ასათიანის კუთხე

ეპიზოდში მოგიყვებით ორ პარალელურ ისტორიას - ფსიქიატრიის, როგორც დარგის ამბავს, და იმას, თუ როგორ ესმოდათ ადამიანებს სიგიჟის ფენომენი სხვადასხვა ეპოქაში, როგორ აღწერდნენ მას ხელოვნებაში. ჩვენი სტუმარია ენდრიუ სკალი, რომელსაც ფსიქიატრიის ისტორიის მკვლევრებს შორის ერთ-ერთ უდიდეს ავტორიტეტად მიიჩნევენ.

ეპიზოდში შევხვდებით ნატა ტალიკიშვილს - 32 წლის ტრანსგენდერ პერფორმერს, აქტივისტს, კულინარსა და მებაღეს, რომელიც თბილისის სუბკულტურულ ცხოვრებას უნიკალურ სანახაობას მატებს, საჯარო მონოლოგის ფორმით - და თავის რთულ ცხოვრებისეულ გზას სხვების მიმართ სოლიდარობისა და იმედის წყაროდ აქცევს.

ეპიზოდში საუბარია მარიამ მაგდალინელის სახის ტრანსფორმაციაზე კულტურულ წარმოსახვაში, ქრისტიანობის და ხელოვნების ისტორიაში - და იმ უმნიშვნელოვანეს როლზე, რომელსაც ის, როგორც მთავარი მოწმე, ქრისტიანობის უდიდეს იდუმალებაში, აღდგომის საიდუმლოში ასრულებს.

ეპიზოდი ეძღვნება ინგლისელ მწერალს, ჯორჯ ორუელს - რომლის უკვდავმა დისტოპიურმა რომანმა, „1984-მა“ - ისევე, როგორც ზედსართავმა „ორუელიანური“ – უკრაინაში რუსეთის სისასტიკის ფონზე ამ დღეებში მორიგ ჯერზე შეიძინა დამზაფვრელი წინასწარმეტყველების აურა.

„ასათიანის კუთხის“ ამ ეპიზოდის სტუმარია ამერიკელი მწერალი, მეგი ნელსონი, თავისი საკულტო წიგნით „არგონავტები“ - რომელიც ახლებურად ფიქრის საშუალებას გვთავაზობს გენდერის, სექსუალობის, იდენტობის, სიყვარულის და დედობის თემატიკაზე.

„ასათიანის კუთხის“ სტუმარია მეოცე საუკუნის ლიტერატურის ერთ-ერთი უდიდესი ავტორის, სილვია პლათის ბიოგრაფი და ლიტერატურის კრიტიკოსი, ჰეზერ კლარკი, რომელიც პლათის ხანმოკლე ცხოვრებაზე და მხურვალე მემკვიდრეობაზე გვიყვება.

„ასათიანის კუთხის“ ეს ეპიზოდი ეძღვნება ალექსანდრევ კობერიძის ფილმს „რას ვხედავთ, როდესაც ცას ვუყურებთ?“, რომელსაც 2021 წელს კინოკრიტიკოსთა საერთაშორისო ფედერაციის პრემია, FIPRESCI ერგო.

„ასათიანის კუთხის“ ეს ეპიზოდი ეძღვნება ვილჰელმ რაიხს - ადრეული პერიოდის ავსტრიელ ფსიქოანალიტიკოსს, ფრაზის „სექსუალური რევოლუცია“ ავტორს, რომლის იდეებიც ძალიან მნიშვნელოვანი იყო მეოცე საუკუნის პოლიტიკური, სოციალური და კულტურული მოძრაობებისთვის.

„ასათიანის კუთხის“ ეს ეპიზოდი ეძღვნება მეოცე საუკუნის კულტურის მნიშვნელოვან ავტორს, იტალიელ პოეტს, კინორეჟისორს, მწერალს, დრამატურგს, მხატვარს და მოაზროვნეს, პიერ პაოლო პაზოლინის - რომლის დაბადების მეასე წლისთავსაც მისი თაყვანისმცემლები 2022 წელს იზეიმებენ.

ამ ეპიზოდში ვსაუბრობთ ამორძალებზე - ძველი დროის მეომარი ქალების ლეგენდაზე და ცხოვრებაზე, და გიამბობთ თბილისში, ზემოავჭალაში, 1927 წელს აღმოჩენილი სამარხის შესახებ, რომელიც ამორძალის მსგავსი მეომარი ქალის უძველეს სამარედ არის მიჩნეული.

„ასათიანის კუთხის“ ეს ეპიზოდი ეძღვნება პრერაფაელიტებს - ახალგაზრდა მეამბოხე მხატვრების ჯგუფს, რომელიც 1848 წელს, ლონდონში შედგა და ევროპის ხელოვნებას ახლებური, გაბედული ხედვა, კონცეფცია და მგრძნობელობა მოუტანა.

„ასათიანის კუთხის“ ეს ეპიზოდი ეძღვნება ნინა სიმონს - ამერიკული მუსიკის ლეგენდას და მთავარ მუსიკალურ ხმას სამოქალაქო უფლებებისთვის მებრძოლ მღელვარე მოძრაობაში.

„ასათიანის კუთხის“ დღევანდელი გამოშვება ეძღვნება ალბერ კამიუს - ფრანგ მწერალს, ესეისტს, ჟურნალისტს, დრამატურგს, ნობელის პრემიის ლაურეატს, რომელიც ისეთი იდუმალი და მწვავე ტექსტებით გვახსოვს, როგორებიცაა რომანები „უცხო“ და „შავი ჭირი“ და ფილოსოფიური ესეები, „სიზიფეს მითი“ და „ამბოხებული ადამიანი“.

„ასათიანის კუთხის“ ეს ეპიზოდი ეძღვნება სიმონ დე ბოვუარს, ფრანგული ეგზისტენციალიზმის ერთ-ერთ წამყვან მოაზროვნეს, ავტორს წიგნისა „მეორე სქესი“, რომელიც გამორჩეული მნიშვნელობის ტექსტია ფემინისტური თეორიის ისტორიაში.

ამ ეპიზოდში ვსაუბრობთ 1950-იანი წლების როკ-ენ-როლზე და და განვიხილავთ იმ სოციალურ რეალობას თუ იდეოლოგიურ კონფიგურაციებს, რომლებიც თან სდევდა როკ-ენ-როლიდან როკის, როგორც ჟანრის, დაბადებას.

„ასათიანის კუთხის“ დღევანდელი ეპიზოდი ეძღვნება ეგნატე ნინოშვილს, და იმ შეუცვლელ და უცნაურად მნიშვნელოვან ადგილს, რომელიც მას საქართველოს პოლიტიკურ და კულტურულ ისტორიაში უჭირავს.

„ასათიანის კუთხის“ ეს ეპიზოდი ეძღვნება ქალებში სხეულების, სიმსუქნის, საკვების და საკუთარი სურვილების შიშს. ეპიზოდის სტუმარია ბრიტანელი ფსიქოლოგი და მწერალი სიუზი ორბახი - ერთ დროს პრინცესა დაიანას ფსიქოთერაპევტი, რომელიც თავის ქვეყანაში კვებითი აშლილობების წამყვან სპეციალისტად ითვლება.

„ასათიანის კუთხის“ ეს ეპიზოდი ეძღვნება „კამასუტრას“ - ჩვენი წელთაღრიცხვით მესამე საუკუნეში, ინდოეთში დაწერილ წიგნს. „კამასუტრა“ ეროტიკულ სიყვარულში მსოფლიოს ყველაზე სახელგანთქმულ სახელმძღვანელოდ რჩება - თუმცა, მის შესახებ ძალიან ბევრი არასწორი, ზედაპირული, უხამსი და ვულგარული წარმოდგენა არსებობს.

„ასათიანის კუთხის“ ეს ეპიზოდი ეძღვნება ჰანა არენდტს, გერმანულ-ებრაული წარმომავლობის, შემდგომში ამერიკელ მოაზროვნეს, რომელმაც ზუსტი და შემზარავი დიაგნოზი დაუსვა მეოცე საუკუნის ფენომენის, ტოტალიტარიზმის, პოლიტიკურ ბოროტებას.

ეპიზოდი ეძღვნება ბილი ჰოლიდეის, ბევრის მიერ ჯაზის უდიდეს ვოკალისტად მიჩნეულ მომღერალს. ვსაუბრობთ მის უნიკალურ ხმაზე, სიმღერის სტილზე და იმ ძალაზე, რომელსაც მას ეს თავისი, შეუდარებელი და მელანქოლიური ხმა ანიჭებდა, ტკივილიანი და უსამართლობით სავსე ცხოვრების ფონზე.

„ასათიანის კუთხის“ ეს გამოშვება ეძღვნება ფრანგ ფილოსოფოსს, მემარცხენე აქტივისტს და ქრისტიან მისტიკოსს, სიმონ ვეის - იდუმალ და უნიკალურ მოაზროვნეს, რომელსაც ალბერ კამიუ „ჩვენი დროების ერთადერთ დიად სულს“ უწოდებდა.

„ასათიანის კუთხის“ ეს ეპიზოდი ეძღვნება დიდ ინგლისელ მწერალს, ვირჯინია ვულფს. ვსაუბრობთ მის ბიოგრაფიაზე, რომანებზე, პუბლიცისტიკაზე და იმ გაბედულ ექსპერიმენტებზე, რომლითაც მან, კიდევ რამდენიმე მოდერნისტ მწერალთან ერთად, ლიტერატურის მთელი ფორმა შეცვალა.

„ასათიანის კუთხის“ ეს ეპიზოდი ეძღვნება მუსიკოს მიხეილ შუღლიაშვილს - პედაგოგს და ავანგარდისტ კომპოზიტორს. ეპიზოდის სტუმრებთან ერთად გავიხსენებთ მისი ცხოვრების გზას და მოვუსმენთ ნაწყვეტებს მისი გამორჩეული ძალისა და ენერგიის მატარებელი მუსიკალური ნაწარმოებებიდან.

პოდკასტის ამ ეპიზოდის სტუმარია ირლანდიელი ავტორი, კევინ ტულისი, რომელიც იმის შესახებ გვიყვება, თუ როგორ შეუძლიათ ადამიანებს ერთმანეთს დაეხმარონ სიკვდილთან და საკუთარ მოკვდავობასთან გამკლავებაში.

„ასათიანის კუთხის“ დღევანდელი გამოშვების სტუმარია მსოფლიოს მასშტაბით ცნობილი ბრიტანელი კრიტიკოსი, ფსიქოანალიზის, ფემინიზმის და ლიტერატურის მკვლევარი, ჯაკლინ როუზი, რომელსაც ვესაუბრებით მის წიგნზე სათაურით „დედები: ესე სიყვარულსა და სისასტიკეზე“.

პოდკასტის ამ გამოშვებაში ვიხსენებთ ლეგენდარულ ამერიკელ მუსიკოსს, პრინსს და მის 1984 წლის საკულტო პროექტს Purple Rain, რომელიც ამ სახელწოდების სიმღერას, ალბომსა და ფილმს მოიცავს.

პოდკასტის ეს ეპიზოდი ეძღვნება მსოფლიოში ცნობილ ბრიტანელ ისტორიკოსს, ერიკ ჰობსბაუმს და მის “ეპოქების“ ოთხტომეულს, რომელიც საფრანგეთის რევოლუციიდან საბჭოთა კავშირის დაშლამდე პერიოდს მოიცავს და შეუცვლელ ტექსტებად ითვლება ისტორიით დაინტერესებული მკითხველისთვის.

„ასათიანის კუთხეში“ დღეს განცდაზე ვსაუბრობთ. შიშზე, რომელსაც ზიგმუნდ ფროიდი „Das Unheimliche“-ს უწოდებს და რომელსაც აღძრავს ერთდროულად ნაცნობისა და უცხოს, ჩვეულებრივისა და შემზარავის კომბინაცია.

პოდკასტის დღევანდელ გამოშვებაში კორონავირუსის პანდემიაზე ვსაუბრობთ - ვცდილობთ გავარკვიოთ, რა როლი აქვს ამ ახალი ვირუსის გავრცელებაში ადამიანის ქმედებას და რა დასკვნას გამოვიტანთ ამ ყველაფრიდან, თუკი საერთოდ შეგვწევს კოლექტიური დასკვნების გამოტანის უნარი.

„ასათიანის კუთხის“ დღევანდელ ეპიზოდში ვლაპარაკობთ სექსუალური აღზრდის მნიშვნელობაზე, ქალის სექსუალობის კონტროლზე, პორნოგრაფიის ჟანრზე, რომელიც - სამწუხაროდ - ახალგაზრდებისთვის ლამის სექსის სახელმძღვანელოდ არის ქცეული. ჩვენი სტუმარია ანდრეა ბარიკა, დამფუძნებელი ონლაინპლატფორმისა O.school.

„ასათიანის კუთხის“ დღევანდელი გამოშვება ეძღვნება 1950-იანი წლების ამერიკის ბიტის თაობას, თუ ბიტნიკების მოძრაობას და გვიყვება მის მთავარ ფიგურებზე და ტექსტებზე - მათ შორის ჯეკ კერუაკის რომანზე „გზაზე“ და ალენ გინზბერგის პოემაზე „ყმუილი“.

„ასათიანის კუთხის“ ეს ეპიზოდი მოგითხრობთ ამერიკელ მწერალზე და აქტივისტზე, ჯეიმს ბოლდუინზე. კაცზე, რომელმაც ზრდასრულობაში შეაბიჯა წამგებიანი პოზიციებიდან - იყო შავკანიანი, ღატაკი, ნიჭიერი და გეი - დღეს კი მის გარეშე წარმოუდგენელია თანამედროვე დასავლეთის ლიტერატურაც და ისტორიაც.

„ასათიანის კუთხის“ ეს ეპიზოდი ეძღვნება კულტურის მკვლევრის, გიორგი მაისურაძის წიგნს „სხვა ენა“, რომელიც მოგვითხრობს ენისა და პოლიტიკური, კულტურული, კლასობრივი ძალაუფლების ურთიერთმიმართებაზე.

„ასათიანის კუთხის“ ამ ეპიზოდის სტუმარია ბელგიელი ფსიქოანალიტიკოსი, პოლ ვერჰაგი, რომელმაც 1998 წელს სახელი გაითქვა წიგნით „სიყვარული მარტოობის ჟამს: სამი ესე ლტოლვასა და სურვილზე“.

„ასათიანის კუთხის“ დღევანდელი ეპიზოდი ეძღვნება ტონი მორისონს, ჩვენი დროის უდიდეს მწერალს, პირველ აფრიკელ-ამერიკელ ქალ ავტორს, რომელიც ნობელის ლიტერატურული პრემიით დაჯილდოვდა და რომელსაც ეკუთვნის მონობის ისტორიის შესახებ დაწერილი უმნიშვნელოვანესი ტექსტი - რომანი სახელად “Beloved”/”საყვარელი“.

„ასათიანის კუთხის“ ამ ეპიზოდში ვიხსენებთ მერაბ აბაშიძის მოთხრობას „აქეთ მაშხალები, კვაზიმოდო!“, რომელიც 1975 წელს გამოქვეყნდა და რომელშიც უჩვეულო ძალით და თანაგრძნობით წარმოგვიდგა გარიყული, ჩაგრული, უმრავლესობისგან განსხვავებული ადამიანის პერსპექტივა.

ლეონარდ კოენის სიმღერას „ჰალელუია“ ათწლეულამდე დრო დასჭირდა საიმისოდ, რომ ის შეემჩნიათ და დაეფასებინათ, მაგრამ შემდგომში ის ადამიანის ტრიუმფის და ტრაგედიის საერთაშორისო ჰიმნად იქცა. პოდკასტის დღევანდელ ეპიზოდში სწორედ ამ სიმღერის უჩვეულო ისტორიას გიამბობთ.

„ასათიანის კუთხეს“ სტუმრობს პოეტი ზვიად რატიანი, რომლის ცხოვრებაც მნიშვნელოვნად შეცვალა საპოლიციო ძალადობასთან შეჯახებამ 2017 წლის მიწურულს. ზვიადი გვიყვება ამ გამოცდილებაზე, გვიკითხავს თავის ახალ, საქართველოდან შორს დაწერილ ლექსს და იხსენებს მისი საეტაპო ტექსტის, „ნეგატივის“ ისტორიას.

რას წარმოადგენს დღევანდელი რუსეთი? რა გზით, როგორი ისტორიით, რა ტიპის კულტურული წარმოსახვით მივიდა ის დღევანდელ მდგომარეობამდე? „ასათიანის კუთხის“ ეს ეპიზოდი ამ თემებს მოიცავს და მასპინძლობს რადიო თავისუფლების რუსული სამსახურის თანამშრომლებს, ანდრეი შარის და იგორ პომერანცევს.

პოდკასტის დღევანდელი გამოშვება ეძღვნება არგენტინელ მწერალს, ხულიო კორტასარს და მის 1963 წლის „კლასობანას“, რომელსაც მეოცე საუკუნის ერთ-ერთ ყველაზე მნიშვნელოვან რომანად მიიჩნევენ.

პოდკასტის ეს გამოშვება ეძღვნება ამერიკული დამოუკიდებელი კინოს სიმბოლოდ მიჩნეული ჯონ კასავეტისის ცხოვრებას და შემოქმედებას. გამოშვების სტუმარია კასავეტისის კინოს ყველაზე ავტორიტეტიანი მკვლევარი, ბოსტონის უნივერსიტეტის პროფესორი რეი კარნი.

დღევანდელი გამოშვება ეხმიანება ჰომოფობიის წინააღმდეგ ბრძოლის დღეს და ეძღვნება „კემპის“ სახელით ცნობილ მგრძნობელობას - რომელიც, როგორც პოდკასტიდან შეიტყობთ, ერთდროულადაა ჰომოფობიის ირიბი შედეგიც და მის წინააღმდეგ მიმართული, ირონიული და ხშირად მწვავედ პოლიტიკური იარაღიც.

პოდკასტის ეს გამოშვება ეხება ქალების მკვლელობის ასახვის ფორმებს პოპულარულ კულტურაში - სერიალებში, ფილმებსა და წიგნებში. ვსაუბრობთ “მკვდარი გოგოების“ იდუმალ და ზოგჯერ რომანტიზებულ სახეებზე და იმ ზიანზე, რომელიც გენდერული და სექსუალური ძალადობის შესახებ კულტურაში დამკვიდრებულ კლიშეებს მოაქვს.

პოდკასტის ამ გამოშვებაში ვსაუბრობთ ქრისტიანობის საწყისებზე და იმ ისტორიულ ეტაპებზე, რომლებმაც განსაზღვრა ამ რწმენის თავდაპირველი, თანასწორობის რადიკალური იდეისა თუ პრინციპის ბედი.

პოდკასტის დღევანდელი გამოშვება ზიგმუნდ ფროიდს, და იმ მეოცე საუკუნის ადამიანს ეძღვნება, რომელიც, არაერთი ისტორიკოსის აზრით, სწორედ ფროიდის თერაპიულ ტახტზე დაიბადა.

პოდკასტის ამ გამოშვებაში ვმასპინძლობთ კანადელ მწერალს, დევიდ გილმორს, ავტორს 2008 წელს დაბეჭდილი წიგნისა „კინოკლუბი“, რომელშიც ის გვიყვება თავის თინეიჯერ შვილთან ურთიერთობაზე და კინემატოგრაფის ძალაზე.

პოდკასტის ამ გამოშვებაში ვიხსენებთ 1968 წელს გარდაცვლილ ქართველ პოეტს, შოთა ჩანტლაძეს, ავტორს ისეთი გამორჩეული ტექტებისა, როგორებიცაა „ტრამვაის“, „მანიფესტი“ და „ჩემი მაგიდის წიგნი“.

ამ გამოშვებაში ვმასპინძლობთ მუსიკოს შოთა ადამაშვილს, რომელმაც მთელი ცხოვრება მიუძღვნა შორს, შეერთებულ შტატებში ჩამოყალიბებულ ჟანრს, ქანთრის. და საკუთრივ ქანთრის საინტერესო ისტორიასაც მოგიყვებით მოკლედ.

პოდკასტის ამ გამოშვებაში ვსაუბრობთ „კუდიანის“ არქეტიპზე და „კუდიანებზე ნადირობის“ ისტორიაზე, უძველესი დროიდან დღემდე, როგორც გლობალურ, ისე დასავლეთის კონტექსტებში.

პოდკასტის ამ გამოშვებაში ვსაუბრობთ ინგლისელი ავტორის, ჯეი ეი ბეიკერის მიერ 1967 წელს გამოქვეყნებულ წიგნზე „შევარდენი“ - რომელსაც ბუნების შესახებ შექმნილი ლიტერატურის შედევრად მიიჩნევენ.

პოდკასტის ამ გამოშვებაში ვსაუბრობთ "მოღალატე ცოლის" სახეზე დასავლეთის ლიტერატურულ ტრადიციაში და ვმასპინძლობთ ამერიკელ მწერალს, ჯეიმი კუატროს, რომელსაც ადიულტერის თემის შესახებ ერთ-ერთ ყველაზე ღრმა და საინტერესო ავტორად მიიჩნევენ.

ამ გამოშვებაში ვმასპინძლობთ ჰენრი მარშს, ბრიტანეთის ერთ-ერთ წამყვან ნეიროქირურგს, ავტორს აღიარებული და წარმატებული წიგნისა „არ ავნო: სიცოცხლის, სიკვდილის და ტვინის ქირურგიის ამბები“.

პოდკასტის ამ გამოშვებაში ვსაუბრობთ ბრიტანელი მწერალი ქალის, ჯინ რისის მიერ 1966 წელს გამოქვეყნებულ წიგნზე "ფართო სარგასოს ზღვა", რომელმაც სამუდამოდ შეცვალა კლასიკური ინგლისური რომანის, შარლოტ ბრონტეს "ჯეინ ეარის" აღქმა.

ეპიზოდი ეძღვნება ვალტერ ბენიამინს, გერმანელ ფილოსოფოსს და კრიტიკოსს, რომლის მიერ 1930-იან წლებში შემუშავებულმა იდეებმაც უდიდესი გავლენა იქონია ვიზუალური ხელოვნების, ურბანული სივრცის, თუ ევროპული მოდერნულობის თანამედროვე აღქმაზე.

„ასათიანის კუთხის“ ეს ეპიზოდი ეძღვნება მეოცე საუკუნის ერთ-ერთი ყველაზე ენიგმატური მწერლის, ფრანც კაფკას ბიოგრაფიას და მის იმ უნიკალურ, სიზმრისეულ წარმოსახვას, რომელმაც, მათ შორის, წარმოშვა თანამედროვე ლიტერატურის უმნიშვნელოვანესი ტექსტები - „გარდასახვა“, „პროცესი“ და „გოდოლი“.

ეპიზოდში ვიხსენებთ ბლუზის ამერიკელ მომღერალს, უნიკალურ ჯენის ჯოპლინს, რომელსაც წელს, 19 იანვარს, 80 წელი შეუსრულდებოდა.

ეპიზოდი ეძღვნება ინგლისში მცხოვრები ამერიკელი პოეტის, ტომას სტერნზ ელიოტის 1922 წლის პოემას The Waste Land, „უნაყოფო მიწა“, რომელსაც ლიტერატურის ბევრი ისტორიკოსი მიიჩნევს ბოლო ასწლეულის ყველაზე მნიშვნელოვან ინგლისურენოვან პოეტურ ტექსტად.

„ასათიანის კუთხის“ ამ ეპიზოდში ვსაუბრობთ ამერიკის შეერთებული შტატების დაფუძნების ისტორიაზე - რევოლუციურ ომზე, დამოუკიდებლობის დეკლარაციაზე, საკონსტიტუციო ყრილობაზე, პირველ კაბინეტზე, ჯორჯ ვაშინგტონზე და მონობის პრობლემაზე, რომელიც ამ ისტორიას მძიმე და პარადოქსულ აჩრდილად გასდევს.

ეპიზოდი ეძღვნება დიდ ირლანდიელ მწერალს, ესთეტიციზმისა და გონებამახვილობის სიმბოლოს, ოსკარ უაილდს - მის ბრწყინვალე, დრამატულ ცხოვრებაზე და უნიკალურ ლიტერატურაზე მოგვითხრობს უაილდის ბიოგრაფი, ბრიტანელი ისტორიკოსი მეთიუ სტერჯესი.

როგორ მოხდა, რომ ევროპის საზოგადოებები, რომლებშიც შუა საუკუნეებში რელიგიისა და რელიგიური ინსტიტუტების ძალაუფლება ლამის ყოვლისმომცველი იყო, მძლავრად სეკულარულ, თუ „პოსტრელიგიურ“ საზოგადოებებად ჩამოყალიბდნენ? ამ ამბავს მოგვითხრობს პროტესტანტული ქრისტიანობის ბრიტანელი ისტორიკოსი, ალეკ რაირი.

ეპიზოდი ეძღვნება ლუ ანდრეას-სალომეს, ევროპაში რუსეთის იმპერიიდან ჩასულ მწერალს, ესეისტსა და ფსიქოანალიტიკოსს - ქალს, რომელიც იყო ფროიდის, ნიცშესა და რილკეს ინტელექტუალური მეგობარი და შთამაგონებელი ფიგურა.

ეპიზოდის სტუმარია ნორვეგიელი ფილოსოფოსი, ლარს სვენდსენი, ავტორი წიგნისა „მარტოობის ფილოსოფია“ - რომელიც გვიყვება მარტოობის, როგორც ფენომენის და ემოციის ისტორიაზე დასავლეთის სააზროვნო სივრცეში.