معالج نفسك

Send us a textدي تذكرة بسيطة أنك تبقي لطيف مع نفسك ومقدر صعوبة اللي أنت بتخوضه! بس كده : )Support the showwww.instagram.com/muhammadhazem/

Send us a textطبعًا ينفع : ) كل حاجة تنفع، بس انت جايلي أنا ليه بالسؤال ده؟ تعالى ندردش في ده!Support the showwww.instagram.com/muhammadhazem/

Send us a textالرواية الشائعة اللي بنتبناها هو أننا وحشين علشان بنعمل ده وبالتالي بنتعامل مع نفسنا على أننا كيان واحد سيئ يعشق الشقاوة والعبث ومن الزاوية دي بتيجي محاولات " تطهيرنا " لنفسنا وقمعها علشان نبطل سلوك معين! لا ده مش حقيقي، أنت كويس ويمكن لو تبنيت رواية أنك كويس ده يكون اذكى لنفسك في التخلي عن ادمانك ; ) تعالى ندردش شوية في ده!Support the showwww.instagram.com/muhammadhazem/

Send us a textأنا بحب الدراما والحب بيتعبني وحاسة بغضب طول الوقت...عبارات مختلفة من اسئلة مختلفة بس المشترك اكتر بكتير من المختلف في حالات الألم للأشخاص المختلفة اللي بيسئلوا الاسئلة دي....تعالى نتكلم في اللي ورا الاسئلة.Support the showwww.instagram.com/muhammadhazem/

Send us a textمش سهل متتأثرش بفكر ومخاوف أهلك وأنت قاعد معاهم في بيت واحد. هتتأثر طبيعي... بس هل ممكن نقلل وطأة التأثير ده؟ هل ممكن يكون لينا دور في اعادة كتابة مفهومنا عن العلاقات واحنا في بيئة شرسة بتهدم كل ما احنا نبني؟ تعالى ندردش في ده!Support the showwww.instagram.com/muhammadhazem/

Send us a textساعات بنخاف ان كون الأشخاص المهمين اللي في حياتنا مختلفين فده هيجيب ليهم اذى ووجع وبنحاول نغيرهم! وده في الحقيقة بيعكس مشكلة عندنا مش عندهم. فمش يمكن لو فهمنا الاختلاف واشتغلنا على نفسنا شوية ده يحل؟ مش يمكن نكون محتاجين بس نفهم أنواع الشخصيات المختلفة ونطمئن ان مفيش حاجة تعيبهم كونهم زي ما هما؟ تعالى ندردش في ده مع رضا التونسي.Support the showwww.instagram.com/muhammadhazem/

Send us a textفي نوعية أفكار بتوترنا وبنخاف نقبلها لحسن ده يبقي ادانة لموافقتنا وحبنا ليها! هل في حاجة ممكن نتغير لو قبلناها علشان يبقي عندنا المساحة نفكر بهدوء في اللي وراها؟ ولا لا! هل البحث عن الوصفة السحرية للقضاء على الأفكار الشريرة هو الحل؟ طيب ايه؟ طيب فين؟ طيب ازاي؟ تعالى ندردش!Support the showwww.instagram.com/muhammadhazem/

Send us a textيا لهوي ايه الوجع ده! طيب ايه نرجع نتجنب ونطفي علي مشاعرنا كل لحظة في اليوم بما ان كسر الأنماط وتسديد الاحتياجات بيبهدل الواحد كدة ولا ايه؟ الألم ده حكايته ايه وجاي منين وبيقل وبيختفي ولا هو دي ضريبة على طول؟ تعالى ندردش في ده!Support the showwww.instagram.com/muhammadhazem/

Send us a textSupport the showwww.instagram.com/muhammadhazem/

Send us a textمخاوفنا قادرة انها تضيع علينا حقنا في الحياة! الحقيقة ان اختبار الحياة زي ما هي تجربة صادمة وفيها الحلو وفيها الصعب ومفيش طريقة تاخد حاجة من غير التانية لو عايز تعيش وتسمح لنفسك تحس وتتفاعل مع اللي بيحصلك. أنا عارف والله! يعني نمر بصدمات ولما نيجي نتعافي يطلع اموات اهالينا كمان! معلش، تعالى اواسيك!Support the showwww.instagram.com/muhammadhazem/

Send us a textالتربية مهارة مش فطرة! وبتبدأ بأن الأهل يبقوا اصلًا واعيين وشغالين على نفسهم وعلى احتياجاتهم. والإساءة للأطفال سهلة جدًا وتلبية احتياجاتهم برضه سهلة! تعالى نتكلم على النقاط دي ونقاط تانية كتير!Support the showwww.instagram.com/muhammadhazem/

Send us a textعايزين أنا وأنت نفكر في ازاي نقدر نجرأ طفل على اللعب والعفوية بعد ما اختبر اسائة وجعته ووصلته رسالة ان اللعب بيجيب زعيق وعقاب. نعمل ده ازاي؟ نشجعه يقوم ويلعب ويتجاهل مخاوفه لحد ما تروح؟ نصبر عليه وناخد معاه الأمور خطوة خطوة؟ نواجهة بحقيقة ان هو السبب في تعطيل نفسه والموضوع مش مستاهل لأن الاسائة عدى عليها كتير؟ تعالى نفكر مع بعض!Support the showwww.instagram.com/muhammadhazem/

Send us a textخلينا نجرب نسرع وتيرة الاجابة على الاسئلة ونجاوب على ٥ اسئلة في حلقة واحدة! Support the showwww.instagram.com/muhammadhazem/

Send us a textكل الاسئلة محتاجة تتجاوب لأن ده مش بودكاست الشياكة والاناقة! والسؤال ده على قد ما هو بيعكس اسائات مؤسفة وموجعة للقلب على قد ماهو مهم نتناقش فيه!Support the showwww.instagram.com/muhammadhazem/

Send us a textفي التعافي أنت بتتقبل خسارة حاجة متستاهلش علشان تكسب حاجة تستاهل! والمكسب هنا هو علاقتك بنفسك وتقديرك ليها اللي أحنا بنفرط فيه علشان ناخد من أي حد معدي في الشارع قبول وحب وتقدير لأن روحنا خالية منه تمامَا وبالتالي دايمًا بنكون عايزين منه! طبيعي نشك في نفسنا وإحنا في الطريق ونحس، هو انا كدة وحش؟ هو أنا بقيت بارد وقليل الذوق؟ والشكوك دي لو سرحت معاها هترجعك تلبس القناع اللي بيه كنت بتاخد من الناس القبول والتقدير! تعالى نتكلم عن ده!Support the showwww.instagram.com/muhammadhazem/

Send us a textالنسيان يعني أنا مكنتش مركز كفاية علشان حواسي تنشغل باللي أنا بعمله في الحاضر وده معناه ان كان فيه حاجة مشتتاني ومزمنة معايا ولذلك النسيان دائم، ايوه ليه بقي ده بيحصل؟! تعالى ندردش في ده!Support the showwww.instagram.com/muhammadhazem/

Send us a textأنا فاهم! المراهنة على ان الناس اللي حوالينا تتغير مراهنة فاشلة، ولذلك علشان خاطرنا محتاجين نحط المسؤولية علينا في التعامل مع اللي بيدور جوانا، وده مش بيقلل من وطأة الاسائة او بينفي عنك حق الغضب ولكن الهدف انك تطلعي لقدام. تعالى نتكلم عن ده!Support the showwww.instagram.com/muhammadhazem/

Send us a textاكتر حاجة مريحة في الدنيا اننا نتسحل في حاجه ونخش فيها بكل طاقتنا كأن هي الخلاص والحل وفيها الراحة والسلام اللي أحنا متفقدينه، بس ايه الدافع ورا ده؟ وهل ده فيه مشكله أصلًا؟ مالها ال fixations؟ حلوة والله بس ما بتحلش! تعالى نتكلم في كل ده!Support the showwww.instagram.com/muhammadhazem/

Send us a textالتعافي نتيجة لمخاطرة يومية بتاخدها أنك تحاول تعيش بطريقة مختلفة، انك تشتري فكرة الأمل وان ممكن يوم بيوم تبني حاجه اثرها الأجمالي جميل علي روحك ونفسك. التعافي أبعد البعد عن المثالية ومش بيتحقق بالفهلوة والعافية وأي حد يقدر يتغير! تعالي ندردش أكتر عن ده!Support the showwww.instagram.com/muhammadhazem/

Send us a textأنت مش أنت وأنت جعان : ) ولذلك لو طلعت منك سلوكيات يائسة علشان أنت بقالك أيام مكلتش وقبلت بأكل منتهي الصلاحية في الصحراء هيفيد أنك تحاول تمنع نفسك عن الأكل بالخزي واللوم؟ ولا محتاج تلاقي مصدر أكل نضيف وساعتها يبقي المسؤلية عليك في اعتياد الأكل النضيف؟ خلينا نشوف 🤷🏼‍♂️Support the showwww.instagram.com/muhammadhazem/

Send us a textلما نظرتك لنفسك بتتدمر ميبقاش قدامك غير انك تبني نفسك من جديد يا اما تفضل قاعد تبكي علي الاطلال، وأكتر حاجة صعبة ان الطريق بيتطلب تغيير متتالي ومتراكم مش تغيير جذري وسريع ودي، فتعالي نتكلم عن ده!Support the showwww.instagram.com/muhammadhazem/

Send us a textسؤال جميل بيدي مساحة نتكلم في دور المعالج وبيبدأ منين وينتهي فين علشان اساعدك تجاوبي علي السؤال بنفسك واشاركك تجربتي!Support the showwww.instagram.com/muhammadhazem/

Send us a textالخزي اساسة الحكم علي النفس بأنها سيئة علشان أنا بعمل حاجات معينة مش عارف اوقفها ومش بتعبر عني ومش فاهم بعملها ليه! والتعافي اساسة التفهم واللطف، افهم ليه انا بعمل ده واتحمل مسؤوليتي في اني اشتغل عليه رغم صعوبتة علشان افوز بحريتي وعلاقة مع نفسي فيها سلام وحب واحترام. تعالى نتكلم شوية عن اللي ورا ال emotional eating!Support the showwww.instagram.com/muhammadhazem/

Send us a textشدة الوجع بتخلينا عايزين نجدة سريعة وفعالة. اعتقادنا ان التعافي ممكن يكون التجربة اللي هتخلي قيمتنا تكتمل ممكن يخلينا نبدأ علاج نفسي وأحنا عايزين المعالج يدينا اللي احنا بندور عليه في اعتماديتنا! اديني فرصه اقولك اللي فيها زي ماهو!Support the showwww.instagram.com/muhammadhazem/

Send us a textمن أكتر المواضيع اللي ناس كتير مش فاهمه سببها وناس تانيه شايفة انه كل بفضل ال gay gene وناس تالته شايفة مش فارق السبب المهم أن انا كيفي كده! بنفس منظور ان تعالى نتكلم على اللي ورا العرض علشان تفهم وتعرف تحل وتغير، هنتكلم في الموضوع الحساس ده!Support the showwww.instagram.com/muhammadhazem/

Send us a textالاسئلة تزداد حساسية! والسؤال ده حقيقي مهم يتسأل والكلام فيه محتاج يكون موزون ومش نموذجي ونراعي فيه الطرفين في علاقة الجواز ومحتاج لقطة حكمة مني ممزوجة بالعفوية والهطل المعتاد : )Support the showwww.instagram.com/muhammadhazem/

Send us a textالعلاقات الاعتمادية ممتعة جدًا على فكرة! ليها نشوة بنت لذينة بس بتجيبنا أرض وبتخسرنا نفسنا، هي دي الفكرة : ) الانسانة الجميلة اللي بعتت السؤال أنا مقدرها وهشاركها بصراحة غلسة شوية أنا شايف ايه : )Support the showwww.instagram.com/muhammadhazem/

Send us a textقاعدين في أمان الله...اختبرنا محفز ضرب مشاعرنا وأفكارنا لأقصى حد وبقينا بنتصرف بعدم اتزان وصواب. هو ده اثر الصدمات النفسية علي حياتنا في الحاضر! تعالى نتكلم عن ده شوية : )Support the showwww.instagram.com/muhammadhazem/

Send us a textاوعى الخازوق! أهلًا بيكي في الحياة يا اختاه! طيب نتكلم بجد علشان الاستاذة اللي سئلت السؤال غضبانة ومحبطة وانا مقدر ده ومريت بيه كتير واحب اقولك كلام كتير......Support the showwww.instagram.com/muhammadhazem/

Send us a textايه الحلاوة دي! سؤال حلو، والاجابة اه ولا! حسب مفهومك عن الضمانات وهل انتي متعلقة بشكل معين في العلاقات والمكاسب لو حصل الله عليك يا تعافي ولا لا اقسم بالله ما لاعبة ولا لا! تعالى ناخد وندي بشكل ودي عن السؤال الفلسفي ده!Support the showwww.instagram.com/muhammadhazem/

Send us a textسؤال استوقفني شوية وقعدت افكر ايه اللي وراه...ليه شخص ممكن يكون هدفة انه ميتأثرش على مستوى الشعور بأي حاجة بتحصل حواليه؟ هل اللي محتاجة اني اديله وصفة سحرية تحقق ده (مفيش والله) ولا نفكر في اللي وراء السؤال؟ خلينا نفكر مع بعض في اللي ورا السؤال...Support the showwww.instagram.com/muhammadhazem/

Send us a textكلنا أشخاص مكسورين بشكل أو بأخر وفي مننا اللي بيشتغل على نفسه ويحاول يتشافى وفي اللي التراما بتاعته سايقاه تمامًا! الأشخاص دول في منهم أهاليًنا وقرايبنا وصحابنا وناس بتجمعنا بيهم صلة بتصعب علينا معرفة ايه التصرف " الصح! " تعالى نتكلم عن ده شويةSupport the showwww.instagram.com/muhammadhazem/

Send us a textالتشكيك في نواياك بشكل مزمن وراه قصة...وراه صوت خايف عليك تصدق انك كويس لتطلع منافق! بيحاول يحميك بأنه يعيشك في حالة انكسار وعدم ثقة مزمنة، منطق مبهر للغاية! بس كتير مننا بيعاني منه بقدر ما ودايمًا صدماتنا هي اللي بتنسج الجزء ده جوانا...تعالى نتكلم عن ده شوية!Support the showwww.instagram.com/muhammadhazem/

Send us a textسؤال جالي ومن الواضح اللي سئله عايش في معاناه محترمة بس سؤال منطقي! ليه؟ ليه كل الألم والوجع ده علشان كلام مستفز عن النمو والنضج! يا اخي *** ! هو الموضوع صعب فعلًا بصراحة.... تعالي نتكلم بصدق في ده!Support the showwww.instagram.com/muhammadhazem/

Send us a textرمضان وقعة واثره على كل واحد نفسيًا مختلف تمامًا وفي شعور بالثقل والضيق ممكن ينتاب كتير مننا واحنا مش فاهمين ليه ونظن في نفسنا السوء علشان حاسبين بده خاصة لو نفسيًا أحنا بنعاني. تعالى نتكلم عن ده شوية : )Support the showwww.instagram.com/muhammadhazem/

Send us a textالقسوة علي نفسنا بيحركها خوف...ورغبة حماية من الخطر! ينفع ده يحطنا علي طريق التعافي؟ هل الكبت وممارسة سلوكيات بتملانا من برة ممكن يخلي الدنيا تمام؟ ليه اه وليه لا؟ تعالى ندردش في ده شوية!Support the showwww.instagram.com/muhammadhazem/

Send us a textأنا وندى اتكلمنا عن السكيما ثيرابي وشوية حاجات تانية! السكيما ثيرابي بتساعدك تفهم أن في شخصيات مختلفة جواك، وكل شخصية منها دوافعها واللي محتاجاه ممكن تبقي محرك لسلوكك. النهج ده في العلاج بيساعدك تبقي مراقب لأنهي جزء متحرك وبيسعي لأيه! وبيساعدك ترجع ال " adult " أو ال " true self " لكرسي القيادة في حياتك اللي هو أنت :) Support the showwww.instagram.com/muhammadhazem/

Send us a textأدهم من الناس اللي أنا شوفت بنفسي رحلته الشخصية وازاي هو عرف يشتغل على نفسه قبل ما يساعد غيره ودي أكتر حاجة أنا بحترمها فيه. أتمني تبقي الدردشة مفيدة : )Support the showwww.instagram.com/muhammadhazem/

Send us a textدايمًا مدى اريحية الشخص مع نفسه دليل بالنسبالي على نضجه وقبوله لنفسه وبنبسط لما الاقي معالج أو معالجة هما نفسهم في رحلة تعافي وعلشان كدة أنا بحترم علياء لأنها حقيقية وشاطرة جدًا في شغلها ما شاء الله، وحبيت الكلام العفوي اللي سجلناه.Support the showwww.instagram.com/muhammadhazem/

Send us a textوعلشان انا امور وكنت بسجل الحلقة بحاجه مفهاش pause فالحلقة بقيت في شكل ملفين وده الجزء التاني!Support the showwww.instagram.com/muhammadhazem/

Send us a textعمرو أنا بدأت معاه من ٢٠٢٠ تقريبًا والراجل ساعدني ومش عارف ساعدني ازاي 😎 اعتقد ان هو ساعدني ارتاح ومع نفسي واصدق فيها واطلع من ورا الماسكات اللي اتعودت عليها اكتر من اي حاجه. ده أول جزء من القعده وفيها انجليزي كتير لأن ده اللي احنا متعودين عليه مع بعض، Sorry not sorry 🤓Support the showwww.instagram.com/muhammadhazem/

Send us a textأنتي عارفه التعافي عبارة عن ايه؟ " التصديق " في رواية أنسب من رواية الماضي وتعزيز الرواية دي بأفعال بتعبر عن تصديقك فيها. التعافي صعوبته في بساطته وحقيقة ان هو بيتطلب انك تتخطى الحواجز الوهمية اللي عقلك حطهالك بغرض الحماية. تعالى نتكلم عن ده وشوية حاجات تانية!Support the showwww.instagram.com/muhammadhazem/

Send us a textالبحث عن الوصفة المثالية للتخلص من الصدمات الشقية كان هدفي في أول التعافي وهدف ناس كتير، دايمًا تصوراتنا جاية من شدة رغبتنا في التخلص من الألم اللي احنا عايشينة....ده مفهوم وطبيعي بس الدنيا مش بتمشي كدة : ) تعالى نتكلم عن ده وشوية حاجات تانية!Support the showwww.instagram.com/muhammadhazem/

Send us a textأحنا بننسي بسهولة وأول صوت يبيع لينا طريقة تسكن الألم بنروح معاه على طول! وعلشان كده تثبيت التغيير عملية يومية وبيساعد فيها التمسك بشوية مبادئ، تعالي نتكلم عن شوية!Support the showwww.instagram.com/muhammadhazem/

Send us a textكل حاجة أنت ممكن تتعود عليها تقدر تتعود على غيرها ومرحلة التثبيت هي حصادك لكل المحاولات اللي وقعت فيها أكثر ما قمت! تعالى نتكلم عن ده : ) Support the showwww.instagram.com/muhammadhazem/

Send us a textمرحلة التغيير أشبه بلما يبقي عندك لمبه شوية تشتغل وشويه تفصل، مش علي وتيره واحده، لسه بتحاول تعتاد الطرق الجديدة للتعامل مع احتياجاتك ومشاعرك وأفكارك في الانتكاس والطلوع والنزول فيها حتمي...تعالى نتكل عن ده وشوية حاجات تانية : )Support the showwww.instagram.com/muhammadhazem/

Send us a textالتعافي ببساطة هو الشجاعة أنك تكون ذاتك...ولما تتحلي بالشجاعه دي هتشوف قد ايه أنت محتاج الاتصال بمختلف اشكاله ومن اهمهم رغبتك في الاتصال بالله بمفهوم صحي...تعالى نتكلم عن ده!Support the showwww.instagram.com/muhammadhazem/

Send us a textالتغيير مرحلة فيها نازل وطالع...ومرة تواجه وتتعامل مع مخاوفك وتنبؤاتك بالفشل والهجر ومرة تلسوعك ونتنتكس! تعالى نتكلم عن ده وشويه كمان عن الحيل الذهنية اللي بنلعبها على نفسنا علشان نرجع لسلوكياتنا واحنا عاملين نفسنا مش واخدين بالنا!Support the showwww.instagram.com/muhammadhazem/

Send us a textفي مشاعر معينة لما بتستثار بيجتاحنا ألم مرعب وبيبقي كل اللي علي بالنا ازاي اسكن الألم بأي طريقة....تعالى نتكلم عن المشاعر دي وازاي تفكر في تخفيفها بدون ما ترجع لنفس أنماط التكيف اللي مبهدلة حياتك وصورتك قدام نفسك!Support the showwww.instagram.com/muhammadhazem/

Send us a textالخوف دايمًا وراه رغبة حماية من الم متوقع....بس الألم المتوقع بيبقي توقع خاطئ مبني على خبرات زمان...فلو عايز تتعافي وتنضج معندكش حل غير أنك تتعامل معاه...تعالى نتكلم عن ده!Support the showwww.instagram.com/muhammadhazem/

Send us a textالمشاعر والأفكار اللي بقالك سنين بتخدرها وبتكبتها بسلوكيات تكيف هتحتاج منك انك تبدأ تتخلي عنها وتبدأ في رحلة بناء طرق جديدة تسرح المشاعر و تسد الاحتياجات بدل ما تكبتها...تعالى نتكلم عن ده!Support the showwww.instagram.com/muhammadhazem/

Send us a textتعالي نفهم شويه عن مثيرات المشاعر والأفكار بتاعتك ونتكلم عن التعامل معاها علشان ناخد أول خطوه في الطريق وتقدر ترصد اللي بتحرك جواك كل يوم وبيستفز جواك سلوكيات في الأغلب بتزعلك من نفسك...Support the showwww.instagram.com/muhammadhazem/

Send us a textكلنا بلا استثناء عايزين نتغير ونتعافي بس بنحاول نختبر التغيير بنفس المعتقدات اللي عطلتنا سنين. في الحلقة دي أنا بتكلم عن شويه نقاط هدفها تساعدك تغير نظرتك للتعافي النفسي ومفهوم النمو والتقدم فيه!Support the showwww.instagram.com/muhammadhazem/

Send us a textفي الجزء ده بتكلم بالتفصيل شوية عن ازاي التراما بتخلينا نتفاعل مع العالم على أنه مكان خطر وغير آمن ودايمًا الأذى هبلاقي طريقه لينا وعن ليه ده بيحصل وازاي تبص لنفسك بطريقة أكثر رحمة ومتشفش انك بتدلع! وكمان بجاوب علي شويه اسئله بتتسئلي علي طول!Support the showwww.instagram.com/muhammadhazem/

Send us a textفي الحلقة الأولى بتكلم عن علاقة الاحتياجات النفسيه اللي كنا بكل برائه بنحاول نلبيها واحنا صغيرين و اخدنا على قفانا واحنا بنعمل كده والأفكار والسلوكيات اللي احنا عايشين بيها واحنا كبار. الماضي فهمه هيساعدك توعى لليه أنت بتعمل اللي بتعمله وايه المعتقدات اللي مسؤوله عن سلوكياتك اليومية.Support the showwww.instagram.com/muhammadhazem/