Tamil Amudhu

கடவுளை நாம் பெயர்ச் சொல்லாகவே பார்க்கிறோம். அதுதான் நாம் கடவுளை உணர வைக்க மறுக்கிறது என்கிறார் இறையன்பு

கடவுள் பக்தி என்பது அவனை முழுமையாக நம்புவதுதானே, கோயிலுக்கு சென்று வழிபடுவதல்ல என்கிறார் மறைந்த தமிழ் கடல் நெல்லைக் கண்ணன்

நாம் எது சாதனை என்று தெரியாமல் ஏதேதோ செய்துகொண்டிருக்கிறோம். உண்மையான சாதனையை பற்றி அறிவது அவசியம் என்கிறார் நகைச்சுவை பேச்சாளர் மோகனசுந்தரம்.

சரியான தலைமை பண்பு இருந்தால்தான் வெற்றி நம்மை வந்தடையும் என்கிறார் பேராசிரியை பர்வீன் சுல்தானா

நகைசசுவை பேச்சாளர் சண்முகவடிவேல் அவர்களின் மேடைப் பேச்சு

பட்டிமன்ற பேச்சாளர் ராஜாவின் பேச்சு

சிரிப்பலைகளை உருவாக்கும் பேச்சில் வல்லவர் பேராசிரியர் ராமச்சந்திரன்.

பக்தி சொற்பொழிவில் புள்ளி மாறிய கோலம் தலைப்பில் கம்பராமாயணம்

பக்தியின் எல்லை குறித்து விவரிக்கிறார் சேலம் ருக்மணி அம்மாள்

ஆன்மிக உரையில் வாழ்க்கை நடைமுறைகளில் ஏற்படும் சிக்கல்களை கூறுகிறார் ருக்மணி அம்மாள்

ராவணனை ராமன் கொல்லவில்லை. அவனை கொல்லப்பட்டது இதனால்தான் என்கிறார் ருக்மணி அம்மாள்

கம்ப ராமாயண சொற்பொழில் சீதையின் தியாகத்தை விவரிக்கிறார் சேலம் ருக்மணி அம்மாள்.

சகஜ வாழ்க்கையில பல இன்னல்கள் வரத்தான் செய்யும். அவற்றை சந்தித்து நம்மை எப்போதும் மனதளவில் மகிழ்ச்சியாய் வைத்துக்கொள்ள பழக வேண்டும் என்கிறார் மோகனசுந்தரம்.

பேச்சாளர் மணிகண்டன் சென்னை புத்தகக் காட்சியில் பேசியபோது, நகைச்சுவை ததும்ப பேசியது

மன்னிப்பில் பல ரகம் உண்டு. ஆனால் வள்ளுவர் சொல்லும் மன்னிப்பு கொஞ்சம் தனித்தன்மை உடையது என்கிறார் தென்கச்சி கோ.சுவாமிநாதன்.

உலகில் எதிர்பாராத நேரத்தில் உடனடியாக செய்யும் உதவிதான் இந்த பூமியைவிட சிறந்தது என்ற திருவள்ளுவரின் குறளுக்கு அழகான விளக்கத்தைக் கூறி சிரிக்கவும், சிந்திக்கவும் வைக்கிறார் தென்கச்சி கோ.சுவாமிநாதன்

புத்தகம் வாசிப்பு என்பது ஆற்றலை கிரகிக்கும் ஒரு சாதனம் என்கிறார் பேராசிரியை பர்வீன் சுல்தானா

எந்த விஷயத்தையும் நாம் பார்க்கும் பார்வையில்தான் அமைந்திருக்கும் என்கிறார் பாரதி பாஸ்கர்

மாணவர்கள் தவறு செய்தால். அவர்களை அடித்தால் திருந்த மாட்டார்கள். அப்புறம் எப்படி திருத்தனும்...

ஒரு மாணவர் சொல்லித் தருவதை கேட்காவிட்டால், ஆசிரியர் அடிப்பது தண்டனைக் கொடுக்க அல்ல, அவனும் மற்ற மாணவரை போல கற்றுக்கொள்ள வேண்டும் ஆர்வத்தால்தான் என்கிறார் பேராசிரியர் ராமச்சந்திரன்.

இன்றைக்கு பக்தியும், தர்ம சிந்தனையும் குறைந்துவிட்டதா என்பதை நகைச்சுவை உணர்வுடன் தெளிவுபடுத்துகிறார் பேராசிரியர் ராமச்சந்திரன்.

குடும்பங்களில் அன்றாடம் நடைபெறும் சில நிகழ்வுகளை நகைச்சுவை ததும்ப விவரிக்கிறார் நகைச்சுவை பேச்சாளர் மோகனசுந்தரம்.

பள்ளி ஆசிரியர்கள், அவர்களுக்குரிய தகுதியோடு நடந்துகொண்டால்தான் மாணவர் அவரிடம் கட்டுப்பட்டுவான். எதிர்காலத்தில் அவனது வளர்ச்சியைக் கண்டு பெருமைப்படலாம் என்கிறார் புலவர் சண்முகவடிவேல்.

#comedy speeches|#motivation speeches|#Pulavar shanmuga vadivel

பொய் சொல்லலாமா என்ற கேள்விக்கான பதிலை தனக்கு உரிய பாணியில் விவரிக்கிறார் பேராசிரியர் சாலமன் பாப்பையா

ராமாயணத்தில் கதாநாயகன் ராமன்தான். ஆனால் அவனை எதிர்க்கும் கதாபாத்திரங்களின் பண்பை பார்க்கும்போது அவனோடு மோதுவது அவனுக்கு இணையானவர்கள் என்கிறார் சண்முகவடிவேல்

தனிமையில் இருக்கும்போது இன்றைய சமூக ஊடங்கள் வழியாக வெளியுலகை தொடர்புகொள்வதை தவிர்த்து, புத்தகங்களை படியுங்கள் என்கிறார் பர்வீன் சுல்தானா

பேராசிரியை பர்வீன் சுல்தானாவின் பேச்சை கேட்பவர்கள் தோல்வி மனநிலையில் இருந்தாலும் சற்று நிதானித்து வெற்றிப் பாதைக்கு திரும்புவர் என்பதில் ஐயமில்லை. இந்த பேச்சை கேட்ட பிறகு அந்த நிலையை உணர்வீர்கள்.

பள்ளியில் பயிலும் மாணவர் ஒழுங்கீனமாக நடந்துகொள்ளும்போது அவனை கண்டிக்கும் ஆசிரியர். அந்த ஆசிரியரை அடியாள்கள் வைத்து தாக்கும் மாணவரின் தந்தை என்ற போக்கில் அடிவாங்கிய ஆசிரியர் பின்னால் அந்த மாணவரிடம் எப்படி நடந்துகொள்வார் என்பதை விவரிக்கிறார் பாரதி பாஸ்கர்.

நாம் எப்போதுமே பிறரைத்தான் உற்று நோக்குகிறோம். அவர் நம்மைவிட உயர்ந்துவிட்டால் பொறாமைபடுகிறோம். பிறரின் வசதியோடு நம் வசதியை பொருத்தி பார்க்கிறோம். நம்மை நாமே உணர்ந்தால்தான் நாம் முன்னெற முடியும். நம்மை நாமே உற்று நோக்குவதுதான் சிறந்தது என்கிறார் நகைச்சுவை பேச்சாற்றல் மிக்க மோகனசுந்தரம்.

யாரோ செய்ததைபோல் தானும் செய்து அதில் சாதனைப்படைப்பது வெற்றியல்ல. நமக்கென ஒரு பாதை, அதில் ஒரு குறிக்கோள். அதில் கிடைக்கும் வெற்றிதான் சாதனை என்கிறார் மோகனசுந்தரம்.

நம்முடைய அனுபவம் வாழ்வின் பின்னாளில் ஏதோ ஒருவகையில் உதவி செய்யும். நாம் ஒரு விஷயத்தை வெற்றி பெற வேண்டுமானால் அவமானங்களை கண்டு அஞ்சக் கூடாது. அவமானங்களை நாம் ஜீரணித்து, அதில் இருந்து விடுபட்டு முன்னேறினால் நம்மை யாராலும் வீழ்த்த முடியாது என்கிறார் பாரதி பாஸ்கர்.

நாம் ஒரு விஷயத்தில் தோல்வியைச் சந்திக்கலாம். அதற்காக நாம் தோல்வி மனப்பான்மையில் மூழ்கிவிடக் கூடாது. தோல்வி எதனால் ஏற்பட்டது என்பதை சிந்தித்து அதில் வெற்றி பெறுவதற்கான வழியையும், வாய்ப்பையும் கண்டறிவதுதான் புத்திசாலித்தனம் என்கிறார் பேராசிரியர் ராமச்சந்திரன்.

இன்றைக்கு நடுத்தர வர்க்கத்தில் பண்டிகைகளை சிறப்பாக கொண்டாட வேண்டும் என்பதற்காக கடன் வாங்கி கொண்டாடும் நிலை உள்ளது. இன்றைக்கு மட்டுமல்ல, முந்தைய காலங்களிலும் இதே நிலைதான். போனஸ் கிடைத்ததால் சிறப்பாக கொண்டாடும் பண்டிகை நம்முடைய சேமிப்பையும் பதம் பார்க்கிறது என்கிறார் பேச்சாளர் மோகனசுந்தரம்.

ஒரு மனிதனை எடை போடுவதற்கு முதலில் அவனிடம் உள்ள நல்ல விஷயங்களை பட்டியலிடுங்கள். அதன் பிறகு அவனிடம் உள்ள குறைகளை சரிபாருங்கள். அதன் மூலம்தான் ஒருவனின் தகுதியை நல்ல முறையில் எடை போட முடியும் என்கிறார் புலவர் சண்முக வடிவேல்.

6-ஆவது அறிவுதான் இன்றைக்கு பிற பிராணிகளிடம் இருந்து வேறுபடுத்தியுள்ளது. பிற பிராணிகள் பண்டைய காலத்தில் எப்படி வாழ்ந்தனவோ அப்படியே இன்றைக்கும் அவற்றின் வாழ்வு அமைந்துள்ளது. ஆனால் மனிதனின் நிலை வேறு. கற்கால மனிதன் இன்று கணினியுலக மனிதனாக மாறியுள்ளதற்கு காரணம் அவனது சிந்திக்கும் தன்மைதான். அத்தகைய மனிதன் எதையும் சாதிக்க வலிமை படைத்தவன் என்கிறார் பேராசிரியர் ராமச்சந்திரன்.

ஒரு வகுப்பறையில் நடந்த சம்பவங்களை சிறிதுநேரம் சிரித்து மகிழும் வகையில் கலகலப்பூட்டும் பேச்சை நிகழ்த்தியுள்ள

பேராசிரியர் ராமச்சந்திரன்.

ஒரு குழந்தை மீது வைக்கும் தாய் பாசம் அவளது கண்ணை மறைக்கும். அக்குழந்தையின் எதிர்காலத்தை நிர்ணயிப்பதில் பள்ளி ஆசிரியர்களுக்கு முக்கிய பங்கு உண்டு என்கிறார் பாரதி பாஸ்கர்.

டாக்டர்கிட்ட செக்-அப்புக்கு போனா அவர் கொஞ்சம் பயமுறுத்துவார். அந்த பயமுறுத்தலை உடனே நம்பிடாதீங்க... கொஞ்சம் யோசியுங்க....என்கிறார் பேராசிரியர் ராமச்சந்திரன்.

அம்மா என்பவள் அன்பு காட்டாவிடில் வேறு யாராவது அன்பு காட்டுவார்களா.... அம்மா என்றால் அன்புதான் என்கிறார் சொல்வேந்தர் சுகிசிவம்.

சமுதாய அவலங்களைச் சுட்டிக் காட்டும் பேராசிரியர் ராமச்சந்திரன், இது எதனால் என்பது புரிகிறதா என்று கேள்வி எழுப்புகிறார்.

திருமணம் ஆனதும் முதல் நாளில் என் மனைவியோடு பேசிக்கொண்டிருந்தபோது, என் அம்மாவை பற்றி ஒன்று சொன்னார். அதை அப்படியே மறுநாள் என் அம்மாவிடம் சொன்னபோது அவர் சொன்ன பதில் இருக்கே....அதுதான் அம்மா. என்கிறார் புலவர் சண்முகவடிவேல்.

ஒரு பெண் நாயை திருமணம் செய்துகொண்ட உண்மை சம்பவத்தை விவரிக்கும் பேச்சாளர் மணிகண்டன். அதற்கான காரணமாக அப்பெண் சொல்வதை பட்டியலிடுகிறார்.

புலவர் சண்முகவடிவேல் நகைச்சுவையாக, தான் கடவுள் பக்தி இல்லாதவராக இருந்த நிலையில், தன்னை சாமி கும்பிட வைக்க மனைவி செய்த தந்திரத்தை நகைச்சுவையோடு விவரிக்கிறார்.

நாட்டில் மனித சமுதாயத்துக்காக தொண்டாற்றும் மருத்துவர்களும் இருக்கத்தான் செய்கிறார்கள். அவர்களை மக்கள் மறப்பதில்லை என்கிறார் பேச்சாளர் மணிகண்டன்.

புலவர் சண்முக வடிவேல் எப்போதும் நல்ல கருத்துக்களை நகைச்சுவையாக கூறி பிறர் மனதில் ஆழமாக பதிவிடக் கூடியவர். அவ்வகையில் அவரது பேச்சு.

சமுதாயத்தில் ஊழல் புரையோடிப்போயிருக்கும் சூழலில் முந்தைய தலைமுறை தலைவர்கள் எப்படி இருந்தார்கள் என்பதை தனது பேச்சில் சுட்டிக் காட்டுகிறார் பாரதி பாஸ்கர்.

எப்போதும் நல்ல விஷயங்களை நாம் கேட்க வேண்டும் என்கிறார் பேராசிரியர் ஞானசம்பந்தன்.

இந்த உலகில் எதுவும் நிலையில்லாதது. அதுதான் உண்மை. இதை உணர்ந்தவர் வாழ்க்கை மகிழ்ச்சியாக இருக்கும் என்கிறார் ஐஏஎஸ் அதிகாரி இறையன்பு.

நகைச்சுவையாக பேசும் புலவர் ராமலிங்கம் இக்கால நிகழ்வுகளை சுவைபட வர்ணிக்கும் ஆற்றல் மிக்கவர். அவ்வகையில் அவரது பேச்சுகளில் ஒன்று.

இறையன்பு ஐஏஎஸ் அவர்களின் தெளிந்த நன்னெறி பேச்சு.

மேடைப் பேச்சாளர்களில் தனித் திறமைமிக்கவர் பட்டிமன்ற பேச்சாளரும், ஆசிரியருமான லியோனி. அவரது நகைச்சுவை

கலந்த பேச்சு.

நாம் சுபநிகழ்வுகளில் பங்கேற்கும்போது எப்படி வாழ்த்த வேண்டும் என்கிறார் பேராசிரியர் ஞானசம்பந்தன்.

நாவில் தமிழ் தாண்டவமாடும் பேச்சாற்றலைக் கொண்டவர் தமிழறிஞர் நெல்லை கண்ணன். அவரது பேச்சில் பல நேரங்களில் சமூக அவலங்களை கிண்டல் செய்யும் போக்கு இருக்கும். அது நம் சிரிப்புக்கும், சிந்தனைக்கும் விருந்தாக அமையும். அவ்வகையில் அவரது பேச்சின் ஒரு பகுதி...

மனிதன் கற்றது கைம்மண் அளவுகூட இல்லை. எப்போதும் நாம் நம்மை புதுப்பித்துக்கொள்ள தயாராக வேண்டும். அப்போதுதான் இந்த உலகில் நாம் நம்மை பயனுள்ளவர்களாக மாற்றிக் கொள்ள முடியும் என்கிறார் ஐஏஎஸ் அதிகாரி இறையன்பு.

பேராசிரியை பர்வீன் சுல்தானாவின் கலகலப்பான பேச்சு. 

பேச்சாளர்கள் ராஜாவும், பாரதி பாஸ்கரும் ஒரு நிகழ்வில் பங்கேற்றால், கட்டாயம் எதிரெதிர் அணிகளில் தான் இருப்பர். அவர்களின் விவாதங்களும், கிண்டல்களும் சமுதாய அக்கறை கொண்டதாக இருக்கும். அவ்வகையில் ஒரு பட்டிமன்ற நிகழ்வு இது.

சிறந்த சொற்பொழிவாளரான பாரதி பாஸ்கர் தனக்கே உரிய நகைச்சுவை பாணியில், இன்றைய அரசியல், சமூக அவலங்களை கோடிட்டு காட்டுகிறார். அப்படி என்ன அவர் பேசினார்.... ஆவல் எழுகிறது அல்லவா? உடனே கேளுங்கள்.

பேராசிரியை பர்வீன் சுல்தானா எந்த விஷயத்தையும் ஆழ்ந்து கவனித்து அதன் அர்த்தங்களை வெளிக்கொணரும் நுட்பம் அறிந்தவர். அவரது பேச்சில் ஒரு கம்பீரம் உண்டு. பல நேரங்களில் அவரது பேச்சு நம்மை சிந்திக்க வைக்கும். அவரது சுவாரஸ்யமான பேச்சு இதோ...

தமிழ் பட்டிமன்ற பேச்சாளர்களில் குறிப்பிடத்தக்கவர் மோகனசுந்தரம். அவருக்கென ஒரு பாணி, அவருக்கென தனி ரசிகர் கூட்டம் உண்டு. அவர் வெளிநாட்டு வாழ்க்கை இனிக்குமா, கசக்குமா என்பது குறித்து ஒரு பட்டிமன்றத்தில் பேசும் பேச்சுதான் இது.

புலவர் ராமலிங்கம் அழகுதமிழை பற்றியும், இன்றைய அறம் கூட ஆளாளுக்கு மாறிவிட்டது என்பதை நகைச்சுவை ததும்ப பேசி பார்வையாளர்களை சிரிக்க வைக்கிறார். அதையும் நீங்கள் கேட்டு பாருங்கள்.

ஐஏஎஸ் அதிகாரி இறையன்பு அவர்கள் தான் சொல்ல வந்த கருத்துக்களை பசுமரத்தாணிபோல் இளைஞர் சமுதாயத்திடம் பதிப்பதில் வல்லவர். அவர் கல்லூரி விழா ஒன்றில் பேசும்போது, கல்லூரி பருவம்தான் அந்த இளைஞரின் எதிர்காலத்தை நிர்ணயிக்கும் இடம் என்பதை தெளிவுபடுத்துகிறார். பெற்றொர் கேட்பதோடு, கல்லூரி பருவ மாணவர்கள் கட்டாயம் கேட்க வேண்டிய சொற்பொழிவு.

அன்புதான் எல்லோரையும் இணைக்கும் பாலம். அன்பு இருப்பவனிடம் பகைமை அண்டாது. பணம், பொருள் இருந்தால் மட்டும் போதாது அருளும், அன்பும் மனிதனுக்கு வேண்டும் என வலியுறுத்தும் அருமையான பட்டிமன்ற பேச்சு.

பேராசிரியர் எம். ராமச்சந்திரன் பட்டிமன்ற நடுவராகவும், சிறந்த பேச்சாளராகவும் விளங்குபவர். அவரது பேச்சியில் நகைச்சுவையும், சமுதாயத்தில் புரையோடிப்போன ஊழல், பிற்போக்குவாதங்களை நையாண்டி செய்யும் எப்போதும் மேலோங்கி நிற்கும். நீங்களும் கேட்டு ரசியுங்கள்.

இலங்கையில் இந்திய துணைத் தூதரகம் நடத்திய பட்டிமன்றம். இதில் முக்கிய பேச்சாளர்கள் பாரதி பாஸ்கர், ராஜா

ஆகியோர் பங்கேற்று விவாதித்தனர். பேராசிரியர் சாலமன் பாப்பையா நடுவராக பொறுப்பேற்று தீர்ப்பு வழங்கிய

சுவாரஸ்மான தகவல்கள், நகைச்சுவை அடங்கிய பேச்சு.

தமிழறிஞர் நெல்லை கண்ணன் மூத்த காங்கிரஸ் பிரமுகர். காமராஜரிடம் மிகவும் அன்புகொண்டவர். அவர் எங்கு பேசினாலும், எப்போது பேசினாலும் காமராஜரையும், காந்தியையும் மறக்காமல் நினைவுகூர்வார். அவரது பேச்சை கேட்பது என ஒரு ரசிகர் கூட்டம் உண்டு.

புகழ்பெற்ற பேச்சாளரும், எழுத்தாளருமான தென்கச்சி கோ. சுவாமிநாதன் 1946-இல் பிறந்தவர் (மறைவு: செப்டம்பர் 16, 2009). அவர் மறைந்து 11 ஆண்டுகளைக் கடந்திருந்தாலும் இன்றும் தனது நகைச்சுவை பேச்சுகளின் மூலம் தமிழ் மக்களிடையே உயிருடன் உலா வருகிறார்.

எதிர்காலத்தில் தனது பேச்சு நவீன சாதனங்களில் உலா வரும் என்று நகைச்சுவையாகக் கூட ஒருமுறை அவர் குறிப்பிட்டுள்ளார். அவர் நகைச்சுவை உணர்வுடன் கூறியது இன்று உண்மையாகியுள்ளது. ஆம், போட்காஸ்ட் உள்பட எதிர்கால நவீன சமூக ஊடங்களில் என்றும் இளமையாக அவரது பேச்சு உலா வரும் என்பதில் சந்தேகமில்லை. இதற்குக் காரணம் அவரது நகைச்சுவை கலந்த கருத்துக்கள் என்றைக்கும், எந்த தலைமுறைக்கும் பொதுவானதாக அமைந்துள்ளதுதான்.

'இன்று ஒரு தகவல்' நிகழ்ச்சி மூலம் அகில இந்திய வானொலி நேயர்களிடையே பிரபலமாக விளங்கி்ய அதில் உதவி இயக்குநர் பதவி வரை பணியாற்றி ஓய்வு பெற்றவர். தொலைக்காட்சிகளிலும் அவரது பேச்சு இடம்பெற்றது. இந்த நாள் இனிய நாள் தலைப்பிலான நிகழ்ச்சி ஒன்றும் நடந்தது.

அரியலூர் மாவட்டம் தென்கச்சிப்பெருமாள் நத்தம் என்ற ஊரில் பிறந்த கோ. சுவாமிநாதன் சென்னை மடிப்பாக்கத்தில் வசித்து வந்தார். வேளாண்மைப் பட்டதாரி். நெல்லை வானொலியில் அறிவிப்பாளராகப் பணியைத் தொடங்கியவர். சென்னை வானொலி நிலையத்தில் இன்று ஒரு தகவல் நிகழ்ச்சி வழியாக உலகத் தமிழர் உள்ளங்களில் இடம் பிடித்தவர். திரைப்படங்களிலும் தொலைக்காட்சியிலும் நடித்தவர்.  இவர் தமிழ்நாடு அரசுப் பணியில் விவசாய அலுவலராக வாழ்க்கையைத் தொடங்கி, பின்னர் 1977 முதல் 1984 வரை திருநெல்வேலி வானொலி நிலையத்தில் பணிபுரிந்தார். அகில இந்திய வானொலியில் வேளாண்மை நிகழ்ச்சிப் பிரிவு இயக்குனராக இருந்தபோது "வீடும் வயலும்" என்ற நிகழ்ச்சியைத் தொகுத்து வழங்கினார். "அன்பின் வலிமை", "தீயோர்", மற்றும் "அறிவுச்செல்வம்" உட்பட பல நூல்களை எழுதியுள்ளார். "இலக்கணம்" என்ற திரைப்படத்தில் நடித்திருந்தார்.

இதயநோய் பாதிப்பைச் சந்தித்த அவர் போரூர் மருத்துவமனையில் 2009 செப்டம்பர் 16 புதன்கிழமை பகல் 12:40 மணிக்கு தனது 63-ஆவது வயதில் காலமானார். அவருக்கு  மனைவி மகாலட்சுமி, மகள் செந்தமிழ்ச்செல்வி ஆகியோர் உள்ளனர்.

தென்கச்சி கோ. சுவாமிநாதனின் நகைச்சுவை துணுக்குகள் பகுதி 1- இன்றைய சூழலில் மிகவும் ஏற்புடையதாக இருக்கும் அவரது நகைச்சுவை துணுக்கள் ரசிக்கத்தக்கவை மட்டுமல்ல, சிந்திக்கத்தக்கவை.