Middagvervolgverhaal

Christina se dood het verreikende, negatiewe gevolge vir Lambertus Bredenhand en sy gesin. ’n Dag ná haar begrafnis doen Lambertus (Lammie) se ma, Bertha Bredenhand, ’n voorstel aan die hand waarmee Lammie hom nie kan vereenselwig nie. Tóg gee hy toe dat Ousus haar skoolloopbaan sal moet opoffer.

Die verhaal speel af in die moeilike depressiejare tussen 1929 en 1933. Lambertus Bredenhand en sy vier kinders word getref deur ’n ondenkbare tragedie. ’n Gebeurtenis wat indirek sal lei tot Bredenhand se finansiële en maatskaplike agteruitgang.

Ester gee Mandy die robotiese baba-pop terug vir Jolene. Wilma kry 'n uitnodiging na haar broer Albert se troue met Marita in Mauritius. Jolene bevestig sy is verwagtend en dat Lionel pa gaan word. Almal kom bymekaar vir Sammy se begrafnis by die gastehuis. Die dorp ervaar 'n laaste skudding.

Jolene vertel vir Ronel dat sy haar maandstonde gemis het, en vermoed sy is dalk swanger. Ryno pak sy seismograwe op by die nooddiens-stasie, en Ronel is ontsteld omdat sy dink hy gaan die dorp ook verlaat. Lionel vra Barend se hulp om Mandy die robot-pop by Ester en Wilma terug te kry.

Mandy die robot-babapop annekseer die radioverhaal se karakters, en herhaal grepe uit hulle verlede sodat die luisteraar dieper insig in die verhaal kan kry. Dan neem die verhaal 'n heftige wending wat die luisteraar glad nie verwag het nie... Luister en leer, die toekoms het ons geannekseer.

Mandy, die robot-babapop, spin Wilma na die verlede om haar te help om perspektief op die hede te kry, en haar toekoms uit te sorteer Dit spin Wilma en Ester terug na die 1969-aardbewing en die aand in die kerk se vrugteboorde, toe Wilma en Ester hulle liefde teenoor mekaar verkondig het.

Wilma vertel vir Ester dat dominee Malan na die ontploffing in 'n koma in die hospitaal lê. Barend keer terug dorp toe, en doen navraag by Lionel oor sy huis wat gestroop is ná die aardbewing. Lionel konfronteer Manie weer oor die sportsakke, en Manie sê hy sal dit net teruggee as hy 'n eis kan insit.

Jolene kry slaappille by die nooddiens-stasie se dokters, en meng dit met lemoensap, wat sy vir Ronel gee. Manie gaan snuffel rond by die kerk se Anglo-Boereoorlog kelder, en vind dominee sit daarbinne vas terwyl hy gebid het. Ryno en Jolene sukkel om 'n slapende Ronel by die gastehuis te kry.

Wilma is bekommerd oor Ester wat so geheg aan die pratende robtiese babapop raak, en vra Jolene om die pop te kom haal. Manie vra Ryno om hom te help om die sportsakke met die geld en juwele uit dominee se Anglo-Boere-oorlog kelder te verwyder. 'n Vyfde sterker aardbewing tref die dorp.

Jolene vertel vir Ronel dat sy ander perspektief op moederskap gekry het, en nie meer swanger wil word nie. Lionel vra Wilma uit oor die inhoud van die sakke, wat Manie eers by Ester weggesteek het. Jolene konfronteer Lionel weer oor die geld en juwele wat Manie en haar ma wegsteek.

'n Vierde aardbewing tref die dorp, en skud almal weer van koers af. Ester praat haar mond verby voor Jolene oor Manie se geldsakke. Ronel besluit om met die tweerigtingradio’s by die noodtafel te help. Lionel wys Jolene hoe hy sy kantoor by die polisiestasie ingerig het vir 'n slaapplek vir hulle.

'n Derde kleiner aardskudding tref die dorp, en gooi Ester se kombuis by die gastehuis weer deur mekaar. Lionel besoek die nooddiens-stasie om by dominee uit te vind hoe die polisie kan help. Manie vertel vir dominee dat hy vir Lionel van die geld vertel het wat Sammy in die grot weggesteek het.

Dominee en Wilma word veilig uit die kerkmuseum binne in die preekstoel gehys. Ronel keer terug na haar restaurant om uit te vind haar personeel en gaste is veilig uitgekry deur Manie se brandmanne. Dominee is bly om te sien sy nooddens-stasie is 'n sukses, maar 'n derde aardbewing tref hulle…

Ester kry Manie wakker nadat hy te veel wyn gedrink het, en vertel hom dat Jolene en Lionel die sekuriteitskode vir die wynkelder bring om hulle vry te laat. Ryno gebruik 'n hyskraan om dominee en Wilma met die preekstoel uit die ou kerkmuseum te red, en skuif almal na die kerksaal se nooddiens-stasie.

‘n Tweede skudding volg, wat nog skade aanrig. Jolene en Ronel help Lionel om flitsligte en grawe in sy bakkie te laai terwyl Ryno weer 'n seismiese lesing doen. Dominee Malan en Wilma sit nog verder vas in die preekstoel. Lionel en Jolene probeer met Ester en Manie kontak maak by die wynkelder.

Jolene en Lionel het ook vasgeval in hulle huis, maar kan self uitkom. Ronel kom by die kerksaal se nooddiens-stasie aan en vind dit staan nog, maar deel van kerk se toring het inmekaar getuimel. Ronel en Jolene moet Ester uit die gastehuis se kelder kry, waar Manie slaap nadat hy te veel wyn gedrink het.

Wilma en dominee word vasgevang in die ou kerkmuseum toe die eerste aardbewing die dorp tref. Manie en Ester vlug na die gastehuis se wynkelder, maar Manie wil uitkom om by die brandweerstasie te kom. Ronel se gaste en personeel val vas binne die restaurant, en sy gaan soek hulp.

Wilma vat die sakke met geld en juwele terug na Manie, en vra hom om Ester uit sy skelmsake te hou. Manie vra dominee om die twee sakke vir hom weg te steek by die kerksaal se nooddiens-stasie. Ryno doen 'n onderaardselesing in die berge, en laat weet dominee Malan daar is 'n skudding oppad.

Wilma kom af op die sakke wat Ester vir Manie wegsteek, en is kwaad dat Ester betrokke geraak het. Jolene kla by Ester oor Manie se optrede, en Ester vertel haar van die sakke met geld en juwele. Ryno wil Ronel vra om verloof te raak, en vra raad by Jolene oor hoe om Ronel te nader.

Manie wil weet hoekom Jolene nie by die polisiestasie was nie en haar eenkant hou oor Sammy wat in die grot gevind is. Dominee Malan besoek Manie by die brandweerstasie, en hoor van die geld en juwele wat Manie in die grot gevind het. Lionel verras vir Jolene met die robotiese oefenbaba.

Wilma vertel vir Ester van dominee en Ryno wat nou 'n aardbewing nooddiens-stasie in die kerksaal oprig nadat hy voor die kerkraad verskyn het. Hulle besluit om te gaan kyk wat daar aangaan. Ronel vertel vir Ryno van die babapop wat Lionel vir Jolene gekoop het om haar moederskap mee te oefen.

Lionel probeer Manie en Ester oortuig dat Sammy dood is aan natuurlike oorsake, maar Manie wil wag vir die finale uitslag van die polisie se forensiese ondersoek. Jolene kom uit haar slaapkamer, en kuier saam met Ronel. Sy vertel haar sy en Lionel oorweeg om wel skenkerinseminasie te gebruik.

Albert sê vir Wilma hy gaan nie meer sy deel van die galery aan dominee verkoop nie, want dominee gaan nou 'n nooddiens-stasie by die kerk oopmaak. Ronel verneem Jolene is terug op die dorp, maar sy het haarself in haar slaapkamer toegesluit, en wil niemand sien nie.

Albert vertel vir Ester van die sportsak wat Manie in die grot saam met Sammy se lyk gevind het, maar Manie wou nie sê wat daarin is nie. Ester vra Manie uit oor die sportsak, en wil weet of hy dit vir die polisie gaan gee. Ryno verneem dominee mag voortgaan om sy aardbewingvisioene te deel.

Ryno en Barend besoek die brandweerstasie waar Barend foto’s van Manie se brandweer-manne neem vir sy skilderye met die aardbewing as tema. Wilma neem vir Marita na die ou kerk-museum waar sy haar vra om Albert te oortuig om nie sy aandeel in die galery aan dominee te verkoop nie.

Ester is ontsteld na hulle hoor dat Sammy se liggaam in die grot gevind is waar Ryno 'n seismiese lesing saam met Albert gedoen het. Albert vra Marita om met Ronel te gesels en Ronel se guns te probeer wen. Manie vra Albert om hom die grot te gaan wys waar Sammy se lyk gevind is.

Wilma keer terug van Kaapstad af, waar sy dominee Malan gaan aankla het by die kerkraad. Albert en Marita besluit om nog 'n ruk lank aan te bly, en word deur Wilma vir ete genooi by Ronel se restaurant. Ester sit ‘n goeie woord in vir Albert by Ronel, en vra haar om haar pa met sy nuwe meisie te aanvaar.

Dominee Malan vra of hy Albert se aandeel in die galery kan koop. Manie loop in Marita langs die swembad vas by die gastehuis waar sy bostukloos langs die swembad sonbak, en word uit die veld geslaan. Marita en Albert mediteer langs die swembad om te besin of hulle gaan aanbly of vertrek.

Ester is kwaad vir Manie omdat hy haar vermy. Manie bieg hy dink sy en Lionel is betrokke by sy pa Sammy se verdwyning. Dominee Malan repeteer saam met Barend vir sy onderhoud met die dokumentêre filmspan. Albert is bekommerd oor Ronel, en vra vir Ester om 'n woord vir hom in te sit.

Ronel se pa Albert vertel haar dat hy al sy aandele in die eiendomme op die dorp aan Wilma gaan verkoop nadat hy en Marita getrou het. Hulle sal dan permanent na Mauritius verhuis. Barend is bekommerd oor die brief met die seismiese data van die aardbewing wat Ryno vir dominee Malan gegee het.

Barend wil aksiefoto’s van Manie en sy manne by die brandweerstasie neem, maar Manie praat net oor sy ma en Wilma se liefde vir mekaar. Dominee Malan is bekommerd oor Wilma wat hom by die kerkraad gaan verkla het. Jolene en Lionel gaan hou vakansie by Warmwaterberg in die Karoo.

Ester verras Ryno met 'n croissantontbyt, en waarsku hom dat Ronel se pa, Albert Jooste, en sy nuwe meisie, Marita Marais, vandag by die gastehuis intrek. Albert en Marita arriveer vroeër op die dorp, en hulle verras Ronel by haar restaurant. Die dorp word deur nog 'n ligte aardskudding getref.

Ronel is steeds bekommerd oor Jolene wat nie reageer op haar oproepe of boodskappe nie, en oorweeg dit om deur te ry Hawston toe. Ester vertel vir Barend dat sy haar mond verby gepraat het oor haar liefde vir Wilma. Dominee Malan glo hy het die stem van bó met Ryno se seismometer opgetel.

Ronel bel vir Lolly Cupido in Hawston, en verneem dat Jolene ook nie by hom opgedaag het nie. Ester vra dominee om vrede te maak met Ronel, want sy is Kaapstad toe om hom by die kerk aan te kla. Lionel vertel vir Manie hy vertrek die volgende oggend Hawston toe om Jolene te gaan soek.

Wilma wil by Barend weet of hy uitgevind het hoe jy 'n klag teen dominee by die kerkraad kan indien. Ronel vra of Manie al iets van Jolene gehoor het, want sy reageer nie op haar selfoonoproepe of boodskappe nie. Barend hoor of Ryno nie met die TV-span oor dominee Malan sal gesels nie.

Wilma en Ester bespiegel oor hoe om dominee Malan en sy reaksie op haar protes, te hanteer. Ryno besoek dominee om te bepaal of daar enige spirituele seine opgetel is deur die seismometer. Lionel konfronteer Ester oor Jolene wat gesê het sy is Grabouw toe, maar eintlik haar pa in Hawston soek.

Barend keer terug van Kaapstad. Hy nader Manie, want hy wil 'n reeks skilderye oor brandweermanne doen. Wilma verneem by Ryno hoe sterk die ligte aardbewing die afgelope Saterdag was. Lionel glo Jolene is Kaapstad toe vir 'n werkskursus, maar sy gaan Hawston toe.

Wilma Jooste en die vrouevereniging hou hulle anti-aardbewing-protes deur die dorp se strate, en word halfpad deur dominee en 'n paar van sy gemeentelede voorgekeer. Die onderonsie lei tot 'n gestry, en net as almal dink dit is verby, is daar weer 'n ligte aardbewing wat almal se gemoedere verder aanhits.

Dominee Malan probeer om kaptein Jansen te oortuig om die anti-skudding-protes, wat Wilma beplan, te keer deur hulle van die straat te verban, maar hy het reeds toestemming gegee. Wilma vra vir Manie of sy brandweerwa die protesoptog Saterdag sal begelei, en hy stem in om ook deel te wees.

Dominee vra Ester om vir hom gordyne vir sy slaapkamer te maak, sodat hy die stem in die nag kan vasvang op die seismometer. Jolene besluit sy gaan haar pa in Hawston soek nadat sy by Manie hoor Sammy het nooit by Lolly opgedaag nie. Ester probeer Jolene laat afsien om Hawston toe te gaan.

Wilma vra vir Ronel om die optog teen die aardbewing-mania te kom ondersteun. Jolene is ook besorg omdat Sammy nie in Hawston opgedaag het nie, en vra vir Ronel om haar te help bepaal of hy wel op die bus geklim het. Hendrik probeer Wilma ompraat om nie die optog in die dorp te hou nie.

Wilma Jooste keer terug van Kaapstad, en vertel vir Ester sy het besluit om nie voort te gaan met die restaurant nie. Lionel lig Manie in dat hy en Jolene mekaar weer gevind het. Wilma stel haarself voor aan Ryno, en vra hom of hy haar antiaardbewing-petisie sal teken.

Dominee Malan lig die gemeentelede in dat hy weer 'n visie gehad het oor die komende aardbewing. Ryno, Jolene, Ronel en selfs Lionel woon die kerkdiens by. Ryno erken hy is net daar om Ronel weer te sien. Jolene en Lionel probeer mekaar ná die diens by die koek en tee vermy.

Dominee Malan rapporteer aan Ester ná sy besoek aan Wilma en Barend in Kaapstad. Lionel laat Sammy oplaai, en bring hom polisiestasie toe vir ondervraging oor die brand wat gestig is in die ou gebou in die dorp. Manie waarsku Sammy dat hy dink Lionel wil hom ontvoer of iets aandoen.

Sammy en Jolene vind dit vreemd as Ester bel en hom vir koffie nooi. Manie vertel sy ma dat dit hy is wat die aanbod op Sammy se huis gemaak het, maar Sammy weet dit nie. Ronel besoek Jolene, en vind haar in 'n baie depressiewe toestand. Sy probeer haar oortuig om bietjie weg te kom.

Lionel stel homself voor aan Ryno, en vra hom om nie die dorp verder op te werk met dominee se aardbewing-stories nie. Ryno neem Ronel die berge in na 'n swempoel waar hy vir haar wys hoe sy mobiele seismometer werk. Lionel vra Ester om weer vir Sammy te ontmoet by die slawehuis.

Sammy besoek Manie, en vertel hom hy het die huis vir ’n eiendomsagent gewys en dadelik 'n aanbod gekry. Manie sal moet trek. Jolene vra Ryno om verskoning dat sy haar wangedra het by die rampvergadering. Dominee Malan kom verneem of Ryno al weer enige aardtrillings opgetel het.

Sammy besoek Manie by die brandweerstasie, en vertel hom hy wil die huis verkoop. Ryno eet by Ronel se restaurant, en word oorweldig deur haar kos en vriendelikheid. Sammy vertel Jolene dat hy besluit het om vir 'n ruk Hawston toe te gaan, en die huis is op die mark.

Lionel konfronteer Sammy op straat, en waarsku hom dat die polisie hom sal dophou om elke hoek en draai. Dominee Malan besoek die galery, en vertel vir Ryno van die stem wat snags met hom in sy slaap praat. Sammy en Ester ontmoet mekaar in die parkie by die ou slawehuis, en hy vra haar vergifnis.

Jolene raak emosioneel wanneer sy haar pa Sammy by die Warmbokkeveld-tronk gaan oplaai en huis toe neem. Ryno Fouche, die seismoloog, daag by die gastehuis op, en word deur Ester verwelkom. Ronel ondersteun Jolene met haar pa op die tuisfront, en neem vir haar beskuit wat Ester gebak het.

Ester sleep Manie en Lionel uit Kallie se kroeg, en maak vir hulle 'n steak. Lionel bieg teenoor Ester dat hy daaraan dink om Sammy te ontvoer wanneer hy voet sit in hulle dorp. Ronel kla by dominee Malan oor tannie Wilma wat haar restaurant as 'n bedreiging vir Wilma se besighede sien.

Manie beland by Jolene ná sy kuier by Kallie se kroeg, en sy vra hom weer of Sammy by Manie kan kom woon. Ester vra vir dominee Malan of hy klere en goed vir Wilma en Barend Kaapstad toe sal neem. Lionel dreig om van Jolene te skei indien Sammy by haar kom woon wanneer hy uit die tronk kom.

Barend en Wilma word op Blouberg se strand beroof, en bevind hulleself sonder geld of motor. Jolene vra vir Manie of sy pa Sammy by hom kan oorbly, aangesien die huis nog in Sammy se naam is. Barend en Wilma probeer haar bakkie opspoor, en besef hulle sal langer in Kaapstad moet aanbly.

Barend en Wilma vertrek Kaapstad toe om inkopies te doen. Wilma is ongelukkig dat hulle vir almal goed moet saambring. Lionel en Manie vind mekaar wanneer Lionel uitvind dat Manie weier dat Sammy by hom kom woon. Barend en Wilma besoek Bloubergstrand vir 'n sonsak, en word onverwags beroof.

Barend gaan werk saam met Lionel Jansen sodat hy fotos kan neem vir sy skilderye en beplande uitstalling by die galery. Dominee Malan besoek Jolene, en vertel haar dat Lionel baie aggressief teenoor hom opgetree het. Hy stel voor sy kry Lionel by 'n sielkundige vir terapie.

Jolene vra dominee Malan of dit 'n sonde sal wees as 'n vrou 'n ander man as spermskenker gebruik. Wilma besluit om by dominee Malan meer uit te vind oor die aardbewing, en of dit dalk wel toerisme kan help. Lionel daag op, en trap dominee Malan uit oor sy raad aan Jolene oor spermskenkers.

Ester is besorg oor Jolene en Lionel wat hulle onttrek van die gemeenskap, omdat Sammy moontlik terugkom dorp toe. Wilma wil Kaapstad toe gaan om inkopies te doen, en vra vir Barend om haar te vergesel op die avontuur. Ronel verneem haar pa Albert gaan verloof raak aan sy meisie, Marita.

Ronel vra raad by Barend du Preez, die kunstenaar, want sy is besorg oor haar vriendin Jolene en haar man Lionel, veral noudat Sammy Fortuin uit die tronk kom. Lionel is woedend vir Jolene omdat sy hom nie ingelig het dat haar pa op vroeë parool vrygelaat gaan word nie.

Wilma vra vir Lionel om haar petisie te onderteken, maar hy wil nie betrokke raak nie. Ronel kla by Ester oor Wilma se gedrag. Sy glo Wilma is eintlik die een wat die dorp se toerisme skade aandoen. Manie praat sy mond verby, en breek die nuus aan Lionel dat Sammy Fortuin uit die tronk kom.

Barend besoek dominee Malan om te probeer bepaal in watter emosionele toestand hy is oor sy vrou wat weggeloop het saam met 'n skatryk boer van Oppie Berg. Jolene vertel vir Ronel dat Lionel nie goed reageer op die voorstel dat hulle skenker-inseminasie gebruik om ‘n baba te hê nie. Ester is geskok wanneer sy by Jolene verneem haar eks-man Sammy gaan uit die tronk vrygelaat word.

Wilma probeer haar niggie Ronel kry om die petisie teen dominee Malan se aardbewing-bewerings te teken. Ronel is egter opgewonde oor die aardbewing. Jolene Jansen gesels met haar man, Lionel, oor verwagtend raak, en vertel hom daar is ‘n manier wat hulle hulle droom kan waar maak.

Dominee Malan skok die gemeente wanneer hy tydens die Sondagoggend-diens aankondig daar wag ‘n aardbewing erger as die een in 1969 op hulle. Wilma, die eienaar van ‘n gastehuis op die dorp, besluit om ‘n petisie op te stel om dominee te verhoed om die die dorp se toerisme skade aan te doen.

Al die tergende geheime word opgeklaar, en daar wag ‘n paar skokke op ‘n paar inwoners. Heelwat eiendomme kry nuwe eienaars. Wie is so vrygewig?

Die grusame ongeluk by die vierrigtinstopstraat laat Chanel weer haar ma se dood beleef. Sy sit en tob, tot iets haar byval, iets wat haar hulp gaan laat soek. By wie? Seebult weet nie regtig wat om van Gertrude se verdwyning te maak nie. ‘n Gebeurtenis ontstel Neville hewig.

Lappies en Louis weet nie vorentoe of agtertoe nie. Celeste en Janice doen nabetragting van Celeste se onbesonne daad. Sarel se briewe is die middelpunt van belangstelling. Gertrude beleef ‘n nagmerrie van epiese proporsies. Janice maak planne en tree daadwerklik op.

Twee motors, elk met twee passasiers daarin, vertrek amper presies op dieselfde tyd na verskillende bestemmings. Wie ry waarheen om wat te doen? Wie het met die stootskraper die skeepstrommel uit die grond gelig? ‘n Gebeurtenis skok Seebult.

Chanel worstel opnuut oor wie haar biologiese pa kan wees. Sy weet wie dit beslis nie is nie. Wie soek ‘n nuwe kantoor? Lappies moet twee dae afvat om Gertrude te help. Wat is op die agenda?

Chanel skrik haar amper in ‘n ander bloedgroep in, en sy vlug vir haar lewe. Sy is boos verby, en hou niks terug nie. Sy sê haar sê. By wie soek sy troos? Johnny is op die oorlogspad. Gewapen met nuwe inligting, maak hy die lewe moeilik vir Gertrude.

Neville speel sy troefkaart. Wie loop mekaar voor die polisiestasie raak? Chanel vind uit wie die vorige Donderdag in die Seebult Hotel ingeboek het, en die gort is gaar. Sy speel speurder, en maak ‘n skokkende ontdekking.

Die skeepstrommel het Seebult aan die gons. Johnny Morkel is geskok, en hy skryf ‘n artikel wat Seebult ruk. Die vraag word gevra of dit feite of persoonlike aannames is? Celeste het nuus oor die maatskappy wat in haar naam opgerig is. Louis waag dit weer naby Gertrude, met slegte gevolge.

Iets in Karel se bakkie pla Lappies. Chanel ry Dolfynbaai toe ná ‘n openhartige gesprek met Louis. Sy verras hom met ‘n brokkie interessante nuus. ‘n Stootskraper sorg vir pandemonium die oggend vroeg voor Koffiekamer, met skokkende nagevolge.

Die moord op Servaas Serfontein is weer warm in die nuus. Iemand besoek weer Seebult, en dit gee aanleiding tot ongemak en baie vrae. Neville kan nie sake net so los nie. Celeste word met inligting gekonfronteer, wat haar tot in haar fondamente ruk.

Die naskokke van die naweek se gebeure in Dolfynbaai word in verskillende huishoudings bespreek en beleef. Lappies kry ‘n onverwagse besoek én versoek. Die moeilike sersant besluit dis tyd om iemand polisiestasie toe te laat kom.

Die spoggerige nuwe vakansieoord in Dolfynbaai word ‘n naweek van absolute drama. Niemand het dié gebeure sien kom nie. Wie boek almal in vir die naweek in die oord? Wat skud Chanel tot in haar fondamente?

Wie doen kruie-inspeksie? Beide Gertrude en Neville doen inderhaas vernuftige voetwerk om die polisie van hulle voordeure af weg te hou. Vir wie doen Johanna reisbesprekings? Wat soek die ambulans in Hibiscus?

Chanel kry Louis voor stok. Hy besef hy kan nie langer ‘n sekere gesprek uitstel nie. Neville soek hulp. Wie raak soek? Gertrude kry ‘n onverwagse besoek met skokkende nuus.

Louis kry ‘n besoek van iemand, wat hom gooi. Wie kry die braaikompetisie weer op dreef? Wie borg die wenprys? Johnny kry nuttige inligting vir ‘n koerantstorie. Kort voor lank kry Johnny sowaar nog inligting vir nog ‘n koerantstorie.

Neville is duidelik op die oorlogspad. Hy konfronteer Celeste, en sy is stom. Celeste besluit sy moet iemand in haar vertroue neem. Wie word onverwags vir ete genooi? Gertrude neem ‘n besluit wat skokgolwe veroorsaak.

Met wie deel Janice haar ervaring in Witkareevlei? Chanel kry uiteindelik die terugvoer waarvoor sy so lank wag. Sy kry egter ook ‘n paar snaakse navrae. Wie ontvang onverwags ‘n aardige bedrag geld? Waarvoor? ‘n Sleutel sorg vir vrae.

Seebult is geskok. Waaroor gons die dorp? Chanel druk Louis in ‘n blik. Dis die meeste mense vir wie Lappies op een aand nog moes braai, maar die kuiergaste gesels nie oor braaivleis nie. Waar daag die polisie met ‘n lasbrief op?

Waarheen ry Louis en Chanel hierdie keer? Gertrude doen iets wat Jonanna toetentaal onkant betrap. Wie nooi Lappies vir ete? Wat gebeur? Janice se kragdadige optrede verras Johnny. Die drama in Kruie-oase kry ‘n nuwe hoofstuk by.

Janice se verdwyning uit Seebult maak meer mense bekommerd. Louis ry saam met Chanel. Waarheen? Wat gebeur? Wie kuier almal in ‘n Italiaanse restaurant? Wie slaan almal in Witkareevlei uit? Wat gebeur alles in die Noord-Kaapse dorpie? Seebult word geskud.

‘n Foto bevestig Gertrude se weergawe van gebeure. Lappies help Johanna, en hulle ontdek ‘n valdeur. Iemand in Seebult help ongetwyfeld vir Felix Frost. Dis duidelik die man is vasberade om sy sin te kry, al kos dit wat.

Janice is ‘n emosionele wrak. Almal om haar ontgeld dit. Johnny en Celeste besluit op Plan B. Terwyl Celeste in Kaapstad rondskarrel, ry Johnny Pretoria toe, maar Felix Frost sit ook nie stil nie. Hy maak sy volgende skuif, en dit maak seer.

Die polisie vind gou uit hoe die bakkie aan die brand gesteek is. Chanel is nie op haar mond geval nie. Sy sê ’n ding soos dit is. Die liefdesdriehoek van desjare kom aan die lig. Wie was almal betrokke? Lappies kan nie langer uitstel nie, hy moet ‘n afspraak maak. Wat gebeur?

Celeste swig onder innerlike druk, en besluit om die grootste skok van haar lewe aan te gee vir iemand. Vir wie? Chanel word Johanna se afgevaardigde. Waar moet sy oral opdraf? Louis kry ‘n paar onverwagse besoeke en verrassings.

Dit lyk amper soos die perfekte klub vir oujongnooiens wat uiteet, maar daar is ‘n gewigte saak op die tafel. Johnny wil weet of sy artikel in die kol is. Dis nie al wat op sy spyskaart vir die Sondag is nie. Uiteindelik skraap hy al sy moed bymekaar vir ’n gesprek, wat hy al vir ‘n week lank uitstel.

Dis ‘n heuglike Saterdag in die geskiedenis van Seebult. Johnny se fotograaf is byderhand om die opening van Koffiekamer en Reisgogga op film te verewig. Maar dis tog of Neville eerder met ‘n suur as vrolike gesig rondstap. Wat pla hom? Wie daag almal op vir die groot geleentheid?