Znüni Pause

#82 Es git zersch widermal fetti Updates!!

Zum eine gitz news weg de OP vo mim Häsli, ich weiss nanig ob ich jz uf Genf gang, ich ha bimne Hörspiel mitgmacht & ich mach nöchst Sunntig en Flohmi 💃🏼

Aber s eigentliche Thema isch "Fakefriends"! Wie erkennt mer die und wie chammer mit dene am beste umga?

#81 Nidisch si isch e Emotion wo menschlich isch. Di einte sind weniger nidisch, di andere meh. S spannende isch aber vorallem, dass das mega viel über eus selber usseit und mir so meh über eus selber chönd lerne.

I dere Folg reddi drübber, warum mir nidisch sind, was das über eus seit und wie mir demit chönd umga.

#79 Simmer ehrlich, mir alli hend Moment, womer mal lästered! Di einte meh, di andere weniger. Aber warum mached mir das? Ich ha das vorallem no spannend gfunde, will das zum eine psychologischi Gründ het, und jenachdem au vieles über eus selber usseit.

Ich red ganz offe und ehrlich mit eu & analysier au mich, wenn und warum ich ab und zue mal lästere. Au was das mit mir macht & i wellne Moment s villicht okey isch.

#78 E Zueschauerin het mir gschribbe, dass sie mit ihrere beste Kollegin en Fründschaftsabbruch erlebbt het und weiss nöd, wie sie demit söll umga. Es isch nanig lang her, wo ich genau au sone Situation erlebbt ha und genau so verlore mit mine Emotione gsi bin. Drum verzelli eu hüt, wie ich demit umgange bi &n was mer ghulfe het.

Zudem labere ich eu no voll vo mim Alltagsstress und NEUE UPDATESS !!!! (und mir hend en special Guest)

#77 Es Thema wo vieli vo eu immer wider beschäftiged isch FOMO! Mer isch villicht inere Gruppe ned debi und het s gfühl, mer verpasst öpis... Ich han vorallem wege FOMO mich meistens apasst und bi Sache mitgmacht, woni eigentli gar nöd so Lust gha han...

Und sit de letschte paar Mönet hani das reflektiert und öpis checkt, woni eigentli scho lang hett sölle checke!

#76 Nach 6 Wuche bini wider zrugg vo de Podcastpause und ich ha SOOOO BOCKK!

Es git zum eine News was sich wird verändere im Podcast, aber au über mis Lebe! I dene 6 Wuche isch einiges passiert und ich ha ufjedefall viel z verzelle! Mis Studium het wieder agfange, am Gashi (mim Haaas) gahts leider nöd so guet & de Gian und ich wend eus e Chatz hole!

#75 Ja ihr hend richtig glese, ich mache für 4 Wuche e Podcastpause! Warum verzelli eu i dere Folg. Zudem gibi eu widermal paar allgemeini Updates vo mim Lebe was gad so los isch und was i de nöchste 4 Wuche no astaht.

Für die wo jetzt wider Schuelstart hend isch safe au spannend will ich gibe no mini personal Tipps für de Start is Studium/Schuel/Lehr 💃🏼

#74 Min Brüeder isch zrugg vo sinere Reis durch Frankrich und het soo viel z verzelle! Vo sinere 6h survival mode Wanderig, sim Schlafplatz mit 20 Spinne, me Hippie-Festival und wie er 160 Schööf ghüetet het uf ere Farm!

Allgemein git er viel Tipps zum alleige reise und was er im Nachhinein villicht andersch gmacht hetti. Fallser eu das also au überlegged isch das di perfekti Folg!

#73 Ich ha demal garkeis spezifischs Thema brucht wills sehr vieles git, woni mit eu mues bespreche! Ich verzelle v o de Familieferie, aber au wie d Situation isch woni wider dihei bi und was alles uf mich wird zuecho...

#72 Sehr vieli da usse würeds zwar ned zuegeh, aber mengmal bruched mir d Bestätigung vo anderne, dass mer das Bild jetzt würklich sölled poste, das mer die Weltreis würkli sött mache und das eim das Oberteil staht! Aber warum eigentlich? Warum sind mir selber ned gnueg selbstsicher, damit eusi eignig Meinig langed?

Das isch es Thema wo mich gad i letschter Ziit beschäftiged het und drum hani mi mal gnau drübber informiert und verzelle eu mini Kentniss i dere Folg 🫶🏼

#71 Bald fangt de Summer so richtig ah (au wenner scho sött aldeeeee)!!

Und ich seg dir vorher aber no ganz wichtigi Pünkt, wied dich druff vorbereitisch, aber au geili Inspo wasd so im Summer chasch mache:D

#70 Mini Schwöster het extremi Prüefigsangst... sie verzellt, wie genau sie das erlebbt und was sie mittlerwile glernt het zum chöne degege mache... zudem hani gad frisch mini Spirale erneut inegsetzt und da mer beidi e Spirale hend, verzellemer vo eusne Erfahrige:)

#69 Ich bi absolut um EM Game aber wenni ehrlich bin hani sehr wenig Ahnig vo Fuessball und dem Ganze... Ich han mer iwie immer sone Podcastfolg gwünscht, wo eifach öpper di eifachste Sache übers Fuessball erchlärt xD

Und drum hani de Gian is Boot ghollt, will er kennt sich huere guet i dem ganze us und het aumal selber Fuessball gspielt.

Er stellt mir die eifachste Frage übers Fuessball und d EM

#68 Es Thema woni immer usem Weg gange bin, willi selber ned ganz sicher bin, obis selber richtig mache hahah xD

Ihr hend mir uf Insta widermal chöne Frage stelle und gad s Thema Rasiere het eu bsunders wunder gno xD

Ich han aber natürli auna anderi Frage beantwortet übers Thema, Frünschafte nach de Schuel, Introvertiert si oder was mer mache sött, wenn de best Kolleg uf eim staht..

#67 Mir sind allgemein bi viel z vielne Situatione am overthinke und überlegge, was ez anderi Mensche über eus denked, ob mir eus falsch entschiede hend oder sind enttüscht wenns ned so cho isch wie mer sichs vorgstellt hend...

AB DERE FOLG WIRD SICH DIS LEBE VERÄNDERE!!!!!! (also bisch dumm wend sie ned losisch)

Es git zersch mal wider es chlises Lifeupdate:D ich bi nämmli fertig mit mim Praktikum, d EM het agfange, de Summer isch finally da und d Welt isch besser (au mini inneri Welt lol)

#66 Gad vor em Summer kikked bi mir d Unsicherheite mit mim Körper no viel meh! I dere Folg verzelli eu, mit welne Unsicherheite ich momentan gad struggle, au wenns mer ultra unagnehm isch, über das z redde hahaha

Ich redde au drübber, wasi vo Schönheits OP's halte, verzelle eu Storys vo früener bezüglich em Thema Unsicherheite und gibe eu Tipps wo mir ultra helfed bzw. ich gibe eu e gsundi Hirnwösch wo eu wider churz id Realität bringt ✨

#65 Ja, de Bruefswahstruggle het jede mal i sim Lebe...

Was will ich werde? Wieso find ich nüt passends? Wieso scho mit 13 müese entscheide?

Wie viel derf ich driredde bi dere Entscheidig vo mim Chind? Söttis nöd direkt studiere? Müssts nöd en Bruef mit gueter Zuekunft mache?

All die Frage hend mir damals gha und ich wür sege mir sind s beste Bispil, wo vo eusne Erfahrige cha verzelle! Ich ha damals nüt gfunde wo zu mir passt und für mini Eltere isch das nöd eifach gsi...

#64 Letscht Wuche hani Geburtstag gha und bin 23i worde. I mine letschte Jahre han ich sehr vieles dezue glernt und mich witer entwickled und het die Sache gern mim junge "ich" gseit :)

Drum hani denkt ich mach e Podcastfolg, woni eu vo all dene Pünkt verzelle!

#63 Di letschte Täg sind unglaublich stressig und emotional gsi.. S Schlimmste: mir hend eus vom Lino, eusem Stubbehaas müese verabschiede..

Ich widme die Folg vorallem am Lino aber irgendwie au mir selber, zum irgendwie chöne mini Gedanke ordne und das Ganze au biz besser verarbeite...

#62 Es git widermal e Podcastfolg mit em Gian. Mer redded zerscht über d All in Games, denn über die alte YouTube Ziite, denn über de Stress als Influencer und s Vorurteil das s Influencer sii kein Job isch und am Schluss s Thema Usbildig.

#61 Über Stress chönnti es Buech schribe... Ich gleb jede vo eus kennts, das mer so en hööche Berg a Sache vor sich het, wo mer müsst mache und denn inen Mental Breakdown chunnt :D

Ich gibe euu Tipps, wo mir amix würkli helfed (will Meditiere wär safe au guet, aber machemer eh ned hahahahh)

#60 Gad i de frische Verliebtheitsphase passierts sehr schnell, das mer sini Fründe vernachlässigt und nurno de Partner im Fokus het. Das cha aber ned nur am Afang, sondern au während de Beziehig es Problem sie.

Fründe z ha nebed em Partner isch so wichtig! Warum das so isch & was mini Struggles zu dem Thema sind, verzell ich eu i dere Folg 🫶🏼

#59 D Sarahí het Familie in Mexiko und au ihre Dad will bald det hi zie... Es isch ned eifach, zwei Diheis z ha uf zwei verschiddnige Kontinente aber es het au mega geili Vorteil.

Denn reddemer über Verhüetigsmittel und eusi Erfahrige, Tabuthemene, eusi Jugendziite, Selbstbefriedigung, Jungs und über die hütigi Generation zum Thema Sex.

#58 Ich bin gad uf de Studentereis in Berlin und het im Lebe nie denkt, dasis no schaffe, e Podcastfolg ufzneh...

Ganz sponti gitz jetz aber e ultra wyldi Folg mit de Nina, ere Studente Kollegin vo mir. Sie verzellt vo ihrere Lehr, wo sie belästigt worde isch, vo ihrne Problem mit em Buch & ihrem spontante Talk mit Obdachlose da in Berlin.

Es isch e amüsanti Folg mit sehr viel Lache worde xD

#57 Es git mal wider e Folg, woni euui Frage beantworte zu allne mögliche Themene:)

#56 Vorallem denn wenn sich e Person komisch verhaltet oder öpis komischs seit, fangt mer direkt a öpis ine interpretiere. Finded die Person mich langwilig, unsympathisch oder astrengend?

Es gaht so wiit, das de Chopf würklich aktiv afangt Gründ sueche, zum die Theorie bestätige. Das füehrt so wiit, dasd am End würkli e ultra verzerrti Wahrnehmig hesch, wo garnüme de Realität entspricht..

Durch das han ich mir selber scho so oft schöni Moment zerstört. Und damit dir das ned au passiert, gibi eu mini Tipps uf de Weg, woni di letschte Jahr für mich dezue glernt ha <3

#55 Ich bi mit es paar Content Creators für 3 Täg in Adelbode go Skifahre. D Leila und ich hend sponti beschlosse, e Podcastfolg am 01:00 ide Nacht ufzneh - huere gueti Idee gsi. Jetz hender e Folg mit crazy Storytimes, Lachflashes und unlustige Jokes.

#54 Ich mach es 100% Studium und schaffe nebedbi 100% als Content Creatorin... mengmal hani Moment wo alles super ufgaht und mengmal hani Moment, woni afang struggle und irgendwie au zwiifle...

Sonen Moment hani irgendiwe gad momentan und über das red ich i dere Folg hehe

#53 E exklusivi Podcastfolg mit Papistyle und Mamistyle höchst persönlich.✨

Mir redded über Social Media, ihri & mini Generation, mini cringi Vergangeheit vo mine erste Videos, und und und...

#52 Ich bin jetzt 5 Jahr inere Beziehig und weiss mittlerwile zu 100% das ich i de richtige Beziehig bin! Aber das isch nöd immer so gsi. Ich chönnt es Lied devo singe zu dem Thema, das mer unsicher isch, ob das de richtig Partner isch...

Drum verzelli eu hüt mini Pünkt, wo für mich e gsundi und richtigi Beziehig ufzeichnet.

#51 Immer wider han ich mal so Schüb, woni mega ine negativi Spirale chume und jedi Situation und jede Satz woni gseit ha überdenke. Das chunnt mengmal so wiit, dasi s Gfühl ha, das mi niemer gern het... Hüt reddi mal Realtalk drübber, maybe bini ja nöd allei demit <3

#50 Au wenn mir i de gliche Familie ufgwachse sind, sind mir teilwis komplett unterschiedlich und het verschiedeni Struggles i eusne Jugendziite. Vorallem d Ziit als Chind isch bi eus teilwis komplett anders gsi. De Cedi hetti mich im Lebe nie umarmt & jetzt laht er mich nüme los - so isches halt unter Gschwüsterti lol

#49 Yeeyyyy demal isch d Agnes min Podcastgast. Mer redded mal chli Realtalk übers "Influencer-sii", wie mir zu dem cho sind, wies für eus isch erchennt z werde & wie eusi Eltere damals reagiert hend

#48 De Gian isch i sinere ganze Schuelziit ane Montessori Schuel gange. Das bedütet selbstbestimmts Lerne, gmischti Altersgruppe, kei Note & Lehrer als Friends, wtf xD

Ich bi ane typischi Staatsschuel und drum ab und zue mal us allne Wulche gheit :D

#47 Endlich gitz mal wider e Folg woni eui Frage beantworte! Ich liieb das Formaat!

Ich redde Realtalk über Ex-Fründe. Was isch, wemmer ihn ufeimal spontan atrifft & was isch wenn mer wider mit ihm zeme chunnt? Ich sege mini Meinig zum Thema Abtriibig, Beziehig zu Eltere & wenn die best Kollegin ufeimal inere Beziehig isch, & no vieles meeeeee...

Ihr erfahred also au spicy details us mim Lebe💃🏼

#46 Mal e sehr emotionali und ehrlichi Folg... Es Thema wo mer sehr nööch gange isch und woni niemerem wünsche, daser das mal erlebbt... 🕊️

#45 Ich studiere jetzt es halbs Jahr a de ZHdK im Studiegang Cast/Audiovisual Media & bechume oft frage, was ich i mim Studium genau mache... Gad jetzt hemmer es Projekt gha, wo mer meega am Herze liit & fr au soo nervezerrissend gsi isch omg!

(Für die wo nur s Projekt wend gse: ab 19 min)

#44 Gad hüt isch mini Kollegin uf de Strass agmacht worde und das het eus easy is Gspröch bracht. Wie chammer öpper am beste aspreche und was sött mer sege? Oder wie sött mer am beste reagiere? Es git auna funny Storytimes wie ich, aber au de Gian scho agmacht worde sind uf de Strass hahaha xD

#43 D Leila und ich sind beidi inere langjährige Beziehig. Drum reddemer mal Realtalk vo Ifersucht, Kennelernstory bis zu Icks wo mer bi eusne Boyfriends am Afang gha hend xD

Ihre Podcast: Simply Oversharing

Und sorry wenns amix chli gruuscht het. mer sind iwie unfähig gsi mit Mikrofon hebbe:(

#41 Öpis wo mer mengmal mega schwer fallt isch, mit Kritik umzga.... Wieso nimmi das mega schnell persönlich und warum fühli mi gad agriffe?

Ich ha i dere Folg mich selber reflektiert & mich schlau gmacht über d Psychologie dehinter xD

#40 E Frag wo ich scho oft mit Friends besprich, will ich oft anderer Meinig bin als sie bzw. andersch ticke xD Cha sie, dass das au demit z tue het, will ich andersch ufgwachse bi, aber vlt ischs au ein Ding von unterschiedlichen Interessen. Bi sehr gspannt, obs öper git, wo mit mir cha relate :D

#39 De Gian und ich sind mittlerwiile sit 5 Jahr zeme. Aber was isch eigentlich eusi Love Language? Das findemer mit eu zeme i dere Podcastfolg use mit eme Online Test. Vo Diskussione, zu cute Moment bis zu halbem Beef isch i dere Podcastfolg alles debi :D

Zum Link:

https://www.eric-hegmann.de/blog/allgemein/welche-der-5-sprachen-der-liebe-sprechen-sie/

#38 Es git widermal en chillige Talk, wos nöd speziell um es Thema gaht sondern ich eifach druf loslabere. Vo Wiehnacht zu Erwachse werde bis zu de Psychologie hinder me Interview lol.

#36 Ich hasse eigentlich die Frag "Was sind dini Ziel im Lebe?" Ich ha si aber vorallem immer ghasst, will ich nie würkli e Antwort druf gha han. Drum han ich mer würklich Ziit gno und mich mit mine Lebensziel usenandgsetzt und verzelle eu jetzt devo, zum eu helfe, eui Ziel z finde xD

#35 Will eu di letschti Podcastfolg woni eui Frage beantwortet ha, so guet gfalle het, gitz jetzt e zweiti <3

#34 Mal wider e Podcastfolg mit em Gian. Mir redded drübber, wieso mir zemezogge sind und wies so isch bis jetzt mit em Partner zemezieh (umd zwar wies WÜRKLICH isch!)

#33 Ich han ADHS, also eigendlich ADS, aber de ander Begriff seit eu vlt eher was:) Ihr hend eu e Folg gwünscht, dasi mal drübber redde, was das genau isch, wie ich bemerkt ha dasi das ha & wie min Alltag demit isch

#31 Ihr hend welle dasi übers Thema Fründschafte redde und ich han eu mini Meinig über s Thema "BFF" gseit & warum ich keini han. Zudem hani e chlini Checkliste gmacht, wo du chasch teste ob dini Friends dir au würklich guet dünd.

#30 Ich bi praktisch mit me Smartphone und Social Media ufgwachse und wünsch mir mengmal sogar, das ich lieber i de 90er Jahr lebe welle wür. Mini Mom hingege gseht das genau umgekehrt und isch froh, das es mittlerwile Handys git...

#28 De Gian, ma Boyfriend, isch wider mal zu Gast und mir hend eu seehr viel z verzelle... Es git nämmli bi beidne sehr grossi Updates!! :D

#27 Demal mal wider es chlises persönlichs Lifeupdate vo mir. Mis Studium fangt nöchste Mäntig ah und ich bi echt chli ufgreggt... Vorallem will ich eigentlich mini Selbständigkeit glich witerfüehre will. Zuedem sött ich no uszieh und e Wohnig mit mim Fründ sueche... Das alles macht mer sehr Angst

#26 Mini Mom verzellt eu, wie sie min Dad kenneglernt het, aber au was sie über de Gian denkt het, wo mir frisch zeme cho sind.

#25 Momentan han ich sehr demit z Kämpfe, dasi oft Overthinke und debi ständig e inneri Stimm ha, wo ständig d Situation negativ interpretiert, obwohl sie villicht eigentlich in reallife gar nöd so isch...

Letsss talk about it & wie ich demit umga

#23 Ich bin mit em Gian jetzt chli meh als 4.5 Jahr zeme und i dene Jahr han ich sehr viel über mich aber au übers Beziehig füehre glernt und ha denkt, dasi die Erkentniss mit eu mal teile xD

#22 D Emma, Filipa, Hannah und ich sind gad im Tessin ide Ferie und ich ha die Chance natürli gnutzt zum für eu mal sonen RICHTIGE Girlstalk aka grossi Schwöster Talk z mache xD

Mer redded über eusi Unsicherheite und wie mir demit umgönd, gebed Tipps, verzelled cringi Storys über euse ersti Crush und wie mir i eusere Pubertät gstruggled hend...

#21 Nüm lang gahts und denn isch de ersti Schueltag.. au vo mir. Mitti September fang ich ah Studiere und ich bin genauso ufgreggt wie ihr! Aber zeme meistemer das höhö xD

Dur mini vielne "Erste Schueltag Erfahrige" gibi eu mini Tipps und verzell au, wie min erste Schueltag damals im Gymi gsi isch

#20 Actually reddi über es sehr persönlichs Thema wo mich di letschte Jahr immer mal wider belastet het und ich han mich finally mit mim Problem konfrontiert & genau das isch mini Message i dere Folg <3

#19 mal wieder chli Realtalk.. Momentan isch das eis Thema wo mi i letschter Ziit sehr beschäftiged und ich möcht würklich mal komplett ehrlich si mit eu.

Gad als Influencer sötsch ja demit rechne & das nöd persönlich neh, aber so eifach ischs mengmal nöd...

#17 Sich z schnell verliebe, oder doch nur en Crush ha? Und ab wenn isches eigentlich richtigi Liebi?

Ide Podcastfolg red ich mit minere Schwöster (Joelle, 18) und mim Brüeder (Cedric, 20) ob mir eus scho mal würklich verliebt hend, obs de perfekti Partner git & eusi eigene Erfahrige mit em ganze Thema "verliebt si"

#16 Finally chunnt d Folg vom "grossi Schwöster Talk"! ✨

Ihr hend mir all eui Frage und Struggles verzellt und ich bin i dere Podcastfolg druf igange, ha vo mini eigene Erfahrige verzellt und eu mini Ratschläg uf de Weg ge xD Has huuuere niice gfunde mal so chli direkter chöne uf eu iiga <3

#15 Ich und min Brüeder de Cédric (20) redded über de toxischi Tüüfelschreis vom "Beliebt si" bis zu "Mobbing" und au vo eusne eigene Erfahrige womer ide Schuel gmacht hend. Es wird ufjedefall deep.

#13 S erste Mal...

Für vieli es Tabuu Thema aber ich han umbedingt mal welle drübber redde ohni es Blatt vors Muul z neh! Ich han kei grossi Schwöster gha wo mir erchlärt was wichtig isch und was mer sött wüsse. Drum übernimmi de Part natürlich gern für eu und verzelle vo mine Erfahrige und was ich gern vorher gwüsst hetti:)

#12 De Summer chunnt langsam und no vor es paar Jahr isch das würkli mini grössti Sorg gsi... Ich han nie es passends Bikini gfunde und het am liebschte jedes Treffe ide Badi abgseit, willi mi sooo unwohl gfühlt han i mim Körper!

Ich verzelle eu vo mine Struggles mit mim Körper damals und au crazy Storys vo früener, wie Lüüt sich über mini Oberwiiti lustig gmacht hend und verrat eu, wie ich hüt demit umga und wie ich us dem ganze Mindset so chli usecho bi (au wenn nanig 100% :)

#11 Zwei Jahr isches jetzt her, woni mini Matur gha han. Und ich het damals SO GERN öpper gha, wo mir nützlichi Tipps git und seit wie das ganze genau ablauft und was mich erwartet...

Yoah, drum probieri jetzt eue Ars*hh so chli z rette und seg eu alles, wasi mim früenere ich gern wür sege <3

#10 Storytime über min Start mit Social Media + Tipps für Afänger:)

Ich verzell eu, wies mini Friends und au s Gymi damals reagiert het (inkl Lehrer & Rektor 🥴) aber au de Gossip wies toxisch damals d Beziehig zwüsched de anderne Influencer gsi isch am Afang...

Falls du dir au am überlegge bisch mit Social Media azfange han ich am Schluss no paar personal Tipps für dich:)

#9 Söttsch eigentlich produktiv si und lerne oder dis Workout no mache, wod der eigentlich vorgno hesch?

Ich kenns zuu guet hahaha... Meistens isch garnöd d Lust s Problem sondern d Motivation, oder ebe di nöd vorhandeni Motivation!

Abbberrr ich gib eu mini ganz wylde Tipps, wo mir selber huuere vill Motivation gebed und pushh eu, zum endlich eues Füddli bewege✨

#7 Finded mich anderi unsympathisch, nervig oder cringe?

Die Gedanke mach ich mir mega oft, wenn ich mit anderne Lüüt unterwegs bin. Ich bin grundsätzlich was das agaht, en sehr unsichere Mensch & bruch genau us dem Grund Bestätigung vo usse, will ich sie mir selber nöd chan ge...

Ich verzelle eu vo mine Struggles wo ich scho erlebbt han und gib es Paar vo mine Tipps uf de Weg <3

#6 Normalerwis suech ich mir vor em Podcast immer es Thema use, zum drübber redde.

Die Wuche hani mi eifach mal denah gfühlt, zum eu verzelle, wie ich mich momentan fühl und was mich beschäftiged. Über Heiweh, Überforderig mit Social Media, aber au me crazy Lifeudate, wo mis Lebe für di nöchste paar Jahr wird beiflusse..

#5 Gad wo ich s erste Mal en Sprachufenthalt gmacht han, han ich echt demit z Kämpfe gha zum Lüüt finde und mich wohl fühle. Mittlerwile hani mini Tipps & Tricks, wie ich mit me neue Umfeld klar chum und verzell eu vo mine Erfahrige.

#4 Yeyy min allererste Gast imim Podcast isch mini Schwöster d Joëlle (17). Da ich gad jetzt mini Prüefige fürs Studium hinder mir han, redded mir über Prüefigsängst aber au allgemein de Druck ide Gsellschaft wo mer gspüürt, wemmer sich entscheide sött, welle Bruef oder welli Schuel mer sött in Zuekunft mache. Mir beidi verzelled vo eusne Erfahrige, wo eus teilwis recht prägt oder sogar traumatisiert het. Bsunders für d Joëlle isches e sehr schwirigi und langi Phase gsi. Sie het ebe nöd, wie ihri Gschwüsterti eifach d Gymiprüefig bestande...

#3 "Die ersti Liebi vergisst mer nie." Ja, au ich han si ned vergesse, sus würi obviously au nöd en ganze Podcast drübber mache woni eu vo minere erste Liebi verzell höhö xD Au wenn ich uf Social Media no nie drübber gredded han, isch d Story eig ganz funny und irgendwie au cute:) Ich verzell, wie ich mini ersti Liebi kenneglernt han, vo mim erste Kuss & das ich easy Angst devor gha han und au paar peinlichi Side Stoys wo ide Kennelernphase passiert sind HAHA