Monitor

Die Minister van Kommunikasie en Digitale Tegnologie, Solly Malatsi, word gekritiseer vir sy besluit om die SAUK-wetsontwerp te onttrek. Ons praat met die vakbond, Bemawu, oor of dit wel n finansiële krisis voorspel vir die SAUK. Waterbeperkings vir Johannesburg. Die VN se Wêreld Meteorologiese Organisasie waarsku dat 2024 waarskynlik die warmste op rekord sal wees.

Die net span nouer om ouers wat nie onderhoud betaal nie. Die situasie by die Lebombo-grenspos met Mosambiek begin na normaal terugkeer. Suid-Afrika blink uit op die sportveld.

Eskom is van voorneme om die kragtoevoer na Johannesburg te onderbreek. Die Nasionale Skuilingsbeweging versoek dringende ingryping van die regering, om te verhoed dat skuilings vir slagoffers van geslagsgeweld hulle deure sluit. Die Organisasie teen Belastingmisbruik verwerp die voorgestelde verhoging in kragtariewe.

Ons praat met 'n politieke ontleder en 'n ekonoom oor Donald Trump se oorwinning, en kry reaksie van politieke partye in Suid-Afrika. Vragmotors kan nie die Lebombo-grens na Mosambiek oorsteek nie.

Stemme word nog in Amerika se verkiesing getel. Die grenspos met Mosambiek by Lebombo word volgens berigte gesluit. Die konstitusionele hof besin oor burgerskap vir Suid-Afrikaners in die buiteland.

Lewenslange tronkstraf vir die 13-jarige Jerobejin van Wyk se moordenaar. Ons praat met ‘n politieke ontleder oor die Amerikaanse verkiesing. Kommer oor mynmaatskappye wat nie tot verantwoording geroep word nie.

Die polisie slaan op groot skaal toe op vermeende onwettige mynwerkers op Orkney in Noordwes. Die ANC se subkomitee oor buitelandse sake het die afgelope naweek in Boksburg vergader. Vakbonde is nie gelukkig met die regering se plan om vroeë aftrede vir sowat 30 000 staatsamptenare aan te bied nie.

Die minister van finansies se mediumtermyn-begroting maak geen groot verskuiwing van fondse ten bate van Nasionale Gesondheidsversekering nie - hoekom? 'n Onafhanklike ondersoek deur die Verenigde Nasies bevind dat Israel se veiligheidsmagte doelbewus mediese fasiliteite- en personeel in Gasa geteiken het. 'n Beraamde 500-miljoen liter gevaarlike, onwettige alkohol word jaarliks deur Suid-Afrikaners gedrink.

‘n Ekonoom en politieke partye reageer op die mediumtermyn-begrotingsraamwerk. Die ergste oorstromings in Spanje in meer as 30 jaar. Noord-Korea vuur 'n interkontinentale missiel oor meer as 1 000 kilometer af.

Daar word baie van die regering van nasionale eenheid se eerste medium-termynbegroting verwag, soos groter fiskale dissipline. Die RNE werk beter as verwag, sê DA-leier John Steenhuisen by 'n beleggerskonferensie in New York. Suid-Afrika wil sien dat heelwat meer internasionale geld aan ontwikkelende lande bestee word, om hulle teen klimaatsverandering te beskerm.

Groter druk dat die Matie-rektor bedank ná oudregter Edwin Cameron se onthullings - ons praat met die president van die US-Konvokasie. ‘n Spesialis verduidelik wat die organofosfaat, terbufos, is. Dit was die oorsaak van ses kinders se dood. Dis vandag Wêreld Beroerte-dag.

ANC-president Cyril Ramaphosa sê die party is in 'n krisis wat 'n drieledige aanslag verg om te bowe te kom. Die Afrikaanse Taalraad kritiseer die rektor en visekansellier van Universiteit Stellenbosch, prof. Wim de Villiers, oor sy hantering van die Wilgenhof-verslag. ’n SAUK-reeks oor die Khoisan palm 'n SAFTA prys in. Suid-Afrika neem vandeesweek deel aan 'n internasionale beraad oor stowwe wat die osoonlaag vernietig. Die WNNR stel 'n vervoerveiligheidslaboratorium in Pretoria bekend.

Die diamanthandelaar, Louis Liebenberg, en vyf medebeskuldigdes bly nóg 'n week in aanhouding. Die gebrek aan 'n eenvormige buitelandse beleid in die Regering van Nasionale Eenheid onder die soeklig. Frelimo bly aan bewind in Mosambiek.

Drie waterprojekte moet onmiddelik in Gauteng begin word om 'n Dag Zero te voorkom. Duisende mense is nog dakloos na hierdie week se storms in die Oos-Kaap. Meer as 17 000 mense onderteken 'n petisie teen misdaad in die sakekern van Stellenbosch. Die eerste besending Suid-Afrikaanse avokados het in China aangekom.

Afriforum gaan stappe doen om die rioolprobleem in Kroonstad op te los. Swaar reën rig groot skade aan in Kariega en omliggende gebiede in die Oos-Kaap. Ons fokus op die eerste honderd dae van die Minister van Korrektiewe Dienste, dr. Pieter Groenewald.

Die BRICS- en Statebond-berade vind vandeesweek plaas - ons praat met 'n ontleder oor Suid-Afrika se belange. 'n Gladde begin vir die matriek-eindeksamen in KwaZulu-Natal, ondanks baie reën. Die fokus is vandag op Wêreld-Hakkeldag.

Derduisende matrikulante skryf vandag hulle eerste vraestel in die eindeksamen. Die Joshlin Smith-hofsaak hervat enkele dae voor haar verjaarsdag. Afriforum sê die waterkrisis in Gauteng kan deels toegeskryf word aan die premier, Panyaza Lesufi, se versuim om munisipaliteite reg te ruk.

Die Instituut vir Sekerheidsstudies sê ernstige misdaad kan deur die opsporing van onwettige vuurwapens bekamp word. Die Minister van Sport, Kuns en Kultuur, Gayton MacKenzie, reageer op kritiek dat sy besoek aan die Olimiese Spele R800 000 gekos het. Die Padvragvereniging sê die privatisering van hawens is waarskynlik vir eers van die baan ná 'n belangrike hofuitspraak in Durban.

Kleinhandelverkope styg vir die sesde agtereenvolgende maand. Hoe gaan jy vir 'n mammogram? Ons praat met 'n kenner oor borskanker-bewusmaking. 'n Elekrtiese motorfiets kom 6 000 kilometer later, vanaf Kenia in die Kaap aan.

'n Moontlike styging in die brandstofprys in November. Rand Water vra munisipaliteite om dringend waterverliese te beperk om te verhoed dat krane opdroog. Brittanje, Duitsland, Frankryk en Italië vra Israel om nie VN-vredesmagte in die suide van Libanon aan te val nie.

President Ramaphosa vra dat die Regering van Nasionale Eenheid regverdig beoordeel word. Action SA sê hy is nog nie klaar met die Phala Phala-skandaal nie. Ons praat met Helen Zille oor koalisie-politiek, veral op plaaslike regeringsvlak.

Die polisie ondersoek 'n massa-skietvoorval in Orange Farm. Huldeblyke stroom steeds in na die dood van die voormalige minister van finansies, Tito Mboweni. Ons bespreek Mboweni se invloed op die ekonomie en politiek. Die polisiediens kry 'n ongekwalifiseerde ouditmening. Moontlike regstappe oor die besnoeiing aan onderwysposte in die Wes-Kaap.

Spaza-winkels onder die vergrootglas ná die dood van vyf kinders. Een van die sterkste orkane ooit op pad na Florida. Die SAUK is tegnies insolvent - ons praat met ons eie finansiële hoof.

Dr. John Hlophe trek sy benoeming terug as lid van die Regterlike Dienskommissie. 'n Versoek om die wettige ouderdom om alkohol te gebruik, tot 21 jaar te verhoog. Daar is 'n groot tekort aan personeel by die Kommissie vir Versoening, Bemiddeling en Arbitrasie.

Hamas het Israel 'n jaar gelede aangeval, met skrikwekkende gevolge en Israel wat nou op verskeie fronte oorlog voer - ons praat met 'n militêre kenner. Hulde aan ‘n politieke leier en 'n bekroonde joernalis. 'n Belangegroep sê ’n reuse skuif is nodig om geestesgesondheidsorg vir almal toeganklik te maak.

Treindienste op ses van Durban se agt spoorweglyne weer in bedryf gestel. Die AA bevraagteken die Gautrein-uitbreiding ten bedrae van R120 miljard. 'n Elektriese motorfiets pak die 6 000 kilometer van Kenia na Stellenbosch aan.

Die Amerikaanse president, Joe Biden, sê hy ondersteun nie 'n moontlike teenaanval deur Israel op kernkragaanlegte in Iran nie. Solidariteit nader Nedlac om die regering te dwing om 'n bemiddelingsproses oor die Bela-wet te begin. Ons skyn die kollig op laerskoolleerders se leesvermoë. Verskeie lande eis dat Afrika dringend permanente setels in die Verenigde Nasies se Veiligheidsraad moet kry.

Ons ontleed Iran se grootskaalse aanval op Israel. Brandstof is vandag aansienlik goedkoper, maar is dit 'n tendens wat sal voortduur, gegewe die konflik in die Midde-Ooste. Wilgenhoffers wil hof toe om die omstrede koshuis oop te hou.

‘n Spesiale uitsending om Monitor se 50ste bestaansjaar te vier. Gure rweer tref die Wes-Kaap en KwaZulu-Natal. Daar is 'n min skenkers van stamselle. Moord op vroue is aan die toeneem. Meer munisipaliteite dien hulle finansiële state betyds in.

Voorstanders van AfriKaaps vra groter status. Die Woordfees se direkteur, Saartjie Botha, praat oor vanjaar se kleiner fees. Ons hoor met watter interessante nuutskeppings ons luisteraars vorendag kom.

Action SA hoop die ANC steun hulle kandidaat vir die burgemeesterskap in Tshwane, adjunkburgemeester dr. Nasiphi Moya, nadat 'n mosie van wantroue teen die burgemeester, Cillier Brink, geslaag het. Ons praat met die DA oor wat hulle nou gaan doen. Sanparke stel sy Visie 2040-plan bekend. Een van die doelwitte is om 30% van die land se grondgebied teen 2030 onder bewaring te bring. In Libanon sterf minstens 92 mense in lugaanvalle deur Israel op 'n woonstelgebou in die suide van Beiroet.

Provinsiale onderwysdepartemente sal teen 2027 'n reuse begrotingstekort hê. 'n Openbare raadplegingsproses begin oor Eskom se voorgestelde kragtariefverhogings. 'n Mosie van wantroue sal na verwagting vandag teen die burgemeester van die Tshwane-metro, Cilliers Brink, gebring word.

Die oorskot van 49 vryheidsvegters wat in Zimbabwe en Zambië oorlede is, word geherpatrieër. 'n Suid-Afrikaanse organisasie help met vlugtelinge in die suide van Libanon. Mejuffrou Suid-Afrika, Mia le Roux, word met groot blydskap tuis in Oudtshoorn verwelkom. Ons praat oor Rassie Erasmus se spankeuse vir Saterdag se wedstryd teen Argentinië.

'n Ondersoek word gevra na die aanstelling van departementshoofde in die Mangaung-metro. Die Limpopo-regering plaas die Thabazimbi-munisipaliteit onder administrasie. Bykans 500 mense is in Libanon dood, nadat Israel sy lugaanvalle op Hezobollah-teikens verskerp.

Huldeblyke stroom in vir die ontslape veteraan-parlementariër, Koos van der Merwe. Hulpverlening en reddingspogings is gister by van Reenenspas in die Drakensberg voortgesit. Die DNS van mense wat tienduisend jaar gelede in die George-omgewing gewoon het, word uitgepluis.

Die repokoers verlaag vir die eerste keer in vier jaar. Die regering vergader met sakelui oor die Nasionale Gesondheidsversekeringsplan. Die Tshwane Metro sê goeie vordering word gemaak om agterstallige skuld te verhaal.

Ten minste 20 mense word in 'n tweede golf van ontploffings in Libanon gedood - dié keer was tweerigtingradios die teiken. Die konstruksiemafia word onder meer vir die vertragings met die installering van sonkrag warmwaterstelsels deur die regering blameer. Ons praat met Business Against Crime oor die jongste tendense wat die konstruksiemafia betref. Die Amerikaanse ruimteagentskap, NASA, nooi Suid-Afrikaanse wetenskaplikes uit om aan 'n studie oor die dwergplaneet, Pluto, deel te neem.

Die organisasie, WaterCan, sê swak beplanning is die rede vir waterprobleme in Gauteng. Vyf munisipaliteite in die Vrystaat skuld die Vaal Sentraal-waterraad R10 miljard. Ons praat met 'n ontleder oor die verhoogde spanning in die Midde-Ooste, wat die Lebanon-ontploffings meebring.

Die Minister van Basiese Onderwys, Siviwe Gwarube, onderneem om die nuwe BELA-onderwyswet toe te pas, al het sy verlede week se ondertekening geboikot. Stellenbosch Universiteit se Wilgenhof-koshuis gaan vir 'n jaar sluit. sowat 30 000 besoekers word by die Africa Aerospace and Defence-skou in Pretoria verwag.

Die Polisiediens hoes sedert 2018 R2,4 miljard aan uitbetalings weens onregmatige arrestasies. Die Raad van die Universiteit Stellenbosch besluit vandag oor die toekoms van die Wilgenhof-manskoshuis. Die jongste oor die sluipmoordpoging op Donald Trump.

Die omstrede BELA-wet sal waarskynlik vandag bekragtig word. Is kernkrag 'n lewensvatbare opsie vir Suid-Afrika se energiebehoeftes? Reën is volgende week op pad na groot dele van die binneland.

Die DA dreig om uit die regering van nasionale eenheid te stap indien president Cyril Ramaphosa die BELA-wysigingswetsontwerp onderteken. Landdroste se salarisse en werksomstandighede weer onder die vergrootglas. Die Jagersfontein-ramp van twee jaar gelede word met 'n foto-uitstalling herdenk.

Die paroolverhoor van Najwa Petersen sal na verwagting vandag plaasvind. Honderde onderwysers se poste in gedrang weens besnoeiings aan provinsiale onderwysbegrotings. Kamala Harris en Donald Trump pak mekaar in 'n debat.

Skok oor Gauteng se Departement van Maatskaplike Ontwikkeling se onderbesteding van R554 miljoen. Een uit elke vier kinders in Suid-Afrika het vertraagde groei en ontwikkeling weens wanvoeding. Die VSA se twee presidensiële kandidate pak mekaar in 'n debat.

Duitse masels onder kinders aan die toeneem. Huldeblyke stroom steeds in na die dood van die skrywer en aktivis, James Matthews. Ons fokus op die Springbokke en die Vroue Bokspan se oorwinnings.

Burgerregte-organisasies plaas druk op die president om die Wysigingswetsontwerp op Outeursreg te onderteken. Die ekonomie het effens gegroei in die tweede kwartaal van die jaar. 'n Rolprent oor plaaskinders wat hulle honde oplei om toertjies te doen, is as beste dokumentêre rolprent by die Silwerskermfees aangewys.

Die heropende ondersoek na die dood van die Cradock Vier is tot volgende jaar uitgestel. Kommer oor die toename in die stroop van inheemse plante. Hoe volhoubaar is laer brandstofpryse?

Kommer oor die toename in moord op kinders, en die verkragting van vroue. Die taalraad, Pansat, vra dat Khoe- en San-tale by openbare skole aangebied moet word. Ons fokus op die Springbokke se oorwinning teen die All Blacks.

Die Wes-Kaapse onderwysdepartement moet 2 400 onderwysposte besnoei - 'n onderwyskenner reageer. Nóg sukses vir Suid-Afrika by die Onder 20-spele. Die oud-Bok André Pretorius praat oor môre se stryd tussen die Bokke en All Blacks.

Slegs vier munisipaliteite in KwaZulu-Natal het 'n skoon oudit gekry. Munisipaliteite se skuld aan waterrade beloop meer as R22-miljard. Goeienuus wink steeds vir motoriste by die brandstofpomp.

Politieke partye en nie-regeringsorganisasies vra dat Justisie-minister Thembi Simelane ondersoek word. Ons praat met 'n belastingkenner oor die tweepot-stelsel. Die Silwerskermfees pas aan by die manier waarop ons na rolprente en televisie kyk.

Vyf verdagtes verskyn in die hof in Camperdown, KwaZulu-Natal, in verband met die konstruksiemafia in uMsunduzi. Ons praat met Business Against Crime South Africa oor hierdie soort misdaad. Planne word gemaak om 'n muisplaag op Marion-eiland te beveg. Huldeblyke stroom in vir die voormalige rektor van die Universiteit van die Wes-Kaap, prof. Brian O'Connell. Die Departement van Internasionale Betrekkinge en Samewerking bevestig dat hulle die konsulgeneraal in Dubai, Tsepo Lebona, herroep het.

Nóg 'n brandende gebou in Johannesburg eis lewens. 'n Nuwe inisiatief om vroue en kinders wat erg getraumatiseer is deur geslagsgebaseerde geweld, by te staan. 'n 72-jarige Suid-Afrikaner stel sy eerste rolprent as regisseur vry.

Floyd Shivambu organiseer nou die MK-Party. R67 miljoen vir sportontwikkeling bewillig. 'n Nuwe veldtog om kinders wat skool toe stap, te beveilig.

Die Suid-Afrikaanse Mediese Vereniging gaan nie die presidensiële gesondheidsverdrag onderteken nie. Ons fokus op die uittredende hoofregter Raymond Zondo se invloed op die bevordering van demokrasie en die politiek. Tim Walz aanvaar amptelik sy benoeming as die Demokratiese Party se visepresidentskandidaat.

Vrae oor bewerings dat bendelede die topvlakke van die polisie in die Wes-Kaap geïnfiltreer het. Die Minister van Binnelandse Sake sê die departement se werkswyse is 'n bedreiging vir nasionale veiligheid. Kommer oor 'n brand by 'n skool in Eldorado Park, waar daar 'n voorval van messtekery onder leerlinge was. Die Universiteit van Pretoria teken 'n ooreenkoms om malaria in die SADEK-streek te beveg.

Die ANC gaan nie sy provinsiale uitvoerende komitee in KwaZulu-Natal ontbind nie. Die Tshwane Metro sê eiendomskaping is aan die toeneem. Ons fokus op die Amerikaanse Demokratiese Party se Nasionale Konvensie.

Die ANC se leier in Gauteng, Panyaza Lesufi, waarsku lede teen leedvermaak oor Floyd Shivambo se uittog uit die EFF. Inwoners van Riverlands in die Swartland is bekommerd nadat 'n vierde dam oorstroom. Sommige politieke partye is ongelukkig oor die Koalisiewetsontwerp. Die 95 Libiërs wat militêre opleiding in Suid-Afrika ontvang het, word gedeporteer.

EFF-leier Julius Malema verwag dat talle lede die party sal verlaat nadat Floyd Shivambo na die MK-party oorgeloop het. Skoolveiligheid kom onder die loep ná 'n skietvoorval by 'n skool in Eldoradopark in Johannesburg. Rusland mobiliseer om Oekraïne se inval teen te staan.

Verbruikers het in Junie vanjaar meer klere en skoene gekoop as 'n jaar gelede. Die SAUK-wetsontwerp is terug na die parlement gestuur. Israel gaan voort met aanvalle teen Hamas in die Gasastrook, ure voor beplande vredesamesprekings.

Een uit drie volwassenes in Suid-Afrika is werkloos. Johannesburg maak gereed vir 'n nuwe burgemeester. 'n Einde aan diskriminasie teen linkshandiges word bepleit. Namibië beoog om 'n radioteleskoop te bou wat in die millimetergolflengte-spektrum sal kan waarneem - dit sal die eerste van sy soort in Afrika wees. Die parlement se justisiekomitee wil hê 'n nuwe adjunk openbare beskermer moet teen die einde van November aangestel wees.

Ace Magashule se voormalige assistent, Moroadi Cholota, sê die staat se saak teen haar is swak. OUTA vra die parlement om in te gryp om die SA Maritieme Veiligheidsowerheid reg te ruk. Die Internasionale Arbeidsorganisasie sê werkloosheid is wêreldwyd aan die afneem onder jongmense.

Twee-derdes van alle misdaadsake bly onopgelos. Die MK-party wankel onder interne toutrekkery. Opruimingswerk gaan voort in Riverlands in die Wes-Kaap waar twee damwalle verlede week meegegee het. Genadiglik het dit daar opgehou reën.

Inwoners van Riverlands buite Malmesbury vertel van hulle nagmerrie-ondervinding nadat plaasdamwalle breek. Vrouedag word vandag gevier. Zola Budd praat oor dáái voorval, 50 jaar gelede, by die Olimpiese Spele in Los Angeles. 'n Groot tekort aan ambulanse in die Oos-Kaap. Ons praat met oud-Bok Johan Muller oor môre se toets teen die Wallabies.

Binnelandse Sake het die burgerskap van die Mej. Suid-Afrika-deelnemer, Chidimma Ade-tshina, ondersoek en bevind dat daar moontlik identiteitsbedrog gepleeg is. Die Vereniging van Staatsamptenare sê werknemers by die Departement van Openbare Werke en Infrastruktuur moet weens ondersoek word vir die verval by die polisie se hoofkwartier in Pretoria. Superkerninflasie sal voortaan ingespan word om rentekoerse te bepaal.

ANC-president Cyril Ramaphosa sê die party en sy alliansievennote begin uiteindelik mekaar vind wat betref die grondwet van die regering van nasionale eenheid. Die veelbesproke Wetsontwerp op die Beskerming van Staatsinligting is terug op die sewende administrasie se agenda. Ons praat met 'n ontleder oor Tim Walz, die Demokrate se keuse vir visepresident in Amerika.

Brandstofpryse daal, maar druk op die rand is slegte nuus vir rentekoerse. Die ANC blameer sy swakker vertoning in die algemene verkiesing op plaaslike regerings. Die belangrikste internasionale gebeurtenis op die sterrekundige kalender begin in Kaapstad.

'n Gesagbehebbende studie wys dat slegte cholestrol en gehoorverlies bydra tot demensie. Die ANC neem bestek van die steun wat hy in die verkiesing verloor het. Ons gesels met Span Suid-Afrika se kopdokter by die Olimpiese Spele oor gisteraand se geskiedkundige 100 meter finaal.

Tatjana Smith wen haar vierde Olimpiese medalje by vanjaar se spele in Parys, gevolg deur die aankondiging van haar uittrede uit die sport. Oudtshoorn het 'n nuwe burgemeester. Ons praat met 'n kuberdeskundige oor 'n skerp toename in aanvalle op finansiële instansies.

Media 24 gaan nie nog joernaliste afdank nie, ná druk uit talle oorde - ons praat met Beeld se redakteur. Wêreld-veldwagterdag fokus op veldwagters se welstand. Appèl teen die hoë ouderdomsbeperking op 'n Zapiro-dokumentêr.

Die Menseregtekommissie gaan bewerings van rassisme by Hoërskool Pinelands in Kaapstad ondersoek. Venezuela se ambassadeur in Suid-Afrika vra wêreldleiers om die uitslag van dié land se presidentsverkiesing te aanvaar. Suid-Afrika is hoopvol dat die AGOA-ooreenkoms verleng sal word, ongeag die uitslag van die Amerikaanse verkiesing.

Die ANC se tugkomitee beveel aan dat Jacob Zuma uit die party geskop moet word. Goeie nuus wink vir motoriste by die brandstofpomp. Wêreldleiers is bekommerd dat die konflik tussen Israel en Hezbollah kan uitbrei.

Uitspraak in die DA se Kieshof-saak teen president Cyril Ramaphosa is voorbehou. Ons praat met die nuwe Minister van Openbare Werke en Infrastruktuur oor die vordering in die herstel van die parlementsgebou ná die brandskade van meer as twee jaar gelede. Afwagting bou in aanloop tot vanaand se openingseremonie van die 33ste Olimpiese Spele in Parys, Frankryk.

Die stig van 'n oorsigkomitee oor die Presidensie is weer in die kollig. Die organisasie. Voice To Parliament. vra die president om die Bela-wetgewing terug na die parlement te stuur. Ons praat met 'n belastingkenner oor die regering se voorneme om meer produkte van BTW vry te stel.

President Ramaphosa lewer repliek op die debat oor sy staatsrede. Visepresident Kamala Harris kry al hoe meer steun as die Demokrate se presidentskandidaat. Action SA verander van deuntjie oor samewerking met die ANC in Gauteng se metro's.

Die Minister van Finansies, Enoch Godongwana, glo Suid-Afrika sal teen volgende jaar van die gryslys verwyder word. Afriforum nader die Konstitusionele Hof om John Hlophe se aanstelling as ‘n verteenwoordiger van die parlement op die Regterlike Dienskommissie tersyde te stel. Die Amerikaanse president, Joe Biden, laat vaar sy veldtog om herverkies te word.

President Cyril Ramaphosa deel sy regering se vyfjaarplan met die nasie tydens die opening van die 7de Parlement. Die Pan Suid-Afrikaanse Taalraad is ontevrede oor die gebrek aan voldoende interpretasiedienste in die Parlement. Amerikaanse presidentskandidaat Donald Trump spreek sy ondersteuners toe in Milwaukee op die laaste dag van die Republikeinse konvensie. Gure weer duur voort in die Wes-Kaap met verskeie oorstromings in sekere woonbuurte.

Groot afwagting op vanaand se parlementsopening. Internasionale Mandeladag word vandag gevier. 'n Afgetrede dokter wil 'n wêreldrekord op 'n trekker verbeter om arm kinders gratis operasies te gee.

Die Inkomstediens vra belastingbetalers om waaksaam teen bedrieërs te wees. Meer as 150 000 mense in die Wes-Kaap is dakloos gelaat weens swaar reën. Die Republikeine in Amerika wys 'n verenigde front by hulle nasionale konvensie.

Die Wes-Kaapse premier verduidelik hoe die rampgebiedverklaring sy provinsie sal help. Die Minister van Polisie sê samewerking met rolspelers sal misdaadbekamping verbeter. Donald Trump wys sy adjunk aan by die Rebublikeine se nasionale konvensie.

Die Amerikaanse president, Joe Biden, vra vir politieke kalmte ná 'n mislukte sluipmoordaanval op Donald Trump. Ses brandbestryders sterf in KwaZulu-Natal in wegholveldbrande, en talle ander is beseer. Kragverbuikers in die Buffalo City-metro in die Oos-Kaap is kwaad oor 'n styging in voorafbetaalde elektrisiteitstariewe van 12,7%. Nóg reen word in die vloedgeteisterde Wes-Kaap verwag.

Katastrofiese skade aan die landbousektor in Limpopo weens die afgelope week se gure weerspatrone. Ons praat met 'n kenner oor van die knellende kwessies na afloop van die jaarlikse Navo-beraad in die VSA. Die stof oor Krieket SA se besluit, vroeër vanjaar, om David Teeger van sy onder-19 Proteas kapteinskap te ontneem, het nog nie gaan lê nie. Die regering se plan en beleid vir die volgende vyf jaar sal die naweek by die Kabinet Lekgotla bepaal word. Die Staande Komitee oor Openbare Rekeninge betree 'n nuwe era onder die voorsitterskap van Songezo Zibi, die leier van Rise Mzansi.

Cyril Xaba is Ethekwini se nuwe burgemeester. Nog ontwrigtende reën tref die Wes-Kaap. Reaksie op die uitspraak van die Life Esidimeni geregtelike ondersoek.

Nog 'n soldaat sterf in die Demokratiese Republiek Kongo. Uitspraak verwag in die Esidimeni-ondersoek na 146 sterftes in 2016 by fasiliteite vir geestesongesteldes. Inwoners van Barberton in Mpumalanga is ontevrede oor dwelmhandelverdagtes wat los rondloop.

Nóg ontwrigtende reën, sterk wind en moontlike oorstromings in dele van die land. Openbare skole open vandag - ons praat met die nuwe Minister van Basiese Onderwys oor die uitdagings.

Portugese Suid-Afrikaners leef in vrees te midde van 'n reeks ontvoerings. Navorsing wys dat jong kinders in Krugersdorp die gas van uraan, arseen en kwik in asem, wat afkomstig is van ou myne. 'n Simulasie van 'n sending na Mars kom ná 'n jaar tot 'n einde. Die linkse Nuwe Populêre Front neem die voortou in die Franse parlemenêre verkiesing.

Druk laai op téén oudregter John Hlophe se nominasie as lid van die Regterlike Dienskommissie. Die magsbalans verskuif in Beaufort-Wes ná 'n DA-oorwinning. Vroeë aanduidings dat Brittanje 'n nuwe Eerste Minister sal hê.

Gauteng se premier Panyaza Lesufi kondig laatnag sy nuwe kabinet aan nadat onderhandelinge met die DA om 'n eenheidsregering te vorm vir die laaste keer skipbreuk gely het. Die raad bestaan nou uit sewe ANC--lede en drie lede uit die IVP, Rise Mzanzi en Patriotic Alliance. Intussen is die adjunkpresident en 75 ministers en adjunkministers beëdig - ons vra: Hoe verbonde voel hulle aan daardie eed wat hulle so plegtig afgelê het? eThekwini hoop op 'n stewige toerismemeevaller met die naweek se Durban July-perdewedrenbyeenkoms.

Wéér geen ooreenkoms tussen die DA en ANC in Gauteng nie. Die VN bevind dat die aanhouding van twee Suid-Afrikaanse ingenieurs in Ekwatoriaal-Guinee onwettig is. Hoe volhoubaar is laer brandstofpryse?

Onderhandelinge vir 'n nuwe provinsiale uitvoerende raad in Gauteng bereik 'n dooiepunt. Daar is intussen steeds baie reaksie op die nuwe kabinet wat Sondagaand aangekondig is. Kabeldiefstal in Ventersdorp in Noordwes is 'n ernstige probleem vir sakeondernemings en boere.

Ons fokus ons op die nuwe kabinet, en praat met 'n politieke ontleder en 'n ekonoom. Monitor is vandag 50 jaar oud.

Verskeie stigtings stel 'n nasionale dialoog voor om die land te red, maar nie almal stem saam dat dit nodig is nie. Werkers wat die ineenstorting van 'n gebou in Mei oorleef het, sê dit gaan nou sleg met hulle. Solidariteit verskerp sy stryd teen afleggings by Media24.

Instansies betreur die inhuldiging van parlementslede wat strafregtelik aangekla word. 'n Duidelike swaai na regs in Europese verkiesings. 'n Projek op die Kaapse Vlakte om die polisie te help om vermiste kinders te soek.