Spursmál

Sig­mund­ur Davíð Gunn­laugs­son formaður Miðflokks­ins situr fyr­ir svör­um í leiðtoga­spjalli und­ir stjórn Stef­áns Ein­ars Stef­áns­son­ar í nýj­asta þætti Spurs­mála.

Flokk­ur Sig­mund­ar Davíðs hef­ur verið í sókn að und­an­förnu og nú hef­ur hann, líkt og aðrir, kynnt odd­vita í hverju kjör­dæmi ásamt fram­boðslist­um.

Hvert stefni Sig­mund­ur ef niðurstaða kosn­inga verður með þeim hætti sem kann­an­ir gefa til kynna? Sér hann sam­starfs­flöt við aðra flokk og hvar er hann reiðubú­inn að gefa eft­ir?

Auk Sig­mund­ar mættu þau Erna Mist Yama­gata, lista­kona og pistla­höf­und­ur, sem sit­ur í 9. sæti á fram­boðslista Viðreisn­ar í Reykja­vík­ur­kjör­dæmi suður, og Her­mann Nökkvi Gunn­ars­son, blaðamaður á Morg­un­blaðinu og sér­fræðing­ur í banda­rísk­um stjórn­mál­um, í settið til að fara yfir það sem er efst á baugi á hinu póli­tíska sviði hér­lend­is og er­lend­is.

Líkt og und­an­farna föstu­daga mætti Andrés Magnús­son, full­trúi rit­stjóra Morg­un­blaðsins, til leiks og fór yfir nýj­ustu töl­ur úr skoðana­könn­un Pró­sents í þætt­in­um og varpaði ljósi á fylgi flokk­anna sem bjóða fram á landsvísu.

Öll spjót standa á Kristrúnu Frosta­dótt­ur for­manni Sam­fylk­ing­ar en flokk­ur henn­ar mæl­ist enn sem fyrr stærst­ur í öll­um skoðana­könn­un­um.

Kristrún mæt­ir nú í Spurs­mál og svar­ar fyr­ir stefnu flokks­ins, sem þess­ar kann­an­ir benda til að muni hljóta fram­gang að lokn­um kosn­ing­um. Ætlar Kristrún að hækka skatta og ef svo er hvaða skatta? Hverju eiga auðlinda­gjöld að skila og hvernig lýs­ir Kristrún hinu svo­kallaða ehf.-gati sem Sam­fylk­ing­unni er tíðrætt um.

Þá mæta þau Vala Garðars­dótt­ir forn­leifa­fræðing­ur og Þórður Snær Júlí­us­son blaðamaður. Hún býður sig fram fyr­ir hönd Fram­sókn­ar­flokks­ins og verm­ir 3. sætið í Suðvest­ur­kjör­dæmi. Þórður Snær er í Sam­fylk­ing­unni og sit­ur í 3. sæt­inu í Reykja­vík norður.

Þau fara yfir frétt­ir vik­unn­ar, m.a. vend­ing­ar tengd­ar Jóni Gunn­ars­syni og njósn­um sem son­ur hans hef­ur orðið fyr­ir.

Sneisa­full­ur þátt­ur af spenn­andi umræðu um stjórn­mál dags­ins og kosn­ing­arn­ar 30. nóv­em­ber næst­kom­andi.

Bjarni Benediktsson er gestur Stefáns í þetta skiptið. Fylgi Sjálf­stæðis­flokks­ins hef­ur flökkt tals­vert síðustu vik­ur en flokkn­um hef­ur reynst erfitt að halda í þann ár­ang­ur sem kom fram í könn­un­um í kjöl­far þess að stjórn­inni var slitið.

Andrés Magnús­son, full­trúi rit­stjóra á Morg­un­blaðinu fer yfir nýja könnun á fylgi flokka.

Þá mæta tveir frétta­menn RÚV í settið til Stef­áns Ein­ars og ræða frétt­ir vik­unn­ar, bæði inn­lend­ar og er­lend­ar. Það eru þau Odd­ur Þórðar­son og Urður Örlygs­dótt­ir.

Sneisa­full­ur þátt­ur af áhuga­verðum frétt­um og lif­andi umræðu um mik­il­væg­ustu mál­efni landsins.

Inga Sæland formaður Flokks fólksins situr fyrir svörum. Í síðustu skoðana­könn­un­um Pró­sents hef­ur fylgi flokksins verið í hæstu hæðum en sam­kvæmt nýj­ustu könn­un mæl­ist hann ein­ung­is með þrem­ur pró­sentu­stig­um lægra fylgi en Sjálf­stæðis­flokk­ur og Miðflokk­ur og mæl­ist nú í 11,2%.

Má því segja að Flokk­ur fólks­ins sé á hvín­andi sigl­ingu þrátt fyr­ir að stefnu­mál flokks­ins séu enn frek­ar óljós. Það verður því at­hygl­is­vert að fylgj­ast með hvort breyt­ing­ar kunni að verða á fylg­inu þegar stefnu­skrá flokks­ins verður gerð op­in­ber.

Í þætt­in­um verður þjarmað að Ingu og knúið á um svör við því hver helstu áherslu­mál flokks­ins verða í þeirri kosn­inga­bar­áttu sem nú stend­ur yfir og hvers verður að vænta af Flokki fólks­ins þegar að mynd­un nýrr­ar rík­is­stjórn­ar kemur. Ásamt Ingu mæta tveir sterk­ir fram­bjóðend­ur í þátt­inn til að fara yfir stöðuna í stjórn­mál­un­um sem rík­ir um þess­ar mund­ir. Það eru þeir Víðir Reyn­is­son, lög­reglu­v­arðstjóri og odd­viti Sam­fylk­ing­ar­inn­ar í Suður­kjör­dæmi, og Pawel Bartoszek, vara­borg­ar­full­trúi, en hann sit­ur nú í öðru sæti á lista Viðreisn­ar í Reykja­vík norður. 

Svandís Svavarsdóttir formaður VG mætir Stefáni Einari í hressilegu spjalli um pólitíkina. Í skoðana­könn­un Pró­sents í liðinni viku mæld­ist flokk­ur Svandís­ar, Vinstri­hreyf­ing­in grænt fram­boð, með sögu­lega lágt fylgi. Svo virðist sem brott­hvarf Katrín­ar Jak­obs­dótt­ur sé að draga dilk á eft­ir sér og hafi áhrif á fylgi flokks­ins í þeirri kosn­inga­bar­áttu sem nú stend­ur yfir. Svandís hyggst nú leggja allt sitt kapp á að auka fylgi flokks­ins um land allt ásamt sínu fólki og verður spenn­andi að fylgj­ast með hvernig til tekst.

Auk hennar mæta þeir Gunn­ar Úlfars­son, hag­fræðing­ur Viðskiptaráðs og Jó­hann­es Þór Skúla­son, fram­kvæmda­stjóri Sam­taka ferðaþjón­ust­unn­ar í settið og rýna helstu frétt­ir vik­unn­ar þar sem mest hef­ur farið fyr­ir stjórn­mál­un­um.  Þá fer Andrés Magnús­son, full­trúi rit­stjóra á Morg­un­blaðinu, yfir nýj­ustu töl­ur úr könn­un Pró­sents í þætt­in­um sem snerta á fylgi flokk­anna og þykja nýj­ustu töl­ur tíðind­um sækja. 

Arn­ar Þór Jóns­son, er formaður hins nýja Lýðræðis­flokks. Hann vill fá umboð til þess að um­bylta pen­inga­markaðnum á Íslandi, taka á djúpríkinu og í viðtalinu kynn­ir hann leiðir til þess að draga úr verðbólgu.

Auk hans eru þær mætt­ar í Há­deg­is­mó­ana, þing­kon­urn­ar Þór­unn Svein­bjarn­ar­dótt­ir og Lilja Rann­veig Sig­ur­geirs­dótt­ir. Flokk­ur Þór­unn­ar er á mik­illi sigl­ingu og mæl­ist trekk í trekk með 24% fylgi eða meira. Á sama tíma er Fram­sókn­ar­flokk­ur­inn, flokk­ur Rann­veig­ar, í kröpp­um dansi og í sum­um könn­un­um virðist hann á barmi þess að falla út af þingi. Það eru mik­il tíðindi fyr­ir elsta stjórn­mála­flokka lands­ins.

Þær stöll­ur ræða stöðuna í stjórn­mál­un­um heima og Þór­unn fer meðal ann­ars yfir ný­lega uppá­komu þar sem Kristrún Frosta­dótt­ir, formaður Sam­fylk­ing­ar­inn­ar, talaði niður til Dags B. Eggerts­son­ar í tölvu­póst­sam­skipt­um við kjós­anda.

Leiðtogaviðtölin halda áfram og að þessu sinni er gest­ur Spurs­mála Lenya Rún Taha Karim, sem vann fræk­inn sig­ur í próf­kjöri Pírata í Reykja­vík þar sem hún skaut reynslu­mikl­um sitj­andi þing­mönn­um aft­ur fyr­ir sig.

Í viðtal­inu er rætt við Lenyu um stefnu Pírata í mál­um sem tengj­ast heil­brigðisþjón­ustu, skatt­heimtu, stöðu út­lend­inga og hæl­is­leit­enda og margt fleira.

Áður en að því kem­ur mæta þeir Bergþór Ólason, þing­flokks­formaður Miðflokks­ins og Brynj­ar Ní­els­son, fyrr­um alþing­ismaður fyr­ir Sjálf­stæðis­flokk­inn á vett­vang og ræða stöðuna í stjórn­mál­un­um og glóðheit­ar töl­ur úr nýj­ustu könn­un Pró­sents. Það er könn­un sem unn­in er fyr­ir Morg­un­blaðið og mbl.is.

Sanna Magda­lena Mörtu­dótt­ir, borg­ar­full­trúi og leiðtogi Sósí­al­ista­flokks Íslands í kom­andi þing­kosn­ing­um, sit­ur fyr­ir svör­um í nýj­asta þætti Spurs­mála.

AUk hennar mæta þing­fram­bjóðend­urn­ir Snorri Más­son, sem sæk­ist eft­ir odd­vita­sæti á lista Miðflokks­ins í Reykja­vík, og Guðmund­ur Ari Sig­ur­jóns­son, sem að öllu óbreyttu mun skipa annað sæti á lista Sam­fylk­ing­ar­inn­ar í Suðvest­ur­kjör­dæmi.

Vegna kom­andi þing­kosn­inga þann 30. nóv­em­ber verða tveir þætt­ir af Spurs­mál­um í hverri viku fram að kosn­ing­um, á þriðju­dög­um og föstu­dög­um.

Meðal ann­ars verður rætt við for­menn flokk­anna og hina ýmsu odd­vita.

Jón Gunn­ars­son, fyrr­ver­andi ráðherra, mætir Þór­dísi Kol­brúnu Reyk­fjörð Gylfa­dótt­ur, ut­an­rík­is­ráðherra og vara­for­manni Sjálf­stæðis­flokks­ins, í póli­tísku ein­vígi í nýj­asta þætti Spurs­mála. Er þetta í fyrsta sinn sem þau Jón og Þór­dís mæt­ast eft­ir að hún til­kynnti um fram­boð sitt en bæði ætla þau sér annað sætið á lista Sjálf­stæðis­flokks­ins í Krag­an­um.

Til að ræða helstu frétt­ir vik­unn­ar og nýj­ustu vend­ing­ar á vett­vangi stjórn­mál­anna mæta þau Stefán Páls­son, sagn­fræðing­ur og vara­borg­ar­full­trúi Vinstri Grænna, og Sonja Lind Estrajher Eygló­ar­dótt­ir, aðstoðarmaður heil­brigðisráðherra, í settið.

Þá fer Andrés Magnús­son, full­trúi rit­stjóra á Morg­un­blaðinu, yfir nýj­ustu töl­ur í skoðana­könn­un Pró­sents sem benda til mik­ill­ar fylg­is­breyt­ing­ar eft­ir að upp úr rík­is­stjórn­ar­sam­starf­inu flosnaði síðustu helgi.

Gest­ir þátt­ar­ins að þessu sinni eru þau Áslaug Arna Sig­ur­björns­dótt­ir, há­skóla-, iðnaðar- og ný­sköp­un­ar­ráðherra, Bergþór Ólason, þing­flokks­formaður Miðflokks­ins, og Íris Ró­berts­dótt­ir, bæj­ar­stjóri í Vest­manna­eyj­um.

Hvaða áherslu­mál hyggst Jón Gn­arr setja á odd­inn í stjórn­mála­starfi inn­an Viðreisn­ar? Er stefnu­skrá flokks­ins leiðar­vís­ir­inn eða hyggst hann fara sín­ar eig­in leiðir. Þetta kem­ur í ljós í viðtali á vett­vangi Spurs­mála.

Ný­verið lýsti Jón því yfir að hann hygðist hasla sér völl í lands­mál­un­um á vett­vangi Viðreisn­ar.

Hann mun taka þátt í próf­kjöri og sækj­ast eft­ir leiðtoga­sæti flokks­ins í Reykja­vík. Þar sitja nú á fleti fyr­ir þær Hanna Katrín Friðriks­son og Þor­björg Gunn­laugs­dótt­ir. Sú fyrr­nefnda í Reykja­vík suður og hin í norður.

Líkt og und­an­farn­ar vik­ur hafa mörg stórtíðindi rekið önn­ur á frétta­vett­vangi. Til þess að ræða þau mál mæta þau Áslaug Hulda Jóns­dótt­ir, aðstoðarmaður ráðherra og fyrr­um bæj­ar­full­trúi Sjálf­stæðis­flokks­ins í Garðabæ og sr. Ólaf­ur Jó­hann Borgþórs­son, sókn­ar­prest­ur í Selja­kirkju sem nú hef­ur verið ráðinn fram­kvæmda­stjóri Herjólfs, sem sigl­ir milli lands og æsku­stöðva prests­ins, Vest­manna­eyja.

Sig­urður Ingi Jó­hanns­son, fjár­mála- og efna­hags­ráðherra, sit­ur fyr­ir svör­um í nýj­asta þætti Spurs­mála. Auk hans mæta þau Krist­ín Gunn­ars­dótt­ir einn þátta­stjórn­andi hlaðvarps­ins Komið gott og Björn Ingi Hrafns­son rit­stjóri Vilj­ans til að rýna helstu frétt­ir líðandi viku.

Sigmundur Davíð Gunnlaugsson formaður Miðflokksins situr fyrir svörum. Fylgi Miðflokks­ins hef­ur sjald­an eða aldrei mælst hærra en ný­leg­ar skoðanakann­an­ir gefa sterk­lega til kynna að fylgi flokks­ins fari nú með him­inskaut­um en enn er óvíst hvenær til kosn­inga kem­ur. Að svo stöddu virðist svo vera að út­hald rík­is­stjórn­ar­inn­ar sé sleitu­laust þrátt fyr­ir að gustað hafi um rík­is­stjórn­ar­sam­starfið á kjör­tíma­bil­inu.

For­ingj­ar stjórn­mála­flokk­anna hafa nú tekið sér stöðu á vett­vangi stjórn­mál­anna. Enda ekki seinna vænna því inn­an árs munu lands­menn ganga að kjör­borðinu á nýj­an leik og velja sér nýja for­ystu sem kann að hugn­ast land­an­um bet­ur. 

Lagðar verða ýms­ar spurn­ing­ar fyr­ir Sig­mund Davíð um stjórn­ar­sam­starfið og hvers sé að vænta í póli­tík­inni á kom­andi miss­er­um.

Fjör­leg yf­ir­ferð á frétt­um vik­unn­ar

Margt hef­ur dregið til tíðinda í vik­unni. Verður það í hönd­um þeirra Ingu Sæ­land, for­manns Flokks fólks­ins, og Jón Gunn­ars­son­ar, þing­is­manns Sjálf­stæðis­flokks­ins og fyrr­ver­andi dóms­málaráðherra, að fara yfir helstu frétt­ir í líðandi viku. Bú­ast má við að mikið fjör fær­ist í leik­ana þegar þessi tvö mæta í settið og rýna helstu frétt­ir með sín­um eig­in skoðanagler­aug­um.

Heiðrún Lind Marteinsdóttir, framkvæmdastjóri Samtaka fyrirtækja í sjávarútvegi, situr fyrir svörum  í nýjasta þætti Spursmála. Lagabreytingatillögur Bjarkeyjar Olsen Gunnarsdóttur matvælaráðherra hafa að undanförnu hlotið mikla gagnrýni af hálfu forsvarsmanna SFS og verður Heiðrún Lind meðal annars krafin svara um rétt og sanngjörn afgjöld fyrir sjávarauðlindina við strendur Íslands.

Þau Þorbjörg Sigríður Gunnlaugsdóttir, þingkona Viðreisnar, og Vilhjálmur Birgisson, formaður Starfsgreinasambandsins, mæta einnig í settið og rýna í það sem helst bar á góma í fréttum líðandi viku; setningu þingsins, stefnuræðu forsætisráðherra, mótmæli launafólks á Austurvelli og margt fleira. 

Grím­ur Atla­son, fram­kvæmda­stjóri Geðhjálp­ar, og Tryggvi Hjalta­son, formaður hug­verkaráðs og höf­und­ur ný­legr­ar skýrslu um stöðu drengja í ís­lensku mennta­kerfi, sitja fyr­ir svör­um í nýj­asta þætti Spurs­mála.

Í kjöl­far hnífa­árás­ar­inn­ar í miðborg Reykja­vík­ur á Menn­ing­arnótt þar sem ung stúlka týndi lífi sínu og fleiri ung­menni særðust hafa marg­ar spurn­ing­ar vaknað um hvers kon­ar sam­fé­lags­breyt­ing­ar eru að eiga sér stað hér á landi.

Í þætti dags­ins ræða þeir Grím­ur og Tryggvi tæpitungu­laust um af­leiðing­ar stór­auk­ins vopna­b­urðar, óör­yggi og van­líðan barna og með hvaða hætti hægt sé að sporna við þess­ari vá­legu þróun. Enda um risa­vaxið mál að ræða sem snert­ir allt sam­fé­lagið í heild.

Pírat­inn Björn Leví Gunn­ars­son fer yfir helstu tíðindi í líðandi viku ásamt Teiti Birni Ein­ars­syni, þing­manni Sjálf­stæðis­flokks­ins, og á nógu er að taka.

Storma­sam­ur kosn­inga­vet­ur virðist vera í vænd­um. Sjálf­stæðis­flokk­ur­inn á nú und­ir högg að sækja eft­ir að í ljós kom að fylgi flokks­ins mæl­ist í sögu­legu lág­marki.

Enn er margt á huldu um það hvernig fjár­magna skuli borg­ar­lín­una. Til að varpa ljósi á málið mæta Ásdís Kristjáns­dótt­ir, bæj­ar­stjóri og Davíð Þor­láks­son, fram­kvæmda­stjóri Betri sam­gangna í Spurs­mál.

Líkt og fram hef­ur komið stefna stjórn­völd á að verja 311 millj­örðum króna í sam­göngusátt­mála á höfuðborg­ar­svæðinu fram til árs­ins 2040. Enn er þess beðið að ljósi verði varpað á hvernig verk­efnið verður fjár­magnað en ljóst er að nýj­ar álög­ur verða að veru­leika, gangi fyr­ir­ætlan­ir yf­ir­valda eft­ir.

Ný Mas­kínu­könn­un sýn­ir að fylgi Sjálf­stæðis­flokks­ins er í frjálsu falli og hef­ur aldrei í 95 ára sögu hans mælst viðlíka lágt. Á sama tíma fara Miðflokk­ur­inn og Sam­fylk­ing­in með him­inskaut­um og margt bend­ir til þess að Sósí­al­ist­ar muni ná mönn­um inn á þing meðan VG sitji eft­ir með sárt ennið.

Til þess að ræða þessa stöðu, ásamt þróun stjórn­mála­ástands­ins í Banda­ríkj­un­um, mæta þau Ólína Kjer­úlf Þor­varðardótt­ir, for­seti fé­lags­vís­inda­deild­ar Há­skól­ans á Bif­röst og Her­mann Nökkvi Gunn­ars­son, blaðamaður á Morg­un­blaðinu, á vett­vang og ræða frétt­ir vik­unn­ar.

Ásmundur Einar Daðason barna- og menntamálaráðherra mætir í Spursmál til að fara yfir stöðuna í íslensku menntakerfi.

Alþjóðleg­ir mæli­kv­arðar sýna að ís­lensk grunn­skóla­börn standa flest­um öðrum börn­um á OECD svæðinu langt að baki þegar kem­ur að lesskiln­ingi, stærðfræðikunn­áttu og þekk­ingu á nátt­úru­vís­ind­um. Staðan hef­ur versnað hratt allt frá ár­inu 2009 þegar sam­ræmd próf voru lögð af.

Ásmund­ur Ein­ar hef­ur boðað mikl­ar breyt­ing­ar á mennta­kerf­inu sem hann seg­ir ætlaðar til þess að bæta ástandið. Marg­ir hafa tjáð sig um þessi mál að und­an­förnu og hart hef­ur verið tek­ist á. Í ít­ar­legu viðtali svarar ráðherrann fyr­ir ákv­arðanir sín­ar og einnig það hvað valdið hef­ur því að ekk­ert Evr­ópu­ríki, að Grikklandi und­an­skildu, kem­ur verr út í PISA-könn­un­um en Ísland.

Mikið hefur gengið á í íslensku samfélagi í vikunni og þau Hólmfríður María Ragnhildardóttir blaðamaður á Morgunblaðinu og Eyþór Arnalds framkvæmdastjóri og fyrrum oddviti Sjálfstæðisflokksins í Reykjavík og Árborg koma í settið til að ræða um menntamálin, eldgos og sitthvað fleira.

Í þættinum situr Einar Þorsteinsson borgarstjóri Reykjavíkur fyrir svörum. Kastljósinu er beint að íbúðaupp­bygg­ingu í borg­inni, vandaræðagangi með leik­skóla­hús­næði og biðlista eft­ir pláss­um sem hon­um hlýst. Þá er Ein­ar einnig spurður út í nýj­ar upp­lýs­ing­ar um him­in­há­ar or­lofs­greiðslur sem frá­far­andi borg­ar­stjóri, Dag­ur B. Eggerts­son, fékk í vasa sinn vegna ónýttra or­lofs­daga ára­tug aft­ur í tím­ann.

Að auki mæta þau Sig­ríður Á. And­er­sen, fyrr­um dóms­málaráðherra og Stefán Páls­son, sagn­fræðing­ur og vara­borg­ar­full­trúi, til leiks og ræða frétt­ir vik­unn­ar og það helsta sem borið hef­ur til tíðinda á liðnu sumri. Spjallið er líflegt enda eru þau Sig­ríður og Stefán á sitt­hvor­um enda hins póli­tíska lit­rófs.

Haf­dís Hrönn Haf­steins­dótt­ir, lög­fræðing­ur og þingmaður Fram­sókn­ar­flokks­ins, mæt­ir í þáttinn ásamt Arn­ari Sig­urðssyni eig­anda San­te þar sem þau tak­ast á um nú­gild­andi áfeng­is­lög. Málaflokkurinn hefur verið í kastljósi eft­ir að ÁTVR höfðaði mál gegn smá­sölu áfeng­is á net­inu sem síðar var vísað frá.

Til að fara yfir það sem helst dró til tíðinda í vik­unni sem senn er á enda mæta þau Jón Axel Ólafs­son, út­varps- og at­hafnamaður, og Fann­ey Birna Jóns­dótt­ir, dag­skrár­stjóri Rás­ar 1, í settið þar sem fyrstu for­se­takapp­ræður Don­alds Trump og Joes Biden ber á góma.

Ákvörðun Lilju Daggar Alfreðsdóttur um að hækka fjár­fram­lög til lista­manna­launa hef­ur hlotið tals­verða gagn­rýni und­an­farið. Hef­ur því verið haldið fram að frem­ur frjáls­lega sé farið með al­manna­fé í því til­liti og ákvörðunin ekki í takti við rétta for­gangs­röðun fjár­heim­ilda.

Í þætt­in­um verður margt fleira til umræðu og verður ráðherra gert að svara krefj­andi spurn­ing­um um stöðu ferðaþjón­ust­unn­ar, lista­manna­laun­in, rík­is­fjár­mál­in, ís­lenska tungu og annað sem teng­ist störf­um henn­ar sem ráðherra. Þau Helga Vala Helga­dótt­ir, lögmaður og fyrr­ver­andi þingmaður Sam­fylk­ing­ar­inn­ar og Bergþór Ólason, þing­flokks­formaður Miðflokks­ins, mæta í settið til að fara yfir það helsta sem þótti draga til tíðinda í líðandi viku.

Dag­ur B. Eggertsson hef­ur setið und­ir tölu­verðri gagn­rýni að und­an­förnu fyr­ir embætt­is­færsl­ur í borg­ar­stjóratíð sinni.

Því hef­ur verið haldið fram að Reykja­vík­ur­borg hafi veitt olíu­fé­lög­um und­anþágur á gjöld­um sem nema millj­örðum króna með því að kom­ast hjá að greiða innviðagjöld né bygg­inga­rétt­ar­gjöld á reit­um sem þau hyggj­ast byggja á.

Stefán Einar knýr á svör um þetta og fleira í þættinum og þá mun Þorsteinn Pálsson fyrrverandi forsætisráðherra fara yfir landslagið í pólitíkinni bæði hér heima og erlendis.

Bjarni Benediktsson nýskipaður forsætisræðherra fer yfir málin með Stefáni Einari. Til umræðu er rík­is­stjórn­ar­sam­starfið, rík­is­fjár­mál­in, ný­kjör­inn for­seti, hval­veiðar og hæl­is­leit­enda­mál svo eitt­hvað sé nefnt. 

Stór mál hafa beðið af­greiðslu í þing­inu und­an­farið en ný yf­ir­staðnar for­seta­kosn­ing­ar höfðu áhrif á störf þing­manna og rík­is­stjórn­ar sem nú er sögð hanga á bláþræði eft­ir brott­hvarf Katrín­ar Jak­obs­dótt­ur.

Auk hans koma þau Gunn­ar Bragi Sveins­son­ fyrr­ver­andi ráðherra og Sandra Hlíf Ocares vara­borg­ar­full­trúi Sjálf­stæðis­flokks­ins og fara yfir það sem komst í há­mæli í vikunni.

Þau Edda Her­manns­dótt­ir markaðs- og sam­skipta­stjóri hjá Íslands­banka, Sindri Sindra­son fjöl­miðlamaður og Andrés Jóns­son al­manna­teng­ill mæta í settið og rýna í stöðuna sem nú blas­ir við á loka­metr­um kosn­inga­bar­átt­unn­ar. Miðað við niður­stöður síðustu skoðanakann­ana gæti verið að fram und­an séu mest spenn­andi kosn­ing­ar síðustu ára­tugi.

Eld­fjalla­fræðing­ur­inn Ármann Hösk­ulds­son ræðir við Stefán Ein­ar Stef­áns­son um um elds­um­brot­in en eins og alþjóð veit þá hóft nýtt eld­gos í Sund­hnúkagígaröðinni á miðviku­dag.

Und­an­farið hef­ur fram­boð Arn­ars vakið mikið um­tal. Einna helst eft­ir að Arn­ar Þór kærði Hall­dór Bald­urs­son skopteikn­ara til siðanefnd­ar Blaðamanna­fé­lags Íslands á dög­un­um.

Þá hafa hug­sjón­ir Arn­ars og and­óf hans á ríkj­andi stjórn­ar­fari og for­ræðis­hyggju rík­is­valds­ins einnig verið í umræðunni síðastliðna daga. Hef­ur hann hlotið þó nokkra gagn­rýni vegna af­stöðu sinn­ar til þung­un­ar­rofs og bólu­setn­inga en Arn­ar Þór gef­ur sig út fyr­ir að vera mik­ill talsmaður fyr­ir frelsi ein­stak­lings­ins.

Halla Tóm­as­dótt­ir for­setafram­bjóðandi sit­ur fyr­ir svör­um í nýj­asta þætti Spurs­mála und­ir stjórn Stef­áns Ein­ars Stef­áns­son­ar.

Líkt og í fyrri þátt­um verður Höllu gert að svara krefj­andi spurn­ing­um. Beint verður að henni spurn­ing­um sem snúa að skyld­um for­set­ans og því sem kem­ur í hlut­skipti hans út frá bak­grunni henn­ar sem for­stjóri alþjóðlegu sjálf­seign­ar­stofn­un­ar­inn­ar B Team.

Fyr­ir­tækið B Team er vett­vang­ur stjórn­mála-, viðskipta- og áhrifa­fólks víðs veg­ar um heim með höfuðstöðvar í New York. Stofn­andi B Team, Rich­ard Bran­son, hef­ur verið um­deild­ur í gegn­um tíðina og hlotið gagn­rýni fyr­ir tví­mæli í stefnu sinni um lofts­lags­mál. Þá hef­ur hann einnig verið sakaður um skattsvik.

Berg­lind Ósk Guðmunds­dótt­ir þing­kona Sjálf­stæðis­flokks­ins í Norðaust­ur­kjör­dæmi og sr. Grét­ar Hall­dór Gunn­ars­son prest­ur í Kópa­vogs­kirkju mæta í settið til að fara yfir þær frétt­ir sem komust í há­mæli í vik­unni sem er að líða.

Jón Gnarr svarar krefj­andi spurn­ing­um er varða fortíð hans og bak­grunn sem einn vin­sæl­asti grín­isti lands­ins í sam­hengi við fram­boð hans til embætt­is for­seta Íslands.

Einnig var knúið á um svör hvers kon­ar hug­sjón­ir Jón hef­ur á for­seta­embætt­inu og með hvaða hætti hann kem­ur til með að beita sér í því verði hann kjör­inn.

Fjöl­miðlamaður­inn Frosti Loga­son og Sanna Magda­lena Mörtu­dótt­ir borg­ar­full­trúi Sósí­al­ista­flokks­ins mættu í settið til að fara yfir stærstu frétta­mál­in sem upp komu í vik­unni.

Lagðar eru krefj­andi spurn­ing­ar fyr­ir Höllu Hrund í þætt­in­um er tengj­ast valdsviði for­set­ans og knúið á um svör hvers kon­ar for­seti hún hyggst verða nái hún kjöri. Þar verða mál­skots­rétt­ur­inn, stjórn­ar­skrá­in, tungu­málið og margt annað sem kem­ur í hlut­skipti for­set­ans til umræðu. 

Vafi hef­ur leikið á tengsl­um Orku­stofn­un­ar við verk­taka sem starfa nú í kosn­ingat­eymi Höllu Hrund­ar.

Þykir mörg­um spurn­ing­um ósvarað hvað tengsl­in varðar og hug­mynd­ir uppi um að þau séu af óvenju­leg­um toga sé tekið mið af nán­um tengsl­um henn­ar við Orku­stofn­un þar sem hún hef­ur verið hæ­stráðandi fram til þessa.

Yf­ir­ferð á frétt­um vik­unn­ar verður í góðum hönd­um í þætt­in­um. Eva Dögg Davíðsdótt­ir nýr þingmaður Vinstri Grænna mæt­ir í settið ásamt Guðmundi Árna Stef­áns­syni vara­for­manni Sam­fylk­ing­ar­inn­ar til að ræða það sem bar hæst á góma í vik­unni sem senn er á enda.

Bald­ur Þór­halls­son for­setafram­bjóðandi sit­ur fyr­ir svör­um í Spurs­mál­um. Krefj­andi spurn­ing­um verður beint að Baldri og fram­boði hans til embætt­is for­seta Íslands.

Auk Bald­urs mæta þau Hall­dór Hall­dórs­son, for­stjóri Íslenska kalkþör­unga­fé­lags­ins, og Stef­an­ía Óskars­dótt­ir, lektor í stjórn­mála­fræði, í settið til að fara yfir helstu frétt­ir líðandi viku. 

Katrín Jak­obs­dótt­ir, for­setafram­bjóðandi og fyrr­ver­andi for­sæt­is­ráðherra, sit­ur fyr­ir svör­um í nýj­asta þætti Spurs­mála.

Er þetta fyrsta stóra viðtalið sem Katrín veit­ir eft­ir að hún ákvað að gefa kost á sér til embætt­is for­seta Íslands.

Auk Katrín­ar mæta þau Börk­ur Gunn­ars­son, kvik­mynda­gerðarmaður og fyrr­ver­andi upp­lýs­inga­full­trúi hjá NATO, og Ásdís Kristjáns­dótt­ir, bæj­ar­stjóri Kópa­vogs, í settið og rýna helstu frétt­ir líðandi viku.

Bú­ast má við að upp­lýs­andi umræða skap­ist um átök­in sem eiga sér stað fyr­ir botni Miðjarðar­hafs. Fregn­ir af árás­um Írans og Ísra­el í báðar átt­ir eru mikið áhyggju­efni fyr­ir heims­byggðina og vekja upp ýms­ar spurn­ing­ar hér á landi sem og ann­ars staðar. 

Þá hef­ur þróun rík­is­fjár­mál­anna einnig skotið upp koll­in­um í vik­unni sem verður komið inn á í þætt­in­um. Fjár­mál rík­is­ins brenna oft­ar en ekki á land­an­um enda um eitt stærsta hags­muna­mál þjóðar­inn­ar að ræða og margt sem þykir bet­ur mega fara í þeim efn­um.

Staðan í póli­tík­inni og ný­myndað stjórn­ar­sam­starf er í brenni­depli í Spurs­mál­um. Þau Hanna Katrín Friðriks­son, þing­flokks­formaður Viðreisn­ar, og Elliði Vign­is­son, bæj­ar­stjóri Ölfuss, mæta í settið og ræða ný­myndað rík­is­stjórn­ar­sam­starf sem hlotið hef­ur tölu­verða gagn­rýni síðustu daga. 

Brynj­ar Ní­els­son, lögmaður og fyrr­um þingmaður Sjálf­stæðis­flokks­ins, mæt­ir í settið ásamt Kol­brúnu Bergþórs­dótt­ur, blaðamanni og bóka­gagn­rýn­anda til að rýna helstu frétt­ir í liðinni viku. Mörgum þykir Brynjar vænlegur í að lýsa Eurovision-keppninni í ár í fjarveru Gísla Marteins Baldurssonar og í þættinum mun hann máta sig við hlutverkið.

Spurs­málaþátt­ur vik­unn­ar verður helgaður yf­ir­vof­andi for­seta­kosn­ing­um þar sem kafað verður ofan í kjöl­inn á þeirri for­dæma­lausu stöðu sem nú er kom­in upp í ís­lensk­um stjórn­mál­um.

Þau Jón Gunn­ars­son, þingmaður Sjálf­stæðis­flokks­ins og fyrr­ver­andi dóms­málaráðherra, Heiða Krist­ín Helga­dótt­ir, sem sit­ur í kosn­inga­stjórn hjá Jóni Gn­arr, og Snorri Más­son, rit­stjóri Rit­stjóra, mæta í settið til að ræða nýjasta útspil forsætisráðherra sem mun biðjast lausnar sem forsætisráðherra og hyggst bjóða sig fram til embættis forseta Íslands. Viðmælendur þáttarins velta fyrir sér með fróðlegum og athyglisverðum hætti hvers sé næst að vænta miðað við stöðuna sem nú er yf­ir­stand­andi.

Ásgeir Jóns­son seðlabanka­stjóri er aðalviðmæl­andi Stef­áns Ein­ars Stef­áns­son­ar í nýj­asta þætti Spurs­mála.

Pen­inga­stefnu­nefnd Seðlabank­ans til­kynnti í vik­unni um að staða stýri­vaxta héld­ist óbreytt og yrði áfram í 9,25 pró­sent­um. Ákvörðunin hef­ur valdið þó nokkru upp­hlaupi einkum í sam­hengi við ný­und­ir­ritaða kjara­samn­inga sem ætlað var að hafa áhrif á lækk­un og þróun verðbólgu. Í þætt­in­um verður krefj­andi spurn­ing­um beint að seðlabanka­stjóra um horf­urn­ar á efna­hags­markaði hér á landi.

Yf­ir­ferð á stærstu frétt­um vik­unn­ar verður í góðum hönd­um þessa vik­una. Þær Nadine Guðrún Yag­hi, sam­skipta­stjóri flug­fé­lags­ins Play, og Þór­hild­ur Þor­kels­dótt­ir, fram­kvæmda­stjóri hjá Brú Stra­tegy, mæta í settið til að rýna helstu frétt­ir líðandi viku.

Sam­hliða störf­um sín­um halda þær Nadine og Þór­hild­ur úti hlaðvarpsþátt­un­um Eft­ir­mál sem notið hafa mik­illa vin­sælda.

Í þætt­in­um tak­ast þeir Jens Garðar Helga­son aðstoðarfor­stjóri Fisk­eld­is Aust­fjarða og Jón Kal­dal, talsmaður Íslenska Nátt­úru­vernd­ar­sjóðsins og fyrr­ver­andi rit­stjóri Frétta­blaðsins á um sjókvía­eldi við strend­ur Íslands.  Þing­kon­an Diljá Mist Ein­ars­dótt­ir fer yfir fréttir vikunnar sem er að líða ásamt Mörtu Maríu Win­kel Jón­as­dótt­ur frétta­stjóra dæg­ur­mála hjá Morg­un­blaðinu sem er vitaskuld þekkt fyr­ir að vera alltaf með putt­ann á púls­in­um.

Sigmundur Davíð Gunnlaugsson, formaður Miðflokksins, og Logi Einarsson, þingflokksformaður Samfylkingarinnar, takast á um stóru mál samfélagsins í nýjasta þætti Spursmála. Þar verða útlendingamálin kapprædd, kjaramálin gerð upp og ríkisstjórnarsamstarfið rætt í þaula. 

Ekki er hægt að tala um að fréttaþurrð hafi einkennt vikuna sem senn er á enda. Þau Gerður Huld Arinbjarnardóttir, eigandi Blush, og leikarinn og fjölmiðlamaðurinn Felix Bergsson, rýna helstu fréttir líðandi viku með einstaklega fjörum og líflegum hætti.  

Þorgerður Katrín Gunnarsdóttir, formaður Viðreisnar, er aðalviðmælandi Stefáns Einars Stefánssonar í Spursmálum vikunnar. Þar ræðir hún útlendingamálin, ríkisstjórnarsamstarfið og möguleg stjórnarmynstur í náinni framtíð. Þorgerður hefur bent á að margt megi betur fara í málaflokki innflytjenda og flóttafólks en varasamt sé þó að gera útlendingamálin að kosningamáli.

Í þættinum verða fréttir vikunnar að stórum hluta tileinkaðar 35 ára afmæli bjórsins. Arnar Sigurðsson, eigandi vínverslunarinnar Santé, mætir í settið ásamt bjórsérfræðingnum Kjartani Vídó Ólafssyni, markaðsstjóra HSÍ og bruggmeistara hjá The Brothers Brewery, til að ræða sögu bjórsins og rýna helstu fréttamál liðinnar viku.

Bergþóra Þorkelsdóttir forstóri Vegagerðarinnar situr fyrir svörum um samgöngumál höfuðborgarsvæðisins í nýjasta þætti Spursmála. Framkvæmdaráætlun Fossvogsbrúar er í forgrunni þar sem knúið er á um svör við krefjandi spurningum um umfram kostnaðaráætlun og tillögu að hönnun brúarinnar. Hvort tveggja hefur hlotið mikla gagnrýni að undanförnu.

Yfirferð á helstu fréttum vikunnar verður einnig á sínum stað í þættinum. Bragi Valdimar Skúlason, orðasnillingur, þáttagerðarmaður og textasmiður með meiru mætir í settið ásamt þingkonunni Ingu Sæland, til að fara yfir þær fréttir sem voru í eldlínunni í líðandi viku. Þar kemur margt áhugavert upp úr dúrnum. 

Hvað eiga rekstr­ar­töl­ur Land­spít­al­ans, Vík­ing­ur Heiðar, Don­ald Trump, RÚV og Pípu­lagn­inga­sveit Al­manna­varna sam­eig­in­legt? Jú, allt þetta og meira er til umræðu í tólfta þætti Spursmála. 

Runólfur Pálsson forstjóri Landspítala situr fyrir svörum um rekstur spítalans í nýjasta þætti af Spursmálum. Rætt verður um stöðu spítalans í samanburði við tölur sem nýlega voru birtar úr nýju bráðabirgðauppgjöri og sýndu jákvæða afkomu.

Fréttir vikunnar verða að vanda á sínum stað. Að þessu sinni mæta þau Steinunn Sigurðardóttir rithöfundur og Sigmar Guðmundsson alþingismaður í settið til að fara yfir það sem var efst á baugi í líðandi viku. Vænta má að allt verði látið flakka í þeirri yfirferð.

Í þessum ellefta þætti af Spursmálum situr Halla Hrund Logadóttir, orkumálastjóri hjá Orkustofnun, fyrir svörum við krefjandi spurningum um þá stöðu sem upp er komin í orkumálum hér á landi. Staðan hef­ur um hríð þótt held­ur óljós og yf­ir­vof­andi orku­skort­ur á raf­orku og heitu vatni ekki úti­lokaður. Hefur orkumálastjóri sætt harðri gagnrýni að undanförnu í ljósi stöðunnar.

Ari Trausti Guðmundsson, jarðvísindamaður, og Helga Árnadóttir, framkvæmdastjóri sölu, rekstrar og þjónustu hjá Bláa lóninu, fara yfir helstu fréttir vikunnar sem að stórum hluta tengjast eldsumbrotunum á Reykjanesskaga.

Mikið hef­ur farið fyr­ir inn­flytj­enda- og flótta­manna­mál­um í sam­fé­lags­um­ræðunni síðustu daga og vik­ur. Í þætt­in­um mun Stefán Ein­ar Stef­áns­son beina krefj­andi spurn­ing­um að ráðherra í takt við þann glundroða sem virðist eiga sér stað í út­lend­inga­mál­um hér á landi. 

Einnig má bú­ast við fjör­ugri yf­ir­ferð á frétt­um vik­unn­ar þegar þau Björt Ólafs­dótt­ir, fram­kvæmda­stjóri og fyrr­um þing­kona, og Berg­ur Ebbi Bene­dikts­son, rit­höf­und­ur og grín­isti, mæta í settið og láta skoðanir sín­ar í ljós á því sem var efst á baugi í líðandi viku.

mbl.is leitaði álits lands­manna á því hvern fólk vildi helst sjá í embætti for­seta Íslands þegar Guðni Th. Jó­hann­es­son læt­ur af embætti þann 1. ág­úst næst­kom­andi.

Ríf­lega 2.500 ábend­ing­ar bár­ust á tæp­um tveim­ur sól­ar­hring­um og kenn­ir þar ým­issa grasa.

Vilhjálmur Birgisson, formaður Starfsgreinasambands Íslands og Verkalýðsfélags Akraness, er aðalviðmælandi Stefáns Einars Stefánssonar í þessum níunda þætti af Spursmálum. Mikill hiti hefur færst í kjaradeilu breiðfylkingar stéttarfélaga innan ASÍ og Samtaka Atvinnulífsins (SA) en slitnað hefur upp úr viðræðum samningsaðila og var deilunni vísað til ríkissáttasemjara í vikunni.

Dagbjört Hákonardóttir, þinkona Samfylkingarinnar, og Hermann Guðmundsson, forstjóri Kemi, fara einnig yfir helstu fréttir vikunnar undir stjórn Stefáns Einars og er svo sannarlega á nógu að taka í þeim efnum.  

Sigurður Kári Kristjánsson, stjórnarformaður NTÍ, situr fyrir svörum í áttunda þætti af Spursmálum. Í þættinum verður knúið á um svör við krefjandi spurningum um hlutverk náttúruhamfarasjóðsins og yfirvofandi aðgerðiráætlanir í ljósi atburðanna í Grindavík. Nístandi óvissa Grindvíkinga hefur sett mikinn svip á samfélagsumræðuna og ljóst að framtíð þeirra liggur í höndum ríkisstjórnarinnar og Náttúruhamfaratrygginga Íslands (NTÍ).

Auk Sigurðar Kára mæta þau Ólöf Skaftadóttir, laxabóndi og fjölmiðlakona, og Björn Ingi Hrafnsson, fjölmiðlamaður, í sett til að rýna í helstu fréttir vikunnar.

Willum Þór Þórsson, heilbrigðisráðherra, situr fyrir svörum í sjöunda þætti Spursmála undir stjórn Stefáns Einars Stefánssonar. Þar er staða heilbrigðiskerfisins höfð í brennidepli og knúið á um svör með hvaða hætti hægt sé að bæta ástand heilbrigðisþjónustunnar hér á landi.

Heiðrún Lind Marteinsdóttir, framkvæmdastjóri SFS, og Orri Páll Jóhannsson, þingflokksformaður VG, takast einnig á um helstu fréttir vikunnar og létu ólíkar skoðanir sínar í ljós á áliti umboðsmanns Alþingis um ákvörðun matvælaráðherra á frestun hvalveiða.

Ingi­björg Isak­sen þing­flokks­formaður Fram­sókn­ar­flokks­ins og Brynj­ar Ní­els­son, aðstoðarmaður dóms­málaráðherra og fyrr­um þingmaður Sjálf­stæðis­flokks­ins eru viðmæl­end­ur Stef­áns Ein­ars Stef­áns­son­ar í þessum sjötta þætti af Spursmálum. Þar takast þau á um ríkisstjórnarsamstarfið sem mörgum þykir vera að líða undir lok.

Auk Ingi­bjarg­ar og Brynj­ars ræðir Stefán Einar við Run­ólf­ Ágústs­son fram­kvæmda­stjóra og Ernu Mist Yamagata, lista­konu og pistla­höf­und um helstu frétt­ir líðandi vik­u þar sem hvort þeirra hefur sína skoðun á því sem helst bar á góma í samfélagsumræðunni.

Kjarnorkuver í Búðardal og sátt um deifikerfið.

Orku­mál­in eru í brenni­depli í Spurs­mál­um þar sem þær Björg Eva Er­lends­dótt­ir frá Land­vernd og Sig­ríður Mo­gensen frá Sam­tök­um iðnaðar­ins eru mætt­ar til að ræða um stöðuna sem er kom­in upp í orku­mál­um hér á landi.

Þá ætla þeir Tví­höfðabræður Jón Gn­arr og Sig­ur­jón Kjart­ans­son rýna í árið sem er fram und­an.

Líflegar umræður sköpuðust í Spursmálum um kjara­mál og stöðuna í aðdrag­anda kjara­samn­inga þar sem þeir Gunn­ar Smári Eg­ils­son, talsmaður Sósí­al­ista, og Sig­mar Vil­hjálms­son, at­hafnamaður og formaður At­vinnu­fjelags­ins, mættu í settið til Stef­áns Ein­ars. Í aðdrag­anda kjara­samn­inga er staða kjara­mála afar viðkvæm í ljósi mik­ill­ar verðbólgu og þá hef­ur kjara­deila flug­um­ferðar­stjóra und­an­farn­ar vik­ur sett umræðuna í nýtt sam­hengi. Í vik­unni dró svo til tíðinda þegar ekki náðist samstaða meðal aðild­ar­fé­laga Alþýðusam­bands Íslands fyr­ir kom­andi kjaraviðræður. Þá fóru þau Svan­hild­ur Hólm Vals­dótt­ir fram­kvæmda­stjóri Viðskiptaráðs og Þor­vald­ur Þórðar­son eld­fjalla­fræðing­ur yfir frétt­ir vik­unn­ar.

Guðlaug­ur Þór Þórðar­son um­hverf­is-, orku- og lofts­lags­ráðherra er aðalviðmæl­andi Stef­áns Ein­ars Stef­áns­son­ar í þriðja þætti af Spurs­málum. Guðlaug­ur Þór hef­ur hlotið þó nokkra gagn­rýni að und­an­förnu þar sem mörg­um þykir kom­in upp frem­ur neyðarleg staða í orku­mál­um sem ekki sér fyr­ir end­ann á hald­ist staðan óbreytt. Til umræðu í þættinum eru mál sem brunnið hafa á þjóðinni undanfarið; Breyt­ing­ar á raf­orku­lög­um, yf­ir­vof­andi orku­skort­ur í land­inu og niður­fell­ing á íviln­un­um á raf­bíla­kaup­um, svo eitthvað sé nefnt.

Auk Guðlaugs Þórs mæta þau Ásthild­ur Sturlu­dótt­ir bæj­ar­stjóri Ak­ur­eyr­ar og skemmtikraft­ur­inn Hall­dór Lax­ness, bet­ur þekkt­ur sem Dóri DNA, í settið til að ræða það sem bar hæst í frétt­um liðinn­ar viku með bráðskemmtilegum hætti.

Sólveig Anna Jónsdóttir formaður Eflingar og aðgerðasinni er aðalviðmælandi Stefáns Einars Stefánssonar í öðrum þætti Spursmála. Skapaðist spennuþrungið samtal þeirra á milli um starfsemi verkalýðshreyfingarinnar og stöðu vinnumarkaðarins. Auk Sólveigar Önnu ræðir Stefán Einar við þau Áslaugu Huldu Jónsdóttur, aðstoðarmann háskóla-, iðnaðar- og nýsköpunarráðherra, og Björn Brynjúlf Björnsson, hagfræðing, um það sem bar efst á góma í fréttum vikunnar með líflegum og skemmtilegum hætti.

Umsjónarmaður Spursmála er blaðamaðurinn Stefán Einar Stefánsson sem mun stýra afdráttarlausri samfélagsumræðu og fá vikulega til sín valinkunna viðmælendur í settið til að kryfja umræðuna og fara yfir málefni líðandi stundar.

Um­sjón­ar­maður Spursmála er blaðamaður­inn Stefán Ein­ar Stef­áns­son sem mun stýra af­drátt­ar­lausri sam­fé­lagsum­ræðu og fá viku­lega til sín val­in­kunna viðmæl­end­ur í settið til að kryfja umræðuna og fara yfir mál­efni líðandi stund­ar.

Þór­dís Kol­brún Reyk­fjörð Gylfa­dótt­ir, fjár­mála- og efna­hags­ráðherra, og Kristrún Frosta­dótt­ir, formaður Sam­fylk­ing­ar­inn­ar, sitja fyr­ir svör­um í þess­um fyrsta þætti. Auk þeirra ræðir Stefán Ein­ar við Ragn­hildi Sverr­is­dótt­ur, fyrr­um frétta­stjóra á Morg­un­blaðinu sem nú starfar hjá Lands­virkj­un og Snorra Más­son, rit­stjóra Rit­stjóra, um það sem var efst á baugi í líðandi viku.