طعمية في الغربة

انا وعادل والنيش اللي في بيت عادل. بعد ما جيت كندا بيومين طلعت على الجامعة عشان اقابل الشخص اللي كان هيشرف على رسالة الماجستير بتاعتي وانا مش فاهم انا فين ولا جاي اعمل ايه، وديه كانت بداية صداقتي مع عادل اللي بعتز بيها جدا واللي في نفس الوقت كانت مهمة لتكوين تجربتي كمهاجر بينقل حياته كلها لمكان جديد وبعيد مايعرفش عنه حاجة.

00:00 ازدواجية في الهوية من البداية

30:00 الافروسنريك وكليوبترا

50:00 ازاي التنقل من بلد لبلد شكل شخصيته

01:00:00 صعوبة الانتماء لمكان واحد

تابعوا البودكاست علي: Facebook: https://bit.ly/306noFi Instagram: https://www.instagram.com/ta3meyaghorba/

واحد من ٢٥ مصري عايشين في الاكوادور! في الحلقة ديه ماجد بيحكلنا عن ازاي لقى نفسه بيهاجر وبيستقر في عاصمة الاكوادور وليه امريكا الاتينية تستحق اننا نشوفها بمنظور مختلف. اتكلمت مع ماجد عن: 

00:00 سبب الهجرة للاكوادور

14:00 التاقلم وطبيعة البلد

34:00 المصريين والجالية العربية

43:00 حب الحياة في امريكا اللاتينية

54:29 فتح جسور ما بين مصر والاكوادور

هل ينفع نعمل صداقات زي صداقاتنا في مصر لما نسافر؟ ازاي اصلا اعمل اصحاب وانا في العشرينات او الثلاثينيات؟ وفرق الثقافات هيبقى عائق في تكوين صداقات في البلد اللي هعيش فيها؟

تابعوا طعمية في الغربة على:

Facebook: https://bit.ly/306noFi Instagram: https://www.instagram.com/ta3meyaghorba/

YouTube: https://shorturl.at/hlmwN

رغم انها كانت رسميا طالبة دكتوراه في كندا، نهي كانت بتدرس في مصر بسبب كورونا. بعد مشوار طويل مع اجراءات السفر في زمن السفر فيه كان صعب، قدرت اخيرا تنقل حياتها لمدينة تورونتو وتقدر دلوقتي تتكلم عن رحلتها. اتكلمت مع نهى عن:

ليه سافرتي؟

ازاي تعاملتي مع صدمة السفر والوحدة؟

تكوين مجتمع وعلاقات برة في وقت قليل

علاقتك بمصر دلوقتي

احساسك كمحجبة في كندا

رسالة الدكتوراه وبحث عن علاقة الانسان بالحيوان اللي بيربيه

هل حابة تكملي في كندا؟

تابعوا طعمية في الغربة على:

Facebook: https://bit.ly/306noFi Instagram: https://www.instagram.com/ta3meyaghorba/

YouTube: https://shorturl.at/hlmwN

مونيكا مصرية كندية هاجرت مع اهلها لكندا في سن صغير. بس بعد ٢٠ سنة قررت انها ترجع مصر وتجرب تعيش هناك. مونيكا تعتبر عكس معظم ضيوف الحلقة اللي بيتكلموا عن رحلتهم من مصر لبلد تانية وعكسي انا كمان بما ان في الوقت اللي هي كانت بتستفر فيه في مصر كنت انا بحاول اسافر، وده اللي خلى الحلقة ممتعة ومهمة جدا! اتكلمت مع مونيكا عن: ايه اللي خلاكي ترجعي؟ ال Reverse-Culture Shock مرحلة الاندماج مع المجتمع المصري العيشة في فقاعة مسلسل رامي احساسك ناحية كندا التعامل مع المكان اللي عشت فيه طول حياتك ليه مونيكا عملت بودكاست التفاعل مع المجتمع اللي عايش فيه هترجعي كندا في يوم من الايام؟

تابعوا البودكاست اللي مونيكا بتقدمه The Foreign Local هنا: https://www.theforeignlocal.net/

تابعوا طعمية في الغربة على:

Facebook: https://bit.ly/306noFi Instagram: https://www.instagram.com/ta3meyaghorba/

YouTube: https://shorturl.at/hlmwN

مينا باحث ومؤسس مركز سرد للتاريخ والأبحاث الاجتماعية (أرشيف شبرا ): مركز  مجتمعي محلي في القاهرة مكرس لإنتاج أرشيفات وأبحاث شعبية للأحياء داخل  وخارج العاصمة. هو حاليا ما بين مصر والمانيا تحديدا في مدينة صغيرة اسمها  ماربورج اللي بيكمل فيها أبحاث ما بعد الدكتوراه.

اتكلمت انا ومينا عن:

ايه هو ارشيف شبرا وايه فايدته؟

ازاي ت-ارشف؟

احنا بنعمل ده لمين؟

ليه غصب عننا دايما بنخاطب المجتمع الغربي

حياة مينا في المانيا

تابعوا أرشيف شبرا على موقعهم: http://sard-archive.org/

دردشة مع الكاتب احمد ناجي عن:

- لاس فيجاس والمدن اللي بنعيش فيها

- مين هما عرب امريكا؟

- الجيل التاني/الثالث من المهاجرين المصريين

- الامتيازات وموقعك من الامبراطورية والاغتراب

- ليه المصريين بيخافوا من بعض برة؟

- الصوابية السياسية وامريكا بتاعت المواطن الابيض

- الباسبور والهوية المتخيلة

قبل حتى ما تتم ٢٠ سنة إسراء كانت بدات دراسة البكالوريوس بمنحة كاملة في المجر. كان لازم اتكلم معاها واعرف ازاي نقلت من إسكندرية لبودابست في سن صغير كدة وتاثير نقلة زي ديه على حياتها. في الحلقة ديه بتكلم مع إسراء عن:

- التنقل من ادكو لإسكندرية لبودابست

- ازاي قدرت تقنع اهلها انها تكمل دراستها برة مصر

- المنح اللي قدمت فيها عشان تقدر تسافر واختيار الجامعة

- العيشة في المجر كست مسلمة محجبة

- البلد اللي تحب تعيش فيها بعد المجر

هنقرا ونتكلم عن مقالة بحبها بعنوان "الخطوات الثمانية للخروج من القاهرة" نشرت في مدى مصر وكتبها عمر مصطفى

لينك المقال: https://bit.ly/3RQtcsA

اول حلقة بودكاست اعملها مش على Zoom

انا وصديقي حسن كنا في مصر في نفس الوقت وققرنا نسجل حلقة اتلكمنا فيها عن: 

- عدم تقبل شكل الحياة في مصر بعد السفر

- الفجوة اللي كبرت ما بينا وما بين اصحابنا بعد ما سافرنا

- هل احنا فعلا مبسوطين برة مصر؟

- فرق السفر في سن صغير والسفر في سن كبير

- الراحة النفسية برة مصر

- اهمية انك تصاحب ناس مش مصريين لما تعيش برة

- التف؛ير في اليوم اللي هترجع فيه مصر

- الفرق بين المهاجر والمسافر

- العيشة في مدينة برشلونة

- اختلافنا عن الاجانب حتى في طريقة السلام

- ليه الحياة في مصر بقيت غريبة؟

مصطفى مصري انجليزي عايش في انجلترا بقاله اكتر من ١٠ سنين. اتكلمت مع مصطفى عن إحساس انك تكون Stateless، ولا انت من البلد اللي انت عايش فيها ولا بقيت حاسس انك جزء من البلد اللي اتولد وعشت فيها طول حياتك. ومواضيع تانية زي ازاي بنتغير عن اصدقائنا اللي في مصر، احترام وعدم احترام الاكبر مننا، تاثير الحياة برة على العلاقات الشخصية والاجتماعية والعملية والروحانية.

قبل ما يكون باحث في الدراسات النسوية او الفيمينزم ومهاجر مصر كندي، راداميس كان معيدي في الجامعة في مصر من اكتر من عشر سنين فاتوا. هو حاليا في عاصمة كندا وانا في الناحية التانية من البلد وكان من اوائل الناس اللي كلمتها اول ما وصلت هنا.

اتكلمت مع راداميس عن: يعني ايه غربة اصلا وليه الهجرة في كندا مختلفة عن اي بلد تانيةا؟ ليه قرار الهجرة هو افضل قرار خده في حياته؟ دراسته للفيمينيزم وتعريفها. تاريخ كندا الاستعماري وعلاقة ده بالمهاجرين اللي زينا.

تابعوا البودكاست على:
- Like Facebook: https://www.facebook.com/Ta3meyafelghorba
- Subscribe on YouTube: https://bit.ly/3JZ14OZ
- Follow on Instagram: https://www.instagram.com/ta3meyaghorba/
- Follow on Twitter: https://twitter.com/AbdelrahmanAmr

ثلاث سنين بعد ما سافرت بسأل نفسي، هو انا ليه سافرت اصلا؟ وهل مبسوط بالقرار ده؟ من غير ضيوف المرة ديه وتنفيسة برجع فيها للاسباب اللي خلتني اسافر والطريقة اللي سافرت بيها. حلقة الانعكاسات من غير الوقوع في النوستالجيا

بفكر دايما في موضوع اللغة من ساعة ما سافرت. وبما ان نسرين عندها بودكاست بتركز فيها على العربي المصري والثقافة اللي ورا اللغة وعايشة برة مصر بقالها فترة، دردشت معاها بخصوص تطور العربي وازاي بنتعامل مع لغتنا ولغة البلد اللي عايشين فيها.

في الحلقة ديه بنتكلم بشكل كبير عن كندا من وجهة نظر مصري ما بقالوش هناك غير كام سنة ومصري عاش معظم حياته هناك. بناقش مواضيع زي الهوية وفكرة الرجوع لمصر ومشاكل النظام الصحي في كندا والعيشة في فقاعة في البلدين.

مايكل مصري استاذ في جامعة تورنتو. هو مؤرخ ومؤسس منظمة Egypt Migrations الغير ربحية. 

حسن هو ضيف البودكاست الدائم. الحلقة ديه بنتكلم عن كذا موضوع منهم الحياة اللي بتتغير في مصر واحنا مش جزء منها. خصوصا اللغة والافكار ،التريندات والكلام اللي الناس بتقوله حتى.

حياتي برة مصر كلها كانت هتختلف لو كان في قهاوي في المدينة اللي عايش فيها اقدر انزل اقعد عليها زي ما هشام بيعمل في برلين! تاني حلقة مع صديق عايش في برلين اتكلمنا فيها عن المجتمع اللي هشام كونه في برلين وحياته هو واسرته هناك وليه عايز يقعد في المانيا الفترة اللي جاية.

تنفيسة هتبقى جزء مختلف من حلقات البودكاست. من خلالها بتناقش في حاجات متعلقة عن العيشة برة مصر انا مهتم بيها بس من غير اي ضيوف. في اول حلقة من تنفيسة بقرآ وبناقش مقال اتكتب من فترة بيعرض وجهة نظر كاتبة عن ليه غيرت رايه عن العيشة برة مصر والهجرة. 

انا اتعرفت على إسلام عشان احنا الاتنين كنا بنحاول نسافر ونشوف الحياة في بلاد جديدة. دلوقتي بعد ما استقر في التشيك وانا استقرت في كندا قولنا ندردش ونشوف حياتنا عاملة ازاي برة مصر.

ليه في مصريين كتير في المانيا؟ بتكلم في الحلقة ديه مع محمد عبدالناصر صديقي اللي عايش في برلين وبيحكلنا تفاصيل حياته في بلد لسة مش متمكن من اللغة بتاعتها. عبدالناصر بيتكلم في مميزات برلين كمدينة فيها كل شكل ونوع وفي نفس الوقت بيتكلم عن الحاجات اللي هو شايفها مهمة في مصر مش بيلاقيها في المانيا.

آية هي السبب الرئيسي اللي خلاني اسافر كندا. احنا الاتنين عملنا نفس الماجستير في كندا والصين بس هي كانت سابقاني بسنة. دلوقتي بعد ما عاشت سنة في كندا وسنة في الصين، بتشتغل في دبي. في الحلقة ديه بنشرح ميزة العيشة في كندا والصعوبات اللي واجهتنا في الصين وليه دبي مش مدينة الاحلام لكل المصريين.

اهم ما في تجربة عمار انه عاش في ثلاث بلاد مختلفين تماما وكل بلد فيهم كان بيعمل حاجة مختلفة عن التانية. من دراسة لتدريس لمحاولة اخيرة للاستقرار برة مصر، بتكلم مع عمار عن اهم المراحل اللي عدت عليه في التجربة ديه والأهم، ازاي قدر يكون مجتمع وصداقات في كل مكان بيروحوه. 

فرق كبير بين انك تعيش في بلد بتتكلم لغتها ومحدش يقدر يحدد انت من فين، وبين انك تعيش في بلد مش بتفهم لغتها والناس بتقدر تحدد انت جاي من فين على طول بسبب طريقة لبسك. ديه كانت نقطة قوية اتكلمت فيها مع نيفين سعيد في الحلقة ديه زائد افكار تانية عن ازاي الهجرة بتعلم الطبيخ والتخطيط لاختيار البلد اللي هتسافرها والفروقات بين ثقافتنا كمصريين وثقافة الغرب.

كريم علي من اعز اصدقائي. ليه تجربة مختلفة في الهجرة بما انه سافر امريكا سنتين وقرر بعدها يرجع يعيش في مصر. بعد سنتين في مصر وجواز، قرر انه يسافر امريكا تاني، المرة ديه في ميامي. وجهة نظر كريم في الهجرة كانت مميزة جدا بالنسبالي خصوصا اننا اتكلمنا عن فكرة انك تعيش برة مصر بس مع اسرة ومتطلبات وضع زي ده.

شريف هاجر لمدينة صغيرة من فترة قصيرة اسمها ديلاوير في امريكا، جمب نيويورك ونيوجيرسي. في الحلقة ديه بنتكلم عن الحلم الامريكي، العادات اللي بتاخدها معاك غصب عنك من مصر والتعامل مع المصريين برة وتكمل مشوار الهجرة كله على بعضه ولا لأ وتعمل ايه في ازمة الشطافة لما تسافر

ملخص الحلقة الاولى من طعمية في الغربة بودكاست

بودكاست للي حابب يتعرف على شكل حياة المصريين برة مصر.

حسن من اول اصدقائي اللي سافروا يعيشوا برة مصر من اكثر من اربع سنين. في الحلقة ديه بنتكلم عن حاجات كتير ليها علاقة بالعيشة برة ومصر وفي اسبانيا تحديداً زي روتين الحياة والكلام بلغة غير العربي والعنصرية وإسرائيل والتعامل مع العرب وتكوين الصداقات في مجتمع متعرفش فيه حد. 

بعتذر على عدم وضوح الصوت احيانا، لكن بقية الحلقات الصوت هيكون افضل.