Dilema Sociale

Në përfundim të sezonit të parë të “Dilema Sociale” kemi përzgjedhur për ju disa nga episodet më të bukura, me temat më pikante dhe të ftuar që nuk kanë ngurruar të flasin pa filtra para mikrofonit të TAR.

Edi Manushi ka folur për “Dilema Sociale” në “Top Albania Radio” dhe për marrëdhënien e tij me kryeministrin Edi Rama. Autori dhe moderatori i “E Diell”, i cili dikur ka punuar me kryeministrin ka zbuluar detaje sesi përfundoi bashkëpunimi i tij me të.

Prifti katolik Dom Gjergj Meta i ftuar në “Dilema Sociale” është pyetur dhe për përfitimet personale të misionarëve fetarë duke shfrytëzuar pozicionin e tyre. Ndër “personazhet” fetarë që është mjaft i njohur dhe i diskutuar në publik është edhe Imami Elvis Naçi.

Eftuar këtë të enjte në “Dilema Sociale” nën moderimin e Eno Popit ishte këngëtarja shumë e dashur për publikun Marsela Çibukaj. Ajo ndër të tjera foli për karrierën e saj muzikore dhe konkurset në të cilat ka marrë pjesë. Marsela u shpreh për pjesëmarrjen e saj në “The Voice of Albania” si dhe  fituesen Rina Bilurdagu.

Një dilemë vërtetë e madhe është ajo e taksës së dyfishtë që prek të gjithë ata që kanë dy apo më shumë punë. Cila është problematika më e madhe që sjell kjo taksë dhe a mund të hiqet?!

Si do te organizohen pushimet verore kete vit ? Nga vera e “djegur” nje vit me pare prej pandemise tek kufizimet e levizjet per Shqiptaret kete sezon. Shqiperia ka shancet te rrise potencialin e turizmit te brendshem, maksimumi me shtetas te Kosoves dhe Maqedonise.

Gazetari dhe analisti Blendi Salaj ishte i ftuar këtë të shtunë në “Dilema Sociale” nën moderimin e Eno Popit. Blendi bëri një analizë mbi zgjedhjet parlamentare të 25 prillit, ku ndër të tjera zbuloi edhe arsyen pse Partia Demokratike i humbi ato. Ai tregoi për rëndësinë e parave në një fushatë elektorale. Një shembull që ai mori ishte Agron Shehaj, për të cilin Blendi u shpreh se është një njeri i pasur, i cili i ka fituar paratë në mënyrë të ndershme. Sipas tij, Shehaj ka besueshmëri te publiku dhe është një model i ri që ndoshta na duhet. I pyetur se përse nuk fitoi opozita, Blendi u shpreh se problemi i saj nuk ishte reklama, por ‘bagazhet’ e së kaluarës.

Soni Malaj është një nga këngëtaret më të talentuara në Shqipëri, ku ka publikuar 4 albume të suksesshme me këngë të cilat janë kthyer në hite, është fituese e shumë çmimeve në “Këngën Magjike” duke iu afruar shumë finishit. Për të zbuluar më shumë detaje rreth karrierës së saj artistike, Soni Malaj ishte e ftuar në emisionin “Dilema Sociale” në Top Albania Radio të moderuar nga Eno Popi. Soni rrëfeu për këngën e saj më të re “Versioni im”, pjesë e “Këngës Magjike 2021”. Ajo u shpreh se ky propozim erdhi nga pruducenti Flori Mumajesi, i cili është dhe tekstshkruesi i kësaj kënge dhe gjithçka ka ndodhur në mënyrë të papritur.

Një tjetër dilemë kjo që na shoqëron vetëm pak ditë para zgjedhjeve të 25 prillit. A duhet apo jo t’u besojmë sondazheve të shumta zgjedhore. Të ftuar në studio dhe biseda mjaft interesante me Eno Popin, Denis Dyrnjanë dhe Koloreto Cukalin.

Fjoralba Ponari është një ndër këngëtaret dhe moderatoret shumë të dashura për publikun, por ajo gjithashtu është dhe një stomatologe shumë e zonja. Ajo ishte e ftuar mbrëmjen e sotme në programin “Dilema Sociale” në Top Albania Radio me Eno Popin, për të folur rreth rrugëtimit të karrierës së saj nga “The Voice of Albania” tek projekte të mëdha siç është edhe dalja e saj e fundit në programin e humorit “Portokalli”. Eno Popi Fjoralba Ponari Wizii Dj

Mbrëmjen e kaluar në “Dilema Sociale” me Eno Popin u fol për zgjedhjet e 25 prillit dhe rëndësinë e numërimit të votave por të gjithë procesit në tërësi.

Andi Lila është një nga futbollistët më të dashur shqiptar i cili mbrëmjen e kaluar ishte i ftuar në programin “Dilema Sociale” në Top Albania Radio. Në çdo puntatë moderatori, Eno Popi ka për synim të zbulojë dilemën e gjithkujt, nga shëndetësia, artistët, aktorët, muzika, politika, apo deri edhe tek sportistët. Por jo pa qëllim, Eno zgjodhi Andi Lilën në këtë episod, për shkak se ndodhemi në prag të zgjedhjeve.

Tashmë jo vetëm “Moderna” por edhe kompani të tjera që prodhojnë vaksina si “AstraZeneca” kanë nisur testimet tek fëmijët. I ftuar sot në “Dilema Sociale” me Eno Popin ishte mjeku epidemiolog, Ilir Alimehmeti që diskutoi më tepër rreth kësaj çështjeje duke treguar se cila është qasja e shqiptarëve.

Duke qenë se jemi në prag të zgjedhjeve të 25 prillit, në fokus nuk janë vetëm fushatat elektorale por edhe si trajtohen figurat e shquara të politikës në spektaklet e humorit

Siç i takon 1 prillit, në këtë episod të Dilema Sociale u morëm pak me gënjeshtrat por jo ato të zaknshmet apo gënjeshtrat e bardha siç i quajmë por për ato që kanë një ndikim negativ tek secili prej nesh.

Në “Dilema Sociale” u diskutua për këngën fituese të Shqipërisë që do të na përfaqësojnë në “Eurovision 2021”. Olti Curri dhe Anxhela Peristeri zbuluan detaje rreth këtij projekti muzikor.

Si gjykohet gjuha politike që përdorin partitë?! Për të diskutuar rreth kësaj teme ishin të ftuar në studio, Aleksandër Çipa, Sonila Meço dhe Adri Nurellari. Një diskutim rreth politikës, medias dhe mënyrës se si po bëhen fushatat elektorale.

Dilema e të shtunës që lamë pas lidhet me përfshirjen e të rinjve në politikë dhe sa të besueshëm janë ata. Të ftuar në studio krah Eno Popit ishin; Ori Nebijaj, Spartak Ngjela dhe Boiken Abazi.

Teksa jemi në prag të zgjedhjeve të 25 prillit, partitë politike po mbajnë fushatat elektorale qoftë nëpër takime e qoftë online. Pavarësisht sesa kanë ndryshuar kohët dhe sot jemi në demokraci, shumë persona kthehen pas në kohë për të kujtuar ‘të mirat’ e Enverit ashtu siç tha edhe inxhinierja Luljeta Bozo pak ditë më parë.

Këtë herë Eno Popi në “Dilema Sociale” trajtoi temën e komunizmit dhe kujtesës kolektive e cila na kthen gjithmonë në të shkuarën

Bora Zemani, një emër tepër i lakuar në mediat rozë kohët e fundit, kjo për shkak se ndodhet në moderimin e një programi që po sjell shumë polemika në rrjet. E ftuar sonte në Top Albania Radio, në emisionin “Dilema Sociale” Bora Zemani na sjell më afër jetës së saj dhe profesionit. Në një intervistë speciale me Eno Popin, e pyetur më shumë rreth Për’puthen për të zbuluar se çfarë ndodh brenda këtij formati që po pushton mijëra shikues, Bora zbulon edhe disa anë negative që kanë ndikuar tek ajo emocionalisht.

Artisti i mirënjohur dhe shumë i dashur shqiptar, Bojken Lako ishte i ftuar në Dilema Sociale ku përreth 2 orë foli mbi karrierën e tij profesionale, projektet e reje, punën me Dritan Hoxhën dhe kujtimet më të vyera me babain e tij.

Dilema Sociale” nisi si çdo të enjte, por këtë herë me një sondazh të ngritur për mbylljen apo orën policore. Pyetja që shtrohej ishte nëse një tjetër mbyllje do të ishte vendimi i duhur apo fatale jo vetëm psikologjikisht, por edhe ekonomikisht. Në Top Albania Radio ishin të ftuar shumë të rëndësishëm për të diskutuar rreth orës policore dhe imunitetit të tufës, nga eksperti i ekonomisë së politikës, Enio Civici, përfaqësuesi i bareve dhe restoranteve Enri Jahaj dhe mjeku Ilir Alimehmeti.

Në programin “Dilema Sociale” ishte i ftuar Artur Kurtallari në një linjë telefonike, i cili tregoi pse njerëzit gjetën veten tek statusi i tij. Para disa ditësh ai publikoi një status “Nëna ime është personalitet” dhe u bë menjëherë virale. Ja pse Arturi e bëri këtë shkrim…

Si kanë ndikuar rrjetet sociale në marrëdheniet në çift? A gjendet dashuria online, apo e vetmja gjë që duam vërtetë është iPhone-i?

Tema e diskutimit për sot në programin “Dilema Sociale” ishte mësimi online dhe brezi i studentëve që po diplomohen mes protestave, tërmeteve dhe pandemisë. Jo pa qëllim, Eno Popi ftoi në studion e Top Albania Radio-s, dy studentë nga Fakulteti i Mjekësisë, Malboro Duka dhe Dea Guri.

Pas betejës me Koronavirusin, Eno Popi në këtë episod trajton bilancin e përgjithshëm të situatës dhe mbi të gjitha se si po zbehet kujdesi personal dhe ai i shtetit dhe përse gjërat nuk po përmirësohen.