殺人魔MORE查

大家千祈唔好誤會！今集嘅主角Midsi，並唔係殺人兇手，而係一位年僅八歲、聰明又勇敢嘅倖存者👧🏻

當時加洲嘅小朋友接二連三咁失蹤，警察都毫無頭緒🫨

主角Midsi喺自己生日當日，滿心歡喜咁趕返屋企開生日party，點知就喺返屋企途中就遇襲兼失蹤！😰

堅強嘅Midsi最後係點樣走出困局？倖存者嘅後續又係點㗎呢？🤔想知就快啲收聽新一集啦💬

社會邊緣人士入住boaring home之後離奇失蹤，佢哋好多都冇屋企人冇朋友，靠住政府畀嘅社會福利金生活…係咩原因令佢哋畀連環殺人犯盯上？正因為佢哋背景問題，就算無故失蹤，都好難追查，或者引起人注意😟

點解兇手有多個案底，但係仍然可以經營Boarding Home？佢又係點樣建立形象，呃晒身邊所有嘅人？表面睇落係一個慈祥溫柔嘅老人家，但係原來係一個殺人唔眨眼嘅連環殺人犯….🥶🥶

最後揭發兇手惡行嘅唔係屋企人或者朋友，而係一個盡責嘅社工！🥹明明警方已經係兇手屋企搵到關鍵證據，佢又係點樣喺警方眼前逃走？快啲收聽今集案件，了解下呢個詭計多端嘅婆婆啦！

AAAAAABBBBBABABABABBBABBAB

(long time no c😚)

今次同大家分享首個美國連環女殺人犯 — Aileen Wuornos嘅故事！

佢有齊悲慘嘅童年、受虐嘅經歷、為世所迫嘅生涯，仲有當年仲係禁忌嘅愛情🫨最後仲一步一步變成一個專殺男人嘅女殺人犯

你哋聽完呢集之後覺得Aileen係因為咩所以殺人呢？為咗錢💵？為咗愛情（供養情人）👩🏼‍❤️‍👩🏽？定係想向男人報仇呢🔫?

喺下面留言話俾我哋知啦💬

P.S. 最後睇返資料， 44歲嘅基督徒Arlene喺1991年11月合法收養咗Aileen， Aileen當時都係35歲左右。。。我都唔知呢個係咩玩法🤷🏻‍♀️😂

今次為大家帶嚟嘅就係人稱The night stalker，又名撒旦嘅門徒嘅五角星殺手Richard Ramirez👿

佢專揀夜晚作案，會偷偷地潛入受害人嘅屋企，又會喺案發現場留低特別嘅記號，對待男女受害者都會有唔同嘅處理方法….

有時佢會完全不留活口，但係有時又會放走受害人，受害人會唔會死，完全係睇佢心情。點解佢嘅外貌特徵咁易認，都會咁遲先拉到人？

最離譜嘅就係一眾市民嘅反應，竟然有人因為佢犯嘅事而愛上佢，瘋狂寫信求愛，最後Richard竟然真係同咗一個仰慕者結婚🤯真係諗唔明啲人咩心態…🤬

今集講一個經典美國連環殺人犯 — BTK殺手！🪢🔪😵

Dennis自稱自己做BTK，即係bind, torture and kill （捆綁、虐待、殺害） 🫣

佢由細細個開始已經有啲異於常人嘅性幻想同性癖🤯捆綁、窒息、虐待、殘害小動物、偷窺、易服癖。。。仲曾經對自己阿媽覺得無助嘅樣感到性興奮🤢🤮

佢大個咗之後生活慢慢步入正軌，結婚生仔進修升職加人工，但係私底下就係一個變態殺手🩸佢之後仲周圍寄明信片同包裹俾媒體！真係囂張得可怕🥶

想知佢究竟係點樣被捕，就快啲聽最新一集啦🎧

終於打大佬，嚟到美國系列🇺🇸打頭陣為大家帶嚟Killer Clown🤡今集真係幾長，有諗過分開兩集，但係又唔想吊大家癮😂

今集主角係1970年代被稱為美國最WORST嘅連環殺人犯，日頭嘅佢係一個成功商人，係一個熱心公益嘅小丑，一到夜晚就變身連環殺人犯，佢用六年殺害咗33個年輕男仔，仲將大部份埋咗喺自己屋企地下..🥶

點解一直有人失蹤，但係警方都一次又一次咁放走有案底嘅John..? 身型肥胖嘅佢又係用咩方法可以殺害咁多人，甚至包括海軍陸戰隊嘅成員？😱

又係咩原因，佢要Target一班年輕男仔呢？係咩令到佢咁討厭後生仔？

敬請細心聆聽新一集🎧

好耐無同大家傾偈！今集一於同大家傾足一粒鐘！👯‍♀️​​🗣️​💬​

（本集內容已經得到珍姐男朋友審批同意播出）

（No human feeling was harmed in the making of this episode）😂​

特別鳴謝今集嘅sponsor： HKU SPACE

大家如果對佢嘅Certificate of Legal Studies有興趣嘅話，就去佢哋website睇吓啦！

https://hkuspace.hku.hk/cht/collection/applycls

本身阿珍講呢單案，係諗住俾台灣警察威返一次，點知事情唔係我想像咁發展😳台灣警察引以為傲嘅一單cybercrime，最後都係俾崔姐笑到面黃！😂😂😂

今集就係講台灣ATM離奇嘔錢劫款案🏧

國際犯罪集團Cobalt遠飛台灣，喺第一銀行（簡稱一銀）嘅ATM度偷走大約8,327萬台幣💸😨

台灣警察同劫匪從此就陷入一個貓捉老鼠嘅遊戲💨

點知最後三個劫匪都係敗喺台灣嘅美食之下！睇嚟我都係時候飛返轉台灣了！（？？）

P.S. 我哋最聰明嘅崔姐今集錄音唔記得教input，插咗個咪，但最後用咗macbook嚟收音🤡所以把聲怪怪地，請見諒🫱🏻‍🫲🏽

今集要同大家分享一個極度嘔心嘅邪教，除咗係《周處除三害》尊者嘅角色原型之外，佢仲被稱為台版攝理教，集齊咗唔少邪教會出現嘅元素…

其貌不揚嘅教主到底點解可以建立一個咁龐大嘅邪教王國，除咗有成千上萬嘅信徒，仲有超級嘔心嘅「仙女班」，信徒會想將自己嘅女女送入去仙女班，被洗腦嘅程度完全冇辦法想像…

除咗騙財騙色，佢都搞唔少花臣，又要出唱片，又要創立政黨，完全係時間管理大師。由1980年代開始去到2020年先正式被揭發，點解徐少龍可以咁多年都唔俾人發現，最後又因為咩事而令邪教成功被瓦解呢？

快啲嚟聽吓呢一集啦💕

我哋返嚟喇！🎊🥳

好耐冇見！sorry知大家等咗我哋好耐🙏

今集係我哋強勢回歸後嘅第一次嘅錄音，就講一單聽眾提案啦😝（多謝提案！）

高雄曾經發生過一單離奇命案，個女突然間喺屋企過身😰佢嘅屋企人事後失咗蹤幾日不突止，仲話佢哋全家都被鬼上身，呢一個月以來淨係食屎+飲符水🤯🤯🤯

呢單案之後仲被改拍成電影《咒》，票房破億！

我就覺得呢單案最離奇嘅，係竟然冇人需要為受害者嘅死而負責。。。簡直係難以置信。。。🫠

一個失蹤男子七年來不停報夢畀同一個女人，到底佢哋係咩關係？🥶

呢個女人最終承受唔住心理壓力，令一宗七年前嘅案件得以被揭發！

羊腩煲店老闆點解要謀害自己嘅熟客，去到最後仲想殺埋自己女朋友？案件調查難關重重，受害人身份未明，唔完整嘅證據鏈，缺失咗關鍵線索，係咩令到警方可以一個又一個謎團咁解開，最後令到兇手成功入罪？

快啲聽吓新一集啦！為咗補償遲咗咁多出，特登將一啲蝦碌片段留番低🤣

第102集又係保險？！唔好走住！今次唔係講呃保險，而係保險從業員連環失蹤案🥶🥶

1991年，2003年都相繼有女仔喺同一間車房附近失蹤，都係去搵車房老闆傾保險之後唔見咗... 1991年嗰單不了了之，成為懸案😭2003年呢一單有冇機會破案？每個人都知車房老闆嫌疑極重，奈何又搵唔到屍體，兇器.... 

因為頭號嫌疑人好呆，十問九唔應，令到調查進度好慢。輾轉咁搵到屍體，但又發現只係得骨，遺體嘅肉已被削走？！唔見咗肉塊，探員終於發現眼前呢個陳金火係一個食人魔… 🥶

到底佢講嘅嘢有幾多係真？有幾多係為咗混淆視線？快啲聽吓呢一集啦！

記得聽到最尾，有特別嘉賓🐱

今集分享台灣「驚世媳婦」嘅案件！佢係台灣唯一未被執行死刑嘅女死囚，亦係台灣有史以來第四位女死囚… 

算命結果話佢最親嘅人都會全部死亡，最後竟然真係應驗咗，到底係佢剋住身邊嘅人，定係屋企人嘅死都同佢有關？

個樣睇落斯斯文文，但係背後卻係一個機關算盡嘅人？🥶🥶 到底係咩原因，佢會咁等錢使，選擇犧牲身邊最親嘅人，到底呢個冷酷無情嘅人經歷過啲乜嘢，變成一個咁冷血嘅人？

P.S. 今集唔覺意chitchat 咗2分鐘先至開始入正題😂 我同珍姐太耐冇見，請見諒！

登登登凳！

今集係史上第一集不限題材不限地區嘅聽眾提案！佢將會存在於澳洲系列同下個系列嘅中間👀

搞呢次提案嘅時候，我哋收到接近80個唔同嘅提案，喺呢度再次多謝各位嘅參與💛love u guys🙌​

今集係一單「一反常態」、估佢唔到嘅案件🤯

’It’s always the husband.’ 

當全世界都以為兇手就係個老公，真兇仲會唔會得到佢應得嘅懲罰？

因為ig相片有限🙏po唔到最後嗰位受害者俾大家睇🙏

另外後半集唔知點解回音比較大，將就吓啦😚

嚟到澳洲系列嘅第17集，要些牙一單令人心情沉重嘅案件😔

Port Arthur 旅遊區發生無差別槍擊事件，因為兇手嘅精神疾病+希望得到世人注意，造成三十五人死亡… 死者當中除咗大量遊客，仲有一家大細😭

兇手家庭關係正常，更忽然成為巨額遺產繼承人，四圍環遊世界緊嘅佢點解會開始計劃大屠殺？😨 又點解佢會喺談及案發經過時，情不自禁咁笑？

我哋返嚟喇～要大家久等了✨

今集要同大家講澳洲一單鬧得沸沸揚揚，事隔20年之後，喺2023年有所突破嘅「冤案」！

主角Kathleen Folbigg近年嚟一直被人稱為’Australia’s most hated woman’同埋’Australia’s worst female serial killer’🩸🔪

Kathleen究竟做咗啲乜，令佢得到呢兩個稱號呢？事隔20年，佢又係點樣洗甩呢個朵㗎呢？🤯

聽完呢單案之後，你覺得Kathleen係殺人兇手，定係真係家門不幸？💭

呢單案曾經係一單懸案，由1996年案發到2020年破案，相隔超過20年！所以佢亦都係澳洲史上持續時間最長、耗資最多嘅刑事案件💸⏳

當年喺一年之內，有三名女仔喺有錢人地區Claremont嘅酒吧附近先後失蹤，然後被強姦殺害，最後棄屍荒野🩸其中一名女受害者嘅遺體更加係直到依家都未被揾返😢

究竟兇手犯案之後，喺受害者嘅墓地上面做咗啲咩，令崔姐心都寒埋？🥶又究竟係咩原因，令到呢單24年懸案「真相大白」呢？快啲撳入去聽吓啦！💬

登登登凳！今集嘅主角就係澳洲版周凱亮！！

當時呢單滅門慘案傳遍澳洲華人圈，一家四口看似生活融洽，大屋靚車都有齊，仲養咗6隻狗仔💰

爸爸媽媽細妹三個人一夜之間被人用刀同球棒殘忍殺害，兇手仲喺屋企嘅牆上留低有種族歧視意味嘅字句🤔

究竟係咩事釀成呢次倫常慘案？🥶身為澳洲版周凱亮嘅佢，又可唔可以靠佢嘅演技走得甩？🫢

敬請收聽🎧

受害者：

Teodoro "Teddy" Gonzales (46)

Mary Loiva Josephine Claridades Gonzales (43)

Clodine Gonzales (18)

今集講西澳最後一個死刑犯！

Eric Edgar Cooke又叫The Night Caller，佢由1958年到1963喺Perth令8人死亡。案件看似冇關聯，因為犯人冇固定犯案手法，冇固定Target群體....🥶

受害者有被唔同嘅槍射中、有被刀刺傷、有被汽車撞擊、有被斧頭砍，所以警方冇乜線索...

到底佢經歷過點嘅童年，會變成一個咁壞嘅人？😖😖一齊聽聽啦！

你有冇諗過「完美謀殺案」會係點？😶‍🌫️

如果將推理小說入面嘅殺人手法付諸實行，又做唔做到呢？🥶

今集就同大家講一單小說同現實交錯嘅故事🤯

當澳洲小說家Arthur喺度寫緊佢嘅第4本小說、為咗想諗一單perfect murder而頭都痕埋嘅時候，身邊正有人悄悄地偷橋籌備殺人大計……

今集講澳洲經典嘅Snow Town Murders 雪鎮謀殺案！🩸

呢單案件嘅主要作案人有4個，佢哋喺澳洲唔單止臭名遠播🤧有人更加會將佢哋同先前有講過嘅’Backpacker Murderer’相提並論，堪稱木桶殺人狂🔪 

有精神病學家仲話其中嘅邪惡大佬John係典型嘅psychopath殺手……

因為呢單案嘅作案手法極之殘忍，受害人數又多，當時引起澳洲全國轟動，案件嘅細節仲試過喺十幾年內都被禁止公佈🥶

由於呢單案嘅人物關係比較複雜，阿珍再次出動自製嘅人物關係圖😂希望大家enjoy!

作案人:

John Justin Bunting

Robert Joe Wagner

James Spyridon Vlassakis

Mark Haydon

受害者：

Clinton Trezise (22)

Ray Davies (26) 

Michael Gardiner (19) 

Barry Lane (42)

Thomas Trevilyan (18) 

Gavin Porter (29) 

Troy Youde (21) 

Frederick Brooks (18)

Gary O'Dwyer (29) 

Elizabeth Haydon (37) 

David Johnson (24)

+/- Suzanne Allen (告唔入)

⚠️最後兩張圖慎入⚠️實在係冇位擺慎入圖，唯有咁樣提大家😂

今集帶嚟一單澳洲連環殺男人案，悉尼接連有男性被發現死喺街上，佢哋嘅生殖器官都被切除左，到底係有幾深仇大恨，先要殺害完佢哋再將佢哋嘅陰莖都切落嚟？🥶🥶

其中一個「受害者」竟然喺Brisbane 復活？😨

明明喪禮都已經舉辦完，點解呢個受害人嘅舊同事會喺街上面重遇佢呢？

想知呢單案點樣反轉再反轉，快啲聽啦！😆

同大家介紹！澳洲著名嘅'Backpacker Murderer' — Ivan Milat🔫

慘被性侵同虐待嘅遺體接二連三咁喺同一個國家森林公園被發現，共通點就係死者全部都係backpacker🥶

呢個公園亦都因為咁，變成遊客聽到都彈開九丈遠嘅禁忌之地👻

案件調查進度曾經停滯不前，但最後因為一個主動提供線索，仲不求回報嘅生還者而有所突破！

你覺得Ivan Milat殺嘅人又止唔止7個呢？ 歡迎喺下面留言💬

想喺度同大家講聲唔好意思

泰國案件嘅透明度極低我諗大家都知，呢一集人物關係比較複雜，加上多線發展，我擔心大家聽聽吓可能會跟唔切🙏🏻

為咗幫大家理清案情，我親手整咗timeline圖擺咗上ig，建議大家可以一路望住幅圖一路聽！

----------------------------------------------------------------------------------------------

其實未正式錄音之前已經估到可能會講到好混亂，但呢單案喺泰國算係超級經典嘅案例，堪稱‘case of corruption and injustice’，所以阿珍決定星馬泰系列最後一集一定要講佢！🗣️

一個美泰混血兒遇害，本身係關鍵証人嘅tuktuk車司機十年後先被揭發，原來當初係同警察夾埋講假口供🤯

四位代罪羔羊被判死刑，最後坐監坐咗足足七年，先被宣告無罪釋放

究竟佢哋係收咗錢，定係俾泰國警察嚴刑迫供到「被認罪」？

最嬲嘅係！嗰位夾假口供嘅警察最後竟然可以乜事都冇！！！🤬

到最後，呢單案嘅重點，已經唔係邊個係兇手（最後孭飛嗰兩個都唔知真定假），而係當中嘅腐敗同不公義👎🏻

歡迎喺下面留言，話俾我哋知你點睇💬

四位代罪羔羊：

Rungchalerm Kanokchawalachai (46)

Krasae Phloiklum (33)

Phithak Khakhai (30)

Thawat Prayun (30)

今集嘅案件係泰國十分出名嘅婦科醫生殺妻肢解案！🇹🇭

呢單案當時震驚咗全泰國，一個醫生兼大學教授一夜之間殘忍咁肢解咗自己老婆，阿珍依家諗返起嗰位鄰居聽咗成晚嘅沖廁聲都起雞皮🚽🥶

之後兇手竟然被泰皇兩次特赦，坐咗唔夠11年監就放出嚟🤬

喺今集嘅最後，我哋仲會補充一啲阿珍上網見到關於泰國懲教制度嘅有趣資料🤭

（希望出咗呢一集之後我哋兩個仲可以順利出入泰國👷‍♀️ peace🤞）

今集講一位喺泰國紅透半邊天嘅嫌疑犯！佢就係Chaiphon Wipha，人稱「蓬叔」

（珍估因為係普通話譯音，網上資料先會寫「蓬」，所以我喺呢集入面會叫返佢做「龐叔」😂）

受害者係一個3歲嘅可愛小妹妹，懷疑俾人拐去森林度施暴，然後活活餓死😭而加害者竟然有可能係自己嘅舅父？！

呢個未定罪未判刑嘅嫌疑犯舅父，更加因為佢俊俏嘅外表同出眾嘅才華（？？？珍崔依然表示黑人問號）而一夜爆紅，代言、廣告、拍真人show，連MV都拍埋？？！🤯

呢個世界究竟發生咩事？？！！歡迎大家喺下面評吓理！😂😂

P.S. 為大家獻上龐叔嘅MV link:

Jintara Poonlarp Tao Ngoi Official MV

https://www.youtube.com/watch?v=Bw4a2cuIaTU

歡迎大家嚟到泰國🇹🇭

今集講一單疑似食人魔嘅案件🍴

細偉呢個名阿珍一早聽過，一講起泰國奇案就諗起佢🤔印象中佢就係一個專食細路嘅痴線佬

不過！！！今次認真上網睇資料嗰陣，竟然有意外嘅發現！🤯

細偉究竟係點樣由一個中國嚟嘅農民，去到泰國之後變成食人魔，然後成為博物館嘅展品，最後演變成一件社會事件呢？

聽完喺下面留言/dm我哋講吓你點諗啦💭

PS. 今集jingle用嚟慶祝崔姐終於康復，想聽好笑嘢就聽到最後啦🤭

今集嘅案件曾經被報導為1977年十大最令人震驚嘅新聞之一 — 鐘玉霞失蹤謀殺案😵

受害人係一個年僅10歲嘅小學生，佢喺一個星期五嘅下晝失蹤後就再冇人見過佢……

兇手犯案後更打過兩次電話俾受害者一家，要求嘅條件唔係錢，竟然係要「以細換大」？！😰

今集又係一單變態嘅搞小朋友案，雖然係好耐歷史嘅案件，但都希望大家多啲愛惜保護身邊嘅塞豆窿🙏🏻

強勢回歸！🎊🥳

今集嘅案件係新加坡無人不知嘅世紀懸案🔍

4個無辜嘅小朋友喺爸媽離開屋企後短短嘅40分鐘內，被兇手殘忍咁斬殺🔪

爸媽返到屋企後，痛心咁目賭自己小朋友屍疊屍嘅恐怖一幕……💔

事後（疑似）兇手更加寄信俾受害者一家，笑佢哋絕子絕孫🤬🤬🤬

警方懷疑係熟人所為，但兩公婆一直否認自己有同人結怨，究竟係咩人咁大仇口？

呢一單44年嘅懸案，到現今都仲未偵破，4個小朋友就咁死得不明不白😢今集又係心噏嘅一集

今個禮拜阿珍去咗日本旅行都準時出到，真係要鼓返個掌先👏🏻🥳 （呢集出嘅時候，阿珍應該差唔多返香港💸 又要做返窮社畜）

兩位日本遊客開開心心去新加坡旅行，點知就喺到埗唔夠兩個鐘之後，就喺五星級酒店慘遭劫殺

其中一位受害者更被兇手踩面，最後導致面部6處骨折🤯

呢單案更加間接改變咗新加坡嘅監禁制度👨🏽‍⚖️

你又覺得兇手係有心踩面，定係真係仆親嘅無情力殺人？

喺下面留低你嘅諗法👇🏼💭

（btw有冇人覺得楊邦孝個樣正氣好多？）

新年快樂！🎊 祝大家新一年身體健康，𢭃多啲利是🧧 

今集睇標題基本上都估到單case講乜😂 

崔姐仲話今集成集警訊咁，係笑話一則🤡 

仲要最後冇人受傷，都可以話係好結局🙌🏻啱曬新年聽啦～ 

皆因啊珍趕住出門口拜年，今次description唔講咁多喇🤣大家趁熱聽啦！💬

⚠️最後一張圖請慎入⚠️

（冇位加慎入圖，唯有喺第一句講定）

啊崔聲音仍然未回復正常，本集為covid限定老牛聲版本😂 希望大家可以多多支持🙏🏻

繼續喺新加坡系列，為大家帶嚟一單有啲殘忍嘅驅魔挖眼命案🥶兇手因為覺得未婚妻被鬼上身，為佢進行驅魔儀式，用多種武器將未婚妻虐殺😔

手法恐怖之餘，佢仲將死者某啲身體部份掉咗落街….

到底點解兇手會有咁樣嘅諗法？藥單令人覺得好心噏嘅案件☹️珍姐聽完都話個心好唔舒服… 我哋討論期間都講到冇辦法怪罪任何一方，真係一單非常之慘，同埋令人心酸嘅案件….

好耐冇見！我哋返嚟喇🥳祝大家新年快樂🍾 

今集同大家講新加坡江湖人稱「雙槍大盜」同「千面殺手」嘅林萬霖🔫🎭 

持械行劫、搶警察佩槍對佢嚟講基本啦🤷🏻‍♀️ 

佢曾經4次喺警察手上無穿無爛咁走甩，仲令一位年僅27歲嘅警察殉職 

佢喺幫派入面嘅地位亦相當唔簡單！新加坡就有33名囚犯集體逃獄，只係因為佢哋想參加林萬霖嘅葬禮 😳  

想知呢位黑幫大佬最後點樣落網，快啲趁熱聽啦！🎧

Woohoo! 終於嚟到第50集🤩 今個星期為大家帶嚟一單兩屍三命案！

​

呢個家庭點樣由生活無憂，變成之後嘅山窮水盡，引致殺機....?

原本好地地嘅屋企，爸爸欠債，媽媽同個女被殺....😢😢

​

小朋友往往最無辜，乜都唔知就俾最信任嘅人殺害😞

​

因為錢同感情而引發嘅慘案，兇手行兇後伴屍九日

兇手用過好多方法，又試過好多次自殺，甚至寫哂遺書話全家自殺，點解但有一個人冇死？

​

P.S. 今集之後我哋將會放個假先！下下下星期見✌️✌️

Hi We are back!🥳

話咁快就嚟到ep49🎊

今集為大家帶嚟一單啊珍喺網上randomly見到嘅新加坡搶劫殺人案 — 安德烈路三屍命案🥶

雖然呢單案嘅資料唔多， 但勝在個故事同組合都幾有趣😳

新加坡冷血連環殺人犯 + 馬來西亞林善打劫新手 = ???

中間仲有啊珍激情演繹劫匪嘅對話， 搞到我一路edit一路成個傻9咁笑😂😂😂

P.S. 一開波嘅jingle係錄音錄咗唔夠半個鐘就發生，珍已經攰到講嘢有鄉音，崔姐笑到枱都震埋😑

呢度有冇鐘意潛水嘅朋友？🤿

你有冇諗過「完美嘅謀殺案」會係點？

今集就同大家講新加坡史上第一單冇遺體、冇屍檢而作出死刑判決嘅案件 — 新加坡杜阿島無屍奇案

呢單堪稱「完美嘅謀殺案」！🔍

未婚妻落咗水之後，剎那間離奇失蹤🤯遺體一直都揾唔返，只係揾到一隻被𠝹斷嘅蛙鞋

目擊證人又得一個，究竟潛水前發生咗咩事？

阿珍今集真係講到起雞皮🥶

P.S. 今集一開始有少少干擾聲，唔知邊度嚟，請見諒😂

今集講馬來西亞小盈瀛謀殺焚屍案🔍

今集比較短，因為單案喺短短3日內就被偵破🕵🏻

但係！你唔好睇佢3日就破案，案情一啲都唔單純！🤯 峰迴路轉嘅案情，一下子就轟動成個馬來西亞

原先報案嘅受害者媽媽，喺囡囡失蹤約30個鐘頭後，竟然同男朋友一齊被警方拘捕！😱

最後呢單case竟然係親生媽媽同男朋友自編自導自演嘅謀殺案🤬🤬🤬湊小朋友會攰會厭倦，但殺人絕對唔係解決方法！！！

小盈瀛都未有機會好好了解呢個世界，就被奪去性命，希望仲在世、愛錫小盈瀛嘅家人朋友能夠堅強活下去💭

正所謂朋友妻，不可窺！ 今集講嘅案件比呢樣更誇張更可恨🤯 

兇手竟然將自己好朋友嘅女殺死再分屍，到底點可以忍心將一個由細睇到大嘅女生殺害，到底兇手動機係咩呢？

 一個將朋友真心當狗肺嘅人又點止咁簡單，殺完人仲要扮冇嘢幫手打撈屍體，甚至連自己爸爸都唔放過😡

 都係嗰句：好嬲呀！🤬🤬 

受害人爸爸一日失去兩個自己重視嘅人，傷心程度無法想像😩所以話防人之心不可無，大家都要好好保護自己呢☹️

今集嘅案件係馬來西亞十分出名嘅王麗涓案🔍

28歲嘅王麗涓， 佢家庭愛情事業圓滿， 生活幸福🌅 但就喺一場同親友嘅聚會途中， 毫無預兆咁連人帶車消失喺馬來西亞🤯

值得一提嘅係， 佢同加害者喺案發當晚曾經俾至少4個人目擊過！👀​

呢一班目擊者當中， 有人輕視受害者嘅求救信號😤亦有人成功察覺到有唔妥， 事後仲主動向警方提供資料🙌🏻

啊珍覺得呢單案除咗夠出名，仲可以提醒大家要多啲留意身邊嘅人！

有時行多一步，就幫到人好多🤝​

加害者艾哈麥德全名： Ahmad Najib Bin Aris (cover photo就係佢笑住被逮捕嘅_樣)

今集嘅案件係曾經轟動一時嘅馬來西亞巫師夫婦連環碎屍案😵

曾經係女歌手嘅女巫莫娜同佢老公阿芬迪沉迷巫術🧙🏻‍♀️🧙🏼不惜殺害多條人命，以換取錢財同埋修煉更高階嘅巫術……🕴🏻

已知最後一名受害者係當地知名嘅州議員 — 拿督馬茲蘭伊德里斯🕵🏻‍♂️

佢慘被巫師夫婦剁成18份，不幸中之大幸嘅係，佢嘅下落至少都叫水落石出，但未知嘅受害者究竟又有幾多？🙁

你遇到難題嘅時候，又有冇試過向神秘嘅力量求助？🔍留言話俾我哋知啦💬

星馬泰第二集！繼續有馬來西亞嘅案件🇲🇾繼續都係long d錄音🎙

今集被稱為「趙斗醇2.0」（啊珍稱）…殘忍程度不相伯仲，今次仲要係懸案😢
兇手除咗虐待女童，更加將佢活生生咁餓死，手法絕對令人心寒+心碎💔

而警方嘅處事手法，都令到民眾大惑不解？_？

就算有FBI介入，都係搵唔到真兇😩
有個嫌疑人仲竟然生呑sim卡！？到底佢係咩人，sim卡入面有咩證據令佢要咁做？

P.S. IG最後有屍檢照，已經縮細咗，但係都講翻句慎入🙏🏻

同大家隆重介紹 — 第5季：星馬泰系列！🥳🇹🇭🇲🇾🇸🇬 

今集打頭陣嘅係馬來西亞無人不知嘅案件 — 「一點紅」碎屍情殺案🤯 

數袋碎屍喺高尚住宅區嘅路邊草叢被剪草工人發現🥶

經過警察多番努力（當然唔少得畫家嘅付出🙏🏻），死者身份終於揭曉…… 死者身份原來係當紅女星「一點紅」！ 

全國關注嘅案件，究竟真兇係邊個？💬 

快啲聽吓就知啦🤪

P.S. 啊珍慘變close contact，今集要遙距錄音，音質同互動可能都爭啲🥺希望大家多多包容🙌

韓國系列嘅最後一集😆

終於完咗呢個（暫時）最長嘅系列了，有時真係做到心酸有窒息感覺🥹🥹 

今次為大家帶來高中生殺害小學生嘅案件，女童被殺害後仲被殘忍分屍😔 

其中一啲屍塊竟然被當成禮物？！

因為少年法，佢哋三十初頭就會岀獄，唔少人都認為佢哋極危險，仲分分鐘會再犯，點解大眾會有呢個猜想呢？ 即刻聽聽新一集！

今集首次遲咗出，要大家等咁耐，죄송합니다！😭 

今集大家都係照舊要調低少少音量，因為呢單case完全係韓國系列打大佬level嘅案件 — 趙斗淳事件！🤬 

一個天真爛漫嘅八歲小妹妹，喺一個平常返學嘅早上，就俾趙斗淳改變左佢嘅一生 

毫無悔意嘅趙斗淳，出獄後又係點過佢嘅生活？

建議今集大家預備定沙包喺隔離先聽🤬 

P.S. 啊珍近排太熱氣，喉嚨痛得嚟又生咗飛滋（放心唔係中咗肺炎）所以今集咬字有時怪怪哋之餘，有幾吓仲講到走音😂請見諒 

P.P.S 啊崔今集太激動，係咁插咀又9叫，同大家講聲唔好意思😭

今集繼續係韓國系列🇰🇷為大家帶來一班極度可恥嘅仇富年輕人

一班心理變態嘅人走埋一齊，就變成咗一個極度恐怖嘅組織🥶為咗殺人籌備咗成年去儲錢，仲整咗個殺人工廠，迫受害者變成共犯，迫佢親手殺死心愛嘅人🤬

最後警方追捕佢哋嘅過程都好刺激，聽到珍姐勁煩係咁估，係咁催我快啲講😤😂想知道最後佢哋嘅下場係點，記得聽到最後啦！

今集嘅案件係韓國著名離奇懸案 — 釜山新婚夫婦失蹤事件🔍

一對結咗婚僅僅8個月嘅夫婦，毫無預兆咁喺自己嘅屋企離奇消失🤯

佢哋屋企無被闖入嘅痕跡，大廈內外一共22個閉路電視都冇影到佢哋離開嘅蹤影……

今集差唔多有一粒鐘，希望滿足到之前話唔夠喉嘅你哋😚

🗣️💬因為中間珍崔忍唔住熱烈討論案情，擔心聽落事發嘅時序會有啲亂，所以整咗張timeline (圖二)，建議大家可以去我哋IG邊睇邊聽！
👀

P.S. 記住聽到最後，有錄咗個半鐘之後阿珍唔想面對editing嘅崩潰爆粗片段🗯️

今集為大家帶來嘅都係一單好心酸嘅案件....

電影《7 號房的禮物》主角原型，為自己冇做過嘅事，背負住一條罪名近40年....
最後除咗道歉，一蚊賠償都攞唔到🤯

韓國警察嘅「調查手法」有幾神奇，點樣製造物證，用辣椒水嚴刑逼供...逼到受害人就算患上老人痴呆症，仍然牢牢記得被逼供過程
除咗害咗無辜嘅人，亦令到案件變成冤案，真兇逍遙法外🤬

今個禮拜準時出到貨俾大家😭真係要鼓返個掌先👏🏻 

今集啊珍為大家帶嚟韓國一單無差別殺人事件，兇手喺8個鐘內殺咗至少62人，導致33人受傷🥶受害者由一週大嘅bb，去到7x歲嘅老人家都有 

事件嘅起因，同埋當時其他警察嘅處理手法極為荒謬...... 

更加痴線嘅係，兇手當時仲係一個現役警察🤬🤬🤬 

⚠️建議大家唔好較咁大聲聽，因為中間崔姐聽到太嬲，鬧人聲量直衝上天花板☝🏼💥📣要保護好耳仔啊！

今個星期講邪教！32個人集體死亡，看似係自殺，但又有好多細節未解釋得通，但係又冇任何指向他殺嘅證據☹️

到底同教主關係幾深厚先會願意跟佢一齊死？🥶 

奇怪嘅教條，加上要24小時無間斷對住教主，信徒，岀入竟然仲要寫report?!!? 🫠 

少少補充資料: 1991年7月，曾被通緝嘅六個五大洋信徒向警方自首，指出之前已有幾位信徒及債主喺集體自殺事件之前，就已經因為違反戒律同追債而被五大洋信徒殺害，埋起咗。

 啊崔覺得今集冇結局，present又好似冇咁好，啲聲又麻麻咁對大家唔住，為表歉意，本集最尾收錄一次(唯一一次) 呀崔醉酒極柒事件，希望大家笑納❤️

上個禮拜啊珍應承咗你哋，要預備一件大快人心嘅韓國案件俾大家聽，好可惜都係揾唔到…… 

不過！最後就揾咗韓國第一個女連環殺人犯俾大家！🇰🇷👧🏻起碼今次唔係懸案先啦☺️ 

佢係我聽過最老實、最求其嘅殺人犯，因為佢喺目擊證人面前，可以話係毫不修飾自己嘅情感😂可以做到完全嘅don’t give a fuck都唔容易啊！ 

希望大家聽完今集之後，記得借錢俾人之前要三思～💸 

另外要感謝聽眾@hiimkkkks 提供1Q題！

今日帶來嘅係一單懸案！😭 一單令啊崔講嘅時候不自覺地握緊拳頭，令啊珍聽完好頭痛嘅case～ 

九歲小朋友失蹤後挷匪多次以電話，紙條同受害人家屬聯絡，更可能係即時，超近距離指示受害人家屬行動，但仍然不停錯過捉佢嘅機會？！ 

犯人數目都無法掌握，到底係犯人聰明，還是。。。？ 

P.S. 👷🏻‍♀️崔其實唔識韓文，入面嘅翻譯係先轉做英文再譯中文，如有錯漏請賜教🙏🏻

今集為大家帶嚟一單連一個疑兇都揾唔到嘅韓國著名懸案！🇰🇷

年僅15歲嘅受害者嚴賢雅放學返屋企嘅途中，喺兩分鐘內離奇消失咗😰

96日後屍體被發現，死狀恐怖，法醫連死因都無辦法確定🤯而最詭異嘅係，佢嘅指甲全部都被兇手搽上鮮紅色嘅嘅指甲油！💅🩸

16年後，更加有疑似知情人士鼓起勇氣，向電視台提供更多嘅線索😳但係好可惜，呢單案嘅兇手依然逍遙法外……

P.S. 有人話疑犯同華城連環殺人案嘅真兇李春在嘅素描好似！大家有興趣可以睇返最後一張圖對比吓📸

⚠️網絡瘋傳⚠️絕密流出⚠️ 

女博客主啊崔同啊珍嘅激情對話近日喺網絡瘋傳！㊙️🔞 

早前兩位博客主嘅頻道內容引嚟各方聽眾嘅滿頭問號 — 「究竟咩樣？開樣啦！」「幾多歲？」「返咩工？」「為咩事搞podcast？」🤯❓ 

本台搜出嘅絕密錄音將會同大家逐一揭曉答案！😳

（有喺我哋apple podcast度留言嘅你，一定一定一定要聽到最後！🙌🏻
喺度多謝每一個支持我哋嘅你love you）

華城連環殺人案係「韓國三大懸案」之一，出名到拍戲又拍劇咁，簡直係true crime fans必定聽過嘅case之一!😳 

究竟呢單案有幾曲折離奇你又知唔知？🤨 

一個真相遲咗33年先出現，無辜嘅代罪羔羊已經喺監獄渡過咗20年嘅人生……

 錄音嗰陣啊崔嬲到爭啲走音🤬除咗係個真兇殺人手法變態殘忍，7歲到71歲都唔放過之外，更加係對當時警察辦事不力、急於破案所以揾替死鬼嘅所作所為而聽到拳頭都硬曬！👊🏻 

P.S. 今次IG最尾幾張相比較露骨，雖然有格，但都係慎入啊各位！⚠️​

「我可以戒掉抽煙，但無法戒掉殺人。」

單純因為「開心」奪去14人嘅生命🤯

為咗殺人而去運動，設計餐單....就係為咗有更好嘅殺人體驗？！

點解每次都正面攻擊受害者？點解要轉兇器？背後原因令人心寒... 

被記者問到有冇覺得對被害者家屬感到愧疚，佢竟然露齒笑....🤬

服刑兩年後中自殺身亡，一向好多嗲嘅佢點解突然沉默咁離開世界？

佢係人稱韓國頭號變態連環殺人狂魔🔪

柳永哲喺一年內接連殺了至少19人☠️創下咗韓國單獨犯案殺人的最高記錄👥 

柳永哲嘅犯案手法殘忍俐落🔨佢仲曾經利用佢嘅最大恐懼，試圖喺警察嘅拘捕中逃走！

佢最大嘅恐懼係咩？🙍🏻‍♂️

佢嘅殺人目標同佢嘅自身經歷都有密切嘅關係，究竟佢經歷過啲乜嘢令佢咁討厭有錢人、女按摩師同妓女？💰💋​

想知嘅話就快啲去嗰舊紫色或者綠色嘢😂㩒我哋最新一集嚟聽吓就知啦！🎙💬

P.S. 柳永哲一案更被拍成改編電影同埋Netflix劇集，大家有興趣可以去睇吓🎥

안녕하세요 🇰🇷🇰🇷🇰🇷
請聽到最尾，今集啊珍為大家高歌一曲（足本版）

韓國系列第一集，打頭陣為大家帶來 So called「最靚仔」殺人魔姜浩順嘅案件！
兩年內殺害八個女性，仲被懷疑同老婆+外母嘅死有關？！

用husky相令人以為佢係好人，最後竟然咁樣對啲狗......

註：一開頭講2005-2008
2005係refer to 佢老婆+外母燒死案件；2006-2008係refer to 8位受害人嘅連環姦殺案〜

今集係一單超級戲劇性嘅日本懸案！😳 

一個農民少女被綁架姦殺🔪疑犯初頭認罪，警察本身以為已經捉到兇手🚨 但係疑犯喺被判死刑後推翻曬自己先前落嘅口供，話自己被警察迫供、栽贓！🥶 

結果佢坐咗31年監，假釋出獄後為自己爭取再審，還自己一個清白😤究竟佢最後會成功脫罪，定係徒勞無功？ 

最初嘅一單少女綁架姦殺案，係點樣變成席捲全日本嘅政治事件？🤯你聽完案件嘅證供之後，又覺得疑犯係唔係真兇呢？😳 

喺IG留言或者dm話俾我哋知啦💬

唔知大家鍾唔鍾意食日本咖哩〜唔講唔知佢係落毒食物首選...🤯

今個星期為大家帶來一單動機不明嘅大型投毒事件

由一場夏日祭典集體中毒案，到慢慢發現一連串嘅落毒事件，到底不停毒人對佢有咩好處？

冇動機，冇直接證據嘅情況又係點將佢入罪？😨

佢嘅屋企人又因為咁，走上咗完全唔一樣嘅人生...

食住咖哩聽吓呢集先.......

而家教主嘅fans一街都係，今次啊珍就帶一個日本痴_線邪教教主 — 麻原彰晃嘅故事俾大家！😂 

佢自細嘅夢想就係做日本首相🎌更加喺32歲嗰年正式創立奧姆真理教，自稱教主🤴 

佢聲稱自己3歲就識靈魂出竅，6歲就死過返生，仲識得空中飄浮等等…… 

佢究竟係點樣由一個瑜珈教室，進化做瑜珈道場，再變成一個宗教團體，最終成為恐怖組織？「男女雙修歡喜法」即係點？佢發動東京地鐵沙林毒氣事件背後嘅原因又係咩？ 

聽咗先知呢個邪教有幾痴_線！🈲趁熱聽啦大家！

終於嚟到S3日本系列EP5～🥳

今個禮拜嘅主角係揚名海外（應該係臭名遠播）嘅Twitter Killer — 白石隆浩！連美國New York Times同英國BBC都有報導過佢，佢被捕後竟然仲有收到fans letter🤡

警察喺佢140尺嘅小套房裡面發現咗9個被貓砂埋住嘅人頭💀同埋240塊人骨🤢

佢究竟係點樣透過Twitter將9個受害者引誘去自己住嘅套房，再將佢哋謀殺、性侵，最後分屍呢？

今次呢單案比較近期，新鮮滾熱辣，連啲相都高清好多！快啲去我哋IG睇吓啦👀
（放心睇啦唔使慎入）

1988年-1989年日本埼玉縣，女童接二連三失蹤....
拐走佢哋嘅人唔係求財，而係要食女童屍塊，飲血為爺爺與行復活儀式？
仲要對女童做岀不道德行為，仲要拍低佢，仲要事後用嚟自慰！？講都講到我拳頭硬哂

因為佢，令當時社會批評「御宅族」，日本動漫畫產業都受到打擊，開始對動漫畫作品對性描寫有嚴謹規制...

到底佢做過啲咩？一齊聽落去！🔍🔍

上一集同大家討論完死刑，今集我哋繼續將敏感嘅社會議題搬上大氣電波！同大家介紹 --- 墮胎權🤯 

「窮人生仔正仆街」我諗大家都聽過，日本系列今集嘅主角好可能就係將呢種諗法推到極致嘅代表人物💁🏻‍♀️ 

啊崔中間講講吓仲激動到鼻哥窿擴張👃🏻😂上氣唔接下氣 

你哋又點睇墮胎？究竟係肚入面嘅BB生存嘅權利重要啲，定係媽媽甚至整個家庭嘅權利重要啲？留言話俾我哋知你嘅睇法啦🗣💬 

PS. 係6000yen，啊珍有一吓口快過腦講咗做600yen🤡

資料補充：喺香港，如果懷孕對孕婦生命、生理或心理健康所構成的危險較終止懷孕的大，或者嬰兒出生後將會因為身體或心理不正常導致嚴重殘疾，終止懷孕係合法嘅。而合法終止懷孕必須在政府指定的醫院或家庭計劃指導會手術室內由註冊醫生施行。