SBS Lao - SBS ພາ​ສາ​ລາວ

Did you know that one in five children is at risk of dying from a disease that is now preventable through vaccination? Australia’s vaccination program helps to prevent severe outcomes from many childhood infections. To access family support payments—and in some states, childcare services—your child must be fully immunised according to the national schedule. - ທ່ານຮູ້ບໍ່ວ່າ ເດັກນ້ອຍຫນຶ່ງໃນຫ້າຄົນ ສ່ຽງຕໍ່ການຕາຍ ຈາກໂຣກທີ່ປັດຈຸບັນ ສາມາດປ້ອງກັນໄດ້ ໂດຍການສັກວັກຊີນ? ໂຄງການວັກຊີນຂອງອອສເຕຣເລັຍ ຊ່ວຍປ້ອງກັນຜົນສະທ້ອນທີ່ຮ້າຍແຮງ ຈາກການຕິດເຊື້ອໂຣກ ໃນວັຍເດັກ. ເພື່ອຈະໄດ້ຮັບເງິນບໍາລຸງລ້ຽງຄອບຄົວ-ແລະໃນບາງຣັດ, ການບໍຣິການດູແລເດັກນ້ອຍ-ລູກຂອງທ່ານ ຕ້ອງໄດ້ຮັບການສັກວັກຊີນພູມຕ້ານທານ ຢ່າງຄົບຖ້ວນ ຕາມຕາຕະລາງຂອງປະເທດ.

ຫຼັງຈາກການຕັດສິນຂອງສານສູງ ໃຫ້ປ່ອຍໂຕອະດີດຜູ້ຕ້ອງຂັງ ກວດຄົນເຂົ້າເມືອງ (Immigration detainees) ຊຶ່ງຫຼາຍຄົນກໍມີຄະດີອາດຊະຍາກັມຕິດໂຕ. ຝ່າຍຄ້ານໄດ້ສະແດງຄວາມເປັນຫ່ວງຕໍ່ຄວາມປອດພັຍຂອງຊຸມຊົນ... ແຕ່ທະນາຍຄວາມຂອງຜູ້ຕ້ອງຂັງ ກ່າວວ່າ ຣັຖບານຕ້ອງດຳເນີນການຍົກເລີກຂໍ້ກຳໜົດຕ່າງທີ່ມີຕໍ່ພວກເຂົາ ທັນທີ.

ໃນການປະເມີນຂອງອົງການຂ່າວລັບ ເພື່ອຄວາມໝັ້ນຄົງ ຂອງອອສເຕຣເລັຍ (the Australian Security Intelligence Organisation-ASIO), ຫນຶ່ງສ່ວນສາມ ຂອງເຫດການ ກ່ຽວພັນກັບຄວາມຮຸນແຮງ ທີ່ມີແຮງກະຕຸ້ນທາງສາສນາ. ເຫດການສ່ວນຫລາຍ ຖືກກ່າວຫາວ່າ ຖືກກະຕຸ້ນໂດຍອຸດົມການຊາດນິຍົມ (Nationalist) ແລະອຸດົມການດ້ານເຊື້ອຊາດ (Racist Ideologies) ຫລືອຸດົມການທີ່ປະສົມທັງສອງຢ່າງ. ສິ່ງສໍາຄັນ, ເພາະເລື່ອງນີ້ມັກຈະເຂົ້າໃຈຜິດ, ບໍ່ມີການໂຈມຕີ ຫລືແຜນການໃດ ທີ່ໄດ້ຮັບການດົນໃຈໂດຍກົງ ຈາກການຂັດແຍ້ງ ໃນຕາເວັນອອກກາງ.

ສູນກາງ ຄວາມກ້າວຫນ້າຂອງສຕຣີ (The Centre of Advancing Women) ໃນ Victoria ໃຫ້ການສນັບສນູນ ຢ່າງຮອບດ້ານ ສໍາລັບຜູ້ຍິງຈາກພື້ນຖານຜູ້ອົບພະຍົບ ທີ່ກໍາລັງປະສົບກັບຄວາມຮຸນແຮງ ໃນຄອບຄົວ. ນອກຈາກການຊ່ອຍເຫຼືອແລ້ວ, ທາງສູນຍັງມີ ຫຼັກສູດຕ່າງໆ ທີ່ຈະຊ່ອຍໃຫ້ ຜູ້ຂໍຄວາມຊ່ອຍເຫຼືອ ໄດ້ມີໂອກາດໃນການເຮັດວຽກເພື່ອ ພວກເຂົາຈະສາມາດ ຮັບຜິດຊອບຕໍ່ຊີວິດຂອງເຂົາເອງ.

ຫ້ອງສມຸດຍຸກ Digital ບໍ່ຄືກັບຫ້ອງສມຸດສມັຍເກົ່າ. ດຽວນີ້ ປຶ້ມເປັນຫົວທີ່ສຳຜັດໄດ້ຈະມີໜ້ອຍລົງ ໃນຂນະທີ່ eBooks ແລະ Audiobooks ຈະໄດ້ຮັບຄວາມນິຍົມຫຼາຍກວ່າ... ແຕ່ພໍ່ແມ່ຫຼາຍຄົນຍັງເວົ້າວ່າ ການຈະສອນໃຫ້ເດັກນ້ອຍອ່ານນັ້ນ, ການໃຊ້ປຶມເປັນຫົວທີ່ຈັບຕ້ອງໄດ້ ຈະມີ ປະສິດທິຜົນຫຼາຍກວ່າ.

ນັກຄົ້ນຄວ້າຢູ່ໂຮງຫມໍ Alfred Hospital ໃນ Melbourne ກ່າວວ່າ ໂດຍການເອົາຕົວຢ່າງນ້ອຍໆ ຂອງຜິວຫນັງທີ່ບໍ່ໄດ້ຮັບຄວາມເສັຍຫາຍ ແລະຈຸລັງ (Cells) ເຫລົ່ານັ້ນມາປູກໃນຫ້ອງຟັກ (Incubator), ແລ້ວຈຸລັງເຫລົ່ານັ້ນ ຈະຖືກເອົາໄປໃສ່ໃນແຜ່ນ Hydrogel ແລະຕໍ່ໃສ່ຜິວຫນັງ. ແຕ່ມັນຍັງຂາດ Melanocytes ດັ່ງນັ້ນຈຶ່ງບໍ່ມີເມັດສີ (Pigmentation) ໃນເວລານີ້ ແລະຍັງບໍ່ມີຕ່ອມເຫື່ອ ແລະຮູຂົນນໍາອີກ. ທີ່ສຳຄັນແມ່ນຕ້ອງມີການຄົ້ນຄວ້າຕື່ມອີກ.

ການຄົ້ນຄວ້າໂດຍ YouGov ຂອງ Boston Scientific ພົບວ່າຜູ້ຊາຍສ່ວນຫລາຍ ຈະບໍ່ຮູ້ເຖິງຄວາມຮ້າຍແຮງ ຂອງສະພາບການ ທາງສຸຂະພາບທົ່ວໄປ. ບັນຫາ ຮວມເຖິງການເພີ່ມຂຶ້ນ ຂອງຄວາມຖີ່ຂອງການປັດສາວະ (ຖ່າຍເບົາ ຫຼື ຍ່ຽວ), ແລະການສ່ຽງຂອງການອັດຕັນ, ກະເພາະຍ່ຽວອັດຕັນ ແລະອາການທີ່ອັນຕະຣາຍຕໍ່ຊີວິດ. ຖ້າບໍ່ໄດ້ຮັບການປິ່ນປົວ, ຕ່ອມລູກໝາກໃຫຍ່ (Enlarged Prostate Gland) ອາດນໍາໄປສູ່ ການຕິດເຊື້ອຂອງທາງເດີນປັດສາວະ, ໜິ້ວຫມາກໄຂ່ຫລັງ ແລະຫມາກໄຂ່ຫລັງພິການ.

ເຄືອຂ່າຍໂທຣະສັບ 3G ໄດ້ປິດລົງໃນວັນທີ 28 ຕຸລາ. ມັນໄດ້ກໍ່ໃຫ້ເກີດຄວາມເປັນຫ່ວງສຳລັບຜູ້ຄົນໃນພູມີພາກ ແລະຊົນນະບົດ. ອອສເຕຣເລັຍ ບໍ່ໄດ້ເປັນພຽງປະເທດດຽວທີ່ປິດ 3G. ໃນສະຫະຣັດອາເມຣິກາ, ບໍຣິການ 2G ແລະ 3G ສ່ວນຫລາຍໄດ້ຖືກຍົກເລີກ ໃນທ້າຍປີ 2022, ໃນຂນະທີ່ປະເທດຈີນ ໄດ້ປິດ 3G ໃນປີທີ່ຜ່ານມາ. Singapore ກໍໄດ້ເລີ້ມປິດເຄືອຂ່າຍ 3G ໃນປີນີ້ຄືກັນ.

Gamble Aware Week (21-27 ຕຸລາ) ຖືກຈັດຂຶ້ນທົ່ວປະເທດ-ໂດຍມີຈຸດປະສົງ ທີ່ຈະຍົກລະດັບຄວາມຮັບຮູ້ ເຖິງ ອັນຕະຣາຍທີ່ມາຈາກການພະນັນ ທັງທາງກົງແລະທາງອ້ອມ ແລະ ວິທີ ຜູ້ທີ່ຈະເລືອກຫລິ້ນພະນັນ ສາມາດເຮັດໄດ້ຢ່າງປອດພັຍ ຫລາຍຂຶ້ນກວ່າເກົ່າ.

ກອງທຶນການເງິນນາໆຊາດ (The International Monetary Fund) ໄດ້ຄາດການວ່າ ອັດຕາເງິນເຟີ້ ຂອງອອສເຕຣເລັຍ ຈະເພີ່ມຂຶ້ນຈາກ 2.8 ເປີເຊັນເປັນ 3.6 ເປີເຊັນ ໃນທ້າຍປີຕໍ່ໄປ. ເຮັດໃຫ້ປະເທດນີ້ ເປັນປະເທດ ທີ່ມີອັດຕາເງິນເຟີ້ສູງ ເປັນອັນດັບທີສອງ ໃນທ້າຍປີຫນ້າ, ໃນບັນດາອີກ 41 ປະເທດ.

ເຖິງແມ່ນວ່າການໃຊ້ເງິນຂອງທ່ານເອງໃນການຊື້ສິນຄ້າ ໂດຍການໃຊ້ ບັດເຄຣດິດ (Credit Cards) ແລະບັດເດບິດ (Debit Cards) ແມ່ນແຕ່ກາເຟພຽງຈອກດຽວ, ທາງຮ້ານຈະມີ ການເກັບເງິນເພີ່ມ (Surcharges) ໃນການ ຈ່າຍທະນາຄານໃນການດຳເນີນທຸຣະກິດ. ຣັຖບານກຳລັງພິຈາຣະນາວ່າຈະໃຫ້ຍົກເລີກ ເລື້ອງນີ້ ຊຶ່ງຈະຊ່ອຍໃຫ້ ຊາວອອສເຕຣເລັຍ ສາມາດປະຢັດເງິນໄດ້ ເຖິງຫ້າຮ້ອຍລ້ານໂດລາ ຕໍ່ປີ.

ເມື່ອເວົ້າເຖິງລະດູໄຟໄຫມ້ປ່າໃນອອສເຕຣເລັຍແລ້ວ ຜູ້ຊ່ຽວຊານບາງຄົນກ່າວວ່າ ປວັດສາດຈະເກີດຊ້ຳອີກ. ສະນັ້ນ, ເຈົ້າຫນ້າທີ່ສຸກເສີນ ກໍາລັງຊຸກຍູ້ຜູ້ຄົນ ໃຫ້ລະມັດລະວັງ ແລະຄອຍລະວັງຄຳເຕືອນສະພາບອາກາດ ແລະພັຍພິບັດໃນທ້ອງຖິ່ນ.

For first-time borrowers, the home loan application process can feel overwhelming. Learn the basics around interest rates, the application process and government support you may be eligible for in Australia. - ສໍາລັບຜູ້ຢືມເທື່ອທໍາອິດ, ຂັ້ນຕອນການສມັກກູ້ຢືມເງິນຊື້ເຮືອນອາດຮູ້ສຶກຫຍຸ້ງຍາກ. ຮຽນຮູ້ພື້ນຖານກ່ຽວກັບອັດຕາດອກເບັ້ຍ, ຂັ້ນຕອນການສມັກ ແລະ ການສນັບສນູນຈາກຣັຖບານ ທີ່ທ່ານອາດມີສິດໄດ້ຮັບໃນ ອອສເຕຣເລັຍ.

ໃນອອສເຕຣເລັຍ, ມີ 3,200 ຄົນ ທີ່ຕາຍດ້ວຍໂຣກມະເລັງເຕົ້ານົມ ທຸກໆປີ ແລະເຂົາເຈົ້າທຸກຄົນ ຕາຍດ້ວຍໂຣກມະເລັງເຕົ້ານົມ ໄລຍະແພ່ລາມ. ແລະຫຼາຍຄົນ ຈະຮູ້ສຶກວ່າ ບໍ່ມີຕົວຕົນ. ເຫດຜົນຢ່າງຫນຶ່ງ ກໍຍ້ອນວ່າທະບຽນມະເຮັງ ບໍ່ໄດ້ຮວບຮວມຂໍ້ມູນ ກ່ຽວກັບໄລຍະການເປັນໂຣກນີ້ ແລະການກັບຄືນມາອີກຂອງໂຣກ. Metastatic Breast Cancer Action Australia ແມ່ນກຸ່ມທໍາອິດຂອງປະເທດ ທີ່ສນັບ ສນູນຜູ້ຄົນ ທີ່ອາສັຍຢູ່ກັບການວິນິດສັຍ, ຜູ້ທີ່ສ່ວນຫລາຍ ບໍ່ໄດ້ຮັບບໍຣິການດ້ານໂຣກມະເລັງ.

ຊາວອອສເຕຣເລັຍ ທີ່ມີອາຍຸສູງກວ່າ 50 ປີ ໄດ້ຮັບການເຕືອນກ່ຽວກັບໂຣກ ກະດູກຂາດແຮ່ທາດ (Osteopenia) ແລະໂຣກກະດູກຜຸ (Osteoporosis). ລາຍງານພົບວ່າ ຫລາຍກວ່າ ສອງໃນສາມຄົນ ໃນກຸ່ມອາຍຸນັ້ນ ມີສຸຂະພາບກະດູກບໍ່ດີ. ປີກາຍນີ້, ໃນອອສເຕຣເລັຍ, ກະດູກຫັກໄດ້ເກີດຂຶ້ນທຸກໆ 2.7 ນາທີ, ໝາຍເຖິງ ມີການຫັກ ຫລາຍກວ່າ 193,000 ເທື່ອ. ຄ່າໃຊ້ຈ່າຍທັງຫມົດ ຂອງ Osteopenia ແລະ Osteoporosisແມ່ນປະມານ 4.8 ພັນລ້ານໂດລາ, ແລະຄາດວ່າ ຄ່າໃຊ້ຈ່າຍ ຈະເພີ່ມຂຶ້ນເຖິງ 8.3 ພັນລ້ານໂດລາ ໃນປີ 2033.

ລາຍງານການປະຊຸມ ASEAN ປະຈໍາປີທີ່ປະເທດລາວ ໂດຍທີມງານຂ່າວ SBS.

ຄວາມຜິດປົກກະຕິຂອງການກິນ (Eating Disorders) ໄດ້ເພີ່ມຂຶ້ນ ນັບຕັ້ງແຕ່ເກີດໂຣກລະບາດ, ໂດຍສື່ສານມວນຊົນ ກໍເປັນປັດຈັຍ ຂອງການເພີ່ມຂຶ້ນ ໃນກຸ່ມຄົນຫນຸ່ມ. ຄວາມຜິດປົກກະຕິຂອງການກິນ ເປັນຄວາມເຈັບປ່ວຍ ທີ່ເຈັບປວດຫລາຍ, ສໍາລັບຜູ້ທີ່ປະສົບກັບມັນ, ແລະສໍາລັບພໍ່ແມ່, ຄອບຄົວ, ຫມູ່ເພື່ອນ ແລະຜົວເມັຍຂອງເຂົາເຈົ້າ.

Australia's warm climate offers an abundant supply of solar energy year-round, making solar power an increasingly significant contributor to the nation's electricity supply. Learn what the requirements are for installing solar power systems in your home. - ອາກາດທີ່ອົບອຸ່ນ ຂອງອອສເຕຣເລັຍ ມີພະລັງແສງຕາເວັນ ຢ່າງຫລວງຫລາຍຕລອດປີ, ເຮັດໃຫ້ພະລັງແສງຕາເວັນ ເປັນສ່ວນທີ່ສໍາຄັນຫລາຍຂຶ້ນ ໃນການຈັດຫາໄຟຟ້າ ຂອງປະເທດ. ມາຮຽນຮູ້ວ່າ ມີຂໍ້ກຳ ໜົດຫຍັງແດ່ ສໍາລັບການຕິດຕັ້ງລະບົບພະລັງງານ ແສງຕາເວັນໃນເຮືອນຂອງທ່ານ.

Magpie ແມ່ນນົກສີດໍາ ແລະຂາວ ທີ່ເຮົາຮູ້ກັນດີວ່າ ແມ່ນນົກພື້ນເມືອງອອສເຕຣເລັຍ. ໂດຍທົ່ວໄປແລ້ວ ເປັນນົກທີ່ຮ້ອງມ່ວນ, ແຕ່ໃນລະດູ ການປະສົມພັນ, ຈະກາຍເປັນຜູ້ປົກປ້ອງຮັງຂອງມັນ ຢ່າງຮ້າຍກາດ, ມັນຈະບິນໄລ່ສັບ ສິ່ງທີ່ມັນເຫັນວ່າເປັນການຂົ່ມຂູ່-ຮວມທັງຄົນ ທີ່ຍ່າງຜ່ານໄປມາ ໂດຍບໍ່ລະວັງໂຕ. ໂດຍທົ່ວໄປແລ້ວ, ມັນມີແຕ່ໂຕຜູ້ ທີ່ເຮັດການໂຈມຕີ ຊຶ່ງກໍແມ່ນໂຕທີ່ປົກປ້ອງລູກຢູ່ໃນຮັງຂອງມັນ.

"Shrinkflation" ແມ່ນການປະຕິບັດໂດຍ Supermarkets ທີ່ຫລຸດຂນາດ ຫຼືປະຣິມານຂອງສິນຄ້າລົງ....ແຕ່ລາຄາຍັງຄົງຄືເກົ່າ...ຫລືແມ່ນແຕ່ເພີ່ມຂຶ້ນ.... ເຊິ່ງເປັນການປະຕິບັດທີ່ແພ່ໄປທົ່ວອຸດສະຫະກັມ...ຣັຖບານ ກໍາລັງພະຍາຍາມເພີ່ມຄວາມເຂັ້ມແຂງ ໃຫ້ແກ່ລະບຽບລາຄາຕໍ່ຫນ່ວຍ (Unit Pricing Code) ເຮັດໃຫ້ປ້າຍລາຄາ ແລະບໍຣິມາດເຫັນງ່າຍ, ອ່ານງ່າຍ ແລະປຽບທຽບໄດ້... ພ້ອມທັງມີການລົງໂທດໃຫມ່ ສໍາລັບຕລາດເຫລົ່ານັ້ນ-ໃນການເຮັດສິ່ງທີ່ບໍ່ຖືກຕ້ອງ.

ຫນຶ່ງໃນຫ້າຄົນ ຂອງເດັກນ້ອຍອອສເຕຣເລັຍ ຕ້ອງທົນທຸກທໍຣະມານຈາກຄວາມເຈັບປວດຊໍາເຮື້ອ ແຕ່ການວິຈັຍໃຫມ່ ສະແດງໃຫ້ເຫັນວ່າ ບັນຫາສ່ວນຫລາຍ ບໍ່ຖືກເອົາໃຈໃສ່, ຊຶ່ງນໍາໄປສູ່ການຊັກຊ້າ ໃນການວິນິສັຍ ແລະການປິ່ນປົວ. ສິ່ງນີ້ ສາມາດກະທົບກະເທືອນ ຕໍ່ການພັດທະນາທາງຮ່າງກາຍ ແລະຈິດໃຈ ຂອງເຂົາເຈົ້າ.

ມີການຄົ້ນຄວ້າຫາ Hops ພັນໃໝ່ທີ່ສາມາດຕ້ານທານການປ່ຽນແປງຂອງສະພາບອາກາດ ແຕ່ຍັງໃຫ້ຣົດຊາດດັ້ງເດີມຂອງເບັຍຢູ່.

ຜູ້ສູງອາຍຸຊາວອອສເຕຣເລັຍ ຫລາຍກວ່າ 68 ພັນຄົນ ທີ່ລົງຊື່ລໍຖ້າ-ຂາດການດູແລທີ່ສໍາຄັນ ໃນເວລາທີ່ເຂົາເຈົ້າ ຕ້ອງການຫລາຍທີ່ສຸດ. ຜູ້ສູງອາຍຸຊາວອອສເຕຣເລັຍ ໄດ້ຮັບຄໍາສັນຍາວ່າ ຈະໄດ້ຮັບການ ສນັບສນູນ ຫລາຍກວ່າເກົ່າຢູ່ໃນເຮືອນ, ຫລັງຈາກຣັຖບານກາງ ໄດ້ປະກາດ ເຖິງການປະຕິຮູບ ການດູແລຜູ້ສູງອາຍຸ ໃນອາທິດຜ່ານມາ.

ຊາວອອສເຕຣເລັຍຫລາຍຄົນ ທີ່ໄດ້ຮັບເງິນຊ່ອຍເຫລືອຈາກ Centrelink ໃນຕອນນີ້ ກຳລັງປະເຊີນກັບຄວາມກົດດັນ ເລື່ອງການເຊົ່າເຮືອນ ທີ່ຮ້າຍແຮງ ຫຼືບໍ່ສາມາດຈ່າຍຄ່າເຊົ່າໄດ້ ແມ່ນແຕ່ຜູ້ທີ່ເຮັດວຽກເຕັມເວລາ ແລະໄດ້ຄ່າແຮງຂັ້ນຕ່ຳ ກໍຍັງຈະມີປັນຫາແບບດຽວກັນ. ລາຍງານໃຫມ່ ອະທິບາຍວ່າ ບັນຫານີ້ ສ່ວນຫລາຍຖືກຂັບເຄື່ອນໂດຍ ການເພີ່ມຂຶ້ນຂອງຄ່າເຊົ່າເຮືອນ ແລະການຂັບໄລ່ ທີ່ບໍ່ມີເຫດຜົນ (No-Grounds Evictions) ແລະກໍາລັງຮຽກຮ້ອງ ໃຫ້ມີການປະຕິຮູບຢ່າງຮີບດ່ວນ.

Shared housing is becoming increasingly popular in Australia, as more people look to reduce rental costs. So, what key factors should you consider when searching for shared accommodation, and how can you avoid potential scams? - ເຮືອນທີ່ອາສັຍຮ່ວມກັນ (Shared housing) ກໍາລັງກາຍເປັນທີ່ນິຍົມຫລາຍຂຶ້ນ ໃນອອສເຕຣເລັຍ ເພາະຫລາຍຄົນ ຢາກປະຢັດຄ່າເຊົ່າ.ດັ່ງນັ້ນປັດຈັຍສໍາຄັນອັນໃດ ທີ່ທ່ານຄວນພິຈາຣະນາ ເມື່ອຊອກຫາບ່ອນເຊົ່າ ແລະທ່ານຈະຫຼີກລ່ຽງ ການສໍ້ໂກງ ທີ່ອາດເກີດຂຶ້ນໄດ້ແນວໃດ?

ການເລືອກປະຕິບັດດ້ານອາຍຸ (Age Discrimination Commissioner) ຍັງມີໃຫ້ເຫັນຢູ່ທົ່ວໄປໃນອອສເຕຣເລັຍ. ມີການຮຽກຮ້ອງ ໃຫ້ຣັຖບານຈັດຕັ້ງ ວັນຮັບຮູ້ເລື່ອງການຈໍາແນກອາຍຸ (Ageism Awareness Day) ຢ່າງເປັນທາງການ ເພາະພາຍໃນ 20 ປີ, ຈໍານວນປະຊາກອນຜູ້ສູງອາຍຸ ຂອງອອສເຕຣເລັຍ ທີ່ມີອາຍຸສູງກວ່າ 65 ປີ ຈະມີປະມານ 9ລ້ານຄົນ, ຫຼືປະມານສອງເທົ່າ ຂອງປະຈຸບັນ.

Understanding how dental care works in Australia can be crucial for maintaining your health and well-being. Learn how to access dental services, the costs involved, and some essential dental health tips to keep you and your family smile bright. - ການທຳຄວາມເຂົ້າໃຈ ການດູແລສຸຂະພາບແຂ້ວ ໃນອອສເຕຣເລັຍ ສໍາຄັນຕໍ່ການຮັກສາສຸຂະພາບ ແລະຄວາມເປັນຢູ່ທີ່ດີຂອງທ່ານ. ຮຽນຮູ້ວິທີ ເຂົ້າເຖິງການບໍຣິການ ສຸຂະພາບແຂ້ວ, ຄ່າໃຊ້ຈ່າຍ ທີ່ກ່ຽວຂ້ອງແລະຄໍາແນະນໍາ ດ້ານສຸຂະພາບແຂ້ວ ທີ່ຈໍາເປັນບາງຢ່າງ ເພື່ອເຮັດໃຫ້ທ່ານ ແລະຄອບຄົວຂອງທ່ານ ຍິ້ມຢ່າງແຈ່ມໃສ.

ການປ່ຽນແປງໃນການດູແລຜູ້ສູງອາຍຸ ໄດ້ເປັນທີ່ເຫັນພ້ອມຈາກພັກຝ່າຍຄ້ານ ຊຶ່ງກ່າວວ່າ ລາຄາທີ່ສູງກວ່ານັ້ນ ແມ່ນກຸ້ມຄ່າ, ແລະເຊື່ອວ່າ ມັນຈະປັບປຸງພາກສ່ວນນີ້. ການປ່ຽນແປງໂດຍພື້ນຖານກໍຄື ຊາວອອສເຕຣເລັຍທີ່ຮັ່ງມີກວ່າ ຈະຈ່າຍຫລາຍຂຶ້ນ ສໍາລັບການດູແລ. ແຕ່ກໍຍັງມີປັນຫາກ່ຽວກັບການຫາພນັກງານທີ່ຈະເຮັດໜ້າທີ່ເຫຼົ່ານີ້ ເຖິງແມ່ນຈະມີການຈັດຫາເງິນຊ່ອຍເຫຼືອເພີ່ມຕື່ມກໍຕາມ.

ການຂົ່ມເຫັງທາງຈິດໃຈເດັກນ້ອຍ ໃນອອສເຕຣເລັຍ ເພີ່ມຂຶ້ນຫລາຍກວ່າທີ່ຜ່ານມາ ແຕ່ມີພຽງແຕ່ເຄິ່ງຫນຶ່ງ ຂອງຊາວອອສເຕຣເລັຍເທົ່ານັ້ນ ທີ່ຈະລາຍງານກ່ຽວກັບເລື້ອງນີ້. ຜູ້ຊ່ຽວຊານກ່າວວ່າ ຄົນທີ່ເຄີຍປະສົບກັບການຂົ່ມເຫັງທາງຈິດໃຈ ໂດຍສະເພາະ ສ່ວນຫລາຍຈະປະສົບກັບຄວາມຊຶມເສົ້າ, PTSD, ຄວາມວິຕົກກັງວົນ, ທໍາຮ້າຍຕົວເອງ ແລະການໃຊ້ຢາເສບຕິດ ຕລອດຊີວິດ. ນອກນັ້ນ ຜົນກະທົບຂອງ ການຂົ່ມເຫັງທາງຈິດໃຈ ມີຜົນກະທົບ ຄ້າຍຄືກັນກັບ ການເຫັງທາງເພດ.

ແຜ່ນແປະເຂັມຂນາດນ້ອຍ (Micro-needle Patch) ໄດ້ຖືກພັດທະນາ ເພື່ອຮວບຮວມຈຸລັງ ແລະແພຈຸລັງ ໃນການວິນິດສັຍ ໂຣກມະເຮັງ ທີ່ບໍ່ມີຄວາມເຈັບປວດ, ບໍ່ມີເລືອດ, ບໍ່ມີການຕັດຜິວໜັງ ແລະໃຊ້ເວລາບໍ່ເຖິງນຶ່ງນາທີ. ແຕ່ຕອນນີ້ ຍັງຈະຕ້ອງມີການຄົ້ນຄວ້າເພີ່ມຕື່ມອີກ.

Every day, pedestrians across Australia break the law without knowing it. This can result penalties and occasionally accidents. Stay safe and avoid an unexpected fine by familiarising yourself with some of Australia’s common pedestrian laws. - ທຸກໆມື້, ຄົນຍ່າງຖນົນທົ່ວອອສເຕຣເລັຍ ຝ່າຝືນກົດຫມາຍ ໂດຍບໍ່ຮູ້ໂຕ. ສິ່ງນີ້ ອາດກໍ່ໃຫ້ເກີດການລົງໂທດ ແລະອຸບັດຕິເຫດ ໃນບາງຄັ້ງ. ຈົ່ງຮັກສາຄວາມປອດພັຍ ແລະຫລີກເວັ້ນຈາກການລົງໂທດ ທີ່ຄາດບໍ່ເຖິງ, ແລະເປັນຫຍັງ ມັນຈຶ່ງສໍາຄັນ ທີ່ຈະທຳຄວາມຄຸ້ນເຄີຍ ກັບກົດຫມາຍທົ່ວໄປ ຂອງຄົນຍ່າງຖນົນ ຂອງອອສເຕຣເລັຍ.

ການລອບສັງຫານ Donald Trump ເທື່ອທໍາອິດໄດ້ເກີດຂຶ້ນໃນວັນທີ 13 ເດືອນກໍລະກົດ, ໃນລະຫວ່າງການຫາສຽງ ທີ່ເມືອງ Butler, ຣັດ Pennsylvania. ໃນວັນອາທິດ, ຄວາມພະຍາຍາມຄັ້ງທີສອງ ໄດ້ເກີດຂຶ້ນ ຢູ່ສນາມ Golfຂອງອະດີດປະທານາທິບໍດີ ໃນຣັດ Florida. ທາງຣັຖບານກ່າວວ່າ ຈະໃຫ້ຊັບພະຍາກອນທຸກຢ່າງແກ່ໜ່ວຍສືບຣາຊການລັບ (the Secret Service) ກ່ຽວກັບເລື້ອງນີ້.

ເຖິງແມ່ນວ່າກົດໝາຍກ່ຽວກັບ ສັນຊາດ ແລະພົນລະເມືອງຂອງ ອອສເຕຣເລັຍ ໄດ້ຖືກປະກາດໃຊ້ ຕັ້ງແຕ່ປີ 1949, ແຕ່ການປ່ຽນແປງ ໄດ້ເປັນໄປຢ່າງຊ້າຫຼາຍ ເພາະແມ່ນໃນປີ 1967 ເທົ່ານັ້ນ ທີ່ເອກະສານ ຫນັງສືຜ່ານແດນ ຂອງອອສເຕຣເລັຍ ຈຶ່ງໄດ້ຖືກເອີ້ນວ່າ ຫນັງສືຜ່ານແດນ ຂອງອອສເຕຣເລັຍ. ໃນແຕ່ລະປີມີ ພົນລະເມືອງ ອອສເຕຣເລັຍ ໃໝ່ລາຍພັນຫຼາຍໝື່ນຄົນ, ແຕ່ກໍຍັງມີອີກຫຼາຍທີ່ລໍຖ້າການໄດ້ຮັບສັນຊາດຢູ່.

ລາຍງານ ຂອງສະຖາບັນ Grattan ພົບວ່າ ຊາວອອສເຕຣເລັຍ ຕິດການພະນັນສູງ ແລະມີການສູນເສັຍ ປະຈໍາປີປະມານ 1600 ໂດລາ ຕໍ່ຜູ້ໃຫຍ່ນຶ່ງຄົນ ($1635) ແລະເຄື່ອງ Poker machines ເປັນສາເຫດດຽວ ຂອງການສູນເສັຍທີ່ໃຫຍ່ທີ່ສຸດ.

ມີການຢືນຢັນຈາກການຄົ້ນຄວ້າກ່ຽວກັບການໃຊ໊ໂທຣະສັບມືຖື ແລະມະເລັງ. ນັກຄົ້ນຄວ້າກ່າວວ່າ ການສຶກສານີ້ ເປັນຫລັກຖານທີ່ຫນັກແຫນ້ນ ທີ່ສຸດ ຈົນເຖິງປະຈຸບັນວ່າ ຄື້ນວິທະຍຸຈາກເທັກໂນໂລຈີໄຮ້ສາຍ (Wireless Technologies) ບໍ່ເປັນອັນຕະຣາຍຕໍ່ມະນຸດ.

In Australia, workplace codes of conduct differ from company to company, but some standard unwritten rules are generally followed in most businesses and industries. There are also a few unspoken rules in the Australian workplace that can evolve into a set of social norms. Here is how to navigate and familiarise yourself with these unwritten rules when starting a new job. - ໃນອອສເຕຣເລັຍ ກົດລະບຽບການປະພຶດ (ຈັນຍາບັນ) ຢູ່ບ່ອນເຮັດວຽກແຕກຕ່າງກັນ ໃນແຕ່ລະບໍຣິສັດ. ແຕ່ໂດຍທົ່ວໄປແລ້ວ ຈະມີການປະຕິບັດຕາມກົດລະບຽບທີ່ບໍ່ໄດ້ຂຽນໄວ້ທົ່ວໄປ ໃນທຸຣະກິດ ແລະອຸດສາຫະກັມສ່ວນຫຼາຍ. ແຕ່ຍັງມີກົດທີ່ບໍ່ໄດ້ກ່າວອອກ ຫຼືເວົ້າເຖິງ (Unspoken Rules) ໃນບ່ອນທໍາງານຂອງອອສເຕຣເລັຍ ທີ່ສາມາດກາຍເປັນມາດຕະຖານ ທາງສັງຄົມໄດ້. ນີ້ຄືວິທີ ທີ່ຈະຊ່ອຍ ໃຫ້ທຳຄຸ້ນເຄີຍ ກັບກົດທີ່ບໍ່ໄດ້ຂຽນໄວ້ເຫລົ່ານີ້ ເມື່ອເລີ່ມຕົ້ນເຮັດວຽກໃຫມ່

ລາຍງານໃຫມ່ພົບວ່າ ເກືອບເຄິ່ງຫນຶ່ງ ຂອງຜູ້ຍິງອົບພະຍົບ ແລະຜູ້ຍົກຍ້າຍຖິ່ນຖານ ຫລາຍກວ່າ 850 ຄົນ ທີ່ສໍາຫລວດ ລາຍງານວ່າ ໄດ້ປະສົບກັບການລ່ວງລະເມີດທາງເພດ ຢູ່ບ່ອນເຮັດວຽກ ໃນຫ້າປີທີ່ຜ່ານມາ. ການລ່ວງລະເມີດມາໃນຫຼາຍຮູບແບບ. ຜູ້ຍິງໄດ້ບອກວ່າ ປະສົບການເຫລົ່ານີ້ ມັກຈະມາພ້ອມ ກັບການເລືອກປະຕິບັດ (Discrimination) ຫລືການສແວງຫາຜົນປໂຍດ (Exploitation) ຢູ່ບ່ອນເຮັດວຽກ, ຮວມທັງການຢຽດເຊື້ອຊາດ (Racism).

ມູນນິທິມະເລັງເລືອດຂາວ (The Leukaemia Foundation) ໄດ້ເຜີຍແພ່ຜົນການສໍາຫລວດ ທີ່ພົບວ່າ ເຈັດໃນ 10 ຄົນ ຂອງອອສເຕຣເລັຍ ເປັນຫ່ວງວ່າ ປັດຈັຍຕ່າງໆເຊັ່ນ ບ່ອນທີ່ເຂົາເຈົ້າອາສັຍຢູ່, ອາຍຸ, ເພດ, ແນວໂນ້ມທາງເພດ, ລາຍໄດ້, ຫລືແມ່ນແຕ່ ພາສາທີ່ເວົ້າຢູ່ໃນບ້ານ ກໍສາມາດສົ່ງຜົນ ຕໍ່ການປິ່ນປົວທີ່ເຂົາເຈົ້າໄດ້ຮັບ ຖ້າຫາກຖືກພົບເຫັນວ່າ ເປັນໂຣກມະເລັງ.

ອອສເຕຣເລັຍກຳລັງພິຈາຣະນາ ຢາປິ່ນປົວໂຣກສມອງເສື່ອມ ທີ່ຖືກຄົ້ນພົບໃໝ່ ແລະໄດ້ຖືກນຳໃຊ້ແລ້ວໃນຫຼາຍປະເທດ. ຯຕ່ລາຄາຂອງຢານີ້ແພງຫຼາຍ, ແຕ່ນັກວິຊາການກ່າວວ່າ ມັນກໍມີສາເຫດທີ່ລາຄາແພງ.

ທຸກໆປີ, ນັກຮຽນທົ່ວອອສເຕຣເລັຍ ຈະສອບເສັງ NAPLAN, ຊຶ່ງວັດແທກ ຄວາມຊໍານານໃນການຮູ້ໜັງສື (Literacy) ແລະການຄິດໄລ່ (Numeracy). ປີນີ້, ນັກຮຽນຫລາຍກວ່າ 1.3 ລ້ານຄົນ ຈາກຫລາຍກວ່າເກົ້າພັນໂຮງຮຽນ (9431) ຂອງປີ ສາມ, ຫ້າ, ເຈັດ ແລະເກົ້າ ໄດ້ເຂົ້າສອບເສັງ. ບັດນີ້ລາຍງານຂອງ NAPLAN ໄດ້ອອກແລ້ວ, ແລະເປີດເຜີຍວ່ານັກຮຽນ ນຶ່ງໃນສາມຄົນ ໄດ້ຄະແນນຕ່ຳກວ່າມາດຕະຖານຂອງປະເທດ.

Cold weather does not mean a pest-free home. Some pests, like termites, remain active all-year round and winter is peak season for mice and rats preferring your house instead of outdoors. Bed bugs and cockroaches are also on the list of invaders to look out for. Infestations have wide-ranging consequences, including hygiene risks and even home devaluation. Learn how to prevent, identify, and deal with them. - ອາກາດຫນາວ ບໍ່ໄດ້ຫມາຍຄວາມວ່າ ບ້ານເຮືອນຂອງທ່ານ ຈະປາດສະຈາກສັດແລະແມງໄມ້. ສັດແລະແມງໄມ້ ບາງຊະນິດ ເຊັ່ນປວກ ຍັງເຄື່ອນໄຫວຢູ່ຕລອດປີ ແລະລະດູຫນາວ ເປັນຊ່ວງທີ່ໜູ ມັກເຮືອນຂອງທ່ານ ແທນການຢູ່ນອກເຮືອນ. ເຮືອດ ແລະແມງສາບ ກໍຢູ່ໃນລາຍຊື່ ຂອງຜູ້ບຸກລຸກ ທີ່ຕ້ອງລະວັງເຊັ່ນກັນ. ການລະບາດ ມີຜົນກະທົບທີ່ກວ້າງ ລວມທັງຄວາມສ່ຽງດ້ານສຸຂະອະນາມັຍ ແລະແມ່ນແຕ່ການຫລຸດຄຸນຄ່າເຮືອນ. ຮຽນຮູ້ວິທີລະບຸ, ປ້ອງກັນ ແລະ ຮັບມືກັບສິ່ງເຫຼົ່ານີ້.

ສະພາຊຸມຊົນຫຼາຍວັດທະນະທັມ (The Multicultura lCommunities Council-MCC) ຂອງ New South Wales ກ່າວວ່າ ຜູ້ຄົນທີ່ແຕກຕ່າງທາງວັດທະນະທັມ ແລະພາສາ ມີຄວາມສ່ຽງເປັນພິເສດ, ແລະບໍ່ມີຫຍັງຫນ້ອຍກວ່າ ການສັ່ງຫ້າມທັງໝົດເທົ່ານັ້ນ ຈຶ່ງເປັນທີ່ຍອມຮັບໄດ້. ແຕທາງ ຣັຖບານຍັງບໍ່ໄດ້ປະຕິບັດຕາມຄຳແນະນຳຂອງຜູ້ແທນຂອງພັກຕົນເອງ.

Understanding and respecting Indigenous knowledge of medicine may be the key to providing more holistic and culturally sensitive care in today's healthcare setting. - ການເຂົ້າໃຈ ແລະຄວາມເຄົາຣົບ ຄວາມຮູ້ດ້ານການແພດ ຂອງຊາວພື້ນເມືອງ ອາດເປັນຈຸດສໍາຄັນ ໃນການໃຫ້ການດູແລ ແບບຮອບດ້ານ ແລະມີຄວາມເຂົ້າໃຈ ທາງວັດທະນະທັມ ໃນການດູແລສຸຂະພາບ ໃນປະຈຸບັນ.

ນອກຈາກ ບາງປະເທດໃນ Africa ແລ້ວ, ຍັງ ມີລາຍງານຜູ້ປ່ວຍໃຫມ່ ຈາກ mpox ໃນ Pakistan ຫຼັງຈາກມີລາຍງານ ຈາກສະວີເດັນ. ອົງການອະນາມັຍໂລກ (World Health Organisation) ໄດ້ປະກາດການແຜ່ຂຍາຍຢ່າງໄວ ຂອງສາຍພັນ Clade 1b ວ່າເປັນເລື່ອງສຸກເສີນດ້ານສາທາຣະນະສຸກນາໆຊາດ, ຊຶ່ງເປັນລະດັບການແຈ້ງເຕືອນສູງສຸດ.

ບໍຣິສັດອາຫານເດັກຫລາຍແຫ່ງ ຕິດປ້າຍຜລິດຕະພັນຂອງເຂົາເຈົ້າ ທີ່ບໍ່ແມ່ນຄວາມຈິງ, ເຮັດໃຫ້ພໍ່ແມ່ ແລະຜູ້ດູແລເຊື່ອວ່າ ມັນດີຕໍ່ສຸຂະພາບຂອງເດັກ. ການຄົ້ນຄວ້າໃຫມ່ ໂດຍ George Institute for Global Health ໄດ້ເປີດເຜີຍ ຈໍານວນທີ່ໜ້າຕົກໃຈ ໃນການອ້າງ ທີ່ບໍ່ມີການຄວບຄຸມຂອງຜລິດພັນອາຫານເດັກນ້ອຍທົ່ວປະເທດ ທີ່ເຮັດໃຫ້ພໍ່ແມ່ ເຊື່ອວ່າຜລິດພັນ ທີ່ເຕັມໄປດ້ວຍນ້ຳຕານເຫລົ່ານີ້ ດີຕໍ່ສຸຂະພາບ.

Donate Life ກໍາລັງພະຍາຍາມຊຸກຍູ້ ໃຫ້ ຊາວອອສເຕຣເລັຍຈົດທະບຽນເປັນຜູ້ຣິຈາກອະໄວຍະວະຫລາຍຂຶ້ນ. ການແພ່ລາມຂອງ ໂຄວິດ ໄດ້ສົ່ງຜົນກະທົບຕໍ່ການບໍຣິຈາກ ແລະການປ່ຽນອະໄວຍະວະ. ແຕ່ສຳຣັບຜູ້ທີ່ໄດ້ຮັບການປ່ຽນອະໄວຍະວະແລ້ວ ມັນແມ່ນການໄດ້ຄືນຊີບອີກເທື່ອໜຶ່ງ.

ເຖິງແມ່ນວ່າພະຍາດ ປາກເປື່ອຍລົງເລັບ (Foot and Mouth Disease) ຈະບໍ່ເປັນອັນຕຣາຍຕໍ່ມະນຸດ ແຕ່ມັນສາມາດທຳລາຍສັດລ້ຽງໃນຟາມ ແລະສົ່ງຜົນກະທົບແກ່ກະສິກອນແລະເສດຖະກິດສົ່ງອອກ. ຣັຖບານກຳລັງກຽມຮັບມືກັບປັນຫານີ້ ແລະ ຄົນທີ່ເດີນທາງກັບຈາກ ອິນໂດນີເຊັຍ ກໍມີສ່ວນຮ່ວມໃນການປ້ອງກັນພະຍາດນີ້ດ້ວຍ.

ຄົນອອສເຕຣເລັຍຖືກຈັບທີ່ ລອນດອນໃນຂໍ້ຫາວ່າ ຈະວາງຣະເບີດໃສ່ສະຖານທູດຈີນ. ແຕ່ຜູ້ຖືກກ່າວຫາໄດ້ປະຕິເສດຕໍ່ຂໍ້ກ່າວຫານັ້ນ.

ເພື່ອຈະໃຫ້ທະນາຄານແຫ່ງຊາດ ເປັນທະນາຄານ ທີ່ດີທີ່ສຸດ ໃນໂລກ, ຣັຖມົນຕີ ກະຊວງການຄັງ ຈຶ່ງປະກາດໃຫ້ມີການທົບທວນກ່ຽວກັບ ຄວາມຮັບຜິດຊອບ, ວັທນະທັມ, ການແຕ່ງຕັ້ງຄນະກັມການແລະເປົ້າຫມາຍເງິນເຟີ້ຂອງທະນາຄານ. ທ່ານ Angus Taylor ໂຄສົກກະຊວງການຄັງ ຂອງຝ່າຍຄ້ານ ກໍຍິນດີຕໍ່ການເຄື່ອນໄຫວດັ່ງກ່າວເຊັ່ນກັນ.

ສະຖິຕິແຫ່ງຊາດສະແດງໃຫ້ເຫັນວ່າຊາວ ອອສເຕຣເລັຍ ໃຊ້ເງິນປະມານ 24 ພັນລ້ານຕໍ່ປີໃນການເຫຼັ້ນການພະນັນ. ເຖິງວ່ານັກຫລິ້ນພະນັນ ຈະມີຄວາມຮັບຜິດຊອບປານໃດກໍຕາມ ຄົນຜູ້ນັ້ນກໍສາມາດທີ່ຈະຕົກເປັນທາດຂອງການພະນັນໄດ້ ແລະ ຜົນກະທົບກໍຈະມີຂອບເຂດທີ່ກວ້າງ: ຈາກສ່ວນຕົວ, ຊຸມຊົນ ໄປຈົນເຖິງ ວັທນະທັມອີກດ້ວຍ.

ພັກແຮງງານ ຈະສາມາດຜ່ານຮ່າງກົດໝາຍວ່າດ້ວຍພູມອາກາດຫຼືບໍ່ ເຖິງແມ່ນວ່າຈະມີສຽງສ່ວນໃຫຍ່ໃນສະພາຕ່ຳ ແຕ່ວ່າໃນສະພາສູງແລ້ວ ພັກແຮງງານຕ້ອງການການສນັບສນູນຈາກ ພັກ ກຣີນສ໌ ແລະອີກໜຶ່ງສຽງ. ທັງຝ່າຍສນັບສນູນ ແລະ ຝ່າຍຄ້ານກໍມີທັສນະຄະຕິທີ່ແຕກຕ່າງ.

ສຳຣັບຜູ້ປ່ວຍທີ່ຢູ່ໃນຊົນນະບົດແລ້ວ ການຈະໄປຫານາຍໝໍນັ້ນແມ່ນເຣື້ອງຍາກ ດັ່ງນັ້ນ ການປຶກສາທາງໂທຣະສັບຈຶ່ງເປັນທາງດຽວທີ່ຈະຊ່ອຍໄດ້. ແຕ່ການບໍຣິການຂອງອິນເຕີເນັດທີ່ບໍ່ສມ່ຳສເມີ ອາດສົ່ງຜົນກະທົບຕໍ່ການຕິດຕໍ່ໄດ້. ນອກຈາກນັ້ນ ການປ່ຽນແປງໃນການຄືນເງິນຫຼື Rebates ຍັງໄດ້ສ້າງຄວາມສັບສົນແກ່ນາຍໝໍອີກດ້ວຍ.

ການປະຊຸມສຸດຍອດ ຂອງ ໝູ່ເກາະປາຊີຟິກ ໄດ້ພົບອຸປສັກເມື່່ອ ຄີຣີບັສໄດ້ຖອນໂຕຈາກການປະຊຸມ ຊຶ່ງຈະເຮັດໃຫ້ ຈີນມີບົດບາດລາຍຂຶ້ນໃນພູມິພາກ. ຈີນໄດ້ຍື່ນຂໍ້ຮຽກຮ້ອງໃຫ້ ອອສເຕຣເລັຍປະຕິບັດ...ແຕ່ນາຍົກຢືນຢັນວ່າ ຈະເຮັດເພື່ອຜົນປໂຍດຂອງປະເທດເທົ່ານັ້ນ.

ເຄນຢາ (Kenya) ສາມາດໃຊ້ພະລັງງານແສງຕາເວັນໃນການຮັກສາອຸນຫະພູມຂອງ ຢາວັກຊີນ ໂຄວິດ 19 ເຊິ່ງສາມາດໃຊ້ໃນ ຄລີນິກເຄື່ອນທີ່ ແລະສາມາດເຂົ້າເຖິງຊຸມຊົນຫ່າງໄກໄດ້. ຄວາມສໍາເຣັດຂອງໂຄງການນີ້ ສາມາດຊ່ວຍປ່ຽນແປງ ແລະ ປັບປຸງການດູແລສຸຂະພາບທົ່ວໄປໃນທົ່ວປະເທດແລະອາດຈະເປັນໃນພູມິພາກທັງຫມົດ.

ເຮືອນພັກຄົນຊຣາ St. Basil’s ໃນ Melbourne ຖືກກ່າວຫາຈາກຫນ່ວຍງານກວດກາຄວາມປອດພັຍຢູ່ບ່ອນເຮັດວຽກຂອງຣັດ ຍ້ອນທັງພະນັກງານ ແລະຜູ້ອາສັຍທີ່ມີອາຍຸຕ້ອງເສັຍຊີວິດ. ນີ້ແມ່ນປັນຫາທີ່ຊັບຊ້ຶອນ ແລະສາເຫດນັ້ນມາແຕ່ໃສ?

ວັນ ອົພຍົບສາກົນ ແມ່ນວັນສຳຄັນວັນນຶ່ງສຳຣັບຄົນລາວໃນ ອອສເຕຣເລັຍ. ມັນເປັນມື້ທີ່ຄົນລາວອົພຍົບໄດ້ ຣະເລິກເຖິງ ສາເຫດທີ່ຕ້ອງມາເປັນ “ອົພຍົບ” ແລະການທີ່ຈະຕ້ອງຕໍ່ສູ້ດີ້ນຮົນທີ່ຈະປັບໂຕເຂົ້າກັບ ສະຖານະການຕ່າງໆ ໃນປະເທດນີ້ ແລະ ກໍແມ່ນອີກເຫດຜົນນຶ່ງທີ່ຄົນລາວຄວນພູມໃຈທີ່ ເຮົາໄດ້ເປັນສ່ວນນຶ່ງຂອງ ປະຊາຊົນຂອງປະເທດນີ້ ທີ່ມີສ່ວນໃນດ້ານເສຖກິດ, ການເມືອງ, ການພັທນາຕ່າງໆ ແລະເປັນຊຸມຊົນທີ່ເຄົາຣົບກົດໝາຍຂອງປະເທດ. .

ສະຖານະການໃນ ຢູເຄຣນ ກ່ອນການຖືກໃຫ້ມີສະຖານະພາບ ເປັນຜູ້ສມັກເປັນ ສມາຊິກ ນາໂຕ. Lithuania ໄດ້ຫ້າມຣົດໄຟຂົນສິນຄ້າຜ່ານປະເທດຂອງຕົນ ເຊິ່ງໄດ້ສົ່ງຜົນກະທົບຕໍ່ຊາວເມືອງ Kaliningrad ຂອງຣັສເຊັຍ. ທະນາຄານໂລກໄດ້ປະກາດເງິນຊ່ອຍເຫຼືອຈຳນວນ 30 ພັນລ້ານໂດລາເພື່ອຈະຫຼີກລ່ຽງການຂາດແຄນອາຫານໃນທົ່ວໂລກ.

ໃນໂອກາດວັນສລອງ ວັນອົພຍົບ, ທ່ານ ຈັນທະບູນ ແກ້ວມາລາວົງ ໄດ້ໃຫ້ສຳພາດ ກັບ ວິທຍຸ SBS ພາກພາສາລາວ ແລະໃຫ້ທັສນະຄະຕິກ່ຽວກັບຄວາມເປັນອົພຍົບ ແລະໄດ້ມາຕັ້ງຖິ່ນຖານທີ່ ອອສເຕຣເລັຍ ພ້ອມທັງ ສະແດງຄວາມຮູ້ບຸນຄຸນຕໍ່ ອອສເຕຣເລັຍ ໂດຍຜ່ານທາງເພງ.

ແຜ່ນດິນໄຫວໃນ ອັຟການິສຖານຊຶ່ງວັດໄດ້ 6.1 ຣິກເຕີ (Richter) ແລະ ໄດ້ສ້າງຄວາມເສັຍຫາຍ ທັງຊັບສິນແລະຊີວິດ. ອົງການຊ່ອຍເຫຼືອຕ່າງໆຮວມທັງ ສະຫະປະຊາຊາດກໍໄດ້ໃຫ້ການຊ່ອຍເຫຼືອເບື້ອງຕົ້ນ ແລະການຊ່ອຍເຫຼືອແບບຕໍ່ເນື່ອງກໍຍັງຄົງຕ້ອງມີຕໍ່ໄປ.

ການກິນອາຫານຫຼືເຄື່ອງດື່່ມທີ່ບໍ່ຖືກສຸກຂະອະນາໄມ ສາມາດເຮັດໃຫ້ເສັຍສຸຂະພາບໄດ້ ທັງເດັກແລະຊາວໜຸ່ມ ອາດໄດ້ຮັບອິດທິພົນຈາກການໂຄສະນາຂອງອາຫານເຫຼົ່ານີ້. ຣັຖບານກຳລັງຫາທາງແກ້ໄຂຢູ່

ທ່ານນາງ Sally Sitou ເປັນແມ່ຍິງລາວເຊື້ອສາຍຈີນ ຄົນທໍາອິດທີ່ໄດ້ຮັບການເລືອກຕັ້ງ ໃນລະດັບ Federal ໃນເຂດເລືອກຕັ້ງ Reid ໃນປີນີ້.ແມ່ນຫຍັງເປັນສິ່ງບັນດານໃຈ ແລະຊຸກຍູ້ ໃຫ້ໃຫ້ຜູ້ຍິງລາວຄົນນຶ່ງກ້າວສູ່ຫົນທາງການເມືອງໃນ ອອສເຕຣເລັຍ?

ອອສເຕຣເລັຍກຳລັງຈະເປັນປະເທດທຳອິດໃນຊີກໂລກພາກໃຕ້ທີ່ສາມາດຜລິດຢາປ້ອງກັນໂຄວິດ. ມະຫາວິທຍາລັຍ Monash ໄດ້ຮັບການສນັບສນຸນຢ່າງເຕັມທີ່ຈາກຣັຖບານທີ່ຈະເປັນຜູ້ຜລິດຢານັ້ນ.

ການມີເຮືອນເປັນຂອງຕົນເອງ ແມ່ນຢູ່ໃນຈິດໃຈຂອງຄົນເຮົາທຸກຄົນ ແຕ່ການເປັນເຈົ້າຂອງເຣືອນຫຼັງທຳອິດ ບໍ່ແມ່ນເລື້ອງງ່າຍສຳຣັບຄົນອອສເຕຣລຽນ. ປັນຫາເລື້ອງການເປັນເຈົ້າຂອງເຣືອນຫຼັງທຳອິດ ໄດ້ຖືກແນະນຳຕ່າງໆໂດຍຣັຖສະພາກໍຖືກຍົກມາ ຖົກຖຽງຂອງ ນັກຣັຖສາດ ຊຶ່ງແນະນຳໃຫ້ຍົກເລີກພາສີເຮືອນ ແລະປ່ຽນແທນດ້ວຍພາສີທີ່ດິນ. ແຕ່ຊາວອອສເຕຣລຽນກໍເບິ່ງໄປທີ່ນາຍົກຣັຖມົນຕີໃນການແກ້ໄຂປັນຫາຂອງຊາດໃນເລີ້ອງນີ້.

ຄວາມແຕກຕ່າງທາງສມອງ ແຕກຕ່າງກັນໄປໃນແຕ່ລະຄົນ. ບໍຣິສັດໃຫຍ່ໆເລີ້ມຈ້າງງານຄົນທີ່ມີຄວາມແຕກຕ່າງທາງສມອງຫລາຍຂຶ້ນ ເພາະຄົນພວກນີ້ ມີປະສິດທິພາບໃນການເຮັດວຽກສູງກວ່າຄົນທຳມະດາ ເຖິງວ່າ ພວກເຂົາຈະມີຄວາມທ້າທາຍຫລາຍກວ່າ ແຕ່ຖ້າຫາກວ່າພວກເຂົາມີພາວະແວດລ້ອມທີ່ເອື້ອອຳນວຍ ພວກເຂົາຈະເປັນຊັບພະຍາກອນທີ່ສຳຄັນຂອງບໍລິສັດເຫຼົ່ານັ້ນ.

Me-Mel ຫຼື Goat Islandກຳລັງຈະຖືກສົ່ງຄືນຕໍ່ເຈົ້າຂອງດັ້ງເດີມໃນສັບປະດາ ຂອງຄວາມປອງດອງ. ເກາະນີ້ຖືກປະຮ້າງມາຫຼາຍສິບປີ ແລະ ຮັຖບານ New South Wales ກໍໄດ້ອະນຸມັດງົບປະມານ 43 ລ້ານໂດລາເພື່ອຈະປັບປຸງສ້ອມແຊມ ເພາະວ່າມັນເປັນສະຖານທີ່ ທີ່ມີຄວາມສຳຄັນທາງປວັດສາດ ຕໍ່ຊາວ Aboriginal ແລະປວັດສາດຂອງ ອອສເຕຣເລັຍ.

ເຈົ້າໜ້າທີ່ຂອງ SBS ໄດ້ໃຫ້ການຮັບຕ້ອນ ແລະອະທິບາຍ ເລື້ອງຕ່າງໆກ່ຽວກັບບົດບາດ ແລະການບໍລິການຕໍ່ຜູ້ຟັງ ຂອງສະຖານີ ຕໍ່ຄນະຢ້ຽມຢາມຈາກ ສປປ ລາວ.

ການຕໍ່ສູ້ຍັງດຳເນີນຕໍ່ໄປໃນ ຢູເຄຣນ ໃນຂນະທີ່ຢ່າຍ NATO ແລະ ຢູໂຣບກໍຫາທາງທີ່ຈະລົງໂທດ ຣັສເຊັຍ ທາງດ້ານການເງິນ. ສ່ວນຢູເຄຣນ ເອງກໍ ໄດ້ເປີດທາງຣົດໄຟໃຕ້ດິນທີ່ Kharkiv ຊຶ່ງເປັນເມືອງທີສອງ ຊຶ່ງກຳລັງຖືກເບິ່ງວ່າ ແມ່ນການສະແດງເຖິງໄຊຊນະ ທາງທະຫານ.

ການປາກົດໂຕ ແລະການຂຍາຍໂຕຂອງຈີນໃນ ປາຊີຟິກ ຈະມີຜົນກະທົບຫຍັງຕໍ່ນະໂນບາຍຕ່າງປະເທດຂອງ ອອສເຕຣເລັຍ? ຄວາມສຳພັນກັບປັກກິ່ງ ຈະກັບມາຄືກັນກັບປີ 1971 ຫຼືບໍ່?

Anthony Albanese ໄດ້ເລີ້ມປະຕິບັດງານໃນຖານະນາຍົກຣັຖມົນຕີໃໝ່ ຂອງ ອອສເຕຣເລັຍ. ສ່ວນພັກຮ່ວມ Coalition ກຳລັງວິເຄາະ ຄວາມພ່າຍແພ້ໃນການເລືອກຕັ້ງປີນີ້. ໃຜຈະເປັນຜູ້ນຳໃໝ່ຂອງພັກ Liberal ແລະ ໃຜຈະເປັນຜູ້ນຳໃໝ່ຂອງພັກ National Party?

ກ້າວຕໍ່ໄປຂອງຜູ້ນຳຂອງສອງພັກຫຼັງຈາກຜົນຂອງການເລືອກຕັ້ງ. ຄວາມຝັນຂອງ Anthony Albanese ໄດ້ກາຍເປັນຈິງໃນຂນະທີ່ອະນາຄົດຂອງພັກ Liberal ຈະເປັນແນວໃດ ເມື່ອຣັຖມົນຕີການຄັງເອງຍັງສູນເສັຍການເລືອກຕັ້ງ.

ສຳຣັບຫຼາຍຄົນແລ້ວ, ສຳນວນພາສາອັງກິດກໍຍາກທີ່ຈະເຂົ້າໃຈ ແຕ່ວ່າສຳນວນທາງການເມືອງທີ່ເປັນພາສາອັງກິດແລ້ວ ອາດຈະເຂົ້າໃຈຍາກກວ່າປົກກະຕິ, ມາທຳຄວາມເຂົ້າໃຈກັບສຳນວນທີ່ເຮົາອາດຈະໄດ້ຍິນໂດຍສະເພາະໃນລະຫວ່າງການຫາສຽງກ່ອນການເລືອກຕັ້ງໃນປີນີ້.

ດ້ວຍສາເຫດຫຼາຍຢ່າງ ທັງທາງການເມືອງ, ວິກິດທາງທັມຊາດ ແລະການປ່ຽນແປງຂອງທາງເລືອກໃໝ່ທີ່ຜູ້ລົງຄະແນນສາມາດເລືອກໄດ້, ການເດົາສຸ່ມສຳຫຼວດກໍເລີຍບໍ່ສາມາດທີ່ຈະ ຄາດຄະເນຜົນຂອງການເລືອກຕັ້ງດ້ວຍຄວາມໝັ້ນໃຈໄດ້. ແຕ່ຜູ້ຊ່ຽວຊານຫຼາຍຄົນກໍວ່າ ມັນມີໂອກາດຫຼາຍທີ່ຈະເປັນຣັຖບານທີ່ມີສຽງສ່ວນໜ້ອຍ ຫຼື Hung Parliament.

ຊາວອອສເຕຣເລັຍຫລາຍກວ່າ 610 ພັນຄົນຈະປ່ອນບັດເລືອກຕັ້ງເທື່ອທຳອິດໃນຊີວິດ ແຕ່ພັກການເມືອງໃຫຍ່ຄ້າຍກັບວ່າ ບໍ່ສາມາດທີ່ຈະເຮັດໃຫ້ຜູ້ປ່ອນບັດເຫຼົ່ານັ້ນພໍໃຈ ຍ້ອນເຫດຜົນຫຼາຍຢ່າງ. ແຕ່ການລົງຄະແນນສຽງກໍແມ່ນການໃຊ້ສິດໃນການ ກຳນົດວ່າ ພັກການເມືອງໃດຈະເປັນຣັຖບານ ຊຶ່ງຈະມີຜົນຕໍ່ທຸກຄົນໃນປະເທດ.

ນັກວິຈານການເມືອງຫຼາຍຄົນກໍວ່າພັກຂອງ ຝ່າຍ ລັດຖະບານກຳລັງມຸ້ງຫນ້າ ໄປສູ່ການ ສູນເສັຍການເລືອກຕັ້ງ. ແຕ່ຄວາມວຸ້ນວາຍໃນພັກແຮງງານ ແລະ ປັດຈັຍຕ່າງໆທົ່ວໂລກ ອາດມີຜົນກະທົບຕໍ່ໂອກາດທີ່ພັກແຮງງານຈະຊນະການເລືອກຕັ້ງເທື່ອນີ້ຫຼືບໍ່?

ຖ້າຈະເວົ້າເຖິງອະດີດແລ້ວ, ພັກ Liberal ຂອງ ອອສເຕຣເລັຍ ເປັນພັກການເມືອງທີ່ເກົ່າແກ່ແລະມີປວັດອັນຍິ່ງໃຫຍ່ ຈາກ Sir Robert Gordon Menzies ຈົນເຖິງ John Howard. ແຕ່ໃນການເລືອກຕັ້ງຄັ້ງນີ້, ພັກອາດຈະພົບກັບອຸປສັກ ຈາກພາຍໃນພັກເອງ.

ພັກ National Party ແມ່ນພັກການເມືອງທີ່ເກົ່າແກ່ພັກໜຶ່ງຂອງ ອອສເຕຣເລັຍ ທີ່ມີນະໂຍບາຍທີ່ຈະຮັກສາຜົນປະໂຫຍດຂອງ ພູມິພາກ ແລະຊົນນະບົດຂອງ ປະເທດ. ແຕ່ຄວາມປ່ຽນແປງພາຍໃນພັກ ແລະ ປັນຫາເລື້ອງສະພາບອາກາດ ຈະສົ່ງຜົນກະທົບກັບການເລືອກຕັ້ງປີນີ້ລືບໍ່?

ຊາວ ອອສເຕຣເລັຍ ປະມານ 17 ລ້ານ ຄົນທີ່ອາດຈະລົງຄະແນນ ສຽງ ໃນການເລືອກຕັ້ງທີ່ຈະມາເຖິງນີ້. ອົງການ AEC ກ່າວວ່າ ມັນເປັນສິດ ແລະ ຄວາຮັບຜິດຊອບ ຂອງ ປະຊາຊົນໃນການລົງຄະແນນສຽງ ແລະກໍາລັງຊຸກຍູ້ໃຫ້ທຸກຄົນ ອັບເດດລາຍລະອຽດສ່ວນຕົວຂອງຕົນ ກ່ອນການເລືອກຕັ້ງ ຂອງລັດຖະບານ.

ການລົງຄະແນນສຽງກ່ອນມື້ເລືອກຕັ້ງ ຈະມີຜົນກະທົບ ຕໍ່ການຫາສຽງຂອງພັກການເມືອງຢ່າງໃດແດ່? ໝີໃຜແດ່ທີ່ສາມາດໃຊ້ບໍລິການນີ້?

ການເລືອກຕັ້ງແບບບຸລິມະສິດຂອງ ອອສເຕຣເລັຍນັ້ນ ແຕກຕ່າງກັນກັບລະບົບເລືອກຕັ້ງ ຂອງ ອະເມຣິກາ, ສຫະຣາຊອານາຈັກອັງກິດ ຫຼື ອິນເດັຍ. ຄຳອະທິບາຍຢ່າງສັງເຂບ:

ງານປີໃໝ່ປີນີ້ກໍໄດ້ຜ່ານໄປ ເຖິງແມ່ນວ່າ ຈະບໍ່ຄຶກຄື້ນ ດັ່ງຄວາມຕ້ອງການ ແຕ່ ການສືບຕໍ່ທາງສາສນາ ປະເພນີ ແລະວັທນະທັມກໍຍັງມີ ຢູ່ບໍ່ຂາດສຳຣັບຄົນລາວທຸກຄົນໃນ ອອສເຕຣເລັຍ. ໆາງຊຸມຊົນລາວຕ່າງກໍພາກັນຫວັງວ່າ ປີໜ້າ ບຸນປີໃໝ່ລາວຈະກັບມາ ເປັນຄືຫຼາຍປີກ່ອນໆ ໂດຍບໍ່ມີ ໂຄວິດ ມາເປັນອຸປສັກອີກ.

ສຳພາດຍານາງ ສຸທິດາ ຄຳມີ ກັນຫາລີຄຳ. ການເປັນໜໍເປັນແພດແລະຜູ້ຊ່ວຍວິຊາອາຊີບດັ່ງກ່າວບໍ່ແມ່ນຂອງງາຍດາຍ ທັງອາດພາໃຫ້ເຈັບຢ່ວຍຕາຍຍ້ອນໄດ້ດ້ວຍ ໂດຍສະເພາະກ່ຽວກັນພະຍາໂຄວິດ- ຢຈທີກຳລັງອາຣະວາດຢ່ງບໍ່ເລືອໜ້າໃຜແລະຊັ້ນວັນນະ. ການສຳພາດນັ້ນຈະນຳພາໃຫ້ເຫັນບາງສະພາບການໃນແມນລ໌ເລີນ.

ໂຄງການຣົດຟືນຣົດໄຟລາວ-ຈີນກໍໃກ້ຈະສຳເຮັດແລ້ວ ແຕ່ບັນນີ້ ສອງປະເທດ ນັ້ນກຳລັງຈະພັທນາເສັ້ນທາງການຂົນສົ່ງທາງບົກ ຂຸນໜິງ-ວຽງຈນັນ ຢູ່ ແລະ ກຳລັງເຮັດຫຍັງຢູ່ໃນເວລານີ້?

ໂຄວິດ-19 ອາຣະວາດເພີ້ມຂຶ້ນເຮັດໃຫ້ຄົນເປັນມັນຫຼາຍຂຶ້ນຢູ່ຕລອດມາຢູ່ ແຕ່ທາງການລາວກໍຕໍ່ຕ້ານມັນໂດຍໆນາວິທີການຢູ່ສເມີມາ. ບັດນີ້ວຽງຈັນຍົກຣະດັບການຕໍ່ຕ້ານນັ້ນຂຶ້ນຕື່ມເພື່ອຈະເອົາສະນະມັນໃຫ້ໄດ້.

ຢາວັກຊີນ ໂຄວິດ-19 ເຮັດໃຫ້ເປັນໜັນບໍ່? ທາງການສາທາຣະນະສຸກອອສເຕຼເລັຍກຳລັງພະຍາຍາມທັບມ້າງຂໍ້ມູນ ອັນບໍ່ຖຶກຕ້ອງຕ່າໆທີ່ເວົ້າວ່າຢາວັກຊີນ ໂຄວິດ-19 ສາມາດແຕະຕ້ອງ ການມີລູກມີເຕົ້າຂອງຄົນເຮົາ ເມື່ອທີ່ຜູ້ຍິງຜູ້ໜຸ່ມນ້ອຍມາກມາຍລັ່ງເລໃຈ ທີ່ຈະໄປໃຫ້ສັກຢາວັກຊີນດັ່ງກ່າວ. ຣັຖມົນຕີສາທາຣະນະສຸກນີວຊາວທ໌ແວນລ໌ບອກເຕືອນວ່າຜົນສະທ້ອນອັນ ຍືນຍາວຈາກ ໂຄວິດ-19 ຄົງຈະພາໃຫ້ມີບັນຫາໃນດ້ານການມີລູກມີເຕົ້າ.

ອີງຕາມສາທາຣະນະສຸກອອສເຕຼເລັຍ ຜູ້ຍິງມີໂອກາດເຖິງ 1.6 ຄັ້ງທີ່ຈະມີ ບັນຫາໃນດ້ານປະສາດແລະຫ່າງກາຍຫຼາຍກ່ວາຜູ້ຊາຍ. ໜີພາໃຫ້ມີຄວາມເປັນຫ່ວງເປັນຍັຍຂຶ້ນຍ້ອນອັນເນື່ອງມາຈາກນາໆເຫດຜົນ.

ຂ່າວຄາວທີ່ໜ້າສົນໃຈສຳຮັບຣະຍະ 06-9-21

ສປປລາວ ມີໂຄງການສັກຢາວັກຊີນ ໂຄວິດ-19 ໃຫ້ແກ່ພົນລເມືອງໃນລາວ ມາຊົ່ວຣະຍະນຶ່ງແລ້ວໂດຍອາໄສຢານັ້ນຈາກການບຣິຈາກໂດຍຕ່າງປະເທດ. ບັດນີ້ປາກົດວ່າ ສປປລາວ ສຳເຣັດວຽກງານດັ່ງກ່າວໄດ້ຫຼາຍກ່ວາ 50% ແລ້ວ.

ຣັຖບານອອສເຕຼເລັຍກຳລັງດັນກັບຄວາມກົດດັນໃຫ້ນຳເອົາເບັ້ຍ ຈອບຄີບເປີ ຄືນຈາກບໍຣິສັດທີ່ມີກຳໄລ. ນີ້ເປັນດັ່ງນັ້ນເມື່ອມີການເປີດເຜີຽວ່າທຸຣະກິດຫຼາຍພັນຍບໍຣິສັດໄດ້ກຳໄລທະວີຂຶ້ນ ເຖິງສອງສາມເທົ່າເມ່ື່ອໄດ້ເງິນ ຈອບຄິບເປີ.

ນາຍົກຣັຖມົນຕີຣັດຄີວນສ໌ແລນດ໌ກຳລັງປະເຊີນກັບການສິພາກວິຈານ ສຳຮັບທີ່ໄດ້ຮ້ອງຂໍເອົາຜົນການຄົ້ນຄ້ວາອັນທັນການກ່ໜວກັບຜົນສະທ້ອນ ຂອງ ໂຄວິດ-19 ທີ່ມີຕໍ່ເັດກໆທີ່ອ່ອນກ່ວາ 12 ປີ. ນາຍົກນັ້ນຕ້ອງການແບບແຜນອັນທັນການຂອງສະຖາບັນ "ໂດເຮີກຕີ ອິນສ໌ຕີຕູດ" ທີ່ຍານາງຈະສາມາດໃຊ້ກັບຖັນແຖວຂອງຍານາງແລະຄົນໃນ ຄີວນສ໌ແລນດ໌ເພື່ອການຕັດສິນໃຈກ່ຽວກັບເປີດຣັດຄີວນສ໌ແລນດ໌ຄືນໃໜ່. ຄວາມຕ້ອງການຂອງນາຍົກນັ້ນເຮັດໃຫ້ຄະນະຣັຖບານອອສເຕຼເລັຍໃຈຮ້າຍຂຶ້ນຍ້ອນ.

ຄົນ ອັຟການິສຕ໌ຖານ ມີຄວາມຍາກຊາທີ່ຈະຢືດຢື້ເຖິງເງິນຂອງພວກຂະເຈົ້າໄດ້ ແລະສິ່ງຂອງອາຫານທີ່ຈຳເປັນເມື່ອສະຫະຣັດອະເມຣິກາປະກາດວ່າຕົນສຳເຣັດໃນ ການຖອນໂຕອອກໄປຈາກ ອັຟການິສຕ໌ຖານ ແລ້ວ. ຄວາມຍາກຊາດັ່ງກ່າວມີຂຶ້ນເມື່ອທີ່ສະຫະປະຊາຊາດບອກເຕືອນວ່າເດັກໆໃນ ອັຟ ການິສຕ໌ຖານ ທີ່ມີອາຍຸອ່ອນກ່ວາຕົກຢູ່ໃນສະພາບການຂາກເຂີນອາຫານອັນສົມ ບຸນຢ່າງສາຫັດ.

ຂ່າວຄາວສຳຮັບ 04-9-21 ທີ່ເປັນອັນສົນໃຈມີຫຍັງແດ່?

ເຫັນປາກົດວ່າສະຖານະພາບໂຄວິດໃນຫຼາຍແຫ່ງອອສເຕຼເລັຍໄຄຂຶ້ນແດ່ຫຼືບໍ່?

ຕົກມາຮອດວັນທີ 4 ກັນຍາ 2021 ສະຖານະພາບໂຄວິດໃນນີວຊາວທ໌ແວນລ໌ ແລະວິກຕໍເຣັບເຮີະຮ້າຍຂຶ້ນ. ໃນນີ້ທ່ານສາມາດມອງເບິ່ງວ່າມັນແນວໃດກັນແລ້ວ.

ນີວຊາວທ໌ແວນລ໌ມີຄົນເປັນໂຄວິດທະວີຂຶ້ນຕື່ມ. ວິກຕໍເຣັຍຮັບຈອງເອົາການໃຫ້ສັກຢາອັສຕຼາຊີນີກາ 50ຄົນໄດ້. ເອຊີທີບໍ່ໃຫ້ໄລ່ຄົນອອກທີ່ເຊົ່າ 12 ສັບປະດາຍ້ອນການສູນເສັຍຣາຍໄດ້ຫຼືຊົ່ວໂມງເຮັດວຽ.

ສຳພາດ ທ່ານ ບຸນຈັນ ແສງພູມີ ນັກກົດໜາຍອອສເຕຼເລັຍ. ເກົ້າອົກເກົ້າເຍື້ອນຫາກຊິໄດ້ທ່ອນຄຳ ເພີນພາກັນເວົ້າໄວ້ວ່າ ແຕ່ນີ້ກໍ ບໍ່ເປັນໄປດັ່ງນັ້ນສເມີໄປ. ທັມດາແລ້ວ ຊີວິອັນຍາກຈົນລ້ຳບາກຍາກແຄນມັກຈະນຳພາໃຫ້ເດີນ ໄປບໍ່ຮອດບໍ່ເຖິງເຖິງຄວາມສຳເຣັດໄດ້. ແຕ່ທ່ານ ບຸນຈັນ ແສນພູມີ ສາມາດດັນຮ່ຳຣຽນຈົນໄດ້ເປັນນັກກົດ ໜາຍອອສເຕຼເລັຍຈົນໄດ້ ໂດຍເລີ້ມຂຶ້ນໂດຍການໄດ້ມາຢູ່ອອສເຕຼ ເລັຍໃນຖານເປັນອົພຍົກກັບພໍ່ແມ່ໃນເມ່ື່ອຍັງໜຸ່ມນ້ອຍຢູ່. ຊີວິດແລະວຽກງານຂອງທ່ານມີຢູ່ວ່າ :

ສປປລາວ ຊົ່ວຣະຍະນຶ່ງມາແລ້ວໄດ້ການບໍຣິຈາກຢາວັກຊີນ ໂຄວິດ-19 ມາມາຍຈາກ ສປປຈີນ. ນີ້ຖືດໄດ້ວ່າເປັນເຫດການອັນບໍ່ທັມດາກະວ່າໄດ້ ແຕ່ໃນຫວ່າງນຶ່ງນີ້ກອງ ທັບປົດປ່ອຍປະຊາຊົນຈີນກໍນຳເອົາຢາວັກຊີນ ຊີໂນຟາມ ມາມອບໃຫ້ກອງ ທັບປົດປ່ອຍປະຊາຊົນລາວມາກມາຍດ້ວຍ. ເປັນຫຍັງຈຶ່ງເປັນແນວນັ້ນ?

ເຂດເສຖກິດພິເສດບໍ່ແກ້ວເປັນແຫ່ງໃນໃນລາວທີເກືອບຄັບອັ່ງໄປດ້ວຍ ທຸຣະກິດຈີນ. ໃນສະຖານທີ່ດັ່ງກ່າວມີຄວາມຕ້ອງການແຮງງານມາກມາຍ. ໃນຫວ່າງນຶ່ງນີ້ທາງການບໍ່ແກ້ວເຄັ່ງຄັດກົດເກນການຈ້າງແຮງງານຕ່າງໆ ຂຶນ - ດ້ວຍເຫດໃດ?

ຄຸກເປັນບ່ອນພິເສດອັນນຶ່ງເພື່ອກັກຂັງຄົນທີ່ຖຶກສານຕັດສິ້ນໃຫ້ນຳໄປ ກັກຂັງໄວ້ໃນຄຸກແຕ່ບໍ່ມີການໃຫ້ເອົາ ໂຄວິດ-19 ເຂົ້າໄປແຜ່ຣະບາດໃນ ສະຖານທີ່ດັ່ງກ່າວ ແຕ່ດ້ວຍເຫດໃດນັກໂທດລາວຖຶກຕິດແປດເປັນໂຄ ວິດມາມາຽໄດ້?

ສປປ ລາວອ້າງເຫດຜົນກ່ຽວກັບ ໂຄວິດ-19 ຕ່າງໆນາໆຕ້ອງຫ້າມບໍ່ໃຫ້ ອາຫານທະເລໄທຍ໌ເຂົາໄປໃນລາວໄດ້ ແຕ່ພາຍຫຼັງມີການເຈຣະຈາກັນຍືດຍາວ ອາຫານນັ້ນກໍລັ່ງໄຫຼເຂົາໄປໃນລາວໄດ້ໃໜ່. ດ້ວຍເຫດໃດແທ້ໃນຫວ່າງນຶ່ງນີ້ທາງການ ສປປລາວ ຈ່ຶງຈັດບຸນຫານທະເລໄທຍ໌ ຂຶ້ນໃນນະຄອນຫຼວງວຽງຈັນ?