Իմ ռադիո

Խոշոր պլան

Խոշոր պլան

«ՄՏՔԻ ՈՒԺԸ. արհեստական բանականությունը սահմաններից այն կողմ` էթիկայի շրջանակներում» խորագրի ներքո Հայաստանը 2–րդ անգամ կհյուրընկալի «WCIT 2024» նորարարության և տեխնոլոգիաների համաշխարհային կոնգրեսը։ Հոկտեմբերի 4-ից 7-ը Երևանում մեկ հարկի տակ կհավաքվեն մեծանուն խոսնակները, ոլորտի առաջատար մասնագետներ, կլինեն պանելային քննարկումներ, B2B հանդիպումներ, նորարարական ցուցադրություններ, բիզնես շնորհանդեսներ, սեմինարներ և այլ միջոցառումներ: WCIT2024/DigiTec կազմկոմիտեի գործադիր տնօրեն Հայկ Կարապետյանը տեղեկացրեց, որ ավելի քան 2000 միջազգային պատվիրակներ կլինեն Երևանում ու կքննարկեն արհետսական բանականությանն առնչվող մի շարք թեմաներ՝ տիեզերական տեխնոլոգիաներից ու ռոբոտաշինությունից մինչև չիպերի նախագծում և կառավարում։ Հայաաստանը որպես նոր տեխնո հաբ, հյուրերի, մասնակիցներին ներկայացնել առաջադեմ փորձ ու գիտելիքները։ WCIT-ի շրջանակում կանցկացվի DigiTec- տեխնոլոգիական ցուցահանդեսը։

Կիբեռանվտանգության մասին գիտելիքները խթանելու, փորձի փոխանակմանը նպաստելու նպատակով մայիսի 18-ից 26-ը անցկացվում է «Կիբեռանվտանգության շաբաթ 2024-ը»։ Այն մեկնարկել է BSides Yerevan 2024 կիբեռանվտանգության ոչ ֆորմալ համաժողովով, որի ընթացքում կիբեռանվտանգության ոլորտի 15 մասնագետ Հայաստանից և արտասահմանից ներկայացրել են թեմատիկ զեկույցներ կիբեռհարձակումների դրդապատճառների, անվտանգության տարբեր սպառնալիքների, էլեկտրոնային նամակագրությամբ փոխանցվող վտանգների մասին։

1919թ․ մայիսի 16–ին հիմնադրվեց ԵՊՀ։ Այսօր տեղի է ունեցել «ԲանՈՒԳործ. ԵՊՀ էքսպո-2024»–ը։ Մեկ հարկի տակ են հավաքվել դիմորդները, ուսանողները, գործատուները։

«ԱՊԱԳԱ» բարեգործական  հիմնադրամն իրականացնում է «Կրթությունից աշխատանք՝ մեկ ուսումնական ծրագիրը: Նպատակն է  աջակցել ուսանողներին՝ ունենալու մասնագիտական աշխատանք: Ծրագրին կարող են դիմել ՀՀ բոլոր ԲՈՒՀ-երի, ինչպես նաև պետական հավատարմագրում ունեցող համալսարանների  3-րդ կուրսի  ուսանողները: Մանրամասների մասին զրուցում ենք «ԱՊԱԳԱ» բարեգործական հիմնադրամի գործադիր տնօրեն Ռոզա Սոլոմոնյանի հետ:

Գործատուն և աշխատանք փնտրողը կարող են հանդիպել e-work.am թվային նոր հարթակում, որն օրերս ներկայացրեց ՀՀ աշխատանքի և սոցիալական հարցերի նախարարությունը։ Հարթակը մշակել է «Նորք» տեխնոլոգիաների կենտրոնը: e-work.am–ում կարելի է անվճար գրացվել և օգտվել առաջարկվող գործիքակազմից։ Եթե չունեք CV , ապա առաջարկվող տարբերակներից հնարավոր է ընտրել և ավելացնել ձեր պատմությունը։

2019թվականից մեկնարկած «Գաղափարից բիզնես» պետական ծրագիրը շարունակվում է. այս տարի էլ նորարարական գաղափարներ ունեցող ՏՏ ընկերությունները կարող են դիմել մրցույթին և ԲՏԱ նախարարությունից ստանալ դրամաշնորհ։

«Ձեռնարկությունների ինկուբատոր» հիմնադրամը և Sololearn ընկերությունը ԱՄՆ Միջազգային զարգացման գործակալության կողմից ֆինանսավորվող «Հայաստանում աշխատուժի զարգացման» ծրագրի շրջանակում իրականացնում են «Քո աշխատանքի բանալին․․․․» նոր նախաձեռնությունը, որի նպատակն է մարզաբնակ 15-29 տարեկան երիտասարդներին  ծանոթացնել ծրագրավորման լեզուների հիմունքներին։

Ծրագրի մանրամասների մասին պատմում է «Ձեռնարկությունների ինկուբատոր» հիմնադրամի «Հայաստանում աշխատուժի զարգացման» ծրագրի ղեկավարի տեղակալ Լուսինե Ղուկասյանը։ 

Հայաստանում անձնական տվյալների պաշտպանության մասին հանրային իրազեկվածությունը բավարար մակարդակի չէ: Իսկ ահա երեխաների անձնական տվյալների պաշտպանությունն ունի իր առանձնահատկությունները։ Անձնական տվյալների պաշտպանության գործակալության փորձագետ Մկրտիչ Խաչատրյանը հորդորում է սոցիալական ցացներում ինչ որ բան հրապարակելիս առաջնորդվել երեխայի շահով և անհարկի չվտանգել նրան։ Երեխաների անձնական տվյալների հրապարակումը կարող է հետագայում ազդեցել նրանց կյանքի որակի վրա:

«Ալիք» երիտասարդական նախաձեռնությունը շուտով 1 տարեկան կդառնա. զրուցում ենք անցած ճանապարհի և առաջիկա ծրագրերի մասին։

Պոլիտեխնիկական համալսարանում մեկնարկում է «Բլոկչեյն և Վեբ3 տեխնոլոգիաներ» մասնագիտությամբ բակալավրի որակավորում տրամադրող կրթական ծրագիրն, որը իրականցվում է ՀՀ բարձր տեխնոլոգիաների արդյունաբերության նախարարության և Web3 Հայաստան հիմնադրամի հետ համատեղ։ Ուսումնական ծրագիրը ստեղծվել է այս նորարար տեխնոլոգիական ոլորտում հմուտ մասնագետների աճող պահանջարկը լուծելու համար՝ խթանելով ակադեմիական գերազանցության և իրական աշխարհի խնդիրների լուծման միջավայրը: Նոր ծրագրի ընդունելությունը սկսվում է այս տարվա սեպտեմբերից։

Շարունակվում է «Բազմակուսակցական ժողովրդավարության հայկական ակադեմիա» ծրագիրը: Նպատակն է ձևավորել քաղաքական ձգտումներ ունեցող երիտասարդների նոր սերունդ, որը ունի արդյունավետ առաջնորդ դառնալու և Հայաստանում ժողովրդավարության, քաղաքացիական ներգրավման ջատագով լինելու մոտեցումներ:

Լիակատար մեկուսացման պայմաններում 6 անալոգ տիեզերագնաց` Ավստրիայից, Գերմանիայից, Նիդերլանդներից, Իտալիայից և Իսպանիայից, 12 տարբեր մարսագնացների և ռոբոտատեխնիկայի միջոցով մարտի 12–ից ապրիլի 5–ը իրենց առաքելությունն իրականացրեցին Արարատի մարզի Արմաշ գյուղում կառուցված «Մարսյան կայանում»։ Գրեթե մեկ ամիս տևած առաքելության ընթացքում անցկացրել են փորձեր՝ նախապատրաստվելով ապագա մարդկային և ռոբոտային Մարսի հետախուզական առաքելություններին: Հայկական և Ավստրիական տիեզերական ֆորումների համագործակցությամբ կայացավ «AMADEE-24» դեպի Մարս 14-րդ միջազգային սիմուլյացիան։ Ընտրությունը կանգ է առել Հայաստանի վրա, քանի որ Մարսի երկրաբանական և տեղագրական նմանակն է։ Գտնվելու վայրը հարմար է սարքավորումների վարքագիծը գործառնական շղթայում մարդու միաժամանակյա մասնակցությամբ և գործիքների օգտագործմամբ ուսումնասիրելու համար, մշակելու այնպիսի հարթակներ, որոնք թույլ կտան թեստավորելու կյանքի հայտնաբերման երկրաբանկական գործիքները փորձերի համար և այլն։ 

Հայաստանի սփյուռքի գործերի գլխավոր հանձնակատարի գրասենյակը մեկնարկում է «Սփյուռքի երիտասարդ դեսպան» ծրագրի հայտերի ընդունումը: Ծրագրին այս տարի կարող են մասնակցել ինչպես համայնքում ակտիվ, այնպես էլ իրենց գործունեությունը նոր սկսած 20-35 տարեկան սփյուռքահայ երիտասարդները: Ծրագիրը մեկամյա է. ընդգրկում է 2024 թ. սեպտեմբեր-2025 թ. օգոստոսն ընկած ժամանակահատվածը և ընթանում է երկու փուլով: Հայաստանում կանցկացվի տասնհինգօրյա դասընթաց` սեպտեմբերի 22-ից հոկտեմբերի 7-ը։

Հայաստանի գիտության և տեխնոլոգիաների հիմնադրամը անցկացնում է Նորարար կանայք (Women Innovators) ծրագիրը, որի գլխավոր նպատակն է հզորացնել և բացահայտել Հայաստանում ԳՏՃՄ ոլորտների կանանց ձեռնարկատիրական ներուժը՝ նրանց տրամադրելով անհրաժեշտ գիտելիքներ, մտածելակերպ և կապեր: Ծրագիրը տևելու է 2,5 ամիս, կարող են մասնակցել ակտիվ հետազոտողներ կամ ասպիրանտներ, կանայք, որոնք ունեն կամ ստանում են բակալավրի, մագիստրոսի կոչում ԳՏՃՄ ոլորտներում։ Հայտադիմումը կարող եք լրացնել մինչև ապրիլի 15–ը։

Երևանի թատրոնի և կինոյի պետական ինստիտուտում «Ֆաբուլա ֆիլմարտադրության լաբորատորիա» միջազգային նախագծի շրջանակում անցկացվել է «Կինոյի հիմունքներ» խորագրով երկշաբաթյա դասընթացը, որին մասնակցել են 12-15 տարեկան դպրոցականները:

Հայաստանի ազգային պոլիտեխնիկական համալսարանի 9-րդ մասնաշենքում բացվել է վերանորոգված և IoT լաբորատորիայի վերածված երկու լսարան, որտեղ սովորելու են IoT լուծումներ մշակող մասնագետներ: Այսօր շատերն են լսում «Իրերի ինտերնետ» արտահայտությունը կամ Internet of Things (IoT): Իսկ ի՞նչ է այն և ի՞նչ նպատակով են կիրառում։

Իրականում իրերի ինտերնետն ամենուր է․ սկսած օդափոխության համակարգից, որը մենք  կառավարում ենք սմարթֆոնով, մինչև  թվային համակարգերով հագեցած սմարթ տները և այս ցանկը գնալով ընդլայվում է։ Իրերի ինտերնետը մեր կյանքին նոր արագություն, նոր որակ է հաղորդում։ Սա այնպիսի ոլորտ է, որտեղ տեխնոլոգիաները միահյուսված են մարքեթինգի, տվյալագիտության վաճառքների ու բիզնես-ռազմավարության հետ:

ԵՊՀ ՍԹԵՄ դպրոցը հիմնադրել է «Երևանի պետական համալսարան» հիմնադրամը՝ Հայաստանում մրցունակ կրթությունը խթանելու նպատակով: Դպրոցի ընդունելությունը կատարվում է երկու փուլով՝ գրավոր և բանավոր։ Ուսուցման հիմնական լեզուն հայերենն է։ Միևնույն ժամանակ՝ բոլոր աշակերտներից ակնկալվում է անգլերենի և այլ օտար լեզուների իմացություն։

2024-ին Հայաստանն առաջինն անգամ մասնակցել է Իրավաբանական խորհրդատվության Բրաուն Մոսթեն միջազգային մրցույթին։  Փետրվարի 24-ին և 25-ին Երևանում անցկացվել է հայտնի մրցույթի ազգային փուլը, որի հաղթող թիմի անդամները ապրիլին կմեկնեն Լեհաստան՝ ներկայացնելու Հայաստանը մրցույթի միջազգային փուլին։  

Թվային տեխնոլոգիաները մեր կյանքի անբաժան մասն են, դրանց անմիջական ազդեցությունը հատկապես զգում են երեխաներն ու դեռահասները։ Երևանի բժշկական համալասրանում Հերացի վերլուծական կենտրոնն օրերս կազմակերպել էր «Թվային հիգիենա, գաջեթներ, կախվածություն մանկական և դեռահասային տարիքում» թեմայով համաժողովը։ ԵՊԲՀ ռեկտոր Արմեն Մուրադյանի խոսքով՝ թվային տեխնոլոգիաների մուտքը մեր կյանք անխուսափելի է, համատարած զարգացումը հեռանկարային է և պետք է ընտրել ոչ թե արգելքի, այլ կանոնակարգման ճանապարհը:

Մասնագիտական կրթության որակի ապահովման ազգային կենտրոնի «Ուսանողության ձայն» ծրագիր 13 տարեկան է։

Հայաստանի գիտության և տեխնոլոգիաների հիմնադրամի «ԱԲ սերունդ» դպրոցական ծրագրին անհարժեշտ են ԱԲ դասավանդողներ, որոնք աշակերտների համար կբացահայտեն ոլորտի անսահման հնարավորությունները։ Ծրագրի նպատակը աշակերտներին ոչ միայն գիտելիքներով զինելն է, այլև ներուժ ունեցողներին գիտության, տեխնոլոգիաների, ճարտարագիտության և մաթեմատիկայի ոլորտներ ուղղորդելը։

«AMADEE-24» առաքելության ամենասպասված իրադարձությունը տեղի կունենա Արարատի մարզում՝ բարձր ժայռոտ սարահարթի վրա։ 6 անալոգ տիեզերագնացներ մարտի 12–ին կհագնեն սկաֆանդրները և մինչև ապրիլի 5-ը կմեկուսանան տիեզերակայանում, 12տարբեր մարսագնացների և ռոբոտատեխնիկայի միջոցով կանցկացնեն փորձեր՝ նախապատրաստվելով ապագա մարդկային և ռոբոտային Մարսի հետախուզական առաքելություններին:

LeapTrips ստարտափը ճամփորդությունների սիրահարներին առաջարկում է հետաքրքիր ու ոչ ստանդարտ ուղղություններ։ Հավելվածը կգործարկվի ամռանը, այժմ ընթանում են մշակման աշխատանքներ։ LeapTrips–ի մասին զուրցել ենք համահիմնադիր Ռուզան Մելիք Յոլչյանի հետ։

Ինչ ներուժ և ապագա ունի Հայաստանը տիեզերքում. մարտի 1-ին Երևանում թեմատիկ երեկո կանցկացվի, որի ընթացքում կցուցադրվի Սոնա Թորոսյանի «Տիեզերական Հայաստան» լրագրողական հեռուստապոեմը։ Այն պատմում է հայրենական առաջին արբանյակ Հայասաթ 1-ի մասին, ներկայացնում AMADEE-24-ի նախապատմությունը։

Տեղի կունենա նաև «Մասնագիտությունը՝ տիեզերք» թեմայով պանելային քննարկում, որին կմասնակցեն նաև ոլորտի մասնագետները։

Թեմայի մասին զրուցել ենք Սոնա Թորոսյանի և Բազումք գիտահետազոտական լաբորատորիայի համահիմնադիր Ավետիք Գրիգորյանի հետ։

Երևանի պետական համալսարանի ուսանողների, ասպիրանտների և երիտասարդ դասախոսների սոցիալական խնդիրները լուծող նորարարական գաղափարներն այսուհետ կարող են իրականանալ Սոցիալական ձեռներեցության ինկուբացիոն ծրագրի միջոցով։ Օրերս ԵՊՀ–ը, Ձեռնարկությունների ինկուբատոր հիմնադրամը և Ցե-Կվադրատ Ամպեգան ստորագրել են փոխըմբռնման հուշագիր։ ԵՊՀ բիզնես ինկուբատորի տնօրեն Ռուբեն Գեվորգյանը նշում է ծրագիրը մշակվել է համատեղ ջանքերով։ Մասնակիցներին կտրամադրվեն անհրաժեշտ ռեսուրսներ և մենթորություն: Ինկուբացիոն ծրագրի մասնակիցները ձեռք կբերեն ձեռներեցության, առաջնորդության հմտություններ, հնարավորություն կունենան կառավարել և զարգացնել սեփական բիզնեսը, ինչի արդյունքում էլ կկարողանան ստեղծել կամ գրանցել ձեռնարկություն։

Մըրֆիի ողջ ստեղծագործական կյանքն ասես հույզերի կծիկ լինի, նրա մարմնավորած կերպարներից յուրաքանչյուրում ապրում են մարդկային ամենատարբեր էմոցիաներն ու զգացումները:

Սառը հայացքը, երկար լռությունը և անսպասելի գործողությունները որքան հատուկ են նրա մարմնավորած կերպարներից յուրաքանչյուրին, այնքան էլ հատուկ են հենց իրեն` Մըրֆիին: Այդ պատճառով էլ արտիստն ամեն անգամ ասում է` յուրաքանչյուր ֆիլմի ավարտից հետո զգում է` որքան ամուր է կերպարի և իր սեփական անձի հուզական ու հոգևոր կապը: 

Հոգեբանական աջակցություն` առցանց հարթակում

Շատ մասնագետներ ինտերնետի ներկայիս մոդելը՝ Web2․0, հնացած են համարում գրաքննության, օգտատերերի անձնական տվյալների հավաքման և շատ այլ սահմանափակումների պատճառով։ Իսկ ահա Web3-ը ինտերնետի հաջորդ իտերացիան է, որը ապակենտրոնացած համակարգերի միջոցով թույլ է տալիս կախված չլինել խոշոր տեխնոլոգիական ընկերություններից:

Web3 Armenia հիմնադրամի գործադիր տնօրեն Մետաքսե Ղամբարյանի հետ զրուցել ենք ինտերնետ տեխնոլոգիաների զարգացման մեջ Web3–ի նշանակության, հեռանկարների և անվտագության մասին։

Խիստ անձնական թեմաների մասին խոստովանանքները հավաքվել էին էջերում, դարձել գիրք և հայտնվել գրատանը` հրավիրելով բոլորին տեսնելու, թերթելու ու զգալու տխրության մեջ ապրող լույսը: Համլետ Առաքելյանի «Ինչ տխուր է սակայնը» նրա առաջին հայալեզու բանաստեղծությունների ժողովածուն է, որտեղ ամփոփված են պոետի` տարբեր ժամանակներում ապրած հույզերն ու զգացողությունները:

Համլետ Առաքելյանն ասում է՝ գրքում տեղ գտած բանաստեղծությունները ենթարկվել են միմիայն զգայական բաժանումների: 

ԿԶՆԱԿ հիմնադրամի կրթական նախագծերի մասին պատմում է կրթական նորարարությունների և հետազոտությունների վարչության պետ Լիլիթ Մկրտչյանը

Առաջատար տեխնոլոգիաների ձեռնարկությունների միության 23-րդ տարեկան համաժողովին ընդունվել է առաջիկա երեք տարվա ռազմավարությունը: ԱՏՁՄ նախագահի պաշտոնում վերընտրվեց Ալեքսանդր Եսայանը, միության տնօրեն՝ Սարգիս Կարապետյանը։ ԱՏՁՄ-ն, ինչպես 2019-ին, ևս մեկ անգամ ստացել է Հայաստանում Տեղեկատվական տեխնոլոգիաների համաշխարհային կոնգրեսը՝ WCIT-ն հյուրընկալելու բացառիկ իրավունքը, որը կլինի Digitec Expo-ին զուգահեռ։ Միությունն իրականացրել է բազմաթիվ ծրագրեր, բուհերի, պետական կառույցների հետ ունեցել է արդյունավետ համագործակցությունը, բայց առանձնահատուկ պետք է ընդգծել «Արմաթ» ինժեներական լաբորատորիաների կրթական ծրագրի կարևոր դերը՝ Հայաստանում տեխնիկական կրթության ու մասնագետների պատրաստման գործում:

Նա էկրաններին մշտապես երևացել է նուրբ և կանացի կերպարներով, մինչդեռ նրա ձայնը կրկնօրինակել է շատ ավելի ուժեղ կերպարներ ևս, նրա շեքսպիրյան անունն այսօր շատերին է անթարթ պահում կինոթատրոնների էկրանների մոտ ու պատմում նոր պատմություններ: Նա ամերիկյան դերասանուհի Էնն Հեթեուեյն է:

«EduTrend» նախագիծը և Հայաստանի պետական տնտեսագիտական համալսարանը հրավիրում են մասնակցելու «Բիզնեսը փոփոխվող աշխարհում» խորագրով համալսարանական կոնֆերանսին, որը նախատեսված է ՀՀ պետական և ոչ պետական բուհերի ուսանողների համար: Կոնֆերանսը տեղի է ունենալու փետրվարի 23-ին՝ ժամը 14:00-ից 19:00-ն, Հայաստանի պետական տնտեսագիտական համալսարանի կառավարման ֆակուլտետի 315 լսարանում:

VR ակնոցի միջոցով Կոմիտասի թանգարան–ինստիտուտի այցելուներն այսուհետ կարող են մուտք գործել Կոմիտաս վարդապետի՝ Պոլսում գտնվող բնակարանի աշխատասենյակ, տեսնել նրա ռոյալը, նույնիսկ նվագել դրա վրա, թերթել ալբոմը և «» այլ իրեր: Եռաչափ մոդելավորմամբ վիրտուալ աշխատասենյակը ստեղծել է Arloopa ընկերությունը, որի համահիմնադիր եւ գլխավոր տնօրեն Արման Աթոյանը նշում է , որ օգտագործելով նորագույն տեխնոլոգիաները, այցելուները նորովի կբացահայտեն Կոմիտասի աշխատասենյակը:

«Երեք դուռ» խորագիրը կրող գիրքը հրեա Ալեքս Բանայանի փորձառությունների ժողովածուն է: 19-ամյա տղան այստեղ հավաքագրել է հանրահայտ արտիստների և բիզնեսի ոլորտում հաջողություններ գրանցածների պատմությունները, նույնիսկ հարցազրույցներ անցկացրել նրանցից մի քանիսի հետ:

Գործարարների օրը` մարտի 3-ին, Երևանում կհայտնվի Forbes-ի ամենաերիտասարդ գիրքը, որը հայ ընթերցողի առաջ կբացի մի շարք գաղտնիքներ: Շնորհանդեսի կազմակերպիչ Արմեն Նիազյանն ասում է` գրքում տեղ գտած պատմությունները իրականությունից վերցված պատառիկներ են:

Հայաստանում գյուղատնտեսության ոլորտում մասնագիտական կրթության և ուսուցման արդիականացում» (ՄԱՎԵՏԱ) ծրագրի ՄԿՈՒ համակարգող՝ Լիլիթ Բեգլարյանը խոսել է ծրագրի, դուալ ուսուցման ձևի և գյուղատնտեսական մասնագիտությունների գրավչության մասին։

Հայաստանը Մարս մոլորակի «երկրաբանական նմանակն է»․ահա այս հիմնավորմամբ Հայաստանն այս գարնանը մեկ ամսով կդառնա Մարսի անալոգային հետազոտությունների անցկացման վայր։Հայկական և Ավստրիական տիեզերական ֆորումների համագործակցությամբ անցկացվելիք «AMADEE-24» դեպի Մարս 14-րդ միջազգային սիմուլյացիայի կազմակերպչական թիմերի անդամներն օրերս հյուրընկալվել էին Ավստրիայում Հայաստանի դեսպանությունում։

Էջմիածնի հռչակավոր սաների երկհարկանի տունը, որը Սևակը նմանեցրել է նկուղի` բառի ոչ պատկերավոր իմաստով, մինչ օրս կանգուն է:

Չանախչի գյուղի տանն այսօր գրեթե ոչինչ չի փոխվել, ամեն բան այնպես է, ինչպես մի ժամանակ, երբ Պարույրը հենց այդ տանը թղթին էր հանձնում այն ստեղծագործությունները, որոնք հետո պիտի դառնային բոլորինը: Նույն գյուղում` տնից մոտ երեք կիլոմետր հեռավորության վրա, այսօր գործում է Սևակի տուն-թանգարանը, որտեղ ամեն անգամ մտնելիս տպավորություն է, թե բանաստեղծն այնտեղ է ու սպասում է իր ընթերցողներին:

Թանգարանի գլխավոր ֆոնդապահ Ասյա Ադամյանը, խոսելով Սևակի մասին, պատմում է, թե ինչպես է հինգ տարի Պարույրն ապրել սեփական ծնողների հետ մեկ հարկի տակ` այլ մարդկանց կոչելով հայր ու մայր: 

ՀՀ սփյուռքի գործերի գլխավոր հանձնակատարի գրասենյակի «իԳործ» ծրագրի 2024 թվականի հայտադիմումների ընդունումը մեկնարկել է։ Ծրագիրը հնարավորություն է տալիս սփյուռքահայ մասնագետներին աշխատելու Հայաստանի պետական կառավարման համակարգում:

Գյումրու տեղեկատվական տեխնոլոգիաների կենտրոնն ու Հայ կրթական հիմնարկությունը 2021 թվականից իրականացում են «Խորը ինժեներական կրթական ծրագիրը»։

Տեխնոլոգիական հյուրատուն, Buggy տեսակի մեքենա, խելացի կառավարման համակարգ․ ահա այս և այլ նախագծեր են իրականացրել ուսանողները։ Ծրագիրը մեկնարկել է Շիրակի մարզում 2021 թվականի փետրվարին։ Առաջին տարվա հաջողությունից հետո այն ընդլայնվել է ու այնուհետև ծավալվել Լոռու և Արմավիրի մարզերում։

Ինը տարի դասական բալետ ուսումնասիրելուց հետո Կրուսը տեղափոխվեց ԱՄՆ՝ Նյու–Յորքի Քրիստինա Ռոտիի անվան դպրոց։ Հենց այստեղ սովորելու տարիներին Պենելոպեին սկսում են հմայել կինոն ու տեսախցիկները։ Իսպանացի ռեժիսոր Պեդրո Ալմոդովարի «Կապիր ինձ» կատակերգությունն ավելի է ամրապնդում աղջկա սերը կինոաշխարհի հանդեպ։ Եվ չնայած նա շատ երիտասարդ ու անփորձ էր՝ 15 տարեկանում գրանցվում է տաղանդների որոնման գործակալությունում։ Շատ չանցած Պենելոպեին հրավիրում են նկարահանվելու երաժշտական տեսահոլովակներում, որից հետո էլ նա հայտնվում է իսպանական հայտնի հեռուստաընկերություններից մեկում։

Արմավիրի մարզի Մյասնիկյան գյուղում տեղի ունեցավ «Հայաստանի մանուկներ» հիմնադրամի կողմից կառուցվող Երեխայի և ընտանիքի կենտրոնի հիմնարկեքի արարողությունը: Այն նշված մարզում կառուցվող ՍՄԱՐԹ ավանի առաջին բաղադրիչն է, որը կառուցվում է ամերիկահայ բարերար Հակոբ Յուրեջյանի նվիրաբերության շնորհիվ:

Կլորիկ աչքերով, հաճելի ձայնով Մոքսի ռոբոտն արժանացել է օրերես Լաս Վեգասում անցկացված CES 2024 սպառողական էլեկտրոնիկայի միջազգային ցուցահանդեսի նորարարական մրցույթի գլխավոր մրցանակի «Արհեստական բանականություն» անվանակարգում: Մոքսի ռոբոտը ստեղծել է ամերիկահայ Պաոլո Պիրջանյանի Embodied ընկերությունը։ Այն իր արհեստական բանականությամբ հեղափոխական տեխնոլոգիա է համարվում երեխաների զարգացման համար:

Հունվարի 9-ին Փարաջանովի շատ սիրելի «Մոսկվա» կինոթատրոնի հարակից տարածքը լի էր ռեժիսորի շնչով: Քաղաքը տոնում էր արվեստագետի ծննդյան 100 ամյակը:

Սերգեյ Փարաջանովի անվան թանգարանի տնօրենի ժամանակավոր պաշտոնակատար և գլխավոր ֆոնդապահ Մարիանա Մանուչարյանն ասում է` օրվա ընթացքում հիշարժան պահեր շատ են եղել: 

«Դիզակ Արտ» մշակութային, երիտասարդական կենտրոնը ստեղծվել է 2021թ մարտի 1-ից։ Այնտեղ իրականացվել են մի շարք ծրագրեր:

Նա 20-րդ դարի ամենահայտնի կինոնկարի գլխավոր հերոսն է, ընդամենը 8 տարեկանում նրան հաջողվել է վայելել հազարավոր մարդկանց սերը, իսկ տասը տարեկանում նա կարողացել է վաստակել իր առաջին մեկ միլիոն դոլարը:

Առանց նրա մարմնավորած կերպարի, այսօր դժվար է պատկերացնել ամանորյա տոները, նա «Տանը մենակ» կինոնկարի գլխավոր հերոս Քևինի դերակատար Մաքոլեյ Քալկինն է:

Համացանցում շատ են  կասկածելի կայքերը, տելեգրամ բոտերը, որոնք առաջարկում են առցանց աշխատանք։ Ֆրիլանս կամ հեռավար աշխատանքի դիմելիս պետք է ստուգել, արդյոք այն խաբեություն չէ, քանի որ քիչ չեն դեպքերը, երբ մարդիկ չեն վճարվել կատարված աշխատանքի դիմաց, կամ նույնիսկ գումար են կորցրել՝ տրամադրելով իրենց բանկային տվյալները։ ՏՏ փորձագետ Սամվել Մարտիրոսյանը ներկայացում է կեղծ կամ խարդախ հայտարարությունները ճանաչելու մի քանի մեթոդներ, կախված աշխատանքի տեսակից և հարթակից։

Մարտիրոս Սարյանի գույները մեկ ամիս առաջ Մոսկվայի բեմում պատմում էին հայրենիքի մասին, սակայն այս անգամ ` երաժշտության տեսքով: "Our generation” երգի մրցույթի 14 երիտասարդ երգիչների ցանկում էր նաև Սաթի Սարգսյանը, որն իր «Սեր Հայաստանին» երգով ներկայացրեց մեր երկիրը:

«Մի անգամ Հոլիվուդում», «Ուոլ Սթրիթի գայլը», «Ժամանակի մասին» և վերջապես ` «Բարբի».... այս և մի շարք այլ կինոնկարների շնորհիվ մեզ ծանոթ դարձավ անուն, որին Forbes-ն անվանում է ամենաերիտասարդ նորարարներից և կինոյում խաղի կանոնները փոխողներից, Time-ն աշխարհի 100 ամենաազդեցիկ մարդկանցից, իսկ Vanity Fair-ը` բեկումնային դերասաններից մեկը:

«Աստղազարդ երկինքը» կտավի շուրջ բազմաթիվ լեգենդներ են պտտվել: Շատերն ասում են, որ ստեղծագործությունում կատարյալ նմանությամբ պատկերված է 1889 թվականի հունիս ամսի աստղերի դիրքը: Հետազոտությունները հաստատել են, որ նկարում այդքան վառ փայլող աստղը Վեներան է: Այն հենց այդ դիրքում է եղել այն ժամանակ, երբ Վան Գոգն աշխատել է «Աստղազարդ երկինքը» կտավի վրա: Հաջորդ մեկնաբանությունն այն է, որ նկարիչն այս կտավի միջոցով ցանկացել է պատկերել ապագան: Իրականում Վան Գոգն ավելի պարզ և հասարակ իմաստ է դրել այս ամենում: «Աստղազարդ երկինքը» հայացք էր պատուհանից, որտեղ ամփոփվել էին նաև նկարչի հոգեվիճակն ու զգացումները:

Վինսենթի ստեղծագործական երազանքն է եղել նյութական տարրերի միջոցով ցույց տալ իր ողջ ներաշխարհը և այս կտավն էլ նրա մտքերի արտացոլումն է:

Նրա ֆիլմերում չկա սյուժետային հերթականություն, նա շատ հեշտ կարողանում է խառնել անցյալն ու ներկան և ստանալ հաջողված կինոարտադրանք:

Նա կինոմատոգրաֆիայում պոստմոդեռնիզմի ներկայացուցիչ, կինոռեժիսոր և սցենարիստ Քվենտին Տարանտինոն է:

Ինչ դեր ունեն ուսանողները որոշում կայացնելու գործում, ինչքանով է կարևոր ուսանողական ժողովրդավարության զարգացումը

ArmChurch հավելվածը թվային կապ է ստեղծում Հայ Առաքելական եկեղեցու քահանաների և հավատացյալների միջև։ Հավելվածի տարբեր բաժիներում օտատերերը կարող են կարդալ աղոթքներ, եկեղեցիների պատմությունը, քահանաների կենսագրությունը, տեղեկանալ առաջիկա եկեղեցական միջոցառումների, պատարգների մասին։

«Խոշոր պլան». Հետբուհական կրթությունը Հայաստանում

Ուրեմն..․ Sandra Bullock-ը, Channing Tatum-ը, Daniel Radcliffe-ն ու Brad Pitt-ը ջունգլիներում մի լավ ուրախանում են: Ի՞նչ է մնում մեզ, նստել և վայելել այդ աստղաբույլի արկածները։ Brad Pitt-ը ֆիլմում շատ քիչ է երևում ու տպավորություն է, որ երիտասարդ Channing Tatum-ին հենց ֆիլմում, անկախ սցենարից ոգևորում է, աջակցում, ցույց տալիս, որ այո, դու կարող ես, ջահել ջան։ Իսկ ջահելը ֆիլմում մի քիչ նարցիստիկ խանգարում ունեցող գեղեցիկ տղամարդ է, ու ոնց ասում է Sandra-ն՝ քո զենքը քո մարմինն է ու սիրուն դեմքը:

Ֆիլմը թույլ է․ սցենարը՝ չափից դուրս կանխատեսելի: Գուցե առաջ տալով նայեք, գուցե հետաքրքրությամբ նայեք, բայց նայեք, միայն Brad Pitt-ի համար հաստատ արժի նայել:

Փառքի, իշխանության, հարստության, ու գեղեցկության տեր մարդիկ միշտ չէ, որ երջանիկ են: Մերլինի փոխարեն լինելու համար մարդիկ պատրաստ էին նաև «հրաժարվել իրենց մեկ ձեռքից», այն ինչ ինքն ուզում էր փախչել այդ փառքից ու ամեն ինչից: Սա ֆիլմ է այն մասին, որ աշխարհահռչակ մարդիկ, որոնց շատերն են նախանձում, փորձում նմանվել, չգիտեն, թե իրականում էկրաններից այն կողմ ինչ է կատարվում, ինչ է զգում մարդն ու առհասարակ որքան է մոտ կամ հեռու կերպարից, որը տեսնում ենք։ Ֆիլմն էլ ընդհանուր լավը չէր: Շատ էին մերկացրել Նորմային էլ, Մերլինին էլ..․  Ֆիմի ողջ ընթացքում գուցե անհագ ցանկություն առաջանա ժամանակը հետ տալու, հասնելու այդ կնոջն ու բերելու մի տաքուկ անկյունում պահելու, փառքից հեռու, բայց ունենք այն ինչ ունենք, ինձ մնում է հուսալ, որ Մերլինն իր կյանքի որոշակի հատվածում գոնե անկեղծ երջանիկ և սիրված է եղել։ 

Եթե, ասենք, Ձեր ապրած տարիները շատ արագ անցնեին ու թվար՝ չեք հասցրել լիքը բան անել, կկարողանայի՞ք կես տարվա մեջ (պլյուս մինուսով) տեղավորել այդքանը։ Օրինակ՝ մարդիկ կան՝ կարողացան։

Ֆիլմի հերոսները շատերի սիրելի դերասաններն են․ Ջեք Նիքըլսընը ու Մորգան Ֆրիմընը։  Իմ աչքին նրանք ոչ մի կերպ միասին չնայվեցին ֆիլմում: Իրար չէին լրացնում, նայում էիր Ջեքին այլ իրականություն տեղափոխվում, Մորգանին՝ լրիվ այլ, միասին խանգարում էին զգալ ֆիլմը: Ու դա նրանց տարբերությունը շեշտելու լավագոււյն միջոցը չէր, հավանաբար հենց դրա համար էլ ընտրել էին այդ երկու տարբեր տրամադրություններ փոխանցող դերասաններին, բայց դե ամեն մարդու աչք իր ճաշակն ունի։ Այդ երկուսը հիվանդանոցում են ծանոթանում ու ընկերանում: Երկուսն էլ քաղցկեղ ունեն: Թե ինչպես են կարողանում հաղթահարել այդ լուրն ու ինչպես են ելքեր գտնում կարճ ժամանակում ապրելու, գիտեն միայն իրենք, Թոնին ու մենք՝ ֆիլմը նայելուց հետո։

Հարազատներիցս մեկը հաճախ է կրկնում, որ ոչինչ չանելը ծանր գործ է, ես էլ մտքումս ավելացնում՝ այո, բայց երբեմն էլ հաճելի։ Եթե հաշվեինք, թե քանի անգամ ենք մեր կյանքում ասել՝ ես ոչինչ չեմ ուզում անել, հաստատ մեծ թիվ կստացվեր, իսկ, եթե հաշվեինք, թե ասելուց հետո քանի անգամ իսկապես ոչինչ չենք արել, հաստատ փոքր թիվ կունենայինք, և դա մեր վախերի, որոշ պարտականությունների, ապրելու համար վաստակելու, հասարակության մեջ մեր դիրքը պահելու և էլի լիքը կարևոր բաների պատճառով կամ էլ շնորհիվ:

 Բարձր վարձատրությամբ աշխատանք, հարազատ քաղաք․ աղջիկն ամեն ինչ թողնում է ու գնում  ինչ-որ մի հրաշալի գյուղ, ընթացքում պարզում է, որ ինքն ուղղակի գոյատևել է և որ հաճախ պետք է փոխել ճանապարհի ուղղությունը, հետ գնալ, թեքվել աջ ու ձախ, մի քիչ շրջադարձ կատարել, գուցե մեծ թափով առաջ գնալ, բայց շեղվել, թեկուզ չնչին, բայց շեղվել, որ ավելի խաղաղ ու հանգիստ կյանքով կարողանանք ապրել։

Տպավորություն է, որ մարդիկ հաճախ շտապում են ինչ-որ որոշումներ կայացնել, որոնք իրենց կարծիքով ճիշտ են, նաև կաղապարում են իրենց ու սիրելիներին ինչ-որ վախերից դրդված, հետո, երբ իրավիճակին կողքից, այլ աչքով են նայում, հասկանում են, որ մի քիչ, շատ քիչ էլ համբերեին ամեն բան այլ կլիներ, բայց ինչպես ասում են՝ միշտ ունեն ենք այն, ինչ ունենք։

Ֆիլմը թեթև, սիրուն ու ծիծաղելի է շատ: Կարևորը.․․ գուցե նայելուց հետո հասկանաս, որ իրականում դու և նա, ում մասին հենց հիմա մտածեցիր, ոչ թե տարբեր եք ու պետք է հեռանաք իրարից, այլ չափից դուրս նման։ Ու հաճախ խնդիրներ առաջանում են, ոչ թե, որ չեք հասկանում իրար, կամ իրար համար չեք, այլ որովհետև ինքներդ ձեր բնավորության որոշ գծեր չեք հանդուրժում և ենթագիտակցորեն ձեզ նման մարդուն անընդհատ (կուզեի լավ համարժեք բառ գտնել, բայց պետք է այս մեկն ասեմ) անընդհատ բզում եք։  Սիրով եղեք։ 

ՏՏ ոլորտի կազմակերպությունները Armenian Code Academy նախաձեռնությամբ սկսում են «Tech for Artsakh» նախաձեռնությունը, որի շրջանակում անցկացնում են դասընթացներ Արցախից բռնի տեղահանված երիտասարդների համար: Ծրագիրը մեկնարկելուն պես 300 երիտասարդի հնարավորություն կընձեռվի կրթություն ստանալ տեխնոլոգիական ոլորտում: Դասընթացները կտևեն 3-9 ամիս, և յուրաքանչյուրի ուսանող կստանա անհատական կրթաթոշակ:

Մարքեթինգի ու բիզնեսի զարգացման մասնագետ Սերգեյ Գասպարյանի հետ խոսել ենք բիզնեսում մարքեթինգային գործիքների կարևորության, դրանց միջոցով արտահանման ծավալները մեծացնելու հնարավորության ու համագործակցությունների ընդլայնման մասին։

Իտալացի երաժիշտ Լորենցո Բանյատին ստեղծագործում է փոքր տարիքից: Ապրելով Վենետիկում` նա շարունակ հետաքրքրված է եղել ժողովրդական երաժշտությամբ, շատ հաճախ ֆրանսիական երաժշտության և Կոմիտասի երաժշտության մեջ ընդհանրություններ է գտել: Օրեր առաջ երաժիշտն իր «Արտացոլանք ջրում» խորագիրը կրող համերգով Հայաստանում էր` Կոմիտասի անվան կամերային երաժշտության ազգային կենտրոնում:

Դեկտեմբերի 10-ին, 13:00-19:00-ն Holiday Inn Yerevan Hotel-ում տեղի կունենա Artsakh Career Expo Vol.2 աշխատանքի տոնավաճառը: Էքոսպոյի շրջանակում ՀՀ տարբեր ոլորտի կազմակերպություններ կներկայացնեն իրենց թափուր հաստիքները, ինչի շնորհիվ արցախահայերը կգտնեն աշխատանք, ձեռք կբերեն նոր կապեր և ծանոթություններ:

«Համատեղելով ճարտարագիտությունը, գիտությունը և արվեստը»․ ահա այս խորագրի ներքո նոյեմբերի 24–26–ը կանցկացվի «Հայաստան - Ճարտարագիտական շաբաթ 2023»-ը։ Այն կազմակերպում են «Ձեռնարկությունների ինկուբատոր» հիմնադրամը և Ինժեներական ասոցիացիան։  Ճարտարագիտության ոլորտի ամենամյա գլխավոր իրադարձությունը կմեկնարկի նոյեմբերի 24–ին Հայաստանի ազգային պատկերասրահում։ Հաջորդիվ իր աշխատանքները կշարունակի Ինժեներական քաղաքում և Վանաձորում։

«Մենք ենք մեր սարերը», «Նահապետ», «Կտոր մը երկինք», «Հին օրերի երգը», «Մեր մանկության տանգոն»... այս բոլոր կինոնկարներում Նովենցը կերտել է իրարից տարբեր կերպարներ, սակայն իր համար ամենայուրհատուկը եղել է «Մեր մանկության տանգոն» կինոնկարն ու Սիրանույշի կերպարը: Հենց այս ֆիլմի շնորհիվ է արտիստը հաղթահարել վախերը և դարձել ավելի համարձակ:

Մինչ ֆիլմում նկարահանվելու առաջարկ ստանալը` Նովենցը Գյումրիում ապրել էր հինգ տարի, այդ տարիների ընթացքում առիթ էր ունենցել շփվել գյումրեցի կանանց հետ, հասկանալ նրանց հոգեբանությունը, այս կամ այն արարքում թաքնված իրական իմաստը: Երբ կարդացել է ֆիլմի սցենարն ու ծանոթացել Սիրանույշի կերպարին, հստակ պատկերացրել է` որ հատվածում ում է մարմնավորելու այդ դերում, ինչպես է ներկայանալու:

1933 թվականին Սարոյանի գործերն առաջին անգամ հրապարակվել են «Հայրենիք» շաբաթաթերթում, մեկ տարի անց լույս է տեսել նաև պատմվածքների ժողովածուն:

30-ականները գրողի ստեղծագործական կյանքի բուռն շրջանն են համարվում: Հենց 1935 թվականին էլ Սարոյանը մեկնեց իր առաջին ճամփորդությանը, որի ընթացքում առաջին անգամ եղավ հայրենիքում: Այս ճամփորդությունից հետո Սարոյանը գրում է «Քո կյանքի ժամերը» ստեղծագործությունը․ այն դառնում է ամերիկյան թատերական կյանքի ամենքննարկված ստեղծագործությունը: Հենց սրա շնորհիվ Սարոյանը ստանում է «Պուլիցերյան» և «Գրողի քննադատ» մրցանակները։

ՀՀ սփյուռքի գործերի գլխավոր հանձնակատարի գրասենյակը առաջին անգամ մեկնարկում է «ԴիասՊրո» մասնագիտական կամավորական ծրագիրը, որը հնարավորություն է տալիս սփյուռքահայ մասնագետներին առցանց կամ առկա եղանակով իրենց խորհրդատվական և փորձագիտական ներուժը ներդնել Հայաստանի Հանրապետության պետական մարմինների աշխատանքի զարգացման գործում:

Արցախցիների աջակցության ծրագրերն ընթացքի մեջ են։ Առաջին փուլը մոտենում է ավարտին։Աշխատանքի և Սոցիալական հարցերի նախարարության խոսնակ Զառա Մանուչարյանը ներկայացնում է ծրագրերի մանրամասները։

Օրեր առաջ Apple ընկերության հայ օգտատերերը Pegasus-ով վարակված լինելու մասին նոր ծանուցումներ են ստացել։ Տեղեկատվական անվտանգության հարցերով փորձագետ Սամվել Մարտիրոսյանի խոսքով՝ սա 2020թվականի Ադրբեջանի սանձազերծած պատերազմից հետո դեպքերի շարունակությունն է, երբ հաքերային հարձակմամբ հեռախոսները թիրախավորելու մի քանի ալիքներ եղան։

Ստեփանավանի շրջանային թատրոնում առաջին քայլերը Սոսին բերեցիՆ Երևան` Պատանի հանդիսատեսի թատրոն: Այստեղ էլ նա փայլեց իր յուրատեսակ խաղով, սակայն նրա տեղը Գաբրիել Սունդուկյանի անվան ազգային ակադեմիական թատրոնն էր, որտեղ դերասանն անցկացրեց կյանքի մեծ մասը` ավելի քան քառասուն տարի: Այս շրջանում նրա մասնակցությամբ բազմաթիվ ներկայացումներ զարդարեցին Սունդուկյան թատրոնի բեմը: Հետաքրքիր ու հատկանշական է, որ հենց այդ տարիների ընթացքում Սոս Սարգսյանը խաղաց քառասուն ֆիլմերում, որոնք դարձան հայկինոն ներկայացնող ամենավառ կինոնկարները:

«Նվագախմբի տղաները»‚ «Եռանկյունի»‚ «Մենք ենք, մեր սարերը», «Նահապետ»‚ «Խաթաբալա», «Ձորի Միրո» և այսպես շարունակ.... կինոնկարներից յուրաքանչյուրում Սոս Սարգսյանի կերտած կերպարներն առանձնահստուկ ու տարբերվող են, սակայն կա մի ընդհանուր գիծ, որը մշտապես երևացել է նրա թե´ ստեղծագործական, թե´ անձնական կյանքում. հայ մարդու, հայ շինականի կերպարը... ահա ա´յս կերպարն է ապրել Սոս Սարգսյանի մեջ ու փոխանցվել հանդիսատեսին:

Երևանում անցկացվել է մեծահասակաների մաթեմատիկայի օլիմպիադա, որին մասնակցելու համար դիմել է ավելի քան 500 հոգի։ Այն անցկացվել է երկու փուլով: Օլիմպիադան կազմակերպել է Armenian Code Academy-ն՝ կարևորելով օլիմպիական շարժումը, ինչպես նաև նպատակ ունենալով կարիերայի լավագույն հնարավորություններ ստեղծելու օլիմպիադաների մասնակիցների համար: Թեմայի մասին զրուցել ենք ACA-ի գործադիր տնօրեն Անահիտ Սարգսյանի և միջազգային ուսանողական թիմի ղեկավար Կարեն Քեռյանի հետ:

Կինոռեժիսորներն իրենց հուշերում հաճախ են գրում, որ, անկախ ամեն ինչից, Ջիգարխանյանի ձեռագիրը, ներկայությունը յուրաքանչյուր կինոնկարում կամ ներկայացման մեջ միշտ էլ անփոխարինելի է եղել։ Գալիս էր ու ընդամենը մեկ խոսքով, մեկ հայացքով բոլորի ուշադրությունը հրավիրում իր շուրջը։

Համալսարանական ներկայացումներից էլ արդեն պարզ էր՝ առանց թատրոնի և կինոյի Ջիգարխանյան լինել չի կարող։

Մինչև Արցախից բռնի տեղահանում Ստեփանակերտում և Մարտունու շրջանի Հաղորտի գյուղում էր գործում «Մունք» տեխնոդպրոցը։ Այնտեղ մասնագիտական կրթություն էին ստանում 250-ից ավելի ուսանող։ Տեխնոդպրոցի հիմնադիր տնօրեն Աշոտ Ավանեսյանին հանդիպել եմ «Դիջեթեք 2023» ցուցահանդեսին և «Մունք»–ի տաղավարում զրուցել տեխնոդպրոցի ստեղծման, կրթական ծրագրերի և արդեն Հայաստանում վերսկսվող աշխատանքների մասին։

«Տեխնոլոգիաներն ամենուր են» խորագրի հոկտեմբերի 13–ից 15–ը  «Մերիդիան» էքսպոյում 18-րդ անգամ անցկացվեց «ԴիջիԹեք» 2023 ցուցահանդեսը։ Մեկ հարկի տակ էին համախմբվել Հայաստանում գործող տեխնոլոգիական համայնքի ներկայացուցիչները։ Դրոններից մինչև էլեկտրական մեքենաներ, ծրագրային ապահովման աութսորս և տեղական պրոդուկտներից մինչև գիտահետազոտական և տիեզերական հետազոտություններով զբաղվող տեխնոլոգիական ընկերություններ:

Այս փուլում, երբ Արցախից բռնի տեղահանված մեր հայրենակիցներն աստիճանաբար լուծում են կեցության, կրթության հարցերը, կարևոր է նաև աշխատանք գտնելը։ Թափուր հաստիքների բոլոր առաջարկները մեկ հարկի տակ հավաքելու նպատակով հոկտեմբերի 31-ին տեղի կունենա «Artsakh Career Expo»-ն։ 30-ից ավելի ընկերություններ այդ օրը կներկայացնեն իրենց առաջարկները, կրթական կառույցները կկազմակերպեն քննարկումներ՝ փորձելով օգնել տուն ու գործ կորցրած մեր հայրենակիցներին։ Տոնավաճառի մուտքն ազատ է բոլորի համար, հասցե՝ Էլիտ Պլազա բիզնես կենտրոն։

Թեմայի մասին զրուցել ենք աշխատանքի տոնավաճառի համահիմնադիրներ Մանե Բարեղամյանի և Անի Ասոյանի հետ։

Արցախի պետական ջազ նվագախումբն այսօր նոր հասցե ունի: 

Խումբն իր գործունեությունը կրկին շարունակելու է հայրենիքում, հիմա` Ստեփանակերտի փոխարեն Երևանում:

Տիգրան Սուչյանը, հիշելով սեպտեմբերին տեղի ունեցածը, պատմում է, որ մեծ դժվարությամբ, բայց ստացվել է Արցախից դուրս բերել երաժշտական գործիքները, որոնք այսօր հնարավոր են դարձրել նվագախմբի գործունեությունը:

Նորաձևություն․ թերևս ամենաշատ յուրահատուկ բառեր ու տերմիններ ունեցող ոլորտներից մեկը։ «Ի՞նչ է, ո՞վ է»-ի այս թողարկումը բացատրում է ոլորտի «բարդ» բառերից ևս մի քանիսը։

Ի՞նչ է սեքսիզմը, արդյո՞ք այն վնասում է միայն կանանք, ինչու՞ են հատկապես ֆեմինիստներն այդքան ակտիվ պայքարում այս երևույթի դեմ ու որոնք են մեր հասարակությունում դրանից բխած խնդիրները․ այս բոլոր հարցերի պատասխանները գտեք էպիզոդում

Fake բառի թարգմանությունն, իհարկե, դժվար չէ գտնել, սակայն մեր օրերում, հատկապես համացանցում այն ունի մի քանի նշանակություն։ Սովորում ենք, թե ովքեր են օնլայն տիրույթի «ֆեյքերը» և ինչո՞վ կարող են վտանգավոր լինեն։

Վատ երևույթների դեպ պայքարելու համար նախ պետք է դրանք ճանաչել և ուսումնասիրել։ Այս թողարկմանը անդրադառնում ենք հատկապես ուսումնական հաստատություններում հաճախ հանդիպող վատագույն երևույթներից մեկին՝ բուլիինգին։

Հասարակական կազմակերպություն արտահայտությունն, ի տարբերություն «Ի՞նչ է, ո՞վ է» շարքի թեմաների մեծ մասը, ոչ նոր է, ոչ էլ մարդկանց անծանոթ, սակայն քչերն են լիովին պատկերացնում ՀԿ–ների նշանակությունն ու գործառույթները։ Այս էպիզոդում պատասխանում ենք այս թեմայով մի շարք հարցերի։

«Նոր ու մի քիչ բարդ արտասանվող» մասնագիտություններից հերթականը, որի մասին պատմում ենք copywriting–ն է։ Ի՞նչ է այն իրենից ներկայացնում և ինչ տեսակներ ունի, հարցրել ենք հենց մասնագետից։

Որքան ավելի է շատանում մեր կյանքի օնլայն հատվածը, այնքան ավելի օրակարգային է դառնում կիբեր անվտանգության խնդիրը։ Իսկ համացանցում մեր անվտանգությունն ապահովել հնարավոր է միայն մեդիագրագետ լինելով։ «Ի՞նչ է , ո՞վ է»–ի այս թողարկումը բացատրում է, թե ինչ է դա։

«Ի՞նչ է, ո՞վ է»-ում շարունակում ենք անդադառնալ «բարդ արտասանվող» մասնագիտություններին․ դրանցից հերթականը՝ customer support-ն է, որն իրականում, թարգմանելիս այնքան էլ բարդ չի թվում։ Թե ինչ է սա, պատմում է հենց մասնագետը։

Ֆեմինիզմ՝ պատմության թերևս ամենաքննարկված, քննադատված ու շատ հաճախ չհասկացված շարժումներից մեկը։ Ի վերջո ի՞նչ է ֆեմինիզմը, ո՞վքեր են ֆեմինիստներն ու ինչու՞ այս շարժումն արժանանում այսքան շատ ատելության։ Հարցրել ենք հենց ֆեմինիստից։

Եկեք խոստովանենք, որ նույնիսկ ավագ սերնդի, նույնիսկ այն մարդկանց շրջանում, որոնք գրեթե երբեք չեն օգտվում համացանցից, դժվար կլինի գտնել մեկին, ով չի լսել տիկտոկի մասին կամ գոնե մոտավորապես չգիտի, թե դա ինչ է։ Բայց, եթե դուք ծնվել եք 2000 թվականից ավելի վաղ, ապա վստահ ենք, այս երևույթը Ձեզ նույնպես, գոնե մի քիչ վախեցնում է ու բազմաթիվ հարցեր է առաջացնում։ Այս թողարկմանը Տիկտոկի մասին լսում ենք հենց Gen Z-ի ներկայացուցչից։

Եթե նախկինում թվում էր, թե հայտնիները, հասարակական ու քաղաքական գործիչները ինչ-որ առումով անձեռնմխելի են ու կարող են պատասխանատվություն չկրել իրենց ասածների, երբեմն էլ արարքների համար, ապա մեր օրերում, հատկապես արևմուտքում, նրանք ամենազգույշն են իրենց խոսքում․ պատճառը cancel culturn է՝ չեղարկման մշակույթը, որը կարող է մի քանի օրում ավարտին հասցնել ցանկացած հայտնի մարդու կարիերա։ Թե ինչ է դա՝ պարզում ենք այս թողարկմանը։

Նորաձևություն․ թերևս ամենաշատ յուրահատուկ բառեր ու տերմիններ ունեցող ոլորտներից մեկը։ Եթե Դուք էլ այնքան էլ լավ չեք հասկանում, օրինակ, հոթ քություրի ու պրետ ա պորտեի տարբերությունը, ապա «Ի՞նչ է, ո՞վ է»-ի այս թողարկումը հենց Ձեզ համար է։

Բոդիպոզիտիվը վերջին տարիներ առաջ եկած շարժում է, որը պնդում է՝ գեղեցիկ են բոլոր մարմինները, գեղեցիկ ենք բոլորս։ Չնայած առաջին հայացքից պարզ ու հստակ սահմանմանը, այս շարժմանը շատերը դեմ են ու այն շատերի մոտ առաջացնում է բազմաթիվ հարցեր։ Հենց դրանց ենք փորձել պատասխանել այս թողարկմանը։

«Ի՞նչ է, ո՞վ» է այս թողարկմանն անդրադառնում ենք մեր օրերում տարածված ու համացանցի զարգացմանը զուգընթաց, ցավոք, օր օրի աճող վատագույն երևույթներից մեկին՝ ատելության խոսքին։ Ի՞ նչպես տարբերել այն, պայքարել դրա դեմ ու պատահաբար չդառնալ դրա մասը։

Ի՞նչ է, ո՞վ է շարքում ի վերջո հասանք մի բավականին նոր բառի, որը մեր եթերում նույնպես լսում եք շատ-շատ հաճախ․ խոսքը փոդքասթի մասին է։ Պատմում ենք, թե ինչ է փոդքասթը , ինչո՞վ է տարբերվում ավանդական ռադիոհաղորդումներից և ինչու՞ է դարձել այսքան պահանջված։

Կրիպտոյի մասին նախորդ թողարկումներից մեկում ձեզ արդեն պատմել ենք, այս անգամ անդրադառնում ենք ժամանակակից արվեստի նորագույն ձևին՝ NFT-ներին։

Մեր օրերում հատկապես երիտասարդների շրջանում ամենապահանջված երաժշտական ժանրերից մեկը հանդիսացող K Pop-ը շատերի համար դեռ առեղծվածային երևույթ է։ «Ի՞նչ է, Ո՞վ է»-ի այս թողարկմանը պատմում ենք հենց հարավկորեական ժամանակակից մշակույթի մասին։

Արցախից բռնի տեղահանված մեր հայրենակիցների համար ՏՏ մի շարք ընկերություններ նախաձեռնել են անվճար դասընթացներ, որոնց ընթացքում երիտասարդները ձեռք կբերեն նոր հմտություններ, կսովորեն IT ոլորտի ամենապահանջված մասնագիտությունները։

Մեր օրերում ամենապահանջված մասնագիտություններից մեկը հանդիսացող մարկետինգի մասին իրականում միֆերն ու կարծրատիպերը շատ են։ Այս էպիզոդում աշխատանքի, դրա առանձնահատկությունների ու ոլորտում անհրաժեշտ հմտությունների մասին պատմում է հենց մասնագետը։

«Այս երգերը դու՞ ես գրում», «ուղղակի երգն ես էլի փոխում, հա՞», «նվագու՞մ ես», «սա ի՞նչ դաշնամուր է»․․․ պարզվում է, չնայած այս մասնագիտության վաղուց շատ հայտնի ու պահանջված լինելուն, DJ-նեը մինչ օրս ստանում են բազմաթիվ նման հարցեր իրենց աշխատանքի, աշխատանքային գործիքների ու երաժշտության մասին։ Դրանց բոլորին այս էպիզոդի ընթացքում պատասխանում է DJ Խորեն Հայրապետյանը։

Այն բոլոր տերմիններից ու արտահայտություններից, որոնց անդրադարձել ենք Ի՞նչ է, ո՞վ է շարքում, այս մեկը հեղինակին ամենաշատն է մտահոգել դեռ մանկուց։ Եթե դուք էլ մինչև վերջ չէիք հասկանում «գլոբալիզացիա» բառի իմաստը, այս էպիզոդից հետո վերջապես լիովին կհասկանաք։