Kortom

Hoeveel is jy bereid om te betaal wanneer ‘n familielid gyselaar gehou word? Skrywer Francois Bloemhof stel hierdie vraag in sy kortverhaal, KLEINGELD VIR OOM KENNY. Kevin Smith is die voorleser.

Ons ontsluit die misterie van die Ossewa Brandwag-spioen, Robey Leibrandt. Dit kom uit ware verhale van die Namakwaland wat deur Gert Sarrisam geskryf is. Die titel van die boek is, AS MURASIES KON PRAAT. Die voorleser van die eerste deel van OUPA SE VREEMDE BESOEKER is Richard van der Westhuizen, wat op Springbok grootgeword en Robey Leibrandt geken het. Leibrandt het ‘n slaghuis bedryf, en was huisvriende met Richard se pa.

Ons lê besoek af saam met die skrywer, Tarina Jordaan, by Siena du Toit, die geheimsinnige hoofkarakter van Tarina se kortverhaal, WAAR DIE WIND WAAI. Siena het ‘n baie groot geheim, wat ontbloot moet word. Ria Smit is die voorleser, wat ons op die vleuels van die wind vat om dié besonderse karakter van binne af te leer ken.

Frieda van den Heever lees Jelleke Wiereng se kortverhaal, JESUS MIN MY SALIG LOT.

Anton Dekker lees Helm Jooste se kortverhaal, MY GROOT AAND.

Frieda van den Heever lees Naomi Meyer se kortverhaal, HITTE.

Frieda van den Heever lees Jaco Fouche se kortverhaal, GUNS.

Pedro Camara lees Antoinette Diedericks se kortverhaal, 7 DAE, 'n aangrypende verhaal van ‘n seevaarder en sy liefde vir die see.

Richard van der Westhuizen lees Gert Sarrisam se kortverhaal, MY OUPA DIE TANDEMEKENIEK.

Richard van der Westhuizen lees Gert Sarrisam se kortverhaal, DIE HAAN.

Richard van der Westhuizen lees Gert Sarrisam se kortverhaal, DIE VREEMDE TJEK.

Ansu van der Sluys lees Elma Potgieter se kortverhaal, EERSTE SALUUT.

Anrich Herbst lees Stephen Nell se kortverhaal, MADIBA HELP WEER.

Denver Vraagom lees Chris van Wyk se kortverhaal, DIE WAG IS VERBY.

Ons kuier op die vooraand van Namakwaland se blommeseisoen, in die skryfwêreld van Gert Sarrisam. Richard van der Westhuizen lees sy kortverhaal, HAKKIE LEER ‘N DUUR LES. Dit kom uit AS MURASIES KON PRAAT - WARE VERHALE UIT NAMAKWALAND.

Ansu van der Sluys lees Elma Potgieter se kortverhaal, DIE BESLUIT.

Frieda van der Linde lees voor uit Jopie Coetzee se boek, AANGERAAK IN DIE MAALSTROOM VAN DIE PAASGEBEURE.

Denver Vraagom lees Chris van Wyk se kortverhaal, SNAKES AND LADDERS VIR KRISMIS. Dit kom uit die bundel, Daar’s ‘n hoender wat ‘n eier nie kan lê.

Ilne Fourie lees haar kortverhaal, BERNINA SE BOORDJIE, voor.

Ilne Fourie lees haar kortverhaal, DIE DAG TOE IRIS OPGESTYG HET, voor.

Ilne Fourie lees LOLITA SE TANGO, wat sy spesiaal vir RSG geskryf het. Regisseur Johan Rademan reken dit is so iets tussen PG du Plessis se Koöperasiestories en Hennie Aucamp se Hartseerwals.

Ilne Fourie lees een van haar ongepubliseerde werke, DIE STORIE VAN SOMME, voor.

Die bekroonde dramaturg en aktrise, Ilne Fourie, lees haar storie, MY NEFIE ALFIE, voor. Sy skets die plattelandse mense kostelik, maar ook in absurde situasies. Dalk herken jy jouself!

Die program raak aan 30 jaar se demokrasie, en handel oor die die tydsgewrig waarin mense geleef het. Koos Kombuis begin met BOER IN BETON, wat reeds in 1987 opgeneem is, neem dan terugskouend afskeid van Johnny, die legendariese klavierspeler op Matjiesfontein, en bevraagteken of hy sy hart wat hy vir Hillbrow gegee het, moet terugvat met Kerkorrel se GEE JOU HART VIR HILLBROW. Die stories, DIE TUISKOMS en EK HET MY HART VIR HILLBROW GEGEE... NOU WAT?, kom uit Ver in die wereld Sushi, ‘n versamelbundel van Koos Kombuis wat in 2015 uitgegee is. Die voorleser is Anrich Herbst.

Nic de Jager lees twee verhale van Cas Wepener en Hennie van Deventer voor. Cas het dit oor ‘n plaasromanse en begraafplaas, en ons hou kameelsensus saam met Hennie.

Ons eet ‘n stukkie melktert en ‘n eier-en-mayonnaise-toebroodjie. Dis die twee kortverhale van Marius Crous en Andries Bezuidenhoudt. Die kelner wat dit bedien, is Anrich Herbst.

Frieda van den Heever lees Lien Botha se kortverhaal, VELD, en GRONDPAAIE van Réney Warrington. Dit kom uit HIERDIE LAND: DAAR IS IETS AAN SUID-AFRIKA - 56 SKRYWERS VERTEL.

Anrich Herbst lees POTTEBAKKER – BLOEDGELD voor uit Jopie Coetzee se Paasfeesroman, Aangeraak. Hoor hoe slim Jopie ou waardes nuut maak, en binne ‘n modern konteks oorvertel.

Johan Rademan kyk na die verskillende weergawes van die dissipels oor Jesus se kruisdood soos opgeteken in die Evangelies. ’n Uitsonderlike moderne uitbeelding van die vrou wat Jesus se voete gewas het, kom uit Jopie Coetzee se Paasroman, Aangeraak. Nic de Jager lees dit voor.

Nic de Jager lees Johan Rossouw en Julio Agrella se verhale voor uit die boek, HIERDIE LAND: DAAR IS IETS AAN SUID-AFRIKA – 56 SKRYWERS VERTEL.

Nic de Jager lees ‘n verhaal van Daniel Hugo voor, waarin sy Namibiese wortels herontdek word saam met die ander Hugo-worteltjies. Nic lees ook Tom Dreyer se LAND VAN SWERWERS voor. Dit kom uit die boek, HIERDIE LAND: DAAR IS IETS AAN SUID-AFRIKA – 56 SKRYWERS VERTEL.

Frieda van den Heever lees IN ‘N OOGWINK deur Ena Jansen en KOORSDROOM deur Marida Fitzpatrick voor uit die boek, HIERDIE LAND – DAAR IS IETS AAN SUID-AFRIKA: 56 SKRYWERS VERTEL.

Frieda van den Heever lees Michele Meyer se kortverhaal, PER PAD, en Ansil Kulsen se MY LAND, MY HUIS voor. Dit kom uit die boek Hierdie land: DAAR IS IETS AAN SUID-AFRIKA – 56 SKRYWERS VERTEL.

Anrich Herbst lees EK IS LIEF VIR DIE KLANK VAN SUID-AFRIKA deur Riku Lätti en MY PRETORIA deur Nicol Stassen voor. Die stories is vervat in die boek, HIERDIE LAND – DAAR IS IETS AAN SUID-AFRIKA – 56 SKRYWERS VERTEL.

‘n Interessante projek waarin 56 skrywers genader is om in kortverhaal-styl Suid-Afrika te verbeeld, kry beslag wanneer Anrich Herbst Jo Prins se BOLAND en AS DIE WINGERD ROEP deur Emile Joubert voorlees. Die boek se titel is HIERDIE LAND – DAAR IS IETS AAN SUID-AFRIKA – 56 SKRYWERS VERTEL.

Johann Nel jaag vir oulaas spoke op. Hy lees CJ Langenhoven se spookstories, JOSEF DIE SWERWENDE JOOD en STEM UIT DIE SEE.

Amore Bekker lees stories wat deur RSG-luisteraars geskryf is. Dit kom uit die bundel, EK HET 'N ENGEL GESIEN.

Pietie Beyers lees Regardt Visser se kortverhaal, Q20.

Philru van Achterberg lees Hennie Aucamp se kortverhaal, ‘N BAKSEL IN DIE MÔRE.

Denver Vraagom lees Roela Hattingh se kortverhaal, RIEME.

Heidi Mollentze lees Chris Karsten se kortverhaal, GIF IN DIE MARICO.

Pietie Beyers lees Roela Hattingh se kortverhaal, BOOMPLANTDAG.

Ilse Klink lees Riana Scheepers se kortverhaal, DIE LEKKERSTE BEGRAFNIS IN JARE.

Donovan Petersen lees twee kortverhale uit die pen van Frederik de Jager - 'N OOMBLIK VAN STILTE VOOR DIE SKARE en 'N FOTO VAN WAT NIE MEER IS NIE.

Veronique van Heyningen lees Riana Scheepers se kortverhaal, TANT MARJA KOOK STROOP.

Ilse Klink lees Chantél Venter se kortverhaal, DIKKER AS WATER.

Dean Balie lees 'n monoloog wat hy geskryf het as deel van Litnet se Stemme-reeks. Die titel is MY OUMA - DIE BAKKER, DIE BOKSER.

Shemane Harris lees Wilma Paulse se kortverhaal, BLOED IS DIKKER AS TYD.

Dean Balie lees Nataniël se kortverhaal, WINKEL TOE.

Johny Klein lees Hannes Stander se kortverhaal, OOM KAPEL SE LAASTE REIS.

Marcelino Oosthuizen lees Pirow Bekker se kortverhaal, BOODSKAP VAN DIE DUIF.

Francois van Rensburg lees Leon van Nierop se kortverhaal, MY NAAM IS BART.

Wessel Pretorius lees Wilken Calitz se kortverhaal, FRATRES.

Johny Klein lees Salvia E. Ockhuis se kortverhaal, VAN OUMA NIGGIE EN VAN ENGELE.

Susanne Beyers lees Wendy Maartens se kortverhaal, DIEDERIK VIND GOUD.

Elzabé Zietsman lees Nini Bennett se kortverhaal, EK IS TOG MAMMA SE LIEFSTE OU DINGETJIE.

Dean Balie lees Jaco Jacobs se kortverhaal, DIE MOLLETJIE.

Francois van Rensburg lees Philip Brand se kortverhaal, GEWAPENDE KERKGANGERS.

Miché van Wyk lees Lourens Fourie se kortverhaal, OOM BERTIE SE BARBER.

Sue Pyler-Slabbert lees Corlia Fourie se kortverhaal, WANGE.

Andre Samuels lees se kortverhaal, NAG BY DIE DRIF.

Johny Klein lees Liza Daniëls se kortverhaal, OOM JAN KARRETJIES EN DIE DUIWEL.

Karli Heine lees twee kortverhale van Koos Kombuis, DIE KIND IS NIE DOOD NIE en SNAGS HOOR EK DIE KRETE.

Sulette Thompson lees J van Melle se kortverhaal, DIE TUISKOMS.

Dean Balie lees twee van Jan Spies se kortverhale, WAAKSAAM OP DIE VLUG en ENGEL MET ’N FORD.

Anton Schmidt lees J. Van Melle se kortverhaal, OOM DIEDERIK LEER OM TE HUIL.

Dean Balie lees Jan Spies se kortverhaal, 'N POORT DEUR DIE KOUE.

Johny Klein lees twee Paasfeesstories. Die eerste storie, ‘N PRAGTIGE PAASFEESSTORIE, het hy op Algoagemeenskapkerk se webblad gekry. Die tweede storie met die titel, PASE, is geskryf deur Hans du Plessis.

Renske Jacobs lees Elza Smal se storie, DIE WIT OLIFANT NUUS UIT DIE WILDEBOS. Elza speel hierin met Afrikaanse idiome.

Riaan Visman lees Lloyd Zandberg se kortverhaal, WISKUNDE.

Johny Klein lees Jan Rabie se kortverhaal, EK HET JOU GEMAAK.

Anrich Herbst lees Jan Rabie se kortverhaal, DAAR’S WATER.

Johny Klein neem ons terug na die dae toe ons nog kinders was. Hy lees MOESMAN DIE MUISMAN, geskryf deur Pieter W. Grobbelaar.

Elanza Swart lees Trish Goosen se kortverhaal, DIE RYLOOPMOORDENAAR.

Johny Klein lees André Dippenaar se kortverhaal, NUWEJAAR OP STRANDFONTEIN.

Frieda van den Heever lees Rachelle Greef se kortverhaal. ASEM.

Johny Klein lees twee monoloë van Hennie Aucamp, GROEN en HIERDIE HANDE.

Johny Klein lees twee rubrieke uit die pen van Nataniël.

Simoné Benjamin lees Helena Gunther se kortverhaal, RIGTING SUID.

Johny Klein lees twee rubrieke uit die pen van Nataniël.

Albert Maritz lees Dana Snyman se kortverhaal, DIE DOWWE SPOOR VAN DIRK LIGTER.

Estelle de Beer lees Japie Coetzee se kortverhaal, MATIE.

Cintaine Schutte lees Rachelle Greeff se kortverhaal, SÊ VIR HOM DIS NOOIT TE LAAT NIE.

Berta le Roux-Wahl lees sketse uit haar ouma, Cora Esterhuizen, se boek, ERVARINGE IN DIE SENDINGVELD VAN SUIDER-AFRIKA.

De Klerk Oelofse lees Lloyd Zandberg se kortverhaal, TANGO.

Botha Enslin lees Elma Potgieter se kortverhaal, DIE KIS, en Nataniël se storie, NUWE LEWE.