Spektrum

Drie tieners sterf op die Kaapse Vlakte in bendeverwante skietvoorvalle. Nege jong kinders word in Mosselbaai in die hospitaal behandel in verband met moontlik vergiftigde kos van spazawinkels. Alle oë is op die Reserwebank wat vandeesweek 'n aankondiging oor rentekoerse sal maak. Dit is vandag die duisendste dag van die oorlog tussen Rusland en Oekraïne.

Openbare sittings oor 'n voorgestelde kragtariefverhoging begin in Kaapstad. Gemengde reaksie op president Ramaphosa se aankondiging dat alle spazawinkels binne 21 dae geregistreer moet word. Die G20-beraad begin in Rio de Janeiro.

Jou Mosambiek-vakansie - moet jy bly of kan jy ry? Hoe maklik sal dit vir Donald Trump wees om sy kabinetsbenoemings deur die senaat goedgekeur te kry? Rassie Erasmus verduidelik hoekom daar 12 veranderinge aan môre se Bok-span teen Engeland is.

Die Minister in die Presidensie se uitlatings oor die "uitrook" van onwettige mynwerkers lok gemengde reaksie uit. Die situasie by die Lebombo-grenspos tussen Suid-Afrika en Mosambiek bly gespanne, met vragmotors wat steeds nie deurgelaat word nie. Die vroeë stemproses in Namibië en ander lande waar Namibiërs woon, het begin. Diplomatieke verhoudinge tussen Amerika en Spanje is gespanne.

Die Minister van Water en Sanitasie sê waterskaarsheid in Suid-Afrika is ’n realiteit. Johannesburg-metro stem in om sy uitstaande Eskom-rekening van R4,9 miljard te betaal. 'n Peiling deur die Instituut vir Rasseverhoudinge wys dat die meeste mense gunstig voel teenoor die Regering van Nasionale Eenheid.

Vragmotorbestuurders dreig om vandag met 'n staking te begin. Die Gautengse regering gaan die verkoop van plaagdoders by informele winkels verbied. Die wetsontwerp op die SAUK word herroep.

Die kragtoevoer na Johannesburg kan onderbreek word. Ons praat met 'n kenner oor die plofbare situasie in Mosambiek. goeie reën word die naweek oor groot dele van die land verwag.

Advokaat Dali Mpofu sluit aan by 'n reeks voormalige EFF-lede wat nou 'n nuwe politieke tuiste het. Die Onafhanklike Polisie-ondersoekdirektoraat deklassifiseer sy geheime verslag oor die beweerde aandeel van top-polisielede in die sluipmoord op die teenbende-speurder, Charl Kinnear. Die wenners van die Earthsot-pryse is by 'n glansgeleentheid in Kaapstad bekendgemaak. Een-miljard rand se opgradering van die Mosselbaai se hawe in die Tuinroete om sy handels- en toerismefunksie te vergroot. Die Suid-Afrikaanse mans krieketspan wil vergoed vir sy onlangse rits nederlae, wanneer hulle Indië môre in Durban pak.

Die Lemombo-grens tussen Suid-Afrika en Mosambiek bly tot verdere kennisgewing gesluit. Donald Trump van die Republikeine wen die Amerikaanse presidentsverkiesing. Nog onwettige myners kom uit verlate mynskagte na die oppervlak in en rondom Stilfontein en Orkney.

Die Parlement gaan binnekort 'n strenger oog oor die Presidensie hou, danksy 'n nuwe komitee. Die eerste kruisies in die VSA se algemene verkiesing word in die dorpie Dixville Notch in die deelstaat New Hampshire getrek. Sneeu sak uit op Graaff-Reinet in die Oos-Kaap.

Meer as 50 onwettige myners verskyn vandag in die hof in Stilfontein. Die polisie sê 'n span kundiges gaan bewerings oor besmette kositems, wat by spaza-winkels verkoop word, ondersoek. Beleggers in Amerika hou vir eers terug op nuwe beleggings, in afwagting op die verkiesingsuitslag.

Ons praat met 'n kenner oor die aanklagte wat teen oudminister Kodwa laat vaar is. Oproepe dat die brandseisoen verleng word. Suid-Afrika se duurste munt gaan opgeveil word.

Die land se oë is op die Minister van Finansies se mediumtermynbegroting wat vandag in die Parlement gelewer word. ‘n Geregtelike doodsondersoek na die Enyobeni Taverne-tragedie in die Oos-Kaap word hervat. Die stryd verdiep tussen die Demokratiese en Republikeinse presidentskandidate in die komende Amerikaanse verkiesing.

Die ANC se nuwe lidmaatskapstelsel sal voornemende partylede aan strenger verifikasieprosesse onderwerp. Die Departement van Korrektiewe Dienste ondersoek bewerings dat welgestelde gevangenes tronkbewaarders omkoop om spesiale behandeling te ontvang. Die VN se sekretaris-generaal sê Israel se verbanning van die Palestynse Vlugtelinge Agentskap, UNRWA, sal verwoestende gevolge vir Palestynse burgers hê.

Die ANC blyk verdeeld te wees oor die kwessie van nasionale gesondheidsversekering. Ons vind meer uit oor 'n ooreenkoms wat glo visumvrye toegang aan sekere Oekraïense burgers tot Suid-Afrika sal gee. Die oorsaak van die ses kinders wat dood is nadat hulle eetgoed by 'n spaza-winkel in Naledi, Soweto, geëet het, word bekendgemaak. 'n Versoek om die Polisiediens se topbestuur aan leefstyloudits te onderwerp.

Nóg 'n kind sterf naDAT hy glo smulhappies van 'n spaza-winkel geëet het, dié keer in Khubvi buite Thohoyandou in Limpopo.Nog polisiebeamptes word op die toneel van 'n skietery in Bishop Lavis in Kaapstad ontplooi. Elf mense sterf die afgelope twee dae in twee verskillende voorvalle van bendegeweld in Kaapstad. Die Pluimveevereniging vra dat BTW op hoenderprodukte gestop word.

80% van Johannesburg se brûe is op die randjie van ineenstorting. Eskom erken dat die omskepping van die Komati-kragstasie na skoner energie, 'n duur blaps was. Dertig lande wil by die BRICS-groepering aansluit.

Die Valke gaan bewerings van korrupsie en geldwassery ondersoek, wat die Vrystaatse premier, Maqueen Letsoha-Mathae, haar man en verskeie ander verdagtes betrek. Agt verdagtes verskyn môre in die hof in verband met 'n beweerde multimiljardrand-diamantbedrogspul. Die inflasiekoers daal verder.

Twintigduisend onwettige buitelanders word teen 'n koste van R52 miljoen gerepatrieer - net om weer terug te kom. Talle plekke in die Oos-Kaap word weens oorstromings ontruim. Die Amerikaanse presidentskandidaat, Donald Trump, bedien klante by die kitskosrestaurant, McDonalds. Hoë vlakke van misdaad in Gauteng dwing baie besighede om hulle deure te sluit.

Ouers word gewaarsku om nie te veel druk op matrieks te plaas tydens die eksamen nie. Die Joshlin Smith- en Jerobijin Van Wyk-sake maak weer 'n draai in die hof. Verskeie staatsdepartemente begin met 'n intensiewe ondersoek na die oorsaak van honderde gevalle van vergiftiging onder skoolkinders.

Naasbestaandes van Israeli's wat steeds deur Hamas gyselaar gehou word, hoop dat Yahya Sinwar se dood die gyselaars se vrylating sal verseker. Anneke Bosch praat oor haar skitterende kolfbeurt teen die Aussies. Groot reën op pad na dele van die Oos-Kaap en KwaZulu-Natal.

President Cyril Ramaphosa verwys die Wysigingswetsontwerp op Outeursreg na die Konstitusionele Hof. Die tussenverkiesing van die Thabazimbi-munisipaliteit sal op 4 Desember plaasvind. Zimbabwe gaan boere vergoed, wat hulle plase in grondgrype verloor het.

Die voormalige Openbare Beskermer, Busisiwe Mkhwebane, bedank uit die EFF en die parlement. Nog 'n voorval van voedselvergifting onder kinders. Gauteng se departement van gesondheid vergader met die kinders se families. Die Suid-Afrikaanse Inkomstediens sê miljarde rand word deur middel van die tweepot-pensioenstelsel onttrek. Die jongste oor die Minister van Sport, Kuns en Kultuur, Gayton McKenzie, se duur oorsese reis. Verbruikers se finansies bly onder druk weens die hoogste rentekoers in 14 jaar.

Sakevertroue is stadig besig om te verbeter. SANPARKE werp lig op twee brande wat in die Krugerwildtuin uitgebreek het. Ons vind meer uit oor die private ekwiteitstransaksie van R1,3-miljard tussen SA Rugby en die Ackerley Sports Group, wat op die punt is om te misluk.

Die SAKP sê hy is nie beskikbaar om die Regering van Nasionale Eenheid se 100 dae-bestaan te vier nie. Gauteng se waterprobleme bereik ’n krisispunt. Wes-Kaapse munisipaliteite begin om honde-eenhede te open as deel van DBV-takke in die provinsie, om misdaad te bekamp. Ons vind meer uit van die klagtes oor Suid-Afrikaanse soldate in die DRK.

Kerklui en vriende bring hulde aan die ontslape stigter van die Rhema-kerk, pastoor Ray McCauley, wat in Johannesburg gesterf het. Die Tshwane Metro kry vandag 'n nuwe burgemeester. Reaksie op die regering se jongste sperdatum om van puttoilette by skole ontslae te raak. Stemlokale open vir Mosambiekers in Suid-Afrika.

In lig van die SAUK se geldprobleme, stem Sentech in om vir minstens twee maande nié die sein van die uitsaaier te sny nie. Hernieude druk dat spaza-winkels gereguleer moet word ná die dood van vyf kinders in Soweto die afgelope naweek. Mosambiek is in die pylvak van voorbereidings vir sy nasionale verkiesing. Ons praat met ontleders oor die bedanking van dr. John Hlope as lid van die Regterlike Dienskommissie.

Israel herdenk Hamas se aanval op dié land, 'n jaar gelede. Die Regterlike Dienskommissie begin om onderhoude te voer om vakante poste in die howe te vul. Vakbonde betoog landwyd oor die hoë werkloosheidsyfer.

Praktiese wenke om voor te berei vir klimaatsveranderingrampe. Ons vind meer uit wat koolstofekwestrasie vir die landbousektor beteken. Die Verenigde Nasies se Veiligheidsraad het sy volle ondersteuning gegee aan die sekretaris-generaal nadat Israel hom persona non grata verklaar het.

Afriforum vra verskeie politieke partye om hulle van die Regering van Nasionale Eenheid te onttrek, sou sekere klousules in die BELA-wet onveranderd bly. PRASA het nuwe treine aan die loop in Durban ná COVID-vandalisme. Nelson Mandela se voormalige persoonlike assistent, Zelda Le Grange, vertel van haar boek, What Nelson Mandela Taught Me.

Die polisie neem een persoon in vir ondervraging in verband met die massamoord in Lusikisiki. Die Verenigde Nasies se Veiligheidsraad hou 'n noodvergadering oor die toenemende spanning in die Midde-Ooste. Dit is al 'n maand sedert die intstelling van die tweepotstelsel - ons praat met 'n kenner oor al die positiewe en negatiewe verwikkelinge.

Die Onafhanklike Verkiesingskommissie eis 'n verduideliking van die MK-party oor bewerings van verkiesingsknoeiery. Dit is mobiliteitsmaand, en die Wes-Kaapse minister vir vervoer sluit by ons aan. Ons neem polisieverantwoordbaarheid onder die loep.

Die minister van polisie, Senzo Mchunu onderneem om die polisiemag in die Oos-Kaap te versterk ná Vrydag se massaskietery in Lusikisiki. Israel loods ingrypende aanvalle op Libanon en Jemen - ons vra wat is volgende? Kommoditeite soos gou,d vaar bo gemiddeld goed - ons steek kers op by 'n ekonoom.

Die Hooggeregshof verhoed John Hlophe om tydelik aan prosesse van die Regterlike Dienskommissie deel te neem. Die Raad vir Geesteswetenskaplike Navorsing sê die voorkoms van MIV is die laagste in die Wes-Kaap. Amerika en Frankyk vra dat 'n 21 dae lange skietstaking op die grens van Libanon en Israel ingestel word.

Tshwane se stadsraad stem oor 'n mosie van wantroue in burgemeester Cilliers Brink. SanParke se Visie 2040 bepaal dat 30% van Suid Afrika se grond teen 2030 onder beskerming van Sanparke moet wees. Sterrekundiges in Italië ontdek 'n geheimsinnige ring van lig in die ruimte met die hulp van Suid-Afrika se MeerKAT-radioteleskoop.

Die minister van basiese onderwys, Siviwe Gwarube, bring die land op hoogte van nasionale onderwys-begrotingsbesnoeiings. Alle aanduidings is dat die mosie van wantroue teen die burgemeester van die Tshwane-metro, Cilliers Brink, môre voortgaan. Kommer dat moedertale in Suid-Afrika afgewater word, en moontlik heeltemal kan verdwyn. 'n Span sterrekundiges van die Catania-sterrewag in Italië ontdek 'n geheimsinnige ring van lig met behulp van Suid-Afrika se MeerKAT-radioteleskoop. 'n Nuwe foefieslaaid in die Caledon-omgewing in die Wes-Kaap is amptelik die langste ritslyn ter wêrled!

President Cyril Ramaphosa het die tonge los ná sy ontmoeting met die Suid-Afrikaans-gebore miljardêr, Elon Musk, in New York. Ons praat met 'n ekonoom oor die Regering van Nasionale Eenheid se eerste 100 dae aan bewind. Mej. Suid-Afrika, Mia Le Roux, kry 'n warm verwelkoming in haar tuisdorp, Oudtshoorn in die Klein-Karoo.

Ons neem die Regering van Nasionale Eenheid se eerste 100 dae in oënskou. Die regering sê uiterste weerstoestande het hulpverlening op die N3 in KwaZulu-Natal bemoeilik. Sterrekundiges in Italië ontdek 'n geheimsinnige ring van lig in die ruimte, danksy Suid-Afrika se MeerKat-radioteleskoop.

'n Sleutelfiguur in die Eskom-korrupsiesaga by die Kusile-kragstasie, Michael Lomas, word uit Londen na Suid-Afrika uitgelewer. Die Tshwane-metro is op 'n mespunt met intense onderhandelinge oor 'n nuwe koalisie om die stad te regeer. Pretoria maak hom gereed vir 'n skouspel in die lug.

Oud-minister Pravin Gordhan word in Durban ter ruste gelê. Parlementslede eis 'n hersiening van die aanstelling van generaal-majoor Patrick Mobotho as afdelingshoof vir prioriteitsmisdrywe by die Valke. Israel het oornag verskeie teikens van die gewapende groep, Hezbollah, in die suide van Libanon in lugaanvalle getref.

Die DA betoog teen 'n moontlike kragtariefverhoging van 36%. Daar is kommer oor die Koeberg-kernkragstasie se veiligheid nadat Eenheid 1 noodgedwonge afgeskakel moes word. Verbruikersprysinflasie sak terug tot sy laagste vlak in drie jaar.

Motoriste kan nóg 'n daling in die brandstofprys verwag. 'n Studie wys onderwysers ervaar geweldige angs en stres. Die Suid-Afrikaanse Inkomstediens vermeerder invoerbelasting vir oorsese aanlynwinkeliers.

Die onderwysersvakbond, SADOU, eis die Minister van Basiese Onderwys se kop. Die regering wil seismiese opnames vir gas en petroleum in die Karoo doen. Die minister van internasionale betrekkinge en samewerking, Ronald Lamola, sê verskille oor geopolitieke kwessies tussen Suid-Afrika en die VSA moet met werdersydse respek opgelos word.

President Ramaphosa gaan nie nou al die omstrede artikels oor taal en toelating van die Bela-wet in werking stel nie. Die Minister van Basiese Onderwys, Siviwe Gwaruba, boikot die ondertekening van die BELA-wet. Huldeblyke stroom in nadat die voormalige minister van drie portefeuljes, Pravin Gordhan, vanoggend vroeg oorlede is. Amerika gee sy steun aan die voorstel van twee nuwe permanente lede in die Verenigde Nasiese se Veiligheidsraad. Sepsis word as 'n stille sluipmoordenaar beskou, wat elke jaar miljoene lewens eis.

Nóg reaksie op die president se voorneme om die Bela-wetsontwerp te bekragtig. Die Emfuleni munisipaliteit verduidelik hoekom hy kniediep in die skuld is. Die konstruksiesektor het effens herstel in die tweede kwartaal van die jaar.

Oudpresident Jacob Zuma se wapentransaksie-korrupsiesaak word vandag weer in die Hooggeregshof in Pietermaritzburg aangehoor. NERSA gee redes aan die Parlement oor hoekom kragtoevoertariewe by munisipaliteite verhoog is. Die toutrekspan van die Hoër Landbouskool Oakdale in Riversdal word vir die derde agtereenvolgende jaar as wêreldkampioene gekroon. Gauteng se krane kan binne die volgende 30 dae droog loop as mense nie dringend hulle waterverbruik begin beperk nie.

Ekonome verwag 'n aansienlike verdere daling in branstofpryse. Die vervaardigers van 'n dokumentêre rolprent oor die politieke spotprenttekenaar Zapiro, se appèl teen die oorspronklike ouderdomsbeperking van 16, is suksesvol. Darth Vader se stem word stil.

Dokters by die Helen Joseph-hospitaal in Johannesburg in die spervuur in 'n video op sosiale media. Die Minister van Landbou, John Steenhuisen, ondeneem om die werksomstandighede van veeartse te verbeter. Besonderhede oor 'n klasaksie teen Tiger Brands oor listeriose in kos, word vandag bekendgemaak.

President Cyril Ramaphosa belowe sterk optrede teen misdaad, tydens sy besoek aan China, terwyl parlementslede debat voer oor die misdaad van afdreiging. Ons skakel oor na Suzanne Paxton by die TLU se jaarkongres.

Die sekretaris-generaal van die ANC, Fikile Mbalula, klap die sweep oor venynige alliansievennote. 'n Brand in die Tuinroete Nasionale Park word onder beheer gebring. Die AA en OUTA ruik lont oor die regering se rybewyskontrak met 'n Franse maatskappy. President Cyril Ramaphosa sluit ooreenkomste met China wat die uitvoerbedryf kan help.

Misdaadstatistiek vir die eerste kwartaal van die 2024/25 boekjaar is pas bekendgemaak. Interpol word gevra om strenger op te tree teen oorgrensveediefstal. Ons vertel jou meer van 'n spesiale projek, wat Monitor se 50ste verjaarsdag vier.

Oudpresident Jacob Zuma is terug in die hof oor die wapenskandaal van meer as 30 jaar gelede. Spanning laai op oor die beplande mosie van wantroue in Tshwane se burgemeester, Cilliers Brink. Die DA en MK-party wen setels in 14 tussenverkiesings landwyd.

Die Ouditeur-generaal betreur die wyse waarop munisipaliteite infrastruktuurtoelaes gebruik. Statistieke SA se jongste misdaadslagoffer-verslag wys dat Suid-Afrikaners die ergste deur huisbraak geraak word. Ons praat met 'n kundige oor die veelbesproke tweepot-stelsel, en beantwoord luisteraars se kwelvrae.

Politieke partye eis dat die Minister van Justisie, Thembi Simelane, se beweerde betrokkenheid by die VBS-skandaal ondersoek word. Die SAUK se omkeerstrategie is in die kollig in die parlement. Openbare ondernemings soos Denel en Transnet val nou onder nuwe departemente.

'n Brand in die Cathcart-gebied in die Oos-Kaap rig groot skade aan. Die regering vra gemeenskappe om te help om die sogenaamde watermafia te stuit. Die Minister van Gesondheid wil streng optree teen regsfirmas wat bedrieglike eise teen die departement instel oor mediese nalatigheid.

Ons fokus op die tweepot-aftreestelsel, en vind uit hoeveel diegene na aan aftrede hiervan weet. Die minister van elektrisiteit en energie gee terugvoer oor die stand van die land se kragsake. Die Palestyne kry nie 'n spreekbeurt by die Demokrate se konvensie in Chicago nie.

MK-lede wat as LP's verwyder is, spreek die media toe terwyl die MK-leier hom voorberei vir 'n mediakonferensie in Johannesburg. Suid-Afrikaanse kinders verkeer in 'n krisis met een uit 25 wat voor die ouderdom van vyf sterf. Die Springbok Vrouerugbyspan bied 'n afrigtingskliniek in die Oos-Kaap aan om jong vroue te bemagtig.

'n Sterker rand en goudprys, en laer inflasie en brandstofpryse. Ons praat met 'n ekonoom oor dié goeie nuus vir die verbruiker. Die stand van sake by die Departement van Binnelandse sake bedreig nasionale veiligheid. MK-lede se hofaansoek aangehoor oor hulle verwydering as parlementslede. Rassie maak sy Bokgroep teen die All Blacks bekend.

NERSA kry bloedneus in die hof. Is dit die begin van die einde vir die EFF? 'n Duikboot gaan sy deure vir die publiek oopmaak.

Brandbestryders sê van die verwoestende veldbrande in die Vrystaat kon voorkom word. Ons praat met 'n ekonoom oor die sterk lopie van die rand. Sie sekretaris-generaal van die VN vra dat Afrika 'n permanente posisie in die Veiligheidsraad kry.

'n Nuwe burgemeester vir Johannesburg word vandag verkies. Geweld in openbare skole is in die kollig. Suid-Afrika word gekritiseer oor sy deelname aan die SADEK-beraad, wat môre in Harare, Zimbabwe, begin.

'n Belangrike aankondiging oor veranderinge in die EFF se bestuur word vandag verwag. Johannesburg City Power sê hy verminder die kraglading in dele van die stad om die netwerk te beskerm. Ons praat met die GOOD-party oor hoekom hy 'n koalisie-ooreenkoms met die Patriotic Alliance en die ANC in die Theewaterskloof plaaslike munisipaliteit beëindig het.

Die Johannesburg Metro kan teen Vrydag reeds 'n nuwe uitvoerende burgemeester hê. Suid-Afrika het 'n tekort van meer as 8 000 speurders - Rise Mzansi sê landsburgers moet bekommerd wees oor hulle veiligheid. Die Afrika Sentrum vir Siektebeheer en -voorkoming verklaar die Apokke-uitbreking in Afrika as ’n gesondheidsnoodtoestand. Nog 'n grensstreek in Rusland kondig 'n noodtoestand af ná aanvalle deur Oekraïense magte.

Johannesburg se burgemeester, Kabelo Gwamanda, bedank. Ons praat met 'n ekonoom oor die jongste werkloosheidsyfers, Suid-Afrika se Olimpiese Spele-span is terug in die land. Ons vind meer uit die Trust vir Bedreigde Natuurlewe se groot leeu-telprojek.

Ace Magashule se destydse persoonlike assistent verskyn in 'n Bloemfonteinse hof. Drie mense sterf en talle beseer in 'n botsing buite Mbombela. Ons nuwe Mej. Suid-Afrika kuier in die ateljee. Ons praat met 'n politieke ontleder oor Oekraïense magte wat die Koersk-gebied in Rusland binnegedring het.

Die regering vier Vrouedag op Pofadder in die Noord-Kaap. 'n Nuwe wending in die asbesdakverwyderingsaak in die Vrystaat. Die SA Sioniste Federasie reageer op skerp kritiek teen Israel se eerste minister, Benjamin Netanjahoe.

Oorstromings in Malmesbury en Chatsworth aangemeld nadat twee damwalle meegee. Twee mense word vermis weens die oorstromings. Die regering se voorwaardelike aanspreeklikhede vir openbare maatskappye, wat uit hofsake spruit, het teen einde Maart sowat R21 miljard beloop. Op die vooraand van Vrouedag kyk ons hoe verteenwoordigend vroue in die howe is.

Die Minister van Gesondheid, Aaron Motsoaledi, is oop vir gesprek oor die Nasionale Gesondheidsversekering. Die EFF-leier, Julius Malema, vra vir 'n deegelike ondersoek na die skietdood van 'n raadslid in Johannesburg. Hamas stel Yahya Sinwar as sy nuwe hoofleier aan.

Die skietdood van 'n EFF-raadslid in Johannesburg word ondersoek. Asiese markte herstel te midde van kommer oor 'n moontlike resessie in Amerika. Bangladesj se parlement sal binnekort ontbind word om 'n tussentydse regering te vorm.

ANC-president Cyril Ramaphosa belowe om in te gryp by wanfunksionele munisipaliteite. Libiërs wat glo opleiding by 'n onwettige weermagkamp gekry het, verskyn vandag in die hof. Brittanje se premier gaan 'n noodvergadering hou nadat openbare geweld in verskeie dorpe en stede uitgebreek het.

Hoe bang moet Suid-Afrikaners wees vir hulle land se hoogs verrykte uraan? Agri Wes-Kaap praat oor die stand van landbou ná dié provinsie se buitengewone baie reën. Bo-normale reën word vir die somerreënvalgebied voorspel.

Die ANC se appèlaansoek oor die gebruik van die handelsnaam, uMkhonto weSizwe, word in die hof aangehoor. OPOD se onafhanklikheid word bevestig nadat die president nuwe wetgewing bekragtig. Tatjana Smith sê sy sien uit na 'n reuse stryd om nóg 'n goue medalje by die Olimpiese Spele in te palm.

Die veroordeelde verkragter en moordenaar, Thabo Bester, en sy medebeskuldigdes se verhoordatum word vasgestel. Die tugverhoor oor beweerde rassisme by 'n Gautengse skool word vandag afgehandel. Ons praat met kenners oor soortgelyke voorvalle by meer as een skool. Op Wêreld Veldwagterdag praat ons oor dié beroep en sy uitdagings.

Die saak teen adjunkpresident Paul Mashatile se voormalige lyfwagte hervat vandag in die Randburg Landdroshof. Inwoners van die Kanana-township in Noordwes vra die minister van polisie om in te gryp ná 'n massa-skietvoorval by 'n taverne die afgelope naweek. Toenemende kommer oor moontlike grensmisdaad, midde Lesotho se voedselsekerheidskrisis. Venezuela se president Nicolás Maduro is vir 'n derde termyn tot president verkies.

Suid-Afrika sal op 1 September vir die eerste keer ’n vroue hoofregter hê. 'n Regskenner praat oor regter Mandisa Maya se uitdagings. EFF-leier Julius Malema sê hy is beskikbaar om die party vir nog 'n termyn te lei. Grondstortings in Ethiopië eis nog lewens.

Die veroordeelde moordernaar en reeksverkragter, Thabo Bester, beweer sy regte word geskend ná die ontrekking van nóg een van sy 'n regsverteenwoordigers. Die nuwe wet op klimaatsverandering is bekragtig. Ons vind uit wat dit ten doel het. Suid-Afrika se handelsbande met Amerika word onder die loep geneem by die AGOA-forum.

Die President berispe opposisiepartye oor beledigende uitlatings tydens die onlangse parlementêre debat oor sy staatsrede. Die ANC se tugverhoor teen oudpresident Jacob Zuma begin vandag. Die Appèlhof in Bloemfontein beslis dat die gebruik van hommeltuie en ander aasdraende afstandbeheerde toestelle in visvangbedrywighede verban moet word.

President Ramaphosa lewer repliek op die debat oor sy openingsrede. Missing Children South Africa spreek kommer uit oor 'n skerp toename in mense wat in die land vermis raak. Demokrate in Amerika begin met 'n proses om president Joe Biden as kandidaat vir die komende presidentsverkiesing te vervang. Wat is die voor- en nadele van die Wysigingswetsontwerp op pensioenfondse?

Rekenaarprobleme ontwrig vlugte, treindienste en banke wêreldwyd. Politieke partye lewer repliek op die president se staatsrede. Reaksie op die onveranderde repokoers.

Gauteng se onderwysdepartement vra ouers om onvolledige aansoeke vir plasing in skole te voltooi. Die strate om die Kaapstad Stadsaal is in rep en roer voor vanaand se parlementsopening. Landbou-organisasies vra die nuwe minister van landbou om noemenswaardige veranderinge te bring.

Politieke partye deel hulle verwagtinge op die vooraand van die opening van die 7de Parlement. Eindelose probleme met die Nasionale Studentehulpskema (NSFAS) dui volgens die nuwe Minister van Hoër Onderwys, op 'n swakheid in die departement. Die Universiteit van Johannesburg skors 50 studente. Amerikaanse media berig oor 'n beweerde Iranse sameswering om die voormalige president, Donald Trump, te vermoor.

'n Ekonoom lig sy mening oor Donderdag se besluit oor rentekoerse. Ons het die jongste nuus oor stormskade in die Wes-Kaap, en voorspellings van nóg reën in die provinsie. Donald Trump word amptelik as die Republikeine se presidensiële kandidaat genomineer.

Suid-Afrika se regverdige oorgang na groen energie is in die kollig by 'n simposium van die presidensiële klimaatskommissie. Interkaap wen nóg 'n hofsaak teen die polisie en departement van vervoer. 'n Staatsbank word vir Gauteng oorweeg.

Swaar reën rig groot skade aan in Citrusdal, Kaapstad en die Drakenstein-omgewing. Daar is toenemende druk op Joe Biden om aan Amerika se presidentsverkiesing te onttrek. George poog om minder afhanklik van Eskom te word.

ANC-lede sê die aanstelling van opposisie-partylede as voorsitters van parlementêre komitees gee uitdrukking aan die betekenis van 'n Regering van Nasionale Eenheid. Die sekretaris-generaal van die ANC, Fikile Mbalula, kritiseer die aanstelling van die voormalige regter en MK-partyleier John Hlophe, op die Regterlike Dienskommissie. Talle strande in Durban toets weer positief vir hoë vlakke van E. Coli.

Eskom sny duisende mense se krag af, midde van die koue, om infrastruktuur te beskerm. ’n Oranje Vlak 8-waarskuwing is uitgereik vir sterk wind en oorstromings in dele van die Wes-Kaap. Die gebruik van ysterpen-lokvalle versprei nou na ander provinsies. Kommer oor die eskalerende konflik in die Demokratiese Republiek die Kongo.

Swartryp en veldbrande rig groot skade aan aan oeste in Limpopo. Skole in die Wes-Kaap heropen te midde van swaar reën. Die Nasionale Vergadering kies nuwe huis- en portefeuljekomiteevoorsitters.

Die Minister van Elektrisiteit en Energie sê die beëindiging van beurtkrag bly 'n prioriteit. Swaar reën sak uit in die Wes-Kaap, terwyl Suid-Afrikaners in die binneland bibber van die koue. 'n Versoek aan die nuwe Minister van Binnelandse Sake, Leon Schreiber, om dié departement reg te ruk.

Hoe sal Suid-Afrika se nuwe regering van nasionale eenheid werk? Die minister in die presidensie, Khumbudzo Ntshavheni, lig die sluier so 'n bietjie. Sommige waarnemers meen egter dat die ANC in die praktyk weer die uitvoerende gesag sal domineer. Afriforum se vervolgingseenheid tree namens 'n slagoffer op wat met 'n lepel verkrag is. Rugbykoors neem toe in aanloop tot môre se wedtsryd teen Ierland.

Reaksie op die premier van Gauteng se provinsiale kabinet. Inwoners van gekaapte geboue in Johannesburg pleit by die regering om hulle lewensomstandighede te verbeter. Die nuwe Minister van Binnelandse Sake, Leon Schreiber, sê daar is 'n paar kwessies waaraan hy nou dringend sal aandag gee. Orkaan Beryl saai verwoesting in die Karibiese Eilande.