Unë Dua Të Dëgjohem

Njërin nga dy qëllimet në jetë i kishte arritur. Nuk kishte mundur të shkollohej, ëndërr nga e cila ende nuk ka arritur të heqë dorë, por ishte martuar në qytet, gjë që e kishte qëllim në vete.

Po jetonte e lumtur deri kur ndodhi lufta.

Në përpjekje për të siguruar ushqim, ajo kishte dalë në rrugët e njërit prej qyteteve të Kosovës, ku u rrëmbye nga paramilitarët serbë e pastaj u mbajt me orë të tëra në një kafene.

Aktore: Rebeka Qena

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

"Unë Dua të Dëgjohem" është cikël i dhjetë audio dramave me rrëfime të grave të mbijetuara të torturës gjatë luftës së fundit në Kosovë.

Asaj i ishte ndërprerë ëndrra e shkollimit. Me t’u martuar do ta kuptonte se njeriu me të cilin kishte lidhur kurorë ishte alkoolist. Pas disa vitesh martesë ai do të ikte në Gjermani për ta lënë atë t’i rriste pesë fëmijët e vetme dhe në varfëri të skajshme.

Ajo ka ecur nga fshati në fshat. Nga familja një familje. Ka përjetuar dhunë seksuale dhe i ka parë fëmijët teksa qanin duke kërkuar normalitet.

Aktore: Shengyl Ismaili

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

"Unë Dua të Dëgjohem" është cikël i dhjetë audio dramave me rrëfime të grave të mbijetuara të torturës gjatë luftës së fundit në Kosovë.

Ajo kishte jetë të lumtur. Ishte martuar me dashuri, kishin dhe një vajzë. Gjithçka ishte perfekte deri në ditën kur hynë ata.

Atë ditë do t’ia vrisnin burrin dhe vajzën e vogël. Do të përjetonte dhunë seksuale, por jo vetëm aq…

Aktore: Rebeka Qena

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

"Unë Dua të Dëgjohem" është cikël i dhjetë audio dramave me rrëfime të grave të mbijetuara të torturës gjatë luftës së fundit në Kosovë.

Ajo nuk kishte fëmijëri të mirë. Në rini kishte një dashuri që dështoi e më vonë një martesë në kushte të varfërisë ekstreme, por edhe të mungesës së dashurisë nga burri.

Nuk e gëzoi as lindjen e fëmijës që e humbi në foshnjëri.

Sikur të mos mjaftonin këto, dy herë ishte viktimë e dhunës seksuale — një herë gjatë luftës dhe një herë tjetër shumë kohë para se të niste lufta.

Episodi 7 — së shpejti…

Aktore: Xhejlane Tërbunja

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

"Unë Dua të Dëgjohem" është cikël i dhjetë audio dramave me rrëfime të grave të mbijetuara të torturës gjatë luftës së fundit në Kosovë.

Teuta kurrë nuk e kishte menduar se një ditë do ta përjetonte atë që po e shihte në televizor në mesin e viteve të 90-ta, ndërkohë që jetonte me bashkëshortin në Zvicër.

Kur pas disa vitesh burri i saj vendosi të kthehej në Kosovë për t’iu bashkuar UÇK-së, ajo u kthye me të. Por, për shtatzënën kthimi do të ishte vendimi më i gabuar në jetë.

Ajo do t’i përjetonte ato që njihen si dy ofensivat e ushtrisë serbe nëpër fshatrat e Kosovës. Do të dëbohej nga shtëpia e do të detyrohej të jetonte në mal të hapur, do të plagosej nga një granatë, dhe disa javë para mbarimit të luftës ajo bashkë me 50 gra të tjera do të dhunohej seksualisht në një duzinë për orë të tëra.

Aktore: Edona Reshitaj

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

"Unë Dua të Dëgjohem" është cikël i dhjetë audio dramave me rrëfime të grave të mbijetuara të torturës gjatë luftës së fundit në Kosovë.

Atë e kishin ndarë nga kolona, njëjtë sikur shumë gra të tjera.

Paramilitarët serbë i kishin marrë gratë dhe vajzat më të bukura dhe i kishin futur nëpër shtëpi të braktisura.

Dy muaj e gjysmë ajo kishte bashkëjetuar me një paramilitar. Nuk ia di emrin, por thotë se sot është në gjendje ta vizatojë. Kur ai s’kishte qenë aty, e kishte mbajtur të mbyllur në dhomë. Në dhomat tjera kishte gra të tjera që po mbaheshin ngjashëm. “Në fillim rezistoja, mandej u dorëzova krejt”, rrëfen dëshmitarja. Ajo tregon se paramilitari serb i jepte komplimente derisa pinte qumështin që dilte nga gjinjtë e saj.

Aktore: Xhejlane Tërbunja

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

"Unë Dua të Dëgjohem" është cikël i dhjetë audio dramave me rrëfime të grave të mbijetuara të torturës gjatë luftës së fundit në Kosovë.

H.A. nuk e ka të lehtë të dalë në publik, nuk e ka të lehtë sa herë që ndeshet me shikimet e njerëzve. Sidomos, nuk e ka të lehtë kur sheh njerëz të uniformuar. Atë ende e mundon krimi i kryer mbi të — një përdhunim që ka zgjatur me orë të tëra nga ushtarë e paramilitarë serbë. Pesë prej tyre i mban mend...

Dëshmitarja që vjen nga një fshat i Kosovës tregon mënyrën se si gratë u ndanë nga civilët e tjerë që po dëboheshin nga shtëpitë, dhe u mbajtën gjatë gjithë natës, duke u përdhunuar disa herë.

Nëna e tre fëmijëve brenda një interviste ka përsëritur tre herë të gjitha detajet e natës më të vështirë të jetës së saj. Nata pas së cilës ajo thotë se ende nuk e kupton se pse po vazhdon të jetojë.

Përveç dhunimit seksual, dëshmitarja është dhunuar edhe fizikisht. Shumicën e kohës ka qenë e alivanosur. E sa herë ishte këndellur nuk i kishte ndihmuar askush. Përkundrazi, sa herë kishte bërë përpjekje të këndellet, kishte përjetuar britma dhe goditje të njëpasnjëshme nga ushtarët.

Nuk ka qenë e vetme. Dëshmitarja thotë se e gjithë shtëpia ku është kryer krimi ka qenë e mbushur me gra, me të cilat pastaj është liruar në grup. Tregimin e asaj nate kishte arritur ta mbante të fshehtë për një kohë... Burrit, që gjatë luftës kishte qenë nën uniformën e UÇK-së, iu deshën dy javë që të hiqte dorë nga divorci...

Aktore: Rebeka Qena

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

"Unë Dua të Dëgjohem" është cikël i dhjetë audio dramave me rrëfime të grave të mbijetuara të torturës gjatë luftës së fundit në Kosovë.

Ajo e ka përjetuar dy herë dhunën seksuale brenda disa javësh. Sot ende lufton me pranimin nga familjarët. Djali i vogël, ish-ushtar i UÇK-së, kishte vëzhguar nga larg se si gratë ishin futur në shtëpinë ku është bërë dhunimi. E ka parë edhe nënën e tij. Nuk e mbështet, përkundrazi e gjykon ende për këtë tragjedi. E torturon me pyetjen, “Pse hyre në atë shtëpi?!”

Aktore: Shengyl Ismaili

Kompozitor: Memli Kelmendi

Dramaturg: Visar Krusha

Producent dhe regjisor: Kushtrim Koliqi

Bashkë me fëmijët dhe familjarët e tjerë kishin dalë nga fshati me idenë se do të gjenin një vend të sigurt. Për muaj të tërë do të endeshin nga fshati në fshat. Çdo ditë që kalonte bëhej më e vështirë për këtë nënë dhe fëmijët e saj.

Nën urdhrat e paramilitarëve serbë, ajo dhe gjashtë familje të tjera, të gjithë fëmijë e gra, u vendosën në disa shtëpi të braktisuara në një qytet të Kosovës.

Për disa muaj u dhunuan sistematikisht. Nuk u kursyen as fëmijët. Ajo është e bindur se ka arritur të abortojë me barna popullore shtatë javë pas dhunimit të parë.

Aktore: Edona Reshitaj.

Kompozitor: Memli Kelmendi.

Dramaturg: Visar Krusha.

Producent dhe regjisor: Kushtrim Koliqi.