Temporada 1 | Galicia emerxe

María Xosé Silvar, Sés,é a voz da rebeldía. Neste concerto, xunto á súa banda habitual, fai un percorrido polos seus 10 anos de traxectoria.

A viguesa Wöyzaé a voz que abriu camiño no soul e hip hop galego feito por mulleres.

Desde o seu salto á fama con Deluxe, o coruñés Xoel López consolidouse como un dos maiores referentes do pop alternativo galego. No Galicia Emerxe ofrece os mellores sons da súa carreira.

O cantautor Pablo Lesuit promete ritmos caribeños cos que facernos bailar e letras que son poesía.

Su Garrido Pombo, Susanna Blanco e Katerina Linke forman Son Trío. Voz, cello e piano que se mesturan cos poemas de Rosalía de Castro, Celso Emilio Ferreiro ou Xohana Torres.

Manuel Gutiérrez ao piano, Xacobe Martínez Antelo ao contrabaixo, e LAR Legido á batería son Sumrrá: jazz para deixarse engaiolar. Neste Galicia Emerxe presentan '6mulleres', un disco dedicado a grandes figuras femeninas da historia.

Dakidarría, filosofía incendiaria

As voces de Faia Díaz e Benxamín Otero encóntranse neste traballo experimental que recupera vellas coplas tradicionais transmitidas entre mulleres de diferentes xeracións.

Paula Herreroé High Paw; e cos seus Elephants Yard achégannos a mellor música de raíz xamaicana desde a Ría de Vigo.

Neste Galicia Emerxe, Mercedes Peón rodéase de mulleres músicas para presentar o seu traballo 'Deixaas', no que segue procurando a mestura da electrónica coas músicas do mundo.

Coas súas "vieiras e vieros", Luar na Lubre recolle a tradición xacobea. Do Códice Calixtino ás cantigas do Camiño, peregrinamos coa agrupación de folk máis importante do país.

A partir das Cantigas de Amigo, Laura Lamontagne e Pico Amperio achégannos as orixes da lírica galega co mellor son electrónico e contemporáneo.

Se es de Compostela, a música de Ataque Escampe levarate por cada recuncho da cidade. Se non o es, tamén.

Anxela Baltar e Violeta Mosquera son Bala, o dúo máis punk da música galega. Non collas asento, que non che vai facer falta.

Andrea, Estela, Inés, Marcela e Xiana forman A Banda da Loba, que debe o seu nome a Pepa a Loba, lendaria bandoleira galega do século XIX.

Blanco Palamera con Manuel Blanco e Xoán Domínguez. Presentan no Galicia Emerxe o seu traballo 'Promesas', un proxecto electrónico moi intimista no que te fundirás desde o primeiro segundo.

Chicho e Cibrán son os dous de sempre. Reguetón ou muiñeira, non hai ritmo que se lles resista.

O gaiteiro Xosé Manuel Budiño ofrece nos seus últimos traballos novos sons e texturas, animándose a cantar, pero sen abandonar nunca a gaita.

O músico multiinstrumentalista Rodrigo Romaní presenta no Galicia Emerxe aos seus traballos en formato trío, xunto con Anxo Pintos e Xosé Liz.

Carlangas, Jarri e Xavi, música íntima e quentiña, aínda que de cando e vez lles saia a vea punk. Despregan todos os seus encantos neste concerto en directo no Galicia Emerxe.

Milladoiro

A artista Xoana canta para derrubar muros. Canta contra a violencia, contra o medo, contra a ignorancia. Cada cancióné un "dardo" que a está a poñer nos mellores escenarios.

Mulleres fortes, valentes e empoderadas. Cantareiras dunha nova década. As voces de Olaia Maneiro, Aida Tarrío e Sabela Maneiro, ateigadas de virtuosismo e contundencia, son as máximas expoñentes dunha xeración aberta á evolución e reformulación das músicas de creación colectiva galega. Escoitámolas en directo nesta nova edición do Galicia Emerxe.

O guitarrista Marcos Teira é o noso mellor exemplo da boa fusión do jazz e o flamenco, pero tampouco lle di que non ao folk ou o rock. Ademais de solista, ten tocado con Narf ou Rodrigo Romaní. Coñecemos a súa música neste escenario do Galicia Emerxe.

Mounqup, o proxecto musical co que Camille Hédouin leva os ritmos tribais ao folklore galego. Escoitámola en directo no Galicia Emerxe.

Músico, compositor e produtor, o ferrolán Fernando Barroso forma parte de numerosos proxectos musicais en Galicia, de diversos estilos, pero coa mandolina e os instrumentos de corda en común. Desfrutamos da súa música no Galicia Emerxe.

Os do Galicia Emerxe son concertos en directo pero sen público. Cousas da pandemia. Pero a cantautora coruñesa Silvia Penide reivindica na súa música o papel imprescindible do público nos concertos. 'Los días de plomo', o seu último traballo,é unha chamada a recuperar a vella normalidade e a volver a desfrutar da música en directo.

Desde Ponteareas podes chegar directamente ao inferno (no bo sentido, queé posible) a ritmo de rap. Rebeliom do Inframundo son Nervo, Malvares de Moscoso, Frank, Movementss e Pol, voces que nacen da rabia.

Con 'A malfalada' concentrou toda a súa rabia nun disco, e en Testemuñas reivindícase musicalmente como unha figura rompedora no panorama do rock galego. Pauliña non podía faltar nesta panorámica queé o Galicia Emerxe.