon ng 30 pekeng passports. Sa kulungan naging mas deboto si Afshin sa Quran at pagdadasal, at dahil sa turo sa Quran na pakikipag-usap sa mga espiritu, nagkamit siya ng kapangyarihan.  Kapangyarihang ginagamit niya sa pananakit at paghihiganti sa mga taong gustong pasakitan ng mga taong nagpapadasal sa kaniya.  Isa sa pinakamakapangyarihang espiritu na nagbibigay sa kaniya ng kapangyarihan ay siya ding nagtangkang pumatay sa kaniya.   At dito nagsimula ang pagbabago ng kaniyang buhay. Pakinggan natin ang detalye ng karanasan ni Afshin. 

Handa Na Ang Piging Sa Langit
Episode 65- Sa Kabilang Buhay At Kababalaghan

Handa ka na ba? Handa ka na bang ikasal kay Hesus? Sinasabi sa Bibliya na si Hesus ay babalik muli para kunin ang kaniyang mga tupa, ang kaniyang mga mapapangasawa. Isa ka ba sa kanila?  May relasyon kaba kay Hesus?  Pakinggan ang nasaksihan ni Santur sa langit at ang mensaheng gustong iparating ng Panginoong Hesus sa kaniyang pagbabalik sa lupa mula sa pagkamatay sa aksidente.

Ang Halloween, Ayon Sa Ex-Witch

Episode 64- Sa Kabilang Buhay At Kababalaghan

Ang episode na ito ay itinaon para sa darating na Halloween upang bigyang babala ang lahat ng makakarinig kung bakit hindi dapat ito ipinagdiriwang ayon sa pananaw ng isang ex-witch. Pakinggan kung bakit gustong balaan ni Tina ang lahat tungkol sa Halloween.

Nakasama Ko Ang Diyos At Ito Ang Ginawa Namin

Episode 63- Sa Kabilang Buhay At Kababalaghan

 Ang istoryang mapapakinggan ninyo ay totoong karanasan ni Chad.  Sa patuloy na pagsusuyo at pagpupuri ni Chad sa Diyos, nakaranas siya ng isang napakagandang karanasan sa piling ng Diyos.  Alamin ang detalye ng karanasan ni Chad sa trono ng Diyos.

Abusive Husband Ako At Pinagsisihan Ko Ito
Episode 62- Sa Kabilang Buhay At Kababalaghan

Ang istoryang mapapakinggan ninyo ay totoong karanasan ni Makah. Nakapangasawa si Makah ng isang mabuting babae na nagmahal sa kaniya ng lubos, pero dahil sa masamang impluwens’ya ng alak at droga, pang-aabuso ang isinukli niya dito.  Pakinggan ang istorya sa buhay ni Makah at kung paano niya pinagsisihan ang pangaabuso niya sa kaniyang asawa.

Galit Ako Sa Diyos At Ito Ang Ginawa Niya Sa Akin

Episode 61 - Sa kabilang Buhay At Kababalaghan Ang istoryang mapapakinggan ninyo ay totoong karanasan ni Joanne. Dating Athlete si Joanne at sa kaniyang pagbubuntis ay nagkaroon siya ng nerve damage na naging dahilan ng marami niyang problemang pangkalusagan. Dahil dito dumaan siya sa 13 operasyon. Pumanaw si Joanne pero ninais niyang bumalik sa mundo para itaguyod ang kaniyang anak sa kabila ng paghihirap ng katawan.  Pakinggan kung paano gumaling si Joanne.

Ang istoryang mapapakinggan ninyo ay totoong karanasan ni Lisa. Pinalaki siyang Kristyano pero sa kaniyang paglaki tumalikod siya sa Diyos, naging tomboy at drug addict.  Namatay siya sa overdose at ito ang nangyari.

Ang Itsura Ng Dasal Sa Langit
Episode 59 - Sa Kabilang Buhay At Kababalaghan

Ang istoryang mapapakinggan ninyo ay totoong karanasan ni Robert. Naghirap siya sakit na kaniyang ininda sa maraming taon, ginawa niya ang lahat para gumaling pero hindi ito kaagad nangyari, alamin kung bakit hindi nasagot kaagad ang panalangin ni Robert.

Paano kung sinusumpa mo ang sarili mo nang hindi mo alam?  Paano kung gaya ni Eba at ni Adan ay nalinlang ka ni Satanas?  Ang mga bagay na akala natin ay inosente ay hindi pala.  Ang masasamang balita na mababasa sa inyong Horoscope at mga pagdidikta sa kung ano ang mga dapat ninyong gawin ay hindi sa Diyos kung hindi kay Satanas.  Alamin kung bakit sa episode na ito.

Namatay Ako At Ito Ang Natutunan Ko

Episode 57 - Sa Kabilang Buhay At Kababalaghan

Totoo ba na ang mga anghel ang kumikilos sa likod ng mga doktor para dugtungan ang buhay ng isang tao? Pakingan ang totoong karanasan ni Ronnie sa kabilang buhay at kung anu-ano ang kaniyang natutunan.

Adik Sa Droga, Namatay, Nabuhay At Nagbago

Episode 57 - Sa Kabilang Buhay At Kababalaghan

Ano ang gagawin mo kung pagtaksilan ka ng iyong asawa at ilayo sa iyo ang inyong mga anak? Paano kung sa mali mong desisyon ay lalo kang napahamak na iyong ikinamatay?  Sino ang pwedeng magbigay sa iyo ng panibagong pagkakataon kung nasa impyerno na ang iyong kaluluwa?  Alamin ang detalye sa mga katanungang ito sa buhay ng isang Ina na binigyan ng panibagong buhay matapos niyang mamatay at bumalik mula sa kabilang buhay.

Covid Patient, Ipinagdasal Ng Anghel

Episode 55 - Sa Kabilang Buhay At Kababalaghan

Kaninong balita ang paniniwalaan mo, ang sa mapagpangap na dyablo o ang balita ng anghel na nagdarasal para sa iyo? Kung nasa sukdulan ka na ng buhay mo sa labis na paghihirap, lalaban ka pa rin ba para mabuhay? Kakapit ka pa rin ba sa pananampalataya mo? Pakinggan ang totoong karanasan ni Pastor Mark na nagkasakit ng Covid at ipinagdasal ng kaniyang anghel sa ospital.

Sumasamba Ka Ba Sa Demonyo Ng Hindi Mo Alam?

Episode 54 - Sa Kabilang Buhay At Kababalaghan

Maraming bagay sa paligid natin ang may hindi mabuting pinanggalingan na hindi natin alam.  Marami tayong ginagawa na hindi natin alam na kasalanan.  Naloloko na pala tayo ng mga demonyo. Sinasamba na pala natin sila nang hindi natin alam.  Baka isa ka sa mga sumasamba sa mga demonyo ng hindi mo alam.  Gusto mong malaman kung paano pwedeng mangyari ito?  Gusto mong malaman kung paano ka nila pwedeng masapian at maimpluwensyahan?   Pakinggan ang patotoo ni Everett sa istoryang ito…

Ang Mga Hayop At Alaga Natin Sa Langit

Episode 53 - Sa Kabilang Buhay At Kababalaghan

Magandang araw mga kapatid, binabati ko po kayo sa ating show na, « Sa Kabilang Buhay At Kababalaghan.» Ang istoryang mapapakinggan n’yo ngayong Byernes ay tungkol sa karanasan ng isang batang lalaki. Kinagat siya ng isang asong may rabies na kaniyang ikinamatay. Sa kaniyang pagpanaw, mga hayop din ang sumalubong sa kaniya at kabilang na dito ang kaniyang alagang aso.  Pakinggan ang naging pag-uusap ni Jim at ng mga hayop sa langit.

Makasalanan Ako At Tinanggap Ko Ang Impyerno

Episode 52 - Sa Kabilang Buhay At Kababalaghan

Ang episode na ito ay tungkol sa totoong karanasan ni Jamie.  Sa edad na 40 ay nagkaroon siya ng maraming katanungan kung ano ang kahulugan ng buhay? Kung bakit tayo nasa lupa? Kung may Diyos ba?  At sa  kagustuhan niyang malaman ang kasagutan, kumuha siya ng maraming libro pero dahil sa dami ng impormasyon, naisip niya na baka patay na siya bago niya malaman ang mga kasagutan sa mga katanungan niya.  Dahil sa kawalan ng pag-asa, nagdasal si Jamie, at sinagot siya ng Diyos ng isang katakut-takot na pangyayari.  Pakinggan kung paano sinagot ng Diyos ang panalangin ni Jamie.

Pumasok Ako Sa Closet At Ito Ang Nangyari

Episode 51 - Sa Kabilang Buhay At Kababalaghan

Ang istoryang mapapakinggan ninyo ay tungkol sa totoong karanasan ni Ginger.  Sa kaniyang labis na pagka-uhaw na makilala ang Panginoon ay nagkaroon siya ng kakaibang karanasan sa langit na hindi niya malilimutan.  Alamin kung ano ang ginawa ni Ginger para maranasan ang kaluwalhatian ng Diyos sa langit.

High Ranking Illuminati Ang Tatay Ko At Ito Ang Ginagawa Niya Sa Akin

Episode 50 - Sa Kabilang Buhay At Kababalaghan

Ang istoryang mapapakinggan ninyo ay tungkol sa  totoong karanasan ni Cheryl. Anak siya ng isang high ranking Illuminati member na may kinalaman sa Nazi group ni Hitler.  Mula pagkabata ay maraming pang-aabuso ang ginawa kay Cheryl.  Ipinartner din siya noong bata sa isang teenager para manganak ng pang-alay kay Lucifer.  Sa dami ng pang-aabusong nangyari kay Cheryl, hindi siya pinabayaan ni Hesus, pakinggan kung paano niya napagtagumpayan ang madilim na kasaysayan sa kaniyang buhay.

Inihatid Ko Ang Anak Ko Sa Pinto Ng Langit

Episode 49 - Sa Kabilang Buhay At Kababalaghan

Paano kung ang oras ninyo ay sapat lang para sa trabaho sa layuning itaguyod ang inyong pamilya? Paano kung sa malimit na pagkakataong makasama ninyo ang inyong mahal sa buhay ay huli na pala ito? Ang karanasan pong mapapakinggan ninyo sa episode na ito ay tungkol sa isang mag-ama na biktima ng car accident.  Sa pagkamatay ni Ron at ni Haley ay binigyan sila ng Panginoon na magkasama sa huling pagkakataon.  Ihanda ang inyong panyo dahil luluha kayo sa istoryang inyong mapakikinggan sa episode na ito.

Mag-ingat Sa Mga Bisitang Palahingi Ng Permiso

Episode 48 - Sa Kabilang Buhay At Kababalaghan

Ang episode na mapapakinggan ninyo ay tungkol sa totoong karanasan ni Jennifer.  Si Jennifer ay isang Archeologist na nagkaroon ng bisitang sobrang palahingi ng persmiso sa lahat ng hawakan niya sa bahay ni Jennifer.  Akala ni Jennifer ay sobrang galang lang ng kaniyang bisita, hanggang sa malaman niyang may dahilan kung bakit ganito ang asal ng taong tinanggap niya sa kaniyang tahanan.  Alamin ang natuklasan ni Jennifer at kung paano niya nadiskubre ang sikreto ng bisita niyang ito.

Namuhay Ako Ng Ayon Sa Gusto Ko At Nagsisi Ako

Episode 47 - Sa Kabilang Buhay At Kababalaghan

Ang episode na mapapakinggan ninyo ay tungkol sa totoong karanasan ni Joseph.  Ipinanganak siya sa isang malaking pamilya kung saan ay meron siyang apat na kapatid na lalaki. Isa sa kaniyang kapatid na lalaki ay namatay sa bootcamp noong sumali ito sa US army.  Mula noon, kinamuhian ni Joseph ang Diyos.  Nagrebelde siya pero matapos ang pakikisalamuha sa mundo hinanap Niya ang Diyos. Napunta siya sa rehiliyon na naniniwala sa «onced saved, always saved».  Habang nanatili ang kaniyang paniniwala sa Diyos, namuhay siya ng ayon sa gusto niya na kaniyang pinagsisihan sa huli.  Ano ang nangyari kay Joseph na labis niyang pinagsisihan ? Pakinggan ang kaniyang istorya…

Hindi Siya Gumaling, Hanggang Sa Ito Ang Nangyari…

Episode 46 - Sa Kabilang Buhay At Kababalaghan

Ang ating episode ngayong Byernes ay nangyari sa panahon ng Holy Week, mapapakinggan ninyo ang patotoo ni Pastor Chad.  Isang nakakabahalang sitwasyon ang kinaharap niya sa harap ng lahat ng tao sa simbahan nang ipanalangin niya ang isang lalaking hindi halos makalakad dahil sa matinding problema at sakit sa likod.  Idineklara niya sa lahat ng tao ang mangyayaring mirakulo, pero matapos niyang ipanalangin ang tao ay hindi ito gumaling. Sa pagkakataong ito, hindi alam ni Pastor Chad ang gagawin, nakasalalay ang reputasyon niya sa ginawa niyang hamon, hanggang sa may nangyaring ibang bagay na hindi niya inaasahan.  Alamin kung bakit hindi gumaling ang taong ipinalangin ni Pastor Chad.  Ano ang ibinigay sa kaniyang kaalaman ng Panginoon tungkol sa taong ito?  Ano ang nangyari sa tao at kay Pastor Chad? Alamin ang kasagutan sa mga tanong na ito, sa susunod na episode ng « Sa Kabilang Buhay At Kababalaghan. »

Trained Psycopath, Gumana Ang Kunsensiya Episode 45 – Sa Kabilang Buhay At Kababalaghan

Ang episode na ito ay tungkol sa totoong karanasan ni Ronald.  Si Ronald ay isang business man na naging isang high ranking financial asset management at deposit trading professional.  Napasama siya sa grupo ng mga elite na nagpapatakbo sa world banking system.  Isa siya sa mga nagmamanipula ng pera para sa kapakanan ng mga elite groups.  Isa sa kaniyang mga kakilala ang nagyaya sa kaniya na kumita pa ng mas malaking pera. Dahil priority niya ito sa buhay noon, pumayag siya. Binalaan siya ng nagpasok sa kaniya na hindi niya pwedeng pairalin ang kaniyang kunsens’ya sa grupong ito.  Lahat ng trabaho sa pagmamanipula ng pera at training para maging psychopath ay nalampasan ni Ronald kaya unti-unti siyang naging katulad ng mga miyembro ng grupo. Isang bagay ang hindi kinaya ng kunsens’ya ni Ronald.  Alamin kung ano ito at ang detalye ng kaniyang karanasan.

Nakita Ko Ang Lahat Ng Kasalanan Ko Sa Langit : Ang Tanong, Nasa Aklat Ba Ako Ng Buhay?

Episode 44 – Sa Kabilang Buhay At Kababalaghan

Ang istoryang ito ay tungkol sa totoong karanasan ni Joe Joe. Si Joe Joe ay lumaki sa Mennonite Community.  Ang komunidad na ito ay may mahigpit na pamumuhay, hindi sila nakikipag-salamuha sa mundo, nanonood ng TV o nakikinig sa radyo.  Lumaki si Joe Joe na may galit at pagkahiya.  Marami siyang problema sa pamilya at sa sarili niya. Noong labing-siyam na taon si Joe Joe nagkaroon siya ng aksidente na naging sanhi ng kaniyang pagkamatay.  Sa araw ng paghuhukom, dinala ng anghel si Joe Joe para humarap sa Diyos.  Ipinakita kay Joe Joe ang kaniyang life review at nakita niya ang lahat ng kasalanan niya. Isang malaking boses ang nagtanong, "Nasa aklat ba ng buhay ang pangalan niya?" Pakinggan natin ang kabuuan ng kaniyang karanasan sa harap ng hukuman ng Diyos.

Kapangyarihan Laban Sa Espiritu Ng Kamatayan
Episode 43 – Sa Kabilang Buhay At Kababalaghan

Ang istoryang ito ay tungkol sa pananagumpay ni Katie laban sa espiritu ng kamatayan na bumalot sa kaniyang buhay. Mula sa kaniyang kalusugan, pinansiyal, relasyon at maging sa mga alaga niyang hayop. Mapapakinggan din ninyo ang kaniyang patotoo kung paano niya tinulungan ang ibang mananampalataya na makalaya laban sa espiritung ito. Magbibigay si Katie ng mga mahahalagang impormasyon na nakalahad sa Bibliya kung paano natin pwede gamitin ang salita ng Diyos laban sa gawain ng kaaway. Kung nais ninyong tuldukan ang espiritu ng kamatayan sa inyong buhay, pakinggan ang detalye ng patotoo ni Katie.

Namatay Ako Sa Pakikipag-Sex Sa 7 Lalaki, At Ito Ang Nangyari
Episode 42- Sa Kabilang Buhay At Kababalaghan

Ang episode na ito ay tungkol kay Monica na lumaki sa pamilyang Kristyano. Tinalikuran niya ang pananampalatayang ipinamulat sa kaniya ng kaniyang mga magulang at nabuhay sa kasalanan.  Nilisan niya ang kaniyang maliit na bayan para mag-college sa isang malaking bayan kung saan siya madalas na magpaparty, mag-droga, uminom ng alak at makikipagtalik sa mga lalaki na hindi niya lubos na kilala. Isang gabi sa party, pinilahan siya ng 7 na lalaki na hindi naman niya tinanggihan.  Ikinamatay niya ang pangyayari at ito ang kaniyang kinahantungan. Pakinggan po natin ang kabuuang istorya sa buhay ni Monica.

Dinalaw Ako Ng Anghel Para Pagpalain
Episode 41- Sa Kabilang Buhay At Kababalaghan

Ang istorya pong mapapakinggan ninyo ay tungkol sa totoong karanasan ni Jamie. Isang madaling araw ay binisita siya ng isang anghel para iparating sa kaniya ang mensahe ng Diyos. Noong gabing ding iyon sa kaniyang pagbalik sa pagtulog, nagkaroon siya ng lucid dream na paglalakbay sa cosmos at pakikipag-usap sa Diyos. Alamin kung ano ang sinabi sa kaniya ng anghel na dumalaw sa kaniya at ng Diyos sa kaniyang panaginip.  Paano nagkatotoo ang pangako ng Diyos sa buhay niya?  Ano ang mga nangyaring pagpapala at tagumpay sa buhay ng mga Joseph na ipinagdasal niya? Kung gusto ninyong tanggapin ang biyaya ng Diyos mula sa panalangin ni Jamie, pakinggan po ninyo ang episode na ito.

Pinatay Ko Ang Best Friend Ko At Pinatawad Niya Ko
Episode 40 - Sa Kabilang Buhay At Kababalaghan

Ang episode na ito ay tungkol kay Sam. Pinatay ni Sam ang kaniyang bestfriend at nakulong dahil dito. Sa kulungan, hindi naging madali ang buhay ni Sam dahil sa racial rules at bayolenteng kapaligiran. Dahil sa pagmamalasakit, nakatamo si Sam ng parusa dahil sa racial rule na nilabag niya, at dito nagsimula ang balikang paghihiganti sa pagitan niya at ng isa pang bilango na ikinamatay niya. Sa kaniyang pagkamatay dalawang lugar ang kaniyang napuntahan ang impyerno at langit, bago ibinalik sa lupa. Ano ang mga nangyari kay Sam sa impyerno?  Paano siya nakaalis doon?  Paano siya nakarating sa langit?  Ano ang nakita niya doon?  Pakinggan ang detalye ng kaniyang karanasan.

Nag-fasting Ako Para Mamatay, At Ito Ang Nangyari
Episode 39 – Sa Kabilang Buhay At Kababalaghan

Dahil sa ipinagdiwang kaarawan ng mga puso, isang espesyal at kakaibang episode ang mapapakinggan ninyo ngayong Byernes. Hindi ito tungkol sa pagmamahalan sa pagitan ng babae at lalaki. Kung hindi tungkol sa pagmamahal ng isang tao sa Diyos na may halong lubos na pagsisisi at kagustuhang magbago para sa pagmamahal sa Kaniya. Ang episode na ito ay tungkol sa totoong karanasan ni Josue. Si Josue ay lalaki na naging bakla matapos siyang molestyahin ng isang mapagpanggap na pedophile sa simbahan. Nilabanan ni Josue ang espiritu ng homosexuality dahil alam niya sa sarili niya na mali ito. Dahil dito, nagdesisyon siyang mag-fasting ng isang taon para hilingin sa Diyos na kunin na ang kaniyang buhay kung hindi rin lang naman niya kaya labanan ang kasalanang ito, pero sa kaniyang kagustuhang magbago o mamatay na lang, bilang petisyon sa kaniyang pagpa-fasting, ito ang isinagot ng Diyos sa kaniya. Pakinggan po natin ang istorya ni Josue.

Bulag, May Paningin Sa Kabilang Buhay
Episode 38 – Sa Kabilang Buhay At Kababalaghan

Ang  episode na ito ay tungkol sa totoong karanasan ni Vicky. Ipinanganak siya na bulag, pero nagkaroon siya ng paningin sa kabilang buhay.  Sa kaniyang dalawang beses na pagkamatay, nakaramdam siya ng matinding takot.  Hindi siya sanay na may paningin, pero lubos din ang kaniyang sayang naramdaman sa pagkakaroon ng kalayaan.  Sa kaniyang pagkamatay, marami siyang natutunan, nakita at naranasan.  Binigyan din siya ng kaaalaman tungkol sa kaniyang buhay pagbalik niya sa lupa.  Bilang isang bulag na nakakita, anu-ano at sinu-sino ang nakita ni Vicky sa kabilang buhay?  Ano ang kaniyang mga natutunan?  Anu ang naghihintay sa kaniya, pagbalik sa lupa? Alamin ang mga kasagutan sa pakikinig sa episode na ito

Homeless, Bumisita Sa Langit
Episode 36- Sa Kabilang Buhay At Kababalaghan

Ang episode ngayong Byernes ay tungkol sa totoong karanasan ni Jo. Si Jo ay naging homeless at naging basurero noong 2008 economic crisis sa US. Bago ang crisis, normal ang buhay ni Jo pero hindi maganda ang kaniyang ugali. Sa kaniyang kahirapan, natuto siyang tumawag sa Diyos. Hindi lang unti-unting sinagot ng Diyos ang kaniyang mga panalangin, binigyan din siya ng pagkakataong makarating sa langit ng dalawang beses. Ano ang unang nangyari kay Jo na naging daan para sa sunud-sunod mirakulo sa kaniyang buhay? Anu-ano ang mga nakita at naranasan niya sa langit?

Mga Parusa Sa Impyerno, Ano Ang Kay Hitler?
Episode 36- Sa Kabilang Buhay At Kababalaghan

Ang episode na ito ay tungkol sa totoong karanasan ni Bryan. Si Bryan ay tigasing Atheist na hinatulan sa langit na mapunta sa impyerno. Sa kaniyang paglalakad sa impyerno papunta sa kanyang piitan, nakita ni Bryan ang iba’t-ibang tao na nabuhay sa iba’t-ibang panahon at kung ano ang parusa sa mga kasalan na nagawa nila sa lupa. Maraming nakita si Bryan na kilalang tao na napunta sa impyerno, pero, partikular niyang binanggit si Hitler. Anu-anong klaseng tao ang nakita ni Bryan na pinaparusahan sa impyerno ? Ano ang nakita niyang parusa kay Hitler ? Pakinggan ang detalyadong istorya ni Bryan tungkol sa kaniyang karanasan.

Dasal Na Di Mahahadlangan
Episode 35- Sa Kabilang Buhay At Kababalaghan

Ang episode na ito ay tungkol sa patotoo ni Pastor John. Nakaharap niya at nakasalo sa hapunan ang dating ahente ni Satanas. Tungkulin nito na wasakin ang mga simbahan at nakawin ang mga sagot sa panalangin ng mga Kristyano. Sa pakikipag-usap niya sa lalaking ito, marami siyang nalamang bagay na hindi niya gusto paniwalaan. Isinalarawan ng lalaking ito, ang tatlong uri ng panalangin. Ang mahina, kulang at ang nagliliyab na panalangin. Alamin sa episode na ito kung ano ang mga dapat gawin para palakasin ang inyong mga panalangin. Alamin kung paano pagwagian ang inyong spiritual battle at magkaroon ng open heaven para makarating sa inyo ang lahat ng kaloob ng Diyos sa buhay ninyo.

Ang Piloto
Episode 34 -  Sa Kabilang Buhay At Kababalaghan

Ang episode na ito ay tungkol sa bagitong piloto na nag-iisang nabuhay sa plane crash. Sa edad na 19 years old, nasaksihan ni Dale kung paano, insikaso sa ospital ang kaniyang bali-bali at hiwa-hiwang katawan. Sa mga pagkakataong ito, dinala siya ng dalawang anghel sa langit kung saan nasaksihan niya ng napakagandang kapaligiran. Sa kaniyang pagbalik, nag-iba ang kaniyang pagkatao. Pakinggan ang episode na ito at alamin ang detalye sa karanasan ni Dale.

Tumawag Ako Sa Maraming Diyos, Pero Isa Lang Ang Nagpakita
Episode 33 - Sa Kabilang Buhay At Kababalaghan

Ang episode na ito ay tungkol sa totoong karanasan ni Lotus. Lumaki si Lotus sa relihiyong Budismo at marami siyang sinambang diyos. Nang lumaki siya sa America, pinaghalo niya ang batas ng kaniyang sinusunod na relihiyon at idinagdag ang 10 commandments ng mga Kristyano. Sa kaniyang paglaki, pinilit niyang maging mabuting tao pero nabigo siya at humantong sa isang sitwasyon na hindi niya kayang pasanin. Ano ang ginawa ni Lotus para kayanin ang kaniyang problema? Bakit siya nalugmok sa pagkakasala? Sinu-sino ang mga diyos na tinawag niya? Sino sa kanila ang nagpakita? Pakinggan ang detalya ng kwento ni Lotus.

Dahil sa nalalapit na bagong taon, ang episode po na ay tungkol sa pagbabago. Pagbabagong, mahirap gawin kung aasa lang ang isang tao sa kaniyang kakayahan. Ang pagbabagong ito sa buhay ni Mark ay nangyari matapos siyang mamatay sa AIDS dahil sa kaniyang sinful lifestyle. Sa kaniyang pagbalik, marami ang nabago sa kaniyang buhay. Unang-una dito ang pagiging straight mula sa 20 years na pagiging bakla. Ano ang istorya ng buhay ni Mark? Paano siya naging straight mula sa 20 years na pagiging bakla? Anong mga mirakulo ang nangyari sa kaniyang buhay? Pakinggan ang podcast na ito para malaman kung paanong ang mga bagay na imposible sa tao ay posible sa Diyos.

Ang Aginaldo Sa Pasko, 3 Mirakulo
Episode 31 – Sa Kabilang Buhay At Kababalaghan

Sa nalalapit na pagdiriwang ng Pasko, tatlong totoong karanasan ng kabutihan ng Diyos ang inyong mapapakinggan. Ang istorya ng mag-asawang si David at Toni, na biniyan ng Diyos ng palatandaan para panghawakan ang Kaniyang mga Salita. Ang ang karanasan ni Dawn at Emma, tungkol sa kanilang hindi kapani-paniwalang paggaling. Kung meron po kayong karamdaman o may matinding pinagdadaanan, ang mga istoryang mapapakinggan ninyo ay maaring magbigay sa inyo ng pag-asa ngayong Pasko at sa hinaharap. Pakinggan natin ang mga mirakulo na nangyari sa araw ng Pasko kay Toni, Dawn at Emma.

105 Minutong Patay, Binati Sa Langit
Sa Kabilang Buhay At Kababalaghan

Ang episode na ito ay tungkol sa totoong karanasan ni Dean. Isa siyang kristyano na namatay sa loob ng 105 minuto. Sa kaniyang pagkamatay, napunta ang kaniyang espiritu sa langit. Doon, apat na grupo ang bumati sa kaniya. At sa kaniyang pagbalik sa lupa, nagkaroon siya ng misyon. Sino ang apat na grupong ito? Ano ang mga nangyari sa buhay niya pagbalik niya sa lupa ? Pakinggan po natin ang kaniyang pagsasalaysay.

Ang Pananampalataya Sa Mga Kristal
Episode 29 – Sa Kabilang Buhay At Kababalaghan

Ang episode na ito ay tungkol sa pananampalataya sa mga kristal sa paniniwala na may kapangyarihan itong maidudulot sa buhay ng isang tao. Saan nagmula ang paniniwalang ito? May kapangyarihan nga ba ang mga kristal? Ano ang sinasabi sa Bibliya tungkol dito? Lahat ng iyan ay sasagutin ni Alan, dating high ranking New Age Guru sa kaniyang patotoo, tungkol dito. Pakinggan ang pahayag niya.

Ang Lihim Na Kasalanan
Episode 28- Sa Kabilang Buhay At Kababalaghan

Ang episode na ito ay tungkol sa totoong karanasan ni Randall. Isa siyang Mathematician at Computer Engineer na namatay sa car accident, napunta siya sa impyerno, bago makarating sa langit at ibinalik muli sa lupa. Siya ay isang Kristyano na matagal na tumulong sa worship team. Ang kaniyang karanasan sa impyerno ay may malaking kinalaman sa kanyang lihim na kasalanan. Alamin po natin kung ano ang lihim na kasalanan ni Randall, kung paano siya namatay, napunta sa impyerno at kung paano siya nakaligtas dito at makatikim ng karanasan sa langit sa piling ng Amang Diyos.

Ang Ating Panaginip
Episode 27- Sa Kabilang Buhay At Kababalaghan

Ang episode na ito ay tungkol sa ating panaginip. Ano nga ba ang sinasabi sa Bibliya tungkol sa panaginip? Bakit tayo nananaginip? Ano ang dapat gawin kapag tayo ay nananaginip? At paano natin maiiwasan ang pagkakaroon ng masamang panaginip. Ang lahat ng iyan ay malalaman ninyo sa pakikinig sa episode na ito at mapapakinggan n'yo din ang iba't-ibang panaginip ni Dr. Charlse na ginagamit ng Panginoon para kausapin siya.  Mga panaginip para sagutin ang mga panalangin niya, para ipaalam sa kaniya ang plano ng Diyos sa buhay niya, at para bigyan siya ng babala.  

Kung nais po ninyong maintindihan ang kahalagahan ng panaginip sa ating buhay na naaayon sa Bibliya, basahin po ninyo ang libro ni Dr. Charlse Fox na, "Night Vision": https://amzn.to/3TTV7Yi 

Ang Panalangin Ng Ina
Episode 26-Sa Kabilang Buhay At Kababalaghan

Ang episode na ito ay tungkol kay Ian, lumaki siya bilang Anglican pero nagdesisyon siya na hindi na manampalataya sa Diyos sa kalagitnaan ng pagiging teenager. Noong early 20s niya, nagdesisyon siya na maglakbay sa ibat-ibang bansa hanggang sa binawian siya ng buhay isang araw habang nagda-dive dahil sa lason ng jelly fish. Sa kaniyang pagkamatay ay marami siyang nakita at natutunan. Pero bago iyon ay napagtanto niya na tama ang mga sinabi sa kaniya ng kaniyang Ina. Pakinggan po natin kung ano ang pangaral ng Ina ni Ian at kung paano nakatulong ang pananampalataya nito para mabigyan siya ng panibagong buhay.

Pumatay Sa Inggit, Nagsisi Sa Ginawa
Episode 25 – Sa Kabilang Buhay At Kababalaghan

Ang episode po na ito ay tungkol sa totoong karanasan ni Yassir, isang Muslim na pumatay sa isang Kristyano. Lumaki si Yassir sa pagbabasa ng Koran at tapat sa kaniyang pananampalataya sa Islam, isang pangyayari ang nagpabago sa kaniyang pananampalataya para maging Kristyano at dahil dito ay itinakwil siya ng buo niyang pamilya. Sa kaniyang pag-iisa at paglisan sa kaniyang pamilya, may natuklasan siyang bagay na hindi kapani-paniwala. Pakinggan po natin kung ano ang nangyari sa buhay ni Yassir.

Namatay Sa Diet Pills, Natutong Tanggapin Ang Sarili
Episode 24 – Sa Kabilang Buhay At Kababalaghan

Ang episode na ito ay tungkol kay Erica na lumaki sa insecurity dahil sa bullying. Para maging katanggap-tanggap sa mata ng lipunan, gumamit si Erica ng diet pills sa loob ng siyam na taon na dapat ay ginagamit lang ng 3 months, at ito ang naging dahilan ng kaniyang pagkamatay. Sa kaniyang pagkamatay, nakausap niya ang Diyos. Nagkaroon siya ng life review at nakita niya ang maraming importanteng bagay. May mga itunuro sa kaniya ang Diyos at binigyan ng misyon sa lupa bago mapunta sa impyerno at ibalik sa lupa. Ano ang natutunan ni Erica sa langit? Ano ang ibinigay na misyon sa kaniya ? Ano ang nakita niya sa impyerno? Pakinggan po natin ang totoo niyang karanasan.

Ang kabuuang karanasan ni Erica ay nasa librong « Dying To Fit In » : https://amzn.to/3U5k0ku

Halloween Night, Ang Paglalaban
Episode 23 – Sa Kabilang Buhay At Kababalaghan

Ang episode po natin ngayong Byernes at tungkol sa napapalapit na Halloween. Malalaman ninyo kung ano ang ibig sabihin ng Halloween, ano ang pinagmulan nito, at kung saan nanggaling ang pangkasalukuyang practice sa Halloween na naging tradisyon na ngayon. Malalaman n’yo din ang peligro na maaari ninyong maranasan kung makiki-uso kayo sa huwad na pistang kasalukuyang itinatag ng Dyablo mula sa pagsasalaysay ng mga dating Satanismo at Mangkukulam. Mapapakinggan n’yo rin ang isang napaka-gandang istorya ng pagkatalo ni Anton Lavey, founder ng church of Satan laban sa spirit-filled Christian na plinano niyang sirain ang buhay sa gabi ng Halloween. Ano nga ba ang ginagawa nila sa araw ng Halloween? Bakit napaka-lakas ng loob ni Anton Lavey na atakihin ang isang Pastor sa araw na ito at hindi sa ibang araw ? Ano ang dapat nating gawin bilang anak ng Diyos sa araw ng Halloween? Alamin po natin ang mga kasagutan, sa pakikinig sa kapana-panabik na episode na ito.

Ang Mga Kababalaghan Sa Azusa Street
Episode 22 – Sa Kabilang Buhay At Kababalaghan

Ang episode na ito ay kakaiba, dahil ito ay isang lugar na punung-puno ng kababalaghan. Hindi ito tungkol sa Clark Air Base Hospital o sa Balete Drive. Maaaring ang lugar na ito ay ngayon n’yo lang maririnig dahil mahigit sa isang daang taon na ang nakalilipas mula nang makilala ito, pero napakadaming mirakulo ang nangyari dito sa loob ng tatlong taon. Mula umaga hanggang gabi. Mga mirakulong nakarating sa ibat-ibang parte ng mundo at dinayo ng napakaraming tao noong early 1900s. Ang lugar na ito ay ang Azusa Street. Anu-anong klaseng mirakulo ang nangyari dito? Paano ito nagsimula? Sinu-sino ang mga taong ginamit sa mga mirakulo?  Pakinggan ang istorya ng mga taong naging parte sa mga nangyaring kababalaghan sa Azusa Street.

Ang Manglalait
Episode 21 - Sa Kanilang Buhay At Kababalaghan

Ang episode na ito ay tungkol sa totoong karanasan ni Matthew. Hindi siya naniniwala sa Diyos at madalas niyang nilalait ang mga Kristyano, ang Bibliya at ang Diyos, hanggang sa isang araw, bigla siyang namatay sa heart attack at napunta siya sa impyerno.  Pakinggan ang istorya ni Matthew; kung paano siya nabuhay muli, at kung ano ang kaniyang naging pagbabago pagbalik sa lupa.

Spirit Spouse, Madalas Sa Panaginip
Episode 20 - Sa Kabilang Buhay At Kababalaghan

Ang episode na ito ay tungkol sa Spirit Spouse. Isang pangkaraniwang problemang espiritual na hindi tinatalakay ng karamihan, maging ng maraming simbahan. Kung kayo po ay madalas makaranas ng mga sumusunod sa inyong pag-tulog; laging napapanaginipan ang mga ex; may manliligaw sa panaginip; minomolestya o nakikipagtalik sa panaginip; o nakakapanaginip ng malalaswang bagay; malamang po ay mayroon kayong Spirit Spouse, at kailangan ninyo ng deliverance. Mapapakinggan ninyo ang patotoo ni Pastor Henry, isang Deliverance Minister, na tumulong sa pagpapalaya ng libu-libong tao na biktima ng masasamang espiritu. Ang Spirit Spouse ang kadalasang dahilan ng divorce at paghihiwalay ng mag-asawa o magkasintahan.   Sa episode na ito malalaman ninyo kung ano ang Spirit Spouse. Kung paano sumasapi ito at kung paano makakalaya sa ilalim ng impluwensiya nito sa buhay ninyo. Pakinggan po ninyo ang episode na ito kung kailangan ninyong lumaya sa Spirit Spouse at kung gusto ninyong makatulong sa iba na maaring biktima nito.

Link kung gusto ninyo mapakinggan ang kabuuan ng interview kay Pastor Henry sa English:
https://youtu.be/JFqrkMjgz8w

4 Na Oras Sa Langit
Episode 19 - Sa Kabilang Buhay At Kababalaghan

Ang episode na ito ay tungkol kay Theresa, nang siya ay mamatay ng apat na oras at naglakbay sa langit. Doon ay nakita niya ang kaniyang Lola at si Hesus na nagpakita sa kaniya ng kaniyang life review at nagbigay ng mensahe para sa buhay niya sa lupa.  Ano ang mga nasaksihan ni Theresa sa langit? Ano ang sinabi sa kaniya ng kaniyang Lola?  At ano ang mensahe ni Hesus sa kaniya?  Pakinggan ang totoong karanasan ni Theresa.

Napigil Na Pagpapakamatay
Apisode 18 - Sa Kabilang Buhay At Kababalaghan

Ang episode na ito tungkol sa balak na pagpapakamatay na hindi natuloy dahil sa isang mirakulong naganap. Ito ay totoong karanasan ni Padina at ng kaniyang Ina sa Iran. Dahil sa  kawalan ng pag-asa at paghihirap sa buhay, binalak ni Padina na magpakamatay at patayin ang kaniyang Ina sa kahilingan nito, ngunit hindi ito natuloy. Ano ang nagyaring mirakulo sa buhay ng mag-ina para mabago ang kaniyang matigas na desisyon na lisanin ang mundo kasama ang kaniyang Ina? Pakinggan po natin ang totoong karanasan ni Padina.

Atheist, Naligtas Sa Impyerno
𝗘𝗽𝗶𝘀𝗼𝗱𝗲 𝟭𝟳- 𝗦𝗮 𝗞𝗮𝗯𝗶𝗹𝗮𝗻𝗴 𝗕𝘂𝗵𝗮𝘆 𝗔𝘁 𝗞𝗮𝗯𝗮𝗯𝗮𝗹𝗮𝗴𝗵𝗮𝗻

Ang episode po natin ngayong Byernes ay tungkol sa isang atheist na walang pakialam sa damdamin ng kahit sinoman at masyadong naniniwala at umaasa sa sarili niyang kakayahan. Ang istorya pong ito ay totoong karanasan ni Howard. Siya po ay namatay sa ospital sa Paris kung saan ay nilinlang siya ng mga demonyo para sumama sa kanila sa Impyerno. Habang papunta doon ay pinahirapan siya ng mga demonyo ngunit isang boses ang nagturo sa kaniya kung paano makakaligtas dito. Pakinggan po natin ang totoong karanasan ni Howard sa kamatayan, pagtungo sa impyerno, langit at pagbabago sa lupa.

Episode 16 – Ang Ating Mansyon Sa Langit
Sa Kabilang Buhay At Kababalaghan

Ang episode na ito ay tungkol sa mansyon ng mga anak ng Diyos sa langit. Sinabi ni Hesus sa Bibliya na may inihanda Siyang mansyon para sa atin sa kaharian ng Kaniyang Ama. May mga tao sa kasulukuyan ang alam na ang itsura ng kanilang mansyon dahil dinala na sila doon ng Panginoong Hesus sa espirito. Dahil dito, pinapatotohanan ng ating Panginoon kung ano ang nasasaad sa Bibliya at ang Kaniyang katapatan sa Kaniyang mga pangako sa pamamagitan ng mga totoong karanasan ng mga anak Niya na nandidito pa sa lupa. Gusto n’yo bang magkaroon ng ideya kung ano ang magiging itsura ng mansyon n’yo sa langit? Pakinggan po natin ang totoong karanasan ni Donna.

Mga Demonyong Nagpapanggap Na Aliens
Episode 15 - Sa Kabilang Buhay At Kababalaghan

Ang episode na ito ay tungkol sa totoong karanasan ng isang Alien investigator. Sa kaniyang pagsasaliksik at pakikiharap sa mga taong biktima ng Aliens, isang sikreto ang kaniyang natuklasan na hindi gustong talakayin ng mga ahensiyang eksperto sa Alien investigation. Ang sikretong ito ay dapat malaman ng lahat para isalba ang mga tao na maaaring mabiktima o patuloy na binibiktima ng mga nagpapanggap na Aliens. Sino nga ba ang mga nagpapanggap na Aliens? Ano ang layunin nila sa pagpapakita sa lupa? Pakinggan po ninyo ang episode na ito at alamin ang sikreto sa likod ng mga nagpapanggap na Aliens.

Ang libro po ni Joseph Jordan at ni David Ruffino ay maaring makatulong sa subject na ito : https://amzn.to/3AdeAeR

Lung Donor Pinasalamatan Sa Langit
Episode 14 – Sa Kabilang Buhay At Kababalaghan

Ang episode na ito ay tungkol kay Mike, isang retired Minister na sumailalim sa double lung transplant. Namatay siya sa operasyon bago na-revive. Sa kaniyang pagkamatay maraming kababalaghan ang naranasan ng kaniyang asawa at mga kaibigan. Alam nila ang nangyari kay Mike. Alam nila na napunta si Mike sa langit at doon ay nakita nito at pinasalamatan ang kaniyang organ donor. Ano ang mga naranasan ng asawa at mga kaibigan ni Mike sa lupa noong mamatay si Mike? Ano ang naranasan ni Mike habang ito ay nasa langit? Pakinggan po natin ang totoong kasanasan ni Mike sa episode na ito.

Kapangyarihan Sa Likod Ng Musika
Episode 13- Sa Kabilang Buhay At Kababalaghan 

Ang Episode pong ito ay tungkol sa musika bilang isa sa mga makapangyarihang bagay na maaring maka-impluwens’ya sa ating desisyon, pagkatao, kabutihan o kapahamakan. Mapapakinggan po ninyo ang tunay na karanasan ni Jay, bilang isa sa mga musical artists na nakipag-kontrata kay Satanas kapalit ng katanyagan, pera at mga babae. Maririnig ninyo sa kaniyang istorya ang tipikal na pinagdadaanan ng karamihan sa mga artists na nakipag-deal kay Satanas. Ano nga ba ang resulta ng pakikipag-deal kay Satanas, ano ang epekto ng desisyon na ito sa taong nakipag-deal, maging sa mga taong tumatangkilik ng kanilang nilikha? Ano ang tinatawag na Alter Ego ng mga artists na ito? Maaari bang makatakas sa kontrata ang isang tao na nakipag-deal kay Satanas? Ang lahat po ng mga katanungang iyan ay masasagot sa pakikinig sa episode na ito. Ang lahat po ng salita na pumapasok sa ating kaluluwa sa pamamagitan ng panonood, pagbabasa at pakikinig ay may epekto po sa ating kalusugan at pagkatao, ito po ay napatunayan sa isang scientific experiment na nasa New York Times Best Selling book : https://amzn.to/3QxEWPA

Teleportation, Noon At Ngayon
Episode 12- Sa Kabilang Buhay At Kababalaghan

Ang episode na ito ay tungkol sa mga taong bigla na lang napupunta sa ibang lugar o bansa para sa gawain ng Diyos dito sa lupa. Ito po ay tinatawag sa Ingles na teleportation o translation. Para sa mga hindi nakaka-alam, ang teleportation ay paraan ng Diyos para mabilis na maipag-palaganap ang Kaniyang gawain sa lupa. Ito po ay nangyari sa Bibliya ng maraming beses at nangyayari din po ngayon. Pero bakit hindi ito napag-uusapan ? Bakit hindi ito itinuturo ng karamihan sa simbahan ? Anu-ano ang mga bagay na dapat nating gawin para iposisyon ang ating sarili sa mga mirakulong kaloob ng Diyos? Ang mga bagay pong ito ay malalaman ninyo sa pagbabasa ng librong ito : https://amzn.to/3vTtG7Z

Kristyano Ako Na Napunta Sa Impyerno
Episode 11 - Sa Kabilang Buhay At Kababalaghan

Ang episode na ito ay tungkol sa totoong karanasan ni Josh. Spirit-filled Christian si Josh pero may mga katanungan siya na gustong mabigyan ng kasagutan. Hindi maayos ang pinagdaanan ni Josh bago niya nakilala si Hesus. Isa siyang drug addict at New-ager. Labas-masok siya sa kulungan at rehabilitation center mula noong teen-ager siya. Nagkaroon din siya ng anak out of wedlock. Nasa depression siya noon at ilang beses nang nagpakamatay bago niya nakilala si Hesus. Gumanda ng buhay ni Josh simula ng makilala ang tunay na Diyos pero masama ang balak ng mga demonyo sa kaniya. Naghain ang mga ito ng bitag para mapunta siya sa impyerno. Ginamit nila ang nakaraan ni Josh para akitin ito sa kasalanan, para linlangin ito. Kinagat ni Josh ang bitag ng mga demonyo at dito nagsimula ang kaniyang kamangha-manghang karanasan. Ano ang bitag na inihain ng mga kaaway kay Josh ? Ano ang nangyari sa kaniya ? Paano niya nalusutan ang mga kaaway ? Anu-ano ang mga nakita at natuklasan niya sa kabilang mundo? Pakingan ang tunay na karanasan ni Josh.

Mabisang Armas Laban Sa Demonyo
Episode 10 - Sa kabilang Buhay At Kababalaghan

Ang episode na ito ay tungkol sa totoong kasaranasan ni Pastor Steven, matapos niyang magdasal sa espirito ng 15-oras na walang hintuan. Alamin ang mga mirakulong naganap sa kaniyang buhay mula sa pagda-drive papuntang California.  Ano ang isinakripisyo ni Pastor Steven para marating ang kaniyang tunay na kaligayahan ngayon?  Ano ang nakamit niyang mirakulo sa pagdadasal ng 15 oras na walang hintuan?  Pakinggan po natin ang totoong karanasan ni Pastor Steven at alamin kung papaano n'yo mapagtatagumpayan ang mga balakid ng kaaway na may layuning hadlangan ang magandang buhay na inilaan ng Panginoon Diyos para sa inyo.

Christian Mom VS. Voodoo Dad
Episode 9 - Sa Kabilang Buhay At Kababalaghan

Ang episode na ito ay tungkol sa spiritual warfare ng mag-asawa para sa kaluluwa ng kanilang anak na si Curtis. Ang Ina ni Curtis ay Kristyano samantalang ang kaniyang Ama ay isang high ranking Voodoo Priest. Noong kabataan ng kaniyang Ina ay nagpanggap ng Kristyano ang kaniyang Ama para mapa-ibig ito. Nagkaroon sila ng sampung anak at ikapito dito si Curtis. Si Curtis ay napili na maging high ranking Voodoo Priest sa Haiti para sa regimen ni Papa Doc Duvalier, ang dating dictator sa Haiti na nagpa-practice din ng Voodoo. Mula sa edad na apat na taon ay nag-training na si Curtis sa ilalim ng isang Voodoo Witch na galing sa Haiti. Habang nangyayari ito, patuloy ang Ina ni Curtis sa pakikipaglaban para sa kaligtasan ng kaniyang mga anak, lalung-lalo na para sa kaligtasan ng kaniyang ikapitong anak. Alamin kung papaano ginamit ng Panginoong Hesu-Kristo ang Ina ni Curtis para iligtas ang kaniyang anak sa impyerno.

Kung nais ninyong mabasa ang detalye sa buhay ni Curtis, maari ninyong malaman ang kaniyang karanasan sa kaniyang libro na « Bound to Lose Destined to Win » : https://amzn.to/3IlffOE

Lagim Sa Buhay Ng White Witch, Pinaghilom Ni Hesus
Episode 8 - Sa Kabilang Buhay At Kababalaghan

Ang episode na ito ay tungkol sa totoong karanasan ni Julie. Si Julie ay mula sa 5th generation witch. Pinalaki siya sa pangkukulam, at sa kaniyang teenage years, nagkaroon siya ng matinding depression at nagtangka siyang magpakamatay ng maraming beses. White witch ang kaniyang Ina pero noong lumipat sila sa Spain mula sa Columbia, hindi lang mga white witches ang na-attract sa kanila, may mga black witches din, at isa dito ay naka-assign na sirain ang buhay ng kaniyang buong pamilya. Alamin ang totoong karanasan ni Julie at kung papaano pinaghilom ni Hesus ang lagim na nangyari sa kanilang buhay.

Pagkikita ng Aborted Baby At Ng Kaniyang Ina Sa Langit
Episode 7 - Sa Kabilang Buhay At Kababalaghan

Ang episode na ito ay tungkol sa pagkikita ni Kim at ng kaniyang aborted baby sa langit. Noong 19 si Kim, nabuntis siya out of wedlock at nagpa-abort ng baby. Si Kim ay isa na ngayong Christian at isang araw habang hinihintay niya si Hesus sa oras ng pananalangin, inanyayahan siya ng Panginoong Hesus sa langit.  Maraming beses na ring nakarating si Kim sa langit, pero hinding-hindi niya makakalimutan ang unang pagkikita nila ng kaniyang anak,  na nasundan pa ng ilang beses. Ano kaya ang itsura ng baby ni Kim?  May galit kaya itong nararamdaman para sa kaniyang Ina?  Ano ang reaksiyon ni Kim nang malaman niya na anak niya ang kaniyang nakitang bata? Pakinggan kung ano ang kinalalagyan ng mga batang ipina-abort ng kanilang mga magulang sa pakikinig ng totoong karanasan ni Kim.

Ang mga karanasan ni Kim sa langit ay mababasa ninyo sa librong kaniyang isinulat na, "Heaven is Real and Fun": https://amzn.to/3yKphpD

Sinaksak Sa Leeg, Nakita Ang Langit At Impyerno
Episode 6 - Sa Kabilang Buhay At Kababalaghan

Ang episode na ito ay tungkol sa identical twins, isa sa kambal ang sinaksak sa leeg habang nasa loob ng sinehan, sa kaniyang pagkamatay, napunta ang kaniyang kaluluwa sa langit at nakausap niya ang ating Panginoong Hesus, ipinakita sa kaniya ni Hesus ang dalawang lugar na pupuntahan natin, matapos nating mabuhay sa lupa, ang langit o ang impyerno.  Anu-ano ang mga nakita niya sa langit at sa impyerno? Pakinggan po natin ang kaniyang totoong karanasan.

Tatay Ko Ang Dyablo, Hanggang Sa Mangyari Ito Episode 5 - Sa Kabilang Buhay At Kababalaghan

Sa episode na ito ay mapapakinggan ninyo ang tunay na karanasan ni John. Si John ay isang mataas na alagad ni Satanas. Devil worshipper ang pinagmulan ng kaniyang pamilya mula sa maraming henerasyon. Sa murang edad ay hiniling niya kay Satanas ang kamatayan ng kaniyang sariling Ama kapalit ng kaniyang kaluluwa dahil sa matinding pagkakamuhi dito. Sa pagaakalang mahina ang simbahan at ang mga Kristyano, pinayagan ni Satanas na magsimba si John at dito nagsimula ang kaniyang kasaysayan sa impyerno. Pakinggan natin kung papaano nakatakas si John sa impyernong kaniyang kinalagyan.

Pakinggan ang kabuuang karanasan ni John sa audiobook.  Libre lang ito sa unang pagkakataon.  https://amzn.to/3zUIRjM

Nagtampo Kay Hesus Matapos Bumalik Sa Lupa
Episode 4 - Sa Kabilang Buhay At Kababalaghan

Ang episode na ito ay tungkol sa totoong karanasan ni Annamarie ng siya ay mamatay pagkatapos tamaan ng kidlat. Isasalaysay dito ang kaniyang walang kapantay  na karanasan sa langit at kung bakit sa kabila nito ay may naramdaman siyang pagtatampo sa Diyos. Pakinggan po ninyo kung bakit sa mahabang panahon ay kinalimutan ni Annamarie ang kaniyang karanasan at paano nanumbalik ang kaniyang relasyon kay Hesus.

Ang Demonic Secret Ng New Age
Episode 3 - Ang Demonic Secret Ng New Age

Ang episode na ito ay tungkol sa totoong karanasan ni Alan, dating High Ranking New Age Leader. Nagsimula siya sa New Age sa edad na 13. Nag-training siya sa ilalim ng isang Hindu Guru at pagkatapos ng mahabang initiation at training, napasama siya sa Inner Circle na kasamang nagpapatupad ng New World Order. Layunin nitong magkaroon ng One World Religion at pasukan ng New Age Practices ang Kristaynismo. Sa pagitan nito, may nangyari sa buhay ni Alan na nagdulot sa kaniya upang talikuran ang New Age. Nagpakita sa kaniya si Hesus at binigyan ng bagong misyon sa buhay. Pakinggan natin kung papaano binago ni Hesu-Kristo ang buhay ni Alan. Mababasa ninyo ang kabuuang karanasan ni Alan sa kaniyang librong "Authentic Awakening: Dismantling the New Age Counterfeit" : https://amzn.to/3Nd6b0h

Pag-uusap Sa Pinto Ng Langit
Episode 2 - Sa Kabilang Buhay At Kababalaghan

Ang episode na ito ay tungkol sa totoong karanasan ni Sandy. Si Sandy ay namatay at muling ibinalik ng Panginoong Hesus sa kaniyang buhay. Sa kaniyang pagkamatay, wala siyang ibang pagpipilian kung hindi tumalon sa kumukulong apoy ng impyerno mula sa pinto ng langit. Dito po ay nakausap niya ang Panginoong Hesus, na nagbigay sa kaniya ng mensahe, misyon at gabay sa pagbabalik niya sa katawan niya sa lupa. Pakinggan po natin ang kapana-panabik na pag-uusap nila ng Panginoong Hesus.

Ang kabuuang karanasan ni Sandy ay mababasa ninyo sa "My Encounter with Jesus at Heaven’s Gates" : https://amzn.to/3NJSBkS

Tungkol Sa Kabilang Buhay At Kababalaghan
Episode 1 - Sa Kabilang Buhay At Kababalaghan

Sa unang episode ay malalaman ninyo ang layunin sa likod ng show na, "Sa Kabilang Buhay at Kababalaghan."  Magbibigay ito ng mas malinaw na pagpapaliwag tungkol sa paksa ng podcast.  Maririnig n'yo rin ang karanasan ng inyong Host sa pagitan ng 2007-2014 tungkol sa mga New Age practices na pinasok niya.  Malalaman ninyo kung ano ang ilan sa mga New Age practices, kung bakit ito delikado at kung ano ang nasa likod nito.  Ano nga ba ang kapalit ng pagpasok sa New Age? Bakit natin ito dapat itigil?  Ano kaya ang dahilan kung bakit naakit ka dito? Ano ang katotohanang naghihintay sa buhay mo kay Hesus?

Kung kayo po ay may karanasan tungkol sa kabilang buhay at kababalaghan na nagpapatotoo ng ng kapangyarihan ng ating Panginoong Hesus, mag-iwan lang po kayo ng audio message sa link na ito: https://anchor.fm/jaimerie/message